Morgunblaðið - 10.02.1980, Blaðsíða 2

2
MORGUNBLAÐIÐ, SUNNUDAGUR 10. FEBRUAR 1980
Þingflokkur Sjálfstæðisflokksins um málefnasamninginn:
Stefnt að útþenslu
ríkisbáknsins og
aukningu ríkisafskipta
Óraunhæft áróðursplagg, einkennandi fyrir stefnu vinstri flokka
Þessi vagn fauk út af veginum rétt innan við Hólalæk í
Grundarfirði í fyrradag á sama tíma og veghefillinn lenti í
snjóflóðinu á veginum við Ólafsvíkurenni. Bæring Cecilsson
fréttaritari Mbl. í Grundarfirði tók þessa mynd er hann var á leið
til að mynda hefilinn.
Alþýðubankinn hyggst
selja Vesturgötu 29
MORGUNBLAÐINU hefur borizt
eftirfarandi frá þingflokki Sjálf-
stæðisflokksins:
„Þingflokkur Sjálfstæðis-
flokksins hefur kynnt sér
málefnasamning ríkisstjórnar-
innar og ályktar af því tilefni
eftirfarandi:
Þingflokkurinn telur málefna-
samninginn þess efnis, að flokkur-
inn geti ekki veitt ríkisstjórninni
stuðning né hlutleysi, enda gengur
hann í veigamiklum atriðum gegn
grundvallarstefnu Sjálfstæðis-
flokksins.
Sem dæmi um efnisatriði má
nefna:
1. I samningnum eru almennar
yfirlýsingar um hjöðnun verð-
bólgu, jafnvægi í peningamálum,
hallalausum ríkisbúskap og efl-
ingu atvinnulífsins. Um þessi
markmið geta allir orðið sam-
mála. Mestu skiptir, hvernig á að
ná þeim og í þeim efnum eru
engar vísbendingar gefnar, sem
hald er í.
2. Kveðið er á um aukningu
ríkisútgjalda, sem samtals geta
numið tugmilljörðum króna á ári,
án þess að tilgreind sé nokkur
tekjuöflun eða útgjaldalækkun á
móti. Þessi ákvæði samningsins,
ef framkvæmd verða, munu þýða
stórfellda skattahækkun, halla á
ríkissjóði,,seðlaprentun og söfnun
eyðsluskulda erlendis. Jafnframt
er kynt undir áframhaldandi verð-
bólgu.
3. Stefút er að útþenslu ríkis-
báknsins og aukningu ríkisaf-
skipta. Ríkið mun draga til sín
enn meira fjármagn; sem ekki
getur nýtzt til að auka rauntekjur
þjóðarinnar. Það leiðir til lakari
lífskjara.
4. Ákvæði kaflans um verð-
lagsmál, þar sem verðbreytingar
eru ákveðnar án tillits til inn-
lendra kostnaðarhækkana,
þrengja mjög hag fyrirtækjanna
og koma í veg fyrir kosti frjálsrar
verðmyndunar.
5. I utanríkismálum er ekki
minnzt á aðild Islands að Atl-
antshafsbandalaginu né varnar-
og öryggismál og er því allt opið í
þeim efnum. Hins vegar er að
finna óskyld málefni svo sem
ákvæði um átak til atvinnuupp-
byggingar á Suðurnesjum. Þetta
hvort tveggja vekur upp spurn-
ingu um það, hvort hér sé um
stefnubreytingu eða uggvænlegt
ístöðuleysi að ræða í varnarmál-
um, þar sem Alþýðubandalaginu
er fengið úrslitavald í öryggis-
málum þjóðarinnar.
6. Stefnuskráin er í raun og
veru óskalisti. Einstök atriði úti-
loka hvert annað, þannig að dæm-
ið getur ekki gengið upp í heild.
Samningurinn er því óraunhæft
áróðursplagg, einkennandi fyrir
stefnu vinstri flokka.
