Morgunblaðið - 23.08.1980, Blaðsíða 20

20
MORGUNBLAÐIÐ, LAUGARDAGUR 23. ÁGÚST 1980
lltoiqgmiÞlafrifr
Útgefandi
Framkvæmdastjóri
Ritstjórar
Ritstjórnarfulltrúi
Fréttastjóri
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson.
Björn Jóhannsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar:
Aöalstræti 6, sími 22480. Afgreiðsla: Skeifunni 19, sími 83033.
Áskriftargjald 5.000.00 kr. á mánuöi innanlands. í lausasölu 250
kr. eintakiö.
Hollráð húsvinar?
Ekkert umræðuefni virðist Þjóðviljamönnum huKstæðara
síðustu vikur en það, sem þeir kalla „innanhússvanda Sjálf-
stæðisflokksins". Það fyllir hugi þeirra og hjörtu í þeim mæli, að
jafnvel „hugsjónir“ marxismans, eins og þær birtast skærastar í
Afganistan og Póllandi, verða hornrekur. Bróðurparturinn af tíma
þeirra, heilabrotum, skriftarkúnst og blaðrými fer í þetta
„uppáhaldsviðfangsefni“. Og ekki stendur á „heilræðunum", enda
„góðvildin" í garð sjálfstæðisfólks gamalkunn.
Öll spjót Þjóðviljans beinast að einum manni: Geir Hall-
grímssyni, formanni Sjálfstæðisflokksins. Það er langt síðan að
þetta blað hefur skrifað jafn oft, jafn mikið og jafn „illa“ — í fleiri
en einum skilningi — um íslenzkan stjórnmálamann. Og
tilgangurinn er sagður sá að leiða Sjálfstæðisflokkinn frá villu síns
vegar í eigin forystumálum — og á „réttar" brautir.
Nú kann það að vefjast fyrir sjálfstæðisfólki, að Þjóðviljinn sé
hinn rétti stefnuviti í innri málum Sjálfstæðisflokksins. Að þetta
baráttutæki gegn borgaralegu þjóðskipulagi og fyrir sósíalískum
þjóðfélagsháttum, eins og þeir hafa þróazt þar sem reyndir hafa
verið, sé hollráður húsvinur í kjölfestu borgaralegra samtaka í
þjóðfélaginu, Sjálfstæðisflokknum. Hætt er við, að sjálfstæðisfólk
dragi aðra og réttari lærdóma af þeim lexíum, sem lesmál
Þjóðviljans hefur verið því, einkum eftir myndun núverandi
ríkisstjórnar.
Það hefur verið gæfa frjálslyndra borgaralegra afla á íslandi að
vera sameinuð í einum stjórnmálaflokki. Þau hafa gert sér ljóst,
þótt ágreiningur hafi stundum komið upp um dægurmál, að
samstaðan um meginmálin vegur þyngra: varðveizla borgaralegs
lýðræðis, frjálsræðis og þegnréttinda — og samstaðan með þeim
þjóðum, sem við eigum samleið með, hvað varðar þjóðfélagsgerð,
menningararfleifð og viðhorf til einstaklingsfrelsisins og þegnrétt-
inda.
Saga síðustu áratuga geymir viðlíka árásir á formenn Sjálfstæð-
isflokksins og Þjóðviljinn, og raunar fleiri fyrirbæri í þjóðlífinu,
beina gegn núverandi formanni flokksins. Reynslan hefur sýnt, að
sjálfstæðisfólk í bæ og byggð þjappar sér þeim mun fastar um
forystumenn sína, sem harðar er að þeim vegið.
Eignaskattar og
sjálfseignarstefna
Yfir 90% íbúða á íslandi eru í eigu þeirra fjöls íyldna sem í
þeim búa. í því ljósi skoðað eru fleiri „eignamenn" á íslandi en
í flestum öðrum ríkjum. Sú þróun, sem orðið hefur í hækkun
eignaskatta, samhliða hækkun skattheimtu yfirleitt á síðustu
tveimur árum, stríðir gegn þeirri sjálfseignarstefnu, sem svo rík
ítök á í hugum Islendinga.
