Morgunblaðið - 29.12.1978, Page 32
Tillitssemi J
kostar
ekkert
PW
FÖSTUDAGUR 29. DESEMBER 1978
Verzlið
sérverzlun með
iitasjónvörp og hljómtæki.
Skipholti 19,
BUÐIN sími
--- " 29800
«
Kaupmáttur kauptaxta:
Verkakonur lækka
um 3,2%frájúní
Opinberir starfemenn og iðnaðarmenn hækka
KAUPMÁTTUR taxtakaups verka-
kvenna hefur aldrei verið hærri en í
júnímánuði síðastliðnum. en þá var
hann 126,8 stig. Síðan hefur sú
þróun orðið, að kaupmáttur þessi
hefur lækkað verulega og var
áætlaður í nóvember 118 stig og í
desember 122,7 stig. Lækkunin frá
júní til desember er því 3,2%.
Kaupmáttur taxtakaups verka-
manna hcfur á sama tíma lækkað
um 1,6% og verzlunarmanna um
Dæmdur
í 2l?2 árs
fangelsi
fyrir nauðg-
unarbrot
TÍTUGUR Keflvikingur, Ómar
Ragnarsson, hefur verið dæmd-
ur í 2'/2 árs fangelsi fyrir tvö
alvarleg nauðgunarbrot framin
á árinu 1977 og þriðja brot af
sama toga en ekki jafn alvar-
legt. Dóminn kvað upp Guð-
mundur Kristjánsson aðalfull-
trúi bæjarfógetans í Keflavík.
Ekki alls fyrir löngu var
Ómar handtekinn í Garðabæ,
þar sem hann reyndi að tæia
börn upp í bifreið sína með því
að bjóða þeim sælgæti. Viður-
kenndi hahn þau brot. Enn-
fremur hefur hann viðurkennt
7 innbrot og innbrotstilraunir í
Keflavík nú í haust.
2,6%. Hins vegar hefur kaupmáttur
taxtakaups iðnaðarmanna hækkað
um 1,8% og opinberra starfsmanna
um 5,2%.
Kaupmáttur taxtakaups verka-
kvenna var í júní 126,8 stig og hafði
aldrei verið hærri. Síðan lækkaði
þessi kaupmáttur niður í 122,5 stig í
júlí og í 119,2 í ágúst. í september
hækkar kaupmáttur taxtakaups
verkakvenna í 124,7 stig en lækkar
aftur niður í 121,5 í október og er
áætlaður 118 í nóvember og 122,7
stig í desember.
Til samanburðar má geta þess, að
kaupmáttur taxtakaups opinberra
starfsmanna var 121,9 stig í júní, en
er áætlaður 128,2 í desember. Á
sama tíma og kaupmáttur verka-
kvenna lækkar um 3,2%, hækkar
kaupmáttur opinberra starfsmanna
um 5,2%. Þá má geta þess, að
kaupmáttur taxtakaups iðnaðar-
manna hækkar úr 103,5 stigum í
105,4 á þessu sama tímabili, en
almennir verkamenn lækka úr 118,8
í 116,9. Kaupmáttur iðnaðarmanna
eykst því um 1,8% á sama tíma og
kaupmáttur taxtakaups verkamanna
minnkar um 1,6%. Þá lækkar
kaupmáttur taxtakaups verzlunar-
manna á þessum sama tíma úr 116,6
stigum í 113,6 eða um 2,6%.
Niðurstaðan er, að maílög fyrr-
verandi ríkisstjórnar skiluðu hinum
almenna láglaunamanni hærri kaup-
mætti en lög vinstri stjórnarinnar.
Allar þessar vísitölur, sem mæla
kaupmátt taxtakaups, eru miðaðar
við 100 stig árið 1971.
Bæjarstjórn Hafnarfjarðar:
• íslendingar unnu auðveldan stórsigur yfir Bandaríkjamönnum í
landsleik í handbolta í gærkvöldi. Hér skorar nýliðinn í íslenska
liðinu. Erlendur Hermannsson eitt af mörkum sínum. Sjá nánar á
íþróttasíðu. Ljósmi Kristján.
66 millj. kr. lækkun á rafmagni—
10% afsláttur af fasteignagjöldum
200—300 millj. taprekstur á Bæjarútgerd Hafnarf jardar
BÆJARSTJÓRN Hafnarfjarðar
hefur að tillögu rafveitunefndar
bæjarins samþykkt að lækka
rafmagnsverð til atvinnurekstrar
sem nemur 66 millj. kr. á ári eða
um 22% meðaltalslækkun. Þá
hefur bæjarstjórn samþykkt að
gefa 10% afslátt af fasteigna-
gjöldum af íbúðarhúsnæði, en
meirihiuti bæjarstjórnar Hafnar-
fjarðar samanstendur af sjálf-
stæðismönnum og óháðum.