Hér hafa verið nefnd fáein
atriði í málefnasamningnum, sem
Sjálfstæðisflokkurinn getur með
engu móti samþykkt. Málinu öllu
verður gerð frekari skil í umræð-
um á Alþingi.
Með tilvísun til þessa verður
þingflokkur Sjálfstæðisflokksins í
andstöðu við ríkisstjórnina."
ALÞÝÐUBANKINN er um þessar
mundir að ganga frá sölu á húsinu
við Vesturgötu 29, en það hús var á
sínum tíma gefið af Þorkeli Valdi-
marssyni. Samkvæmt heimildum
Morgunblaðsins er það Þorsteinn
Jónsson listfræðingur, forstöðu-
maður Listasafns Alþýðu- og Lista-
álans, sem hyggst kaupa húsið.
Sumarið 1978 gaf Þorkell Valdi-
marsson húsið til Menningar- og
fræðslusambands Alþýðu „vegna
þeirra sögulegu tengsla, sem verka-
lýðshreyfingin á við húsið, en þar
bjó á sínum tíma Ottó N. Þorláksson
fyrsti forseti ASÍ“. Formleg eig-
endaskipti fóru fram síðastliðið
sumar, er MFA var þinglýstur eig-
andi þess.
Skömmu síðar var húsið auglýst
til sölu, en það var þó ekki selt á
almennum markaði, heldur höfðu
Alþýðubankinn og MFA makaskipti
á húsinu og húseign við Grensásveg,
þar sem MFA er nú að innrétta
skrifstofur. Alþýðubankinn er nú að
selja þetta hús og líklegur kaupandi
er Þorsteinn Jónsson listfræðingur,
eins og áður sagði.
— Það er rétt, að húsið er til sölu,
en það kann þó að vera að meira sé
eftir í þessu máli, en aðeins forms-
atriði, sagði Stefán Gunnarsson,
'bankastjóri Alþýðubankans, í gær.
— Það hefur komið upp atriði, sem
kann að torvelda söluna, en það er
viðveruréttur kaupmannsins, sem er
með verzlun í húsinu. Hann á rétt á
vissum uppsagnarfresti og sá kaup-
andi, sem hefur verið heitastur í
þessu og hyggst breyta húsinu í
íbúðarhús, vill eðlilega fá húsið sem
fyrst.
— Með sinni ágætu gjöf hefur
Þorkell Valdimarsson stuðlað að því,
að MFA gæti eignast eigið húsnæði,
en húsið við Vesturgötu hentaði ekki
fyrir starfsemi sambandsins. Það
voru engir fyrirvarar frá honum
varðandi þessa gjöf, en í framtíðar-
húsnæði MFA verður væntanlega
sett upp skilti þar sem þess verður
getið, að þetta húsnæði hafi MFA
_eignast vegna gjafar Þorkels Vald-
imarssonar, sagði Stefán Gunnars-
son bankastjóri.
Hjörleifur
Guttormsson:
Blæbrigðamunur
á vinstri
stjórn og þessari
Hjörleifur Guttormsson, iðn-
aðarráðherra, sagði í samtali
við Vísi í gær, að það væri „að
vísu blæbrigðamunur á stefnu
vinstri stjórnarinnar og þeirr-
ar, sem nú tekur við, en enginn
ágreiningur er varðandi stefn-
una í orkumálum, svo dæmi sé
tekið."
Sigurður Óskarsson Hellu:
„Harma vinnu-
brögðin“
MORGUNBLAÐINU hefur borist
eftirfarandi bókun frá Sigurði Ósk-
arssyni á Hellu, en bókunina lét
hann gera á fulltrúaráðsfundi sjálf-
stæðisfélaganna í Rangárvallasýslu
í síðustu viku:
„Ég lýsi yfir fullri andstöðu við það
verk varaformanns Sjálfstæðis-
flokksins og fylgismanna hans úr
röðum sjálfstæðismanna að mynda
ríkisstjórn á íslandi fyrir Alþýðu-
bandalagið og Framsóknarflokkinn,
helztu stjórnmálaandstæðinga Sjálf-
stæðisflokksins. Þá harma ég þau
vinnubrögð sem notuð hafa verið til
að koma á laggirnar þessari ríkis-
stjórn."
