Morgunblaðið - 28.12.1978, Blaðsíða 5

MORGUNBLAÐIÐ, FIMMTUDAGUR 28. DESEMBER 1978
5
Fjárhagsáætlun Njarðvíkur:
Tekjur hækka um
156 milljónir kr.
FJÁRHAGSÁÆTLUN
Njarðvíkur fyrir árið 1979
hefur verið tekin til fyrstu
umræðu í bæjarstjórninni
og er gert ráð fyrir að
tekjur nemi 572 milljónum
króna á næsta ári en voru í
ár 416 milljónir og er það
því 37,4% hækkun.
Helztu tekjuliðir eru útsvar 280
milljónir, aðstöðugjöld 75 m. kr.,
fasteignaskattur 61 m. kr. og
jöfnunarsjóðsgjald 47 milljónir.
Af helztu gjaldaliðum má nefna
til menntamála 70 milljónir,
heilbrigðis- og tryggingamála 40
m. kr., félags- og íþróttamála 22
m. kr., reksturs stofnana 60 m. kr.,
eignabreytinga 45 m. kr. og
gatnagerðar 70 m. kr.
Samkvæmt áætluninni er ráð-
gert að útsvarsálagning verði 11%
og fasteignaskattsálagning 0,475%
af íbúðarhúsnæði og 0,95 af öðru
húsnæði.
Greenpeace:
Árás Frakkans ekki í
tengsluin við samtökin
GRENNPEACE;samtökin hafa
skrifað Þórði Ásgeirssyni bréf
þar sem harmað er að hann skuli
hafa látið að þvf liggja f blaða-
fregnum að Roger de la Grand-
iere, sá er skvetti vökva á Þórð
fyrir nokkru. sé hugsanlega í
einhverjum tengslum við Grenn-
peace-samtökin.
Segir Allan Thornton í bréfi
sínu, að þessi árás de la Grandiere
sé ekki í neinum tengslum við
samtökin og þau harmi hana, enda
sé hún ekki í anda baráttuaðferðar
þeirra og sé fremur.til að spilla
málstað þeirra og minni að því
leyti á atburðinn er nokkrir
Japanir skvettu á fulltrúa í
Alþjóðahvalveiðinefndinni á fundi
hennar í London fyrr á árinu sem
Green-peace' áttu heldur enga
aðild að segir í bréfi Thorntons, en
Mbl. barst nýlega ljósrit af því.
Talsvert tjón á barna-
skóla vegna vatnselgs
ALLMIKIÐ tjón varð í barna-
skólanum við Sólvallagötu í
Keflavík um hátíðarnar er vatns-
rör gáfu sig í nýlegri kennslu-
álmu. Loft skemmdust í álmunni
og dúkar á gólfum, en strax f gær
var byrjað að gera við
skemmdirnar og er stefnt að því
að bráðabirgðaviðgerð verði
lokið er skólar hefjast á ný að
loknum jólaleyfum.
Kennsluálma sú sem hér um
ræðir var byggð við skólann fyrir
nokkrum árum og eru í henni 4
kennslustofur, þar af 2 sér-
kennslustofur. í sumar var lögð
ný vatnslögn fyrir ofan tréloft í
áimunni, sem er einnar hæðar.
Var þar um að ræða lagnir fyrir
heitt og kalt neyzluvatn.
Farið var úr skólanum um
klukkan 15 á aðfangadag, en er
einn kennara skólans átti þangað
erindi á jóladagskvöld var um 10
sm vatnselgur um öll gólf í
álmunni. Við athugun kom í ljós
að yfir einni stofunni höfðu bæði
heita- og kaldavatnslagnir sprung-
ið. Plötur í loftum skemmdust
vegna vatnsins, dúkar losnuðu á
gólfum og í einni stofunni varð
tjón á tækjum til kennslu í
handavinnu fyrir stúlkur.
Byrjað var á viðgerðum strax í
gær og að sögn fréttaritara
Morgunblaðsins í Keflavík er
stefnt að því að ljúka bráðabirgða-
viðgerð að minnsta kosti áður en
skólinn tekur til starfa að nýju að
loknum jólaleyfum. Ljóst er að
tjón er talsvert, en vatnsskaða-
trygging er ekki á skólahúsinu.
Þrír lagabálkar í
gildi um áramótin
ÞRENN lög taka gildi um næstu
áramót, en þau hafa verið sam-
ykkt á Alþingi. tvenn á síðasta
þingi og eiir á yfirstandandi
þingi.
