Morgunblaðið - 31.10.1979, Side 18

18
MORGUNBLAÐIÐ, MIÐVIKUDAGUR 31. OKTÓBER 1979
Telstöðunana
sterka meðal
sjálfstœðis-
manna í
Reykjavík
segir EUert B. Schram
„FLJÓTT á litið mætti ætla að ég
hafi ekki komið vel út úr þessum
kosningum, þar sem ég féll niður
um tvö sæti,“ sagði Ellert B.
Schram. „Ég bendi hins vegar á,“
sagði Ellert ennfremur, „að ég var
allan tímann talinn einn af þeim
„öruggu" og hef sennilega goldið
þess í niðurröðun sæta, sem sýnist
vera nokkrum tilviljunum háð,
einkum í miðju hópsins.
Það vantar til dæmis aðeins 120
atkvæði upp á að ég sé í fimmta
sæti. Fylgi mitt hefur aukist frá
því í síðustu prófkosningum, úr
64,9% í 67,1% og mér finnst ég
geta vel við það unað og tel stöðu
mína sterka meðal sjálfstæðis-
manna í Reykjavík. Vil ég þakka
þeim fyrir mikinn og góðan stuðn-
ing.
Enginn vafi er á því að ég hefði
getað komið betur út úr kosning-
unum ef ég hefði sett upp mikla
kosningamaskínu. Það gerði ég
ekki, enda finnst mér að þingmenn
eigi að dæma af verkum sínum en
ekki auglýsingum.
Mér finnst miður hve Ragnhild-
ur Helgadóttir fellur niður á
listanum, og get ekki fundið aðra
skýringu en þá sem ég nefndi um
mig sjálfan: að hún hafi verið
talin það örugg að fólk hafi ekki
verið á varðbergi. Eins er leitt að
Guðmundur H. Garðarsson er
ekki meðal þeirra efstu, en eftir
stendur að kjósendur hafa kveðið
upp sinn dóm og nú er um að gera
að standa saman í hinni hörðu
kosningabaráttu sem framundan
er,“ sagði Ellert að síðustu.
Brautargengi
kvenna minna
en ég
hafði vonað
segir Björg
Einarsdóttir
„Mikil þátttaka í prófkjörinu er
jákvæð fyrir það flokksstarf og
kosningaundirbúning sem fram-
undan er,“ sagði Björg Einarsdótt-
ir. „Fjöldi ógildra atkvæðaseðla
ber þe3S vott að kjósendur hafa
ekki áttað sig á þeirri tilhögun að
tölusetja frambjóðendur í ákvðin
sæti á listanum," sagði Björg
ennfremur.
„Uppstokkun á sætaröð þing-
manna Sjálfstæðisflokksins í
Reykjavík eins og hún var fyrir
prófkjörið gæti bent til þess að
fólk hafi ekki gert sér fyllilega
ljóst að atkvæði í neðri sætum
teljast ekki með í efri sæti. Einnig
komust margir í „kastþröng" og
töldu að velja hefði átt tíu í stað
átta.
Árangur minn í prófkjörinu var
framar vonum, miðað við hve
þekkt fólk var við að keppa, sem
margt hefur árum saman verið í
stjórnmálastarfi.
Hins vegar þykir mér brautar-
gengi kvenna í þessu prófkjöri
minna en ég hafði gert mér vonir
um, og sannar það enn á ný hversu
harðsótt er fyrir konur á vett-
vangi þjóðmála. Sú niðurstaða
hlýtur að verða konum hvatning
til að sækja fastar á að komast í
aðstöðu til að móta það samfélag
sem við byggjum nú og bíður
barna okkar.
Listinn eins og hann lítur út í
heild er ekki nýstárlegur eða
vitnisburður um löngun manna til
að endurnýja framvarðalið flokks-
ins, og vekur það eitt sér undrun
mína. — Miklir íhaldsmenn erum
vér. Vera má, að staðfesta í
mannavali sé vænlegra til þeirra
átaka sem óhjákvæmilega hljóta
að vera framundan við stjórn
landsmálanna.
Því má svo bæta við, að þessar
kosningar eru ef til vill enn einn
vottur þess gamalkunna, að sá
kemst oft langt sem hefur hátt, og
vílar ekki fyrir sér aðferðir til að
ná árangri," sagði Björg að lokum.
Sjálfstæðis-
flokknum er
ekkert að
vanbúnaði
að vinna
stóran sigur
segir Jónas Bjarnason
„ÞAÐ virðist svo sem þetta nýja
fyrirkomulag hafi treyst frekar
alþingismennina, núverandi og
fyrrverandi, gagnvart öðrum
frambjóðendum," sagði dr. Jónas
Bjarnason. „Erfiðara virðist vera
fyrir aðra að sækja þarna á
brattann.
í öðru lagi finnst mér það miður
að efsta konan, Ragnhildur Helga-
dóttir, skuli hafa fallið svo mjög
niður á listanum.
Hvað mína eigin útkomu varðar
vil ég segja það, að ég er ánægður
með hana, og ég er þarna í góðum
félagsskap þar sem eru þær Elín
Pálmadóttir og Björg Einarsdótt-
ir.
Að lokum vil ég segja það að ég
tel Sjálfstæðisflokkinn hafa mik-
inn meðbyr, og honum sé ekkert
að vanbúnaði að vinna stóran
kosningasigur, þessi útkoma á
ekki að koma í veg fyrir það,“
sagði Jónas að lokum.
