Morgunblaðið - 27.04.1979, Blaðsíða 3
3
MORGUNBLAÐIÐ, FÖSTUDAGUR 27. APRÍL 1979
Leikritagerð sjónvarpsins:
Reynum að taka ákvörðun
um einhverjar upptökur
- segir Ólafur R. Einarsson formaður útvarpsráðs
NOKKRIR starfsmenn við leikritagerð við sjónvarpið hafa ritað
forráðamönnum Ríkisútvarpsins bréf svo sem Mbl. skýrði frá þar sem
því er haldið fram að leikritagerð við sjónvarpið sé komin í óefni og að
ekki verði hægt að taka upp leikrit á þessu ári vegna fjárskorts. Mbl.
sneri sér til Ólafs R. Einarssonar formanns útvarpsráðs og innti hann
eftir viðbrögðum við bréfi dagskrárgerðarmanna.
Ólafur sagði að bréfið yrði
fyrsta mál á fundi útvarpsráðs nú
í dag , en ljóst væri að verulegir
fjárhagserfiðleikar væru nú fram-
undan hjá Ríkisútvarpinu, sem
hefðu fljótlega áhrif á dagskrár-
gerð og kvað hann erfitt fyrir
útvarpsráð að taka ákvarðanir um
kostnaðarsama dagskrárgerð
meðan stefndi í kreppu í fjármál-
um Ríkisútvarpsins. — Við höfum
álíka háa upphæð til ráðstöfunar í
dagskrárgerð og í fyrra þrátt fyrir
verðbólguna og við erum óhressir
með að útvarpsráð skuli fá minni
hækkun afnotagjalda sinna en
dagblöðin, sagði ðlafur. Minna má
á að fyrir 10 árum kostaði árs-
áskrift dagblaðs kr. 1.845 og út-
varps- og sjónvarpsgjaldið var þá
kr. 3.300. Á þessu ári kostar
áskrift dagblaða kr. 36.000 og
afnotagjöldin samtals 36.200, en
miðað við hlutfallið fyrir 10 árum
ættu samanlögð afnotagjöld út-
varps- og sjónvarps að vera kr.
64.000.
Ólafur kvað því ljóst að sækja
yrði um frekari hækkun vegna
síðari hluta afnotagjalda, en á
dögunum var sótt um 40% hækkun
og leyfð 15% hækkun. Þá sagði
Ólafur að reynt yrði á þessum
fundi útvarpsráðs í dag að ákveða
upptökur á einhverjum leikritum,
og minnti á að síðan 1971 hefði oft
verið ráðist seint í að ákveða
upptökur.
Tage Ammendrup hjá sjonvarp-
inu kvaðst vona að forráðamenn
ríkisútvarpsins myndu reyna að
sjá svo um að hægt yrði að taka
upp einhver leikrit, en hafa yrði á
því jafnan 2—3 mánaða fyrirvara.
Sagði Tage að nú væru ýmsir
fastir þættir i vinnslu, en brátt
myndi segja til sín sá fjárskortur
sem séð hefði verið fram á þegar
ekki fékkst meiri hækkun afnota-
gjalda en 15%.
Fremur lítið er hægt að gera
varðandi allt dagskrárefni þar sem
Ríkisútvarpið er í fjársvelti og
meðan svo er verður að skera
niður dýrt dagskrárefni, sem kem-
ur þá fyrst niður á t.d. leikritum,
sem eru eitt dýrasta dagskrárefni
sjónvarps, sagði Árni Gunnarsson
alþingismaður í samtali við Mbl.