Lögin er samþykkt voru á
síðasta þingi eru lög um hlutfélög,
en hluti þeirra tekur gildi hinn 1.
janúar n.k. og hluti þeirra ekki
fyrr en 1. janúar 1980. Þá taka
gildi lög um byggingamál hinn 1.
janúar n.k. og ný skattalög er hafa
verið til umræðu á yfirstandandi
þingi og samþykkt en þau eiga að
koma til framkvæmda við álagn-
ingu fyrir árið 1978.
Byggingavísitalan hækkaði
um 7,5% septemb.-desemb.
HAGSTOFAN hefur reiknað vísi-
tölu byggingarkostnaðar eftir
verðlagi í fyrri hluta desember
1978 og reyndist hún vera 258,18
stig, sem lækkar í 258 stig (október
1975=100). Gildir þessi vísitala á
tímabilinu janúar — mars 1979.
Samsvarandi vísitala miðuð við
eldri grunn er 5126 stig og gildir
hún einnig á tímabilinu janúar —
mars 1979, þ.e. til viðmiðunar við
vísitölur á eldra grunni (1. okt.
1955=100).
Samsvarandi vísitölur reiknaðar
eftir verðlagi í fyrri hluta septem-
ber 1978 og með gildistíma október
— desember 1978 voru 240 stig og
2767 stig. Hækkun frá september
til desember 1978 er 7,5%.
(Fréttatilk.)
(Ljósm. Kristinn).
Jólaböllin eru í algleymingi þessa dagana og prúðbúnu unga fólkinu gefst þar tækifæri til að heilsa
upp á jólasveininn í eigin persónu. Ánægjusvipurinn leynir sér ekki á mörgum andlitanna en ekki er
laust við að önnur lýsi öryggisleysi í návist þessa rauðklædda heiðursmanns.
Vöruskiptajöfnuður óhagstæður
um 2,769 milljarða kr. í nóvember
Vöruskiptajöfnuður
landsmanna var óhagstæð-
ur í nóvember um 2.769
milljarða kr. en um 5.094
m. kr. í nóvember í fyrra
og er hann orðinn óhag-
stæður um 12.477 milljarða
kr. fyrstu 11 mánuði ársins
en var á sama tíma í fyrra
óhagstæður um 14.151
milljarða kr.
Ál og álmelmi var flutt út í
nóvember fyrir 3.332 milljarða kr.
en 1.002 m. kr. á sama tíma í fyrra.
Til Islenzka járnblendifélagsins
var flutt inn fvrir 475 m. kr. í
nóvember sl. en 136 m. kr. í
nóvember í fyrra, til Lands-
virkjunar var flutt inn fyrir um 31
m. kr. en 22 í fyrra, og til Islenzka
álfélagsins fyrir 1.244 en 501 á
sama tíma í fyrra. Ails nemur
innflutningur á árinu nú 150.888
milijörðum kr. en á sama tíma í
fvrra 89.617 m.
EIGN SEM VARIR
KX-520 kassettutæki, Dolby,
rásaflökt minna en 0,09%
(WRMS), tíðnisvörun
30-16,000 Hz (Cr02),
merki/suð hlutfall 61 dB
(Dolby/Cr02).
Verð kr. 116.345.-
Verð kr 76.110.-
Háþróað Hi-Fi er sérgrein hjá Kenwood. Þess vegna er Kenwood einn færasti
hljómtækjasmiður sem fagtímarit geta um.
Kenwood er fyrir fagfólk sem af eigin dómgreind veit hvað háþróað Hi-Fi er.
Tökum sem dæmi tæki þau sem sýnd eru hér að ofan.
Tæknilýsingin á þeim skýrir verðleika þeirra svo ekki verður um villst.
$KENWOOD EIGN SEM VARIR
FÁLKIN N
SUÐURLANDSBRAUT 8, SÍMI 84670
Pekking
feynsla
SENDUM
BÆKLINGA
KT-55Q0 útvarp, stereo FM/AM,
næmleiki FM I.Sp'V/AM 20 pA/,
merki/suð hlutfall 72 dB mono
68 dB stereo, aðgreining-
arhæfni 60 dB, stereo
aðgreining 35 dB
frá 50-15,000 Hz.
KA-5700 magnari,
2x40 RMS wött, 8 ohm,
20-20,000 Hz, bjögun minni
en 0,04%, merki/suð hlutfall
76 dB við 2,5 pV.
Verð kr. 83.860.-