Morgunblaðið - 21.12.1979, Side 2

2
MORGUNBLAÐIÐ, FÖSTUDAGUR 21. DESEMBER 1979
Mikið tjón í ofsa-
veðri á Akureyri
Akureyri, 20. desemher.
MIKIÐ tjón varð í ofsaveðri af suðvestri, sem gekk yfir Akureyri um og eftir
hádegi í dag. einkum í nyrztu og nýjustu hverfum bæjarins. Hlíðahverfi og
Síðuhverfi. Þar eru mörg hús í smíðum og önnur nýbyggð og varð margur
húseigandinn þar fyrir tilfinnanlegum skaða. Einnig fuku þrír bílar út af
þjóðvcginum í Kræklingahiíð og tjón varð á fleiri bifreiðum. Raflínur út með
Eyjafirði slitnuðu og staurar brotnuðu svo að rafmagnsleysi hlaust af. Engin
teljandi meiðsli urðu á fólki i ólátaveðri þessu.
Frá komu TF-VLD, Twin Otter-vélar Arnarflugs, frá Frakklandi til
Reykjavikur í gærkvöldi. Vélin byrjar í innaniandsfluginu strax í dag.
(Ljósm. Mbl. Ól. K. Mag.)
Amarflug' með þrjár
eigin vélar í innan-
landsfluginu í dag
Um hádegisbil hvessti snögglega af
suðvestri með miklum sveipum og
byljum og þar kom brátt að vindmælir
veðurstofunnar á lögreglustöðinni
stóðst ekki lengur áraunina og bilaði.
Þá voru komin um 10 vindstig, en þó
herti veðrið að mun eftir það.
Brátt tóku að berast hjálparbeiðnir
vegna foks á þakplötum af húsum í
Síðuhverfi, meðal annars fuku plötur
af tveimur fjölbýlishúsum. Allt tii-
tækt lögreglulið var kvatt út, einnig
Hjálparsveit skáta og Flugbjörgun-
arsveitin. Þar að auki fóru vinnu-
flokkar bæjarins undir stjórn bæjar-
verkstjóra til hjálpar og kepptust
menn við að reyna að negla niður
lausar þakplötur og hemja lauslega
hluti. Þetta dugði þó hvergi nærri til,
því að menn réðu sér varla í ofsanum
og öll vinna var miklum erfiðleikum
bundin eins og á stóð. Þó tókst að
bjarga miklu. Stór byggingarkrani
fauk um koll og stórskemmdist. Mikil
mannhætta var að vera úti við þarna í
hverfinu, en þó tókst svo lánlega tii,
að engin veruleg meiðsli hlutust af.
Vindstrengurinn úr Glerárdal stóð
þvert á þjóðveginn um Kræklingahlíð
og þar fuku tveir fólksbílar og einn
sendibíll út af veginum, sem þó var
alveg auður og hálkulaus. Einn
bílanna fór á hvolf, en enginn meidd-
ist. Þá lokaði lögreglan veginum milli
Lónsbrúar og Hlíðarbæjar, bæði
vegna veðurhæðar og foks yfir veginn
úr nýbyggingum þangað til veðrið tók
að ganga niður, en það var um
klukkan 15.
Nokkru síðar varð mest öll Akur-
eyri rafmagnslaus í tæpan klukku-
tíma. Ekki er vitað um verulegar
skemmdir í öðrum hverfum bæjarins
en þeim sem fyrr voru nefnd. Þó
losnuðu þakplötur af húsi við Eiðs-
vallagötu, jólaskraut 5 miðbænum fór
mjög illa og bálkestir, sem börn og
unglingar ætluðu að brenna á gaml-
árskvöld, tvístruðust. — Sv.P.
Rafmagnslaust á
Dalvík og víðar
AÐ SÖGN lögreglunnar á Dalvík
byrjaði mjög að hvessa undir hádegi í
gær og var veðrið mest upp úr
hádeginu, en undir kvöld lygndi til
muna. Plötur fuku af húsum á þremur
Samkeppni arkitekta í Danmörku:
Guðni Pálsson f ékk
fyrstu verðlaun
LAUST FYRIR klukkan 19 í gær
kum sú Twin Otter flugvél Arnar-
flugs til Reykjavíkur. sem fyrir
nokkru var keypt í Frakklandi.
Byrjar vélin áa'tlunarflug innan-
lands í dag ef veður leyfir og er
reiknað með að Arnarflug verði í
fyrsta skipti í dag með þrjár eigin
fíugvélar í innanlandsflugi, þ.e.
Twin Otterinn, sem kom í gær-
kvöldi, sams konar vél, sem keypt
var af Iscargo og hefur verið í
skoöun og viðgerðum síðustu daga,
og loks Piper Navaho, sem keypt
var frá Flugstöðinni. Otterarnir
taka hvor 19 farþega, en Navaho-
vélin 7 farþega. Mikið er að gera
þessa dagana í innanlandsfluginu
og má því segja að vélarnar komist
í reksturinn þegar mest á ríður.
