Morgunblaðið - 15.06.1979, Síða 4

4
MORGUNBLAÐIÐ, FÖSTUDAGUR 15. JÚNÍ1979
Bílaleiga Á.G.
Tangarhöfða 8—12 Ár-
túnshöfða. Símar
85504 og 85544.
Höfum Subaru, Mözdu
og Lada Sport.

alglVsin(;asími\n ER: 22480
Kalt vor í
Breiðuvík-
urhreppi
Breiðavfkurhreppur, 10. júnl.
TÍÐARFAR. — Voriö hefur veriö
mjög kalt hér eins og um allt land.
Skömmu fyrir mánaðamótin maí—
júní fór að hlýna og hefur ekki
komið frostnótt síðan 28. maí. Síðan
hefur verið mjög góð grassprettutíð
það sem af er júní og hefur gróðri
farið mjög ört fram. Bændur eru
almennt að sleppa sauðfé um þessar
mundir.
Sauðburður. — Það má segja að
sauöburður hafi gengið sæmilega
hér í sveit, en meira hefur borið á
kvillum í unglömbum og ám en
undanfarin ár, og má að sjálfsögðu
kenna það harðindunum að ein-
hverju leyti, og mjög löngum inni-
stöðutíma sauðfjár. Vanhöld á lömb-
um og ám hafa orðið með meira
móti.
Hey entust hjá bændum, að ör-
fáum undanteknum sem fengu hey
hjá nágrönnum. Lyfjakostnaður hef-
ur verið með meira móti hjá bænd-
um í vor. Valdimar Brynjólfsson,
dýralæknir í Stykkishólmi, sem
þjónar okkur, hefur gætt þess vel að
hafa næg lyf og hefur það bjargað
miklu. Þá hafa bændur farið til hans
með ær, sem ekki hafa getað borið,
og hefur Valdimar gert á þeim
keisaraskurð, og náð lömbunum
þannig. Þessar aðgerðir hefur hann
framkvæmt í bílskúr heima hjá sér
við miður góðar aðstæður, en von-
andi stendur það til bóta. Valdimar
er mikill dýralæknir, mjög sam-
vískusamur og duglegur í starfi.
Aflabrögð. — Afli hefur verið
sæmilegur hjá þeim bátum, sem róið
hafa, en sumir hættu róðrum þegar
sauðburður byrjaði snemma í maí og
hafa ekki róið síðan, en væntanlega
munu þeir hefja róðra aftur þegar
vorannir minnka.
FGL Iréttaritari.
Prúðuleikararnir verða á skjánum í kvöld að venju og skemmta áhorfendum með glensi og gamanyrðum,
eins og þeim einum er lagið. Þeir taka á móti gestum sem fyrr og gestur þeirra í þessum þætti verður
leikkonan Marisa Berenson.
Sjónvarp kl. 21.05:
„Verðstöðvun”
Þriðji þáttur sjónvarps-
ins um verðlagsmál. verð-
ur á dagskrá í kvöld kl.
21.05. í þættinum verður
fjallað um hugtakið
verðstöðvun, þýðingu þess
nú og hvernig þetta hug-
tak hefur misst merkingu
sína í hugum margra.
Rætt verður um fram-
kvæmd verðstöðvunar al-
mennt og hvernig hún
hefur verið framkvæmd
hér á landi. Talað verður
við Eirík Ásgeirsson for-
stjóra Strætisvagna
Reykjavíkur í þessu sam-
bandi og kannað hvernig
fá megi ýmsar hækkanir á
verðlagi þrátt fyrir að í
gildi sé verðstöðvun í
landinu, en sem kunnugt
er hafa strætisvagnarnir
fengið hækkun á far-
gjaldi. Einnig verður
spjallað við fólk á förnum
vegi um þessi mál og
fengnar skýringar þess á
hugtakinu verðstöðvun.
Umsjónarmaður þátt-
Þráinn Eggertsson
hagfræðingur
arins er Sigrún Stefáns-
dóttir fréttamaður en
henni til aðstoðar er Hall-
dór Reynisson blaðamað-
ur.
Svavar Gestsson
viðskiptaráðherra
Útvarp kl. 20.00:
,Púkk’
Þátturinn Púkk verður á
dagskrá útvarpsins í kvöld
og hefst hann kl. 20.00. Að
sögn Sigrúnar Valbergs-
dóttur, annars stjórnenda
þáttarins, verður hann
settur saman úr blönduðu
efni, tónlist og töluðu máli.
í þættinum verður kynnt
hljómsveitin Freddy and
the Fighters, en hún er eins
og margar aðrar hljóm-
sveitir gaf út plötu á síð-
asta ári. Plata þessi verður
kynnt útvarpshlustendum,
leikin verða af henni lög og
reynt verður að gefa sýn-
ishorn af því sem hljóm-
sveitin er að vinna við um
þessar mundir. í þessu
sambandi verður rætt við
Björn Valdimarsson hjá
Fálkanum og reynt að fá
hjá honum upplýsingar um
söluhæstu og jafnframt
sölulægstu plötu ársins.
Plata hljómsveitarinnar
Freddy and the Fighters lá
nefnilega undir grun um að
vera sú sölulægsta. Hins
vegar reyndist ekki unnt að
fá upplýsingar um þetta,
menn voru ófáanlegir að
upplýsa það atriði, hvaða
plata hefði reynst sú sölu-
lægsta.