Sjálfstœðis-
flokkurinn
stendur á
mjög alvar-
legum tíma-
mótum
segir Guðmundur
H. Garðarsson
„ÉG TEL, að Sjálfstæðisflokkur-
inn standi á mjög alvarlegum
tímamótum og vil engu spá um
framhaldið," sagði Guðmundur H.
Garðarsson, og kvaðst ekki vilja
tjá sig um málið að öðru leyti að
svo stöddu.
Reglurnar
buðu ekki
upp á mikla
endurnýjun
segir ElínPálmadóttir
„HIN mikla þátttaka í prófkjörinu
er mjög uppörvandi fyrir sjálf-
stæðisfólk," sagði Elín Pálmadótt-
ir. „Sýnir áhuga, sem væntanlega
kemur til góða í komandi kosning-
um. Ljóst var um leið og nýjar og
þrengdar prófkjörsreglur sáust,
þar sem aðeins mátti velja 8
frambjóðendur, að þær buðu ekki
upp á mikla endurnýjun í þessum
sætum. Fyrir einstakling af eng-
um „hópi“ telst gott að halda í
horfinu og sínu 10. sæti í þeim
ólgusjó, sem verður af atgangin-
um í prófkjöri. Það sæti gefur að
vísu ekki mikil tækifæri til góðra
verka í þágu þeirra, sem treystu
mef til. En hafi þeir þökk fyrir
traustið,” sagði Elín að lokum.
„Lít alvar-
legum augum
á málið ”
segir Pétur Sigurðsson
„ÉG LÍT alvarlegum augum á
málið,“ sagði Pétur Sigurðsson, og
vildi hann ekki tjá sig frekar um
málið að svo stöddu.
Lloyd Morgan (annar frá vinstri) ásamt Birni Guðmundssyni fyrrv. stjórnarmanni i alþjóðastjórn
Lionshreyfingarinnar, ólafi Þorsteinssyni fjölumdæmisstjóra í umdæmi 109, þ.e. æðsta manni Lions á
íslandi, og Þorvaldi Þorsteinssyni stjórnarmanni i alþjóðastjórninni. Ljósm. Emilia.
„Reynum ad gera
samfélagið að
betri tilverustad”
Spjallað við Lloyd Morgan, heimsforseta Lionshreyfingarinnar
HEIMSFORSETI Lionshreyf-
ingarinnar, Lloyd Morgan, dvald-
ist hér á landi i 3 daga i síðustu
viku. Morgan, sem er frá Nýja-
Sjálandi, var kosinn forseti hreyf-
ingarinnar s.l. sumar og mun
skipa það embætti i eitt ár sem
venja er innan Lionshreyfingar-
innar. Mbl. ræddi stuttlega við
Morgan rétt áður en hann hélt
utan aftur.
„Fyrst langar mig til að bera
íslendingum kveðjur Ný-Sjálend-
inga,“ sagði Morgan. „Þann stutta
tíma sem ég hef verið hér, hef ég
komist að því að þjóðirnar eiga
margt sameiginlegt þótt löndin séu
um margt ólík.
Ég er mjög stoltur yfir því mikla
starfi sem Lionsmenn á íslandi
hafa unnið. Ég hef ferðast mikið
um á síðustu árum en hvergi verið
jafn önnum kafinn við að skoða
árangurinn af starfi hreyfingar-
innar. Allt það sem ég hef séð hér
yljar mér um hjartarætur. Mér
finnst alltaf gaman að hitta Lions-
félaga, þegar ég er á ferðalögum,
en besti hluti ferðarinn er alltaf að
sjá árangurinn af starfsemi hreyf-
ingarinnar. Hún snýst nefnilega
um það að reyna að gera samfélag-
ið að betri tilverustað. Við reynum
að gefa gaum að þeim sem lenda
utangarðs til að geta gert þeim
lífið léttara. Við trúum því nefni-
lega að þaö sé ósk allra að
mennirnir verði að finna lausn til
þess að lifa saman í friði og
hamingju. Ef við getum skapað
þannig hug í þjóðfélaginu erum við
komin langt áleiðis. „Einhuga
heimur" er slagorð Lionshreyf-
ingarinnar í ár. Þetta slagorð
getum við fundið í hjarta hvers
einasta manns og í gegnum Lions-
hreyfinguna er möguleiki á að gera
þá ósk að veruleika."
— Hve fjölmenn er Lionshreyf-
ingin?
„Lionshreyfingin starfar í 151
landi í 33.000 klúbbum. Félagar eru
1.250.000. Á íslandi eru Lionsfélag-
ar 2.880 talsins. Miðað við fólks-
fjölda er Lionshreyfingin á íslandi
langfjölmennust í heiminum. Einn
af hverjum 90 íbúum er Lionsfé-
lagi. Finnar koma næstir en þar er
1 af hverjum 200 íbúum félagi í
hreyfingunni.
Alþjóðlegur hjálparsjóður
I Lionshreyfingunni höfum við
alþjóðlegan hjálparsjóð, „Hjálp-
arsjóð alþjóða Lionshreyfingarinn-
ar“, og er sá sjóður styrktur af
öllum meðlimum hennar. Peningar
sjóðsins fara í að hjálpa efnaminni
þjóðum við alls konar uppbyggingu
í þjóðfélaginu. Á þennan hátt
hjálpar Lionshreyfingin þeim
þjóðum sem minna mega sín og
hefur það mikil áhrif á að skapa
samhug meðal þjóða heimsins,"
sagði Morgan að lokum. Þess má
geta að fyrsta framlag úr þessum
sjóði var til Vestmannaeyjasöfn-
unarinnar, 3000 dollarar.