Árni kvað verulegan vanda vera
fyrir höndum ef ekki rættist fljótt
úr þessum fjárhagsvandræðum
t.d. með því að endurgreiddir yrðu
tolltekjur þær er Ríkisútvarpinu
bæri og sagði hann marga þætti í
rekstri útvarpsins alvarlegri en
dagskrárefni t.d. tæknimál, mörg
tæki útvarpsins væru 20 ár a
gömul og brýnt væri að reisa nýtt
langbylgjuloftnet. Þá kvað Árni
menn hafa rætt það í fullri alvöru
að fækka sjónvarpsdögum um einn
frá því sem nú væri í stað þess að
þynna verulega út dagskrána, en
ljóst væri að ef Ríkisútvarpinu
yrði ekki séð fyrir auknu fé yrðu
t.d. starfsmenn í upptökusölum
sjónvarpsins að einhverju leyti
verkefnalausir á árinu.
Ármann Kr. Einarsson
r
FÉLAG íslenzkra rithöfunda hélt
aðalfund sinn að Ilótel Esju í
vikunni og gerði formaður félags-
ins, Sveinn Sæmundsson, þar
grein fyrir störfum félagsins.
Kom fram í máli hans að haldnar
hafa verið kvöldvökur með bók-
menntakynningu og upplestrum.
Hafa á sl. tveimur árum verið
kynnt verk 33 höfunda á kynn-
ingarkvöldum félagsins. Þá hafa
verið fundir um ýmis mál svo sem
stöðu rithöfundarins í þjóðfé-
laginu og bókarinnar í sam-
keppni við fjölmiðla.
Formaðurinn, Sveinn Sæmunds-
son, gaf ekki kost á sér til endur-
kjörs, en í stjórn félagsins voru
kosnir: Ármann Kr. Einarsson
formaður, og meðstjórnendur
Indriði Indriðason, Indriði G. Þor-
steinsson, Ingimar Erlendur Sig-
urðsson og Ragnar Þorsteinsson.
Til vara voru kjörnir Þröstur
Karlsson og Sveinn Sæmundsson.
Endurskoðendur voru kosnir Jak-
ob Jónsson og Gunnar Dal. Á
fundinum var ákveðið að efna til
fundar næsta haust, þar sem
sérstaklega yrði fjallað um barna-
bækur og þær kynntar með upp-
lestri höfunda og skólanemenda á
ýmsum aldri.
Armann Kr. Einars-
son formaður Félags
islenzkra rithöfunda
Dælurnar
héldu í reynslu-
ferðinni
SKUTTOGARINN Hafþór, sem
nú er í eigu Hafrannsóknastofn-
unarinnar, fór í reynsluferð í
si'ðustu viku, en mikil viðgerð
hefur farið fram á skipinu og
hefur hún tekið um eitt ár.
Það sem einkum hefur tafið
viðgerðina er að dælur fyrir spilin
hafa oftar en einu sinni gefið sig. I
reynsluferðinni í síðustu viku
reyndust dælurnar vera komnar í
lag, en hins vegar kom ýmislegt
smálegt upp á og er verið að
lagfæra það, stilla tæki og slíkt.
Að sögn Jóns Jónssonar forstjóra
Hafrannsóknastofnunar verður
farið að nýju í reynsluferð á
Hafþóri, áður Baldri, og ef allt
reynist þá í lagi, verður viðgerð
verktaka tekin út að þeirri ferð
lokinni.
Góður afli á
Skagafirði
Sauðárkróki, 26. apríl.
GÓÐUR afli hefur að undanförnu
fengizt í net í Skagafirðinum og
algengt að bátarnir, sem eru
12—35 tonn að stærð, hafi fengið
5—6 tonn í róðri. Fjórir netabátar
eru gerðir út héðan, en sjö bátar
úr Eyjafirði, 12—150 tonna, hafa
einnig verið á netum hér í firðin-
um. Eitthvað virðist vera farið að
draga úr þessum góða afla og það
er athyglisvert að lítið hefur feng-
izt á handfæri þennan tíma.
- Kári.
MYNDAMÓTA
Adolstræti 6 sinn 25810
Flug og gisting
Ein heild á lækkudu verði.
Va,
'íða um land eru vel búin hótel.
Þú getur farið í helgarferð með flugfélaginu
í hópi, með fjölskyldunni, eða bara þið tvö.
Hringdu og spurðu um verð á helgarferð.
FLUGLEIÐIR