Vinstri stjórn Olafs Jóhannessonar hækkaði eignaskatta um
50%. Þessi skattauki hefur reynzt þungbærari vegna mikillar
hækkunar á fasteignamati, en sú hækkun hefur ekki síður sagt til
sín í fasteignagjöldum til sveitarfélaga. Þingmenn Sjálfstæðis-
flokks vildu af þessum sökum á liðnu þingi hverfa til álagning-
arreglna um eignaskatt frá árinu 1978, þ.e. afnema vinstri stjórnar
hækkunina. Núverandi ríkisstjórn hélt hinsvegar fast í þennan
skattauka, eins og alla aðra skattauka vinstri stjórnarinnar.
Þessi stjórnarafstaða hefur leitt til verulegrar hækkunar
eignaskatta milli áranna 1979 og 1980, að vísu mismunandi eftir
skattumdæmum. Þessi hækkun er hvergi undir 60%, 93% í
Reykjavík og 120% þar sem stökkið er mest, á Austurlandi. Þessi
skattlagning kemur víða illa við fólk. Þess er að gæta, að þær
tekjur, sem ráðdeild hefur breytt í eign, voru að sjálfsögðu
skattlagðar þegar fyrir þeim var unnið. Hér stuðlar ráðdeild að
tvísköttun, sem ekki er til að dreifa, þegar fjármunum hefur verið
eytt á síður æskilegan máta.
Eignaskattar eiga rétt á sér, innan hóflegra marka. Sú hækkun,
sem hér er á orðin, kemur verst við þá sem sízt skyldi. Einstæð
foreldri og aldrað fólk, sem reynir að halda í húseignir, á sumt
hvert við ærinn vanda að glíma af þessum sökum. Meginmálið er,
að ríkjandi skattastefna í þjóðfélaginu stríðir gegn þeirri
sjálfseignarviðleitni, sem verið hefur aðall íslendinga. I því efni er
mál að linni.
Nokkrir af heiðursgestum sýningarinnar. Á myndinni má sjá Sigurjón Pétursson. forseta
borgarstjórnar. forseta íslands. Vigdísi Finnbogadóttur og viðskiptaráðherra. Tómas
Árnason.
Heimilissýningin
’80 formlega opnuð
SYNINGIN Heimilið "80 var í gær íormlega opnuð við hátíðlega viðhöfn og
að viðstöddum fjölmörgum gestum. Meðal þeirra voru forseti íslands, Vigdís
FinnboKadóttir^ Sigurjón Pétursson forseti borgarstjórnar og Viðskiptaráð-
herra Tómas Arnason, sem opnaði sýninguna formlega. Þá hélt fram-
kvæmdastjóri Kaupstefnunnar hf., Bjarni Ólafsson ræðu og sagði meðal
annars:
„Tengt þessari sýningu nú
hefur verið lagt í það stórvirki
að leigja ferðatívolí til landsins
og er það von okkar að af
þessari tilraun megi nokkum
lærdóm draga. Ef einhver von á
að verða til þess að tívolírekst-
ur í einhverri mynd geti skotið
rótum hérlendis, sem varanlegt
fyrirbrigði, eða til skemmri
tíma í senn eins og nú er gert,
þá þarf ríkisvaldið að lina á
skattheimtukló sinni.
Hjá frændþjóðum okkar á
Norðurlöndum er starfsemi
sem þessi sölu- og skemmtana-
skattsfrjáls. Hér á landi er
boginn hins vegar spenntur til
hins ítrasta og ofan á hvern
aðgöngumiða í tæki kemur
rúmlega 40% skattheimta.
Ríkisvaldið hefur því í hendi
sér hvort þessi tilraun verður í
senn sú fyrsta og sú síðasta Draumabíllinn, skemmtilegt barnaherbergishúsgagn. sem
sinnar tegundar." Kaupstefnan hf. flutti hingað til lands í tilefni sýningarinnar.
Högni hrekkvísi og félagar verða á sýningunni og kynna teiknimyndasögur Moggans.