Samkvæmt upplýsingum Árna
Grétars Finnssonar bæjarfulltrúa
sjálfstæðismanna þýðir 10%
afsláttur á fasteignagjöldum af
íbúðum um 50 millj. kr. en Árni
Grétar kvað hins vegar á s.l. ári
hafa verið gefinn 25% afslátt
sem hefði verið það mesta á
landinu," en vegna mikils
tapreksturs á Bæjarútgerð
Hafnarfjarðar, eða 200—300 millj.
kr. á árinu, er ekki hægt í ár að
ganga lengra í afslætti," sagði
Árni Grétar, „og af atvinnu-
húsnæði er ekki gefinn afsláttur
þar sem í desember var samþykkt
að lækka rafmagnstaxta af
atvinnurekstri sem nemur 66
millj. kr.“
Er þar um að ræða allt að 60%
lækkun á einstaka töxtum, en í
flestum tilvikum er um að ræða
29—30% lækkun og meðaltalið
kemur út á 22%.
Aðspurður sagði Árni Grétar að
gerð fjárhagsáætlunar bæjarins
hefði verið frestað fram yfir
áramótin vegna óvissu í fjárlaga-
gerð, m.a. vegna skólabygginga, en
hún yrði lögð fram í janúar.
Túlkur Hamsuns á fundinum
meðHitler búr íReykjavík
Teikning af fundi Hamsuns og Iiitlers í Obersalzburg, gerð eftir
fyrirsögn Egils Ilolmboe. Teikningin birtist í Aftenposten, og sér á
bak túlksins, sem hefur Ilamsun sér á hægri hönd, en Der Fiihrer er
fyrir miðju.
Egill Holmboe nú íslenzkur ríkisborgari
VIÐTALSÞÁTTUR, sem nýlega
var sýndur í íslenzka sjón-
varpinu, þar sem rætt var við
danska rithöfundinn Torkild
Hansen um verk hans „Réttar-
höldin yfir Knut Hamsun“, hefur
vakið mikla athygli. í framhaldi
af því telur Morgunblaðið rétt að
skýra frá því, sem hvergi hefur
komið fram opinberlega áður, að
túlkur Iiamsuns á margum-
töluðum fundi með Hitler, Egil
Hoimboe, er nú íslenzkur ríkis-
borgari, og hefur verið búsettur
hér um áratugaskeið.
Skömmu eftir að rit Hansens
kom út, en þar er einmitt langur
kafli um fund Hamsuns og
Hitlers, birti Aftenposten viðtal
við Egil Holmboe um þennan
atburð. Hafði blaðið sent hingað
sagnfræðinginn Sverre Hartmann
og Erik Egeland blaðamann til
fundar við Holmboe. Áður en
viðtalsgreinarnar birtust í Aften-
posten fé.kk Morgunblaðið
vitneskju um búsetu Holmboes
hér, og hafði farið þess á leit að
eiga við hann viðtal. Tók hann því
ekki víðs fjarri í fyrstu en kvaðst
síðan ekki geta orðið við þessari
ósk. Þegar viðtal við Holmboe
birtist síðan í Aftenposten, ítrek-
aði Morgunblaðið erindið, en
svarið var á sömu lund og áður,
jafnframt því sem hann neitaði
því að hafa nokkru sinni rætt við
þá Aftenposten-menn. Morgun-
blaðið hafði þá samband við
ritstjóra Aftenposten og skýrði
hann frá því að þetta væri
einungis undansláttur hjá
Holmboe, því að fyrrnefndir tveir
menn hefðu hitt hann þar sem
hann byggi „einhversstaðar í
Evrópu". Hefði Aftenposten
fengið þetta viðtal gegn því loforði
að skýra hvorki frá núverandi
nafni Holmboes né dvalarstað.
Kvaðst ritstjórinn leggja heiður
blaðsins að veði fyrir því að
gangur málsins hefði verið sá, sem
hér greinir. Síðan er líka komið á
daginn að Egil Hoimboe hefur
látið því ómótmælt að samtalið
við Aftenposten hafi átt sér stað,
né heldur hefur hann gert athuga-
semdir við greinarnar.
Að því er Morgunblaðið hefur
fregnað flýði Egil Holmboe hingað
í lok styrjaldarinnar um Svíþjóð,
og mun hafa haldið því fram að
hann væri á flótta undan
nazistum. Hann býr í Reykjavík
en ástæðan fyrir því að Morgun-
blaðið sér ekki ástæðu til að skýra
frá nafni hans nú, er sú að hann
mun ekki ganga heill til skógar,
enda á níræðisaldri, fæddur í
Noregi 1896. Hann er nú kvæntur
íslenzkri konu.
Þess má að lokum geta, að Egil
Holmboe starfaði í norsku utan-
ríkisþjónustunni löngu fyrir stríð
og mun þá hafa komið til íslands í
einhverjum erindagerðum. Þá
mun hann einnig hafa starfað í
tengslum við sendiráð Norðmanna
í Frakklandi fyrir stríð, en þó er
margt á huldu um líf hans, nema
hvað hann var atkvæðamikill
nazisti í stríðinu, samstarfsmaður
Quislings og þýzkra nazista í
Noregi. I Aftenposten er m.a. sagt,
að Holmboe hafi ekki einungis
leikið aukahlutverk, þegar
Hamsun og Hitler hittust í
Þýzkalandi 1943, heldur hafi hann
einnig verið virkur þátttakandi í
samtali þeirra og „ósýnilegur
leikstjóri" þessa fundar með Der
Fúhrer, eins og blaðið kemst að
orði.