Morgunblaðið - 22.04.1979, Blaðsíða 2

MORGUNBLAÐIÐ, SUNNUDAGUR 22. APRIL 1979
Selurinn étur 30 þús.
tonn af þorskfiski á ári
ÁÆTLAÐ hefur verið að selur
hér við land éti um 100 þúsund
tonn af sjófanKÍ á ári, fisk,
hryggleysingja o.fl. og af þessu
magni eru þorskfiskar, þ.e.
þorskur, ýsa og ufsi, um 30
þúsund tonn. Þetta kemur fram í
grein, sem Sólmundur Einarsson
fiskifræðingur ritar nýlega f
Náttúrufræðinginn.
I grein sinni segir Sólmundur að
þær raddir hafi gerst æ háværari
hér á landi, sem vilja láta fækka
selnum til muna. Ástæður séu
Snjóflóð
á Siglu-
fjarðarveg
EINHVERN tímann á bilinu frá
miðnætti til klukkan 6 í gær-
morgun féll- allmikið snjóflóð á
veginn til Siglufjarðar við munna
Strákaganga Sauðanesmegin. Um
hádegi í gær var búið að opna
veginn á ný, en hann var talinn
mjög varasamur vegna snjóflóða-
hættu. Mikil snjókoma var þá
nyrðra, en hiti þó 1 stig. — Eins
og veðrið er núna er snjóflóða-
hættan mikil, sagði Trausti vita-
vörður á Sauðanesi í samtali við
Morgunblaðið í gær. — Snjórinn
er svo blautur að hann getur
hlaupið hvenær sem er og það er
ekki vert að vera að leika sér á
þessari leið eins og ástandið er
núna, sagði Trausti.
Þrír bátar fastir
í ís á Þistilfirði
ÞRÍR netabátar frá Þórshöfn,
Faldur, Fagranes og Litlanes, voru
enn fastir í ís í vestanverðum
Þistilfirði í gærmorgun, þriðja
daginn. Þoka og snjómugga var á
©
INNLENT
svæðinu, en ráðgert var að flugvél
Landhelgisgæzlunnar flygi norður
strax og létti til bátunum til
aðstoðar. Um borð í bátunum eru
18 tonn af fiski, sem liggja undir
skemmdum, en engin hætta er
búin bátum eða mönnum, sem sátu
þó uppi kostlausir í gærmorgun.
Minni bátarnir, Fagranes og
Litlanes, sem eru 10 og 18 tonna,
lágu í vari í gærmorgun bak við
landfastan jaka skammt undan
landi í Krossavík, en Faldur, sem
er 50 tonn, var skammt undan
landi úti af Sauðá, utar í firðinum.
Sjö stelpur á Akureyri
Leikklúbburinn Saga á Akur-
eyri frumsýnir leikritið Sjö
stelpur eftir Erik Thorstensson í
Samkomuhúsinu á þriðjudags-
kvöld. Þýðinguna gerði Sig-
mundur Örn Arngrímsson, leik-
stjóri er Viðar Eggertsson og
hefur hann jafnframt gert leik-
mynd.
Með hlutverk stelpnanna fara:
Kolbrún Reynisdóttir, Guðbjörg
Guðmundsdóttir, Kristlaug
Sigurðardóttir, Ólafía Áskels-
dóttir, Jóhanna Birgisdóttir,
Snjólaug Brjánsdóttir og
Kristín Gunnlaugsdóttir. Með
hlutverk gæzlufólks fara Jón-
steinn Aðalsteinsson, Asa
Guðmundsdóttir, Halldór
Björnsson og Sigurþór Heimis-
son.
