Morgunblaðið - 06.12.1978, Blaðsíða 23

MORGUNBLAÐIÐ, MIÐVIKUDAGUR 6. DESEMBER 1978
23
Minning — Sigurást
Guðrún Níelsdóttir
Fædd G. nóvember 1896.
Dáin 29. nóvember 1978
Þann 6. nóvember s.l. heimsótti
ég Astu móöursystur mína, sem þá
var sjúklingur á Landspítalanum.
Haföi hún þá verið þar í nokkra
daga og var orðin svo til rænulaus.
Þennan dag fyrir 82 árum fæddist
hún að Hólslandi í Eyjahreppi.
Foreldrar hennar voru hjónin
Níels Ólafsson og Marsibil Katrín
Sigurðardóttir og var Asta yngst
sex barna þeirra. Hin systkinin
voru: Margrét, sem búsett var í
Keflavík; Magnús, búsettur í
Reykjavík; Salbjörg í Kópavogi;
Sæmundur, útgerðarmaður í
Grindavík og Ólafía í Reykjavík.
Eru nú öll þessi systkini látin.
Níels, faðir Ástu, var annálaður
dugnaðarforkur og eru til ýmsar
sögur um röskleika hans, ekki sízt
í ýmsum ferðum, þegar mikið lá
við. Marsibil, kona hans, var
heilsutæp mjög í mörg ár og lézt
hún árið 1906 og var Ásta þá
aðeins 10 ára gömul. Foreldrar
hennar voru þá fluttir að Traða-
búð í Staðarsveit og í Staðarsveit-
inni var Ásta í nokkur ár eftir það
og átti sú sveit alltaf mikil itök í
henni. S.l. sumar fór hún þar um
fornar 'slóðir og kom m.a. að
Staðarstað, þar sem móðir hennar
er grafin. Henni þótti mjög vænt
um að hafa fengið tækifæri til að
koma þar enn einu sinni og sagði,
að þetta væri í síðasta sinn sem
hún kæmi þangað. Hún reyndist
sannspá.
Til Reykjavíkur fluttist Ásta um
1914 og tíu árum seinna giftist hún
Guðmundi Jónssyni símamanni,
sem lengi var verkstjóri hjá
Bæjarsíma Reykjavíkur, og bjuggu
þau mestallan sinn búskap á
Laugavegi 141 í Reykjavík og þar
hófu öll börn þeirra sinn búskap.
Þau hjónin eignuðust fjögur börn.
Elztur þeirra er Karl íþrótta-
kennari við Kennaraháskóla
Islands — hann er kvæntur Sigríði
Stefánsdóttur frá ísafirði; þá er
Guðmundur verzlunarmaður,
kvæntur Vilhelmínu Magnús-
dóttur frá Seyðisfirði, og Steinn,
kennari við Iðnskólann í Reykja-
vík, kvæntur Önnu Þorvaldsdóttur
úr Arnarfirði. Yngst er Marsibil
Katrín — hennar maður er Jónas
Ragnarsson, stýrimaður á Háa-
fossi. Synirnir voru allir kunnir
knattspyrnumenn á sínum tíma og
hafa látið sig málefni knatt-
spyrnuhreyfingarinnar miklu
varða.
Guðmundur lézt 21. febrúar 1966
og varð það Ástu mjög þungt áfall.
Ásta var ættrækin mjög og
margan fróðleik mátti sækja til
hennar um ætt okkar. Er ég fór að
glugga í gögn á Þjóðskjalasafninu
í því skyni að fræðast meira um
ættina og forfeður okkar, fylgdist
hún með af lifandi áhuga og
hringdi þá oft í mig til að vita
hvers ég hefði orðið vísari. Oft
veitti hún mér glöggar og góðar
upplýsingar og snéri mér eitt sinn
á rétta braut, er ég var komin á
villigötur í ættfræðinni.
Mannblendin var Ásta og hafði
gaman af að hitta fólk og blanda
geði við það. Hún tók mikinn þátt í
félagsstarfi aldraðra, sótti sam-
komur þeirra af hinum mesta
dugnaði, fór út á land í orlof og
tvisvar fór hún til sólarlanda með
öldruðum. Hún var yfirleitt
heilsugóð þar til nú í haust. Fyrir
fimm vikum fór hún á Lands-
spítalann og lézt þar, 29. nóv. eftir
að hafa verið rænulaus í u.þ.b.
þrjár vikur.
Nú að leiðarlokum vil ég bera
fram þakkir mínar og fjölskyldu
minnar fyrir tryggð og vináttu
frænku minnar, og börnum hennar
og barnabörnum færum við
samúðarkveðj ur.
Far þú í friði,
friður Guðs þÍK blessi,
hafðu þökk fyrir allt ok allt.
V. Briem.
Jóh. Bj.
Bókin Frjálshyggja og alræöishyggja er
hlutlæg skilgreining á tveimur megin-
stefnum stjórnmálanna fyrr og síöar —
annars vegar hvort einstaklingurinn eigi
aö ákveöa sjálfur markmiö sín, orö og
athafnir, eöa hvort ríkisvald og stjórn-
endur eigi aö ákveöa þaö fyrir hann.
Gerö er grein fyrir fræöilegum grund-
velli þessara andstæöu stefna og hvaöa
þjóöfélagslegum forsendum þær hljóta
aö byggja á hvor fyrir sig.
Aö lokum er gerö nokkur úttekt á
íslenzku þjóöfélagi á okkar dögum á
grundvelli þeirra niöurstaöna, sem
komizt er aö í bókinni.
„Bókin er skrifuö í þeirri von“ segir
höfundur formála, „aö þau sjónarmiö,
sem þar eru sett fram, geti stuölaö aö
málefnalegri umræöum um grundvallar-
atriöi efnahags- og félagsmála en nú
tíökast á vettvangi íslenzkra stjórnmála."
Almenna bókafélagiö
Austurstræti 18. Bolholti 6.
sími 19707 sími 32620