Næst mun reynt að gefa
sýnishorn af því hvers kon-
ar tónlist unga fólkið hlust-
ar á. Síðan verður lesin upp
saga sem þættinum barst
og ku hún vera hugverk
einhvers hlustanda þáttar-
ins. Eins og menn rekur ef
til vill minni til óska
stjórnendur þáttarins eftir
því að hlustendur hans
sendi efni í þáttinn og
kemur þar næstum því allt
til greina. Þess má geta að
tónlist sú sem leikin er í
þættinum er valin af einum
hlustandanum og er það
eindregin ósk stjórnenda að
hlustendur sendi þættinum
tillögur sínar og ábending-
ar um tónlist og efnisval.
Úlvarp Reykjavík
FÖSTUDAGUR
15. JÚNÍ
MORGUNNINN__________________
7.00 Veðurfregnir. Fréttir.
Tónleikar.
7.10 Leikfimi. 7.,20 Bæn. Tón-
leikar.
8.00 Fréttir.
8.15 Veðurfregnir. Forustu-
gr. dagbl. (útdr.) Dagskrá.
Tónleikar.
9.05 Morgunstund barnanna:
Ármann Kr. Einarsson lýk-
ur við að lesa ævintýri sitt
„Höllin bak við hamrana“
(5).
9.20 Leikfimi
9.30 Tilkynningar. Tónleikar.
10.00 Fréttir. 10.10 Veðurfregn-
ir. Tónleikar.
11.00 Morguntónleikar:
Sinfóníuhljómsveitin í Málm-
ey leikur þætti úr „Hnotu-
brjótnum“ eftir Tsjaíkovský;
Janos Fiirst stj. /Daniel Bar-
enboim og Nyja fflharmon-
íusveitin í Lundúnum leika
Píanókonsert í B-dúr nr. 2
op. 19 eftir Beethoven; Otto
Klemperer stj.
12.00 Dagskráin. Tónleikar. til-
kynningar.
12.20 Fréttir. 12.45 Veðurfregn-
ir. Tilkynningar.
Við vinnuna: Tónleikar.
SIÐDEGIÐ
14.30 Miðdegistónleikar.
Fflharmoníusveit Lundúna
leikur „Vespurnar“, forleik
eftir Vaghan Williams; Sir
Adrian Boult stj. / Willi
Hartmann syngur þætti úr
„Einu sinni var“ eftir
Lange-Muller með kór og
hljómsveit Konunglegu óper-
unnar í Kaupmannahöfn;
Johan Hye-Knudsen
stjórnar.
15.40 Lesin dagskrá næstu viku
16.00 Fréttir. Tilkynningar.
(16.15 Veðurfregnir).
16.30 Popphorn:
Dóra Jónsdóttir kynnir.
17.20 Litli barnatíminn
Sigríður Eyþórsdóttir sér
um tímann, sem helgaður
verður lýðveldisdeginum 17.
iúní.
17.40 Tónleikar. Tilkynningar.
18.45 Veðurfregnir. Dagskrá
kvöldsins.
19.00 Fréttir. Fréttaauki. Til-
kynningar.
KVÖLDIÐ
19.40 Barokkvintett Kammer-
sveitar Reykjavíkur leikur í
útverpssal tvö tónverk eftir
Georg Philipp Telemann.
a. Kvartett í F-dúr.
b. Konsert í a-moll.
20.00 Púkk
Sigrún Valbergsdóttir og
Karl Ágúst Úlfsson sjá um
unglingaþátt.
20.40 Elska allir kaupakonur.
Þáttur um sveitarómantík í
umsjón Ernu Indriðadóttur
og Valdísar Óskarsdóttur.
21.10 Frá tónleikum Nieder-
áchsischer Singkreis í Há-
teigskirkju.
Stjórnandi: Willi Trader.
a. „Hear My Prayer, oh
Lord“ og „Lord, How Wilt
Thou Be Angry?“, lög eftir
Henry Purcell.
b. „Jesus, meini Freude",
mótetta fyrir fimm-radda
kór eftir Johann Sebastian
Bach.
21.40 A förnum vegi í Rangár-
þingi
Jón R. Hjálmarsson fræðslu-
stjóri talar öðru sinni við
Guðlaug Bjarnason á Giljum
í Hvolhreppi.
22.05 Kvöldsagan: „Gróðaveg-
urinn“ eftir Sigurð Róberts-
son
Gunnar Valdimarsson les
(25).
22.30 Veðurfregnir. Fréttir.
Dagskrá morgundagsins.
22.50 Eplamauk
Létt spjall Jónasar Jónasson-
ar og lög á milli.
23.35 Fréttir. Dagskrárlok.
■m
FÖSTUDAGUR
15. júní
20.00 Fréttir og veður
20.30 Auglýsingar og
dagskrá
20.40 Prúðu leikararnir
Gestur í þessum þætti er
leikkonan Marisa
Berenson.
Þýðandi Þrándur
Thoroddsen.
21.05 Græddur var geymdur
eyrir
í landinu er í gildi verð-
stöðvun.
í þriðja þætti Sjónvarpsins
um verðlágsmál verður
• fjallað um gildi verðstöðv-
unar og framkvæmd henn-
ar. Meðal annarra verður
rætt við Svavar Gestsson
viðskiptaráðherra og Þráin
Eggertsson hagfræðing.
Umsjónarmaður Sigrún
Stefánsdóttir.
21.20 Rannsóknardómarinn
Franskur sakamálamynda-
flokkur.
Fjórði þáttur. Eldsvoði
Þýðandi Ragna Raghars.
22.55 Dagskrárlok