Leikhópurinn ásamt leikstjóra. Á myndina vantar Jóhönnu
Birgisdóttur og Kristlaugu Sigurðardóttur. (ljósm.: Helgi Baldvins-
son)
hugsanleg stofnstærð útsels 8—10
þúsund selir. Veiðin frá 1960 hefur
verið á bilinu 4,500 til 7000 selir á
ári.
fyrst og fremst tvær, í fyrsta lagi
að selurinn éti töluvert af fiski
eins og áður er bent á og í öðru lagi
sú staðreynd, að selurinn gegni
aðalhlutverki í hringrás hring-
ormsins, sem eins og allir viti
valdi miklum vanda við fisk-
vinnslu í landinu. Rannsóknir á
selnum hafi hins vegar verið tak-
markaðar og auknar rannsóknir
séu orðnar mjög knýjandi, því án
slíkra rannsókna sé ekki hægt að
stjórna selveiðum á skynsamlegan
hátt.
Óyggjandi tölur liggja ekki fyrir
um stofnstærð sels við Island en
hugsanleg stofnstærð landsels er
talin verða 40—45 þúsund selir og
Stærstu Kröflu-
skjálftarnir mæl-
ast yfir 2 stig
ENN RÍS land á Kröflusvæðinu með
svipuðum hraða og undanfarið og
skjálftavirkni fer heldur vaxandi.
Eru skjálftarnir nú rúmlega 10 á
sólarhring að meðaltali og þeir
stærstu hafa mælst liðlega 2 stig á
Richter-kvarða. Sprungur hafa
gliðnað nokkuð á Kröflusvæðinu, en
það fylgir landrisinu. Almannavarn-
ir héldu í gær upprifjunarfund í
Mývatnssveit um hvernig skuli
bregðast við ef til tíðinda dregur á
svæðinu. Jarðfræðingar reikna með
einhverjum umbrotum hvenær sem
er úr þessu, en hvað gerist er erfitt
um að spá.
Hörpusöngur Selkórsins
SELKÓRINN á Seltjarnarnesi
heldur vortónleika sína, sem að
venju eru kallaðir Hörpusöngur,
í Félagsheimili Seltjarnarness í
dag, sunnudag, klukkan 16.30 og
einnig fimmtudaginn 26. apríl
klukkan 20.30. A efnisskránni
eru bæði innlend og erlend lög
og syngur kórinn bæði sem
blandaður kór og kvennakór.
Stjórnandi er Guðrún Birna
Hannesdóttir, sem verið hefur
stjórnandi hans undanfarin tvö
ár.
Raddþjálfari kórsins er
Ragnheiður Guðmundsdóttir
söngkona og syngur hún einnig
nokkur lög á tónleikunum.
Undirleikari er Lára Rafnsdótt-
Eftirvinniistöðvun Snótarkvenna á föstudag;
Beint gegn stjórnvöldum
frekar en atvinnurekendum
Vestmannaeyjum, 21. apríl.
KONUR í fiskvinnslu í Vest-
mannaeyjum lögðu niður vinnu
klukkan 17 í gær, föstudag, til
frekari áréttingar loforðum,
sem þær töldu að gefin hefðu
verið með desembersamkomu-
laginu. Þá voru gefin eftir 3%
af kauphækkun, sem samið
hafði verið um, en á móti áttu
þá að koma ýmsar félagslegar
lagfæringar, m.a. að nætur-
vinna hæfist klukkan 17 á
föstudögum frá 1. janúar í ár. í
framhaldi af þessu á nætur-
vinna að taka gildi alla daga
vikunnar eftir klukkan 17 og
fjölgað um einn dag á hverju
ári næstu fimm árin.
Þegar ekkert hafði gerzt í
þessu máli og loforðiri ekki verið
efnd og konurnar sáu fram á að
við þau yrði ekki staðið fyrr en í
fyrsta lagi 1. júní ákváðu kon-
urnar á fundi 3. apríl að fella
niður vinnu eftir klukkan 17 15.
apríl ef eftir þann tíma yrði ekki
komin á næturvinna. Þær sendu
atvinnurekendum bréf um þetta
og barst svar fyrir þremur dög-
um þar sem þær voru m.a.
beðnar að endurskoða afstöðu
sína.
