Morgunblaðið - 20.01.1980, Qupperneq 17

MORGUNBLAÐIÐ, SUNNUDAGUR 20. JANUAR 1980
49
R í ESJU-
JÖKULINN
gengið var upp í skálann kvöldið
áður. Ferðin gekk sæmilega og var
leiðangurinn kominn á jeppunum
upp að Esjufjöllum um klukkan
10. Var nú áð til klukkan 11 og þá
haldið af stað heim á leið og var
leiðangurinn um 3 klst. og 20
mínútur niður að jökulröndinni,
um 21 km. leið.
Þorsteinn Sigurbergsson sagði
að erfiðasti kafli leiðarinnar hefði
verið eitt haftið á milli jökul-
sprungna. Þar sagði hann, að
hjólbarðarnir hefðu hreinlega
staðið út af haftinu og þar þurfti
að lyfta öðrum jeppanum upp að
aftan með tjakk og síðan að ýta til
hliðar ofan af tjakknum svo að
jeppinn sneri rétt við næsta hafti.
— Sannkallaður tröllavegur, sagði
Þorsteinn.
Þe'ss má geta, að Þorsteinn fór
ásamt fleirum nokkru áður akandi
á jeppa í Mávabyggðir, sem eru
um 5 km austar í jöklinum. Sagði
hann, að sú ferð hefði einungis
verið möguleg vegna þess hve lítill
snjór hefði verið á þessu svæði.
Ferðin í Mávabyggðir tók um það
bil 5 klukkustundir fram og til
baka.
Þau sem fóru ásamt Þor-
steini Sigurbergssyni í Esjufjöll
voru þau Geir Ágústsson, Unnur
Óskarsdóttir og Guðbjörg Guð-
mundsdóttir. Þau þrjú síðast-
nefndu eru úr Reykjavík, en
Þorsteinn frá Höfn.
— Einar.
Lagt af stað fótgangandi í skála Jöklarannsóknafélagsins til að kanna ökuleiðina, sem farin
var á bifreiðunum daginn eftir. Fellsfjall í baksýn.
Geir Ágústsson, annar ökumannanna í leiðangrinum, á miðju jökulsprungusvæðinu. Nota
þurfti tjakk til að lyfta bílunum og snúa þegar leiö var sem torfærust. í baksýn er nyrzti hluti
Fellsfjalls hægra megin og ber það í Veöurárdalsfjall, sem er á miðri myndinni.