Twin Otter vélin lagði af stað frá
SÉRA Pétur Magnússon frá
Vallanesi á Völlum lézt að heimili
sínu síðastliðinn miðvikudag.
Pétur var fæddur 18. apríl 1893 og
var því 86 ára er hann lést. Pétur
lauk stúdentsprófi 1916 og guð-
fræðiprófi frá Háskóla Islands
1920. Hann stundaði framhalds-
nám í heimspeki og uppeldisfræði
við Hamborgarháskóla veturinn
1920-21.
Pétur Magnússon
Allmargar verzl-
anir opnar til 22
ALLMARGAR verzlanir verða
opnar til klukkan 22 í kvöld.
Samkvæmt þeim upplýsingum,
sem Mbl. hefur aflað sér, er
verzlunum heimilt að hafa opið
til kl. 22 á föstudögum. Á
morgun laugardag verða verzl-
anir almennt opnar til klukkan
23.
Frakkiandi á miðvikudagsmorgun og
flaug í fyrradag til Luton í Englandi.
I gær var fyrst flogið til Stornoway
en síðan var áætlað að lenda í
Færeyjum. Það reyndist ekki hægt
vegna veðurs og var þá flogið til
Hornafjarðar, en síðan til Reykja-
víkur. Vélin hreppti versta veður á
leiðinni til landsins og var mótvind-
ur á köflum mjög mikill.
Boeing 727 vél Arnarflugs er
væntanleg til Frankfurt í dag frá
Nairobi og þaðan heidur vélin á
morgun til Barbados með þýzka
ferðamenn. Til Keflavíkur er síðan
von á vélinni að morgni aðfanga-
dags. Er fyrirhugað að allar áhafnir
Arnarflugs verði heima yfir jólin og
er það í fyrsta skipti, sem allar
áhafnir félagsins eru heima yfir
hátíðarnar.
Hann starfaði við íslandsbanka
og síðan Útvegsbankann í
Reykjavík frá 1923 til ársloka
1933. Pétri var veitt Vallanes 24.
september 1939. Eftir Pétur liggja
nokkur leikrit og önnur ritverk.
ÍSLENSKUR arkitekt, Guðni
Pálsson, sem starfað hefur að
undanförnu í Danmörku hlaut í
fyrradag fyrstu verðlaun í sam-
keppni meðal arkitekta um ný-
byggingu við Det Kongelige Teat-
er i Kaupmannahöfn.
Að sögn Páls Guðnasonar, föður
Guðna, vann Guðni fyrir um það bil
ári til fyrstu verðlauna í samkeppni
um staðsetningu og hugmynd að
viðbyggingu við leikhúsið. Var
síðan önnur samkeppni um nánari
útfærslu byggingarinnar og hlaut
teikning Guðna nú fyrstu verðlaun.
Tilkynnt var um verðlaunaveiting-
una í gær.
Guðni Pálsson hefur starfað í
Danmörku frá því hann lauk þar
námi í arkitektúr 1976. Hann er
sonur hjónanna Paulu Jónsdóttur
óg Páls Guðnasonar.
bæjum í Svarfaðardal og rafmagns-
línur slitnuðu í Arnarneshreppi. Raf-
magnslaust var á Dalvík, Árskógs-
strönd og víðar frá klukkan rúmlega
13 í gær og var enn er Mbi. hafði
síðast fréttir að norðan undir mið-
nætti. Lítið tjón varð á Dalvík í
veðrinu.
Nokkurt tjón í veður-
hamnum í Siglufirði
SiglufirAi. 20. des.
MIKILL veðurofsi hefur verið hér í
dag og farið allt upp í 12 vindstig í
mestu hryðjunum. Töluverðar
skemmdir urðu á húsum hér í bæ,
gluggar fuku upp, plötur losnuðu af
húsþökum og aðrar skemmdir urðu
nokkrar á eignum fólks. Á Sauðanesi
mældist veðurofsinn enn meiri og allt
að 140 hnútum þegar veðrið stóð sem
hæst. — nij
Evrópumót unglinga:
Jóhann með
betra í fyrstu
skákinni
EVRÓPUMEISTARAMÓT í skák
fyrir unglinga 20 ára og yngri
hófst í Groningen í Hollandi í
gær *og setti Friðrik Ólafsson
forseti FIDE mótið. Jóhann
Iljartarson er meðal keppenda og
hafði hann svart í fyrstu skák-
inni, sem var gegn Santo Roman
frá Frakklandi. Skákin fór í bið,
en í samtali við Mbl. í gær,
sagðist Jóhann vera með heldur
betri stöðu. Skákina átti að tefla
áfram í gærkvöldi.