Snótarkonur felldu eigi að
síður niður vinnu klukkan 17 í
gær, en mættu hins vegar til
vinnu á tilskildum tíma í morg-
un og verður unnið í húsunum í
allan dag. Jóhanna Sigurðar-
dóttir formaður Verkakvenna-
félagsins Snótar sagði að þessar
aðgerðir væru fyrst og fremst til
að fylgja eftir að staðið yrði við
loforð um félagslegar umbætur.
— Það er rétt að þessum aðgerð-
um er frekar beint gegn stjórn-
völdum, þó svo að þær bitni fyrst
og fremst á atvinnurekendum,
sagði Jóhanna. — Sigurgeir
Fasteignagjöld elli- og
örorkulífeyrisþega lækki
BÆJARRÁÐ Hafnarfjarðar sam-
þykkti á fundi sínum 22. mars s.l.
að leggja eftirfarandi fyrir
bæjarstjórn Hafnarfjarðar:
„Bæjarstjórn samþykkir að
lækka fasteignagjöld sem lögð
hafa verið á elli- og örorkulífeyris-
þega á árinu 1979 svo sem hér
segir: Fasteignagjöld þeirra sem
höfðu 1978 brúttóárstekjur á bil-
inu 1.861—2.180 þús. kr. lækki um
50%, fasteignagjöld þeirra sem
höfðu árstekjur 1.550 þús. kr. eða
minna lækki um 90%.“
Viðskiptaþing um gjaldeyr-
is- og utanríkisviðskipti
Myndin er af Guðmundi Árna-
syni, Hverfisgötu 28, Reykjavík.
sem beið bana í vinnuslysi í m.s.
Tungufossi í Reykjavíkurhöfn s.l.
þriðjudag. Guðmundur heitinn
var 52 ára gamall, fæddur 27.
október 1926.
VIÐSKIPTAÞING Verzlunar-
ráðs íslands um gjaldeyris- og
utanríkisviðskipti verður hald-
ið í Kristalssal Hótels Loftleiða
á þriðjudaginn. Þingið hefst
klukkan tíu um morguninn með
setningarræðu formanns
Verzlunarráðs, Hjalta Geirs
Kristjánssonar.
Erindi á þinginu munu flytja
Sigurður Helgason forstjóri
Flugleiða, Þráinn Þorvaldsson,
Arni Gestsson, Friðrik Pálsson,
Olafur Haraldsson, Pétur Ei-
ríksson, Steinn Lárusson og Þor-
varður Elíasson.
Steingrímur Hermannsson
formaður Framsóknarflokksins
ávarpar þingið, en þingforseti
verður Þorsteinn Pálsson for-
stjóri Vinnuveitendasambands-
ins.
Viðtöl við Færeyinga um
rétdndi sunnan I slands
„VIÐTÖL eru hafin við Færey-
inga um landgrunnsréttindin
suður af íslandi, á Happon-
banka og Rockallsvæðinu,“
sagði Eyjólfur Konráð Jónsson
alþingismaður er Mbl. ræddi
við hann í gærmorgun í Genf,
þar sem hafréttarráðstefnan
situr. „Er ómetanlegt að njóta
ráða Guðmundar Pálmasonar í
þeim flóknu málum,“ sagði
Eyjólfur. „Hins vegar er ófyrir-
gefanlegt að draga mánuð eftir
mánuð að framfylgja fyrir-
mælum Alþingis í þingsálykt-
un, sem samþykkt var einróma
22. desember sl. um rannsókn
landgrunnsins.
Þrátt fyrir þá skýlausu álykt-
un hefur lítið sem ekkert verið
aðhafzt og íslenzku fulltrúarnir
því vanbúnir að upplýsingum og
þekkingu, að minnsta kosti ég.“
Næsti fundur ráðstefnunnar
er ráðgerður í New York 16. júlí
til 24. ágúst. „Fram að þeim
tíma verður að láta hendur
standa fram úr ermum og undir-
búa baráttuna fyrir gífurlega
mikilvægum hagsmunum
Islands. Annars missum við af
strætisvagninum. Sveltur
sitjandi kráka en fljúgandi fær,“
sagði Eyjólfur Konráð Jónsson
að lokum.