Björgvin Vilmundarson for-
maður öryggismálanefndar
BJÖRGVIN Vilmundarson,
bankastjóri, hefur verið skipaður
formaður öryggismálanefndarinn-
ar í stað Einars Ágústssonar, sem
lét af því starfi er hann tók við
embætti sendiherra í
Kaupmannahöfn. Benedikt
Gröndal skipaði Björgvin Vilm-
undarson í þetta starf sl. mánu-
dag, 4. febrúar en Björgvin hefur
verið annar af tveimur fulltrúum
Alþýðuflokksins í nefndinni.
Vesturgata 29, sem Þorkell Valdimarsson gaf MFA fyrir 2 árum, en
Alþýðubankinn er nú að selja. Þar bjó Ottó N. Þorláksson fyrsti forseti
ASI og þaðan var farin fyrsta kröfuganga verkalýðshreyfingarinnar 1.
maí 1923. (Ljósm. Ól.K.Magn.)
„Fái Dagblaðið forsíðufréttir sínar
með þessum hætti ber ég ekki mikla
virðingu fyrir frjálsri blaðamennsku“
Segir Sólveig Pálmadóttir
„FÁI Dagblaðið sínar forsíðu-
fréttir á þennan hátt, þá ber ég
nú ekki mikla virðingu fyrir
frjálsri blaðamennsku,“ sagði
Sólveig Pálmadóttir í samtali
við blaðamann Morgunblaðsins
í gær. Sólveig er formaður
Sjálfstæðisfélags Ncs- og Mela-
hveríis, og í Daghlaðinu í gær
er haft eftir henni að hún sé
„ekki til viðtals um brottrekst-
ur Gunnars“ úr félaginu, en
Gunnar Thoroddsen forsætis-
ráðherra er einn félaga í
hverfafélaginu.
Sólveig sagði í samtali við
Morgunblaðið í gær, að ekki hafi
verið minnst á brottrekstur
Gunnars í samtali hennar við
blaðamann Dagblaðsins. „Blaða-
maðurinn kynnti sig, og kvaðst
heita Gunnlaugur," sagði Sól-
veig, „og bar hann síðan upp
þrjár spurningar. í fyrsta lagi
spurði hann hvort ég væri ekki
formaður í þessu hverfi hér, og
kvað ég já við því. Þá spurði
hann hvort til stæði að halda
fund hér í hverfinu. Svaraði ég
því neitandi, slíkt hefði ekki
komið til umræðu. Þá spurði
hann hvort Gunnar Thoroddsen
væri ekki í félaginu, og svaraði
ég því játandi, en sagðist ekki
vera til viðtals um þessi mál. Við
fylgdumst bara með framvindu
mála eins og aðrir.
Það sem gerist næst er að ég
rek augun í þessa forsíðufrétt, og
finnst mér þetta vægast sagt
óforskammað hjá blaðinu.
Blaðamaðurinn minntist ekki
dagbiaðib
frjálst,
óháð
dagblað
Vertiur forsætisréAhemnn rekim úr fíokknum?
Égerekki til viðtals um
brottrekstur Gunnars
Meíaöverfis, þersem dr. GunnerThoroddseuerteug, _
Forsíðufrétt Dagblaðsins í gær.
einu orði á brottrekstur Gunn-
ars, það eina sem hann nefndi í
sambandi við nafn Gunnars
Thoroddsens, var það að hann
spurði hvort hann væri ekki í
þessu hverfafélagi. Er mér ó-
mögulegt að skilja hvernig menn
geta snúið hlutum við á þennan
hátt,“ sagði Sólveig að lokum,
„og þessi „frétt" Dagblaðsins
gefur alrangar hugmyndir af
samtalinu."