Tefldar verða 13 umferðir á
mótinu eftir Monrad-kerfi og lýk-
ur því 4. janúar nk. Jóhann hefur
ekki áður tekið þátt í þessu móti,
en tvö undanfarin ár tefldi hann á
Evrópumeistaramóti sveina og
varð fyrst í 5.-9. sæti, en síðan í
6. sæti. Sterkustu skákmennirnir
á mótinu sagðist Jóhann telja að
væru Plaskett frá Englandi,
Tschernin frá Rússlandi og tékk-
neskur skákmaður. Jóhann sagði
að róðurinn yrði eflaust erfiður,
en sagðist vona, að hann gæti
blandað sér í baráttuna.
„Ópin í fólkinu og viljinn til að
hjálpa urðu óttanum yfirsterkari44
BJÖRGUNARMENN á slysstað
þyrlunnar á Mosfellsheiði sýndu
mikinn hetjuskap þegar þeir
þustu að flakinu til þess að ná
fólkinu úr brakinu. því að mikil
hætta var á því að sprenging yrði í
bensíngufunni sem lá yfir slys-
staðnum og geymar þyrlunnar
voru nær fullir af eldsneyti. Þegar
fyrstu hjálparmenn komu á stað-
inn stuttri stundu eftir brotlend-
inguna var eldur kominn upp í
stjórnklefa í einapgrun eða öðru
efni sem brann hægt. Annar af
tveimur mönnunum sem fyrstir
komu á staðinn, Skúli Karlsson,
fór strax að stjórnklefanum og
flugstjóri þyrlunnar sem var fast-
ur í brakinu gat leiðbeint honum
við að taka aðal rafmagnsrofann
úr sambandi.
Björgunarmennirnir sem fyrstir
komu á slysstaðinn og þeir sem
hjálpuðu við að ná fólkinu út úr
þyrlunni voru allir í mikilli
lífshættu meðan hætta var á
sprengingu. Ásamt Skúla Karls-
syni kom fyrstur á vettvang Hall-
dór Sigurjónsson og örstuttri stund
síðar komu þeir Karl Eiríksson og
Skúli Jón Sigurðarson deildarstjóri
hjá Flugmálastjórn.
Morgunblaðið ræddi í gær við
Halldór Sigurjónsson um þennan
þátt björgunarinnar og segist hon-
um svo frá:
„Þegar við Skúli komum á vél-
sleðanum að flakinu rétt eftir að
þyrlan hrapaði sáum við í gegn um
sprungu á véiinni að það var farið
að loga framan og ofantil í stjórn-
klefanum. Þetta voru þó ekki eld-
tungur, heldur mikil glóð og líklega
hefur eldurinn verið að kvikna í
einangrun eða klæðningu vegna
slitinna rafmagnsleiðslna. Við urð-
um strax smeykir vegna eidsins og
hinnar miklu sprengihættu sem
var, en ópin inni í brakinu voru
mikil og áhuginn á að hjálpa
þannig að við skeyttum engu um
hættuna, óttinn varð að víkja.
Þegar við komum að þyrlunni
hljóp Skúli fram með vélinni að
stjórnklefanum, en ég að miðri vél
þar sem Ólafur læknir var að reyna
að komast út og fór ég að aðstoða
hann. Skúli fór hins vegar strax til
flugstjórans sem lá fastur í gati
sem hafði brotnað á vélina og
flugmaðurinn var með það mikilli
rænu að hann gat sagt Skúla, þegar
hann spurði, hvar aðalrofinn fyrir
vélina væri og Skúli gat slegið hann
út. Vindur stóð þannig aö aðal-
bensíngufan lá yfir þar sem eldur-
inn var að kvikna og ég tel að þarna
hafi sekúndubrot getað ráðið úr-
slitum, því að strax þegar búið var
að slá rafmagnið af dó eldurinn út.
Aðeins 1—2 mínútum eftir að við
Skúli komum að þyrlunni komu
þeir Skúli Jón Sigurðarson og Karl
Eiríksson á öðrum vélsleða og við
fórum í að koma fyrsta fólkinu út
úr brakinu því hætta á sprengingu
var að sjálfsögðu ekki liðin hjá.
Nokkrum mínútum síðar komu
fleiri björgunarsveitarmenn og
unnu fljótt og örugglega við að
koma ölíu fólki út úr flakinu og frá
því þangað sem engin sprengihætta
var.“
Fjórmenningarnir sem fyrstir komu að þyrlubrakinu. Frá vinstri: Karl
Eiríksson, Skúli Jón Sigurðarson deildarstjóri hjá Flugmálastjórn sem
m.a. fækkaði fötum til að láta hinu slösuðu hafa, Halldór Sigurjónsson
og Skúli Karisson sem sló út aðalrofann vegna sprengihættu. Allir
þessir menn ásamt fjölda annarra björgunarsveitarmanna settu sig í
mikla lífshættu og unnu að mati lækna á staðnum frábær björgunar-
störf. Ljósmynd Mbl. ól.K.M.
Séra Pétur frá
Vallanesi látinn