Morgunblaðið - 18.11.1980, Blaðsíða 31
MORGUNBLAÐIÐ, ÞRIÐJUDAGUR 18. NÓVEMBER 1980
31
heimilinu yfir vertíðina. Munu
heimilismenn oftast hafa verið
yfir tuttugu manns.
Þau Þórður og Katrín eignuðust
12 börn og eru sex þeirra enn á
lífi. Þau eru: Þórður Guðmann,
bifreiðstjóri, Björn, sjómaður,
Rut, gift Óla Valdimarssyni,
starfsmanni hjá Fiskifélagi Is-
lands, Karólína Þóra, hárgreiðslu-
kona, Asta, gift undirrituðum og
Birna gift Helga Ingimundarsyni,
skristofustjóra. Afabörnin voru
17, þar af eru 16 á lífi, langafa-
börnin eru 23 og eitt langalanga-
afabarn. Á lífi eru því 46 afkom-
endur þeirra hjóna. Katrín andað-
ist 28. nóvember 1974.
Árið 1940 flutti Þórður til
Reykjavíkur og vann þar í nokkur
ár við skipasmíðar og húsbygg-
ingar. Dvaldi hann þar í níu ár en
alltaf mun hugurinn hafa verið
bundinn við sjó og fisk. 1949 fór
hann svo aftur til Vestmannaeyja,
reisti með eigin höndum hús fyrir
innan Hástein og sunnan við
gamla íþróttavöllinn sem þá var.
Það hús nefndi hann Þórðarhöfða.
Einnig smíðaði hann sér trillu og
hóf á henni sjósókn og for-
mennsku á ný. Öftast var hann
einn á þessu fari sínu en stundum
réri hann við annan mann. Meðal
háseta hans þá var Ási í Bæ og
hefur hann ritað skemmtilega um
þessar sjóferðir þeirra í bók sinni
„Sá hlær best sem ...“ Síðar seldi
Þórður þetta hús sitt við íþrótta-
völlinn og keypti húsið Haga við
Heimagötu og þar bjó hann uns
húsið fór undir hraun í eldgosinu
1973. Bjó hann síðan í Reykjavík
þar til í júlí sl. að hann fór til
Vestmannaeyja til dvalar á* elli-
heimilinu Hraunbúðum. Sú dvöl
varð þó skemmri en nokkurn
grunaði því að hann andaðist
skyndilega að kveldi sunnudagsins
9. nóvember sl.
Þórður var sístarfandi fram á
síðustu ár. Hann vann alla ævi
hörðum höndum eins og áður
segir, ýmist við búskap, sjó-
mennsku og smíðar. Haraldur
Guðnason, bókavörður í Vest-
mannaeyjum lýsir Þórði svo í bók
sinni „Saltfiskur og sönglist":
„Þórður var vel í meðallagi að
vexti, afrenndur að afli á yngri
árum hafa kunnugir sagt, harður
á brún, en launkíminn og viðræðu-
góður eftir nokkra viðkynningu en
ekki allra viðhlægjandi. Hann er
greindur sem hann á ætt til og
bókhneigður. Fór sínar leiðir
hvort sem öðrum líkaði betur eða
verr. Oflátungar eru honum lítt að
skapi. Kannski má segja að hann
sé einn hinna sérstæðu kjarna-
karla aldamótanna." Að mínum
dómi er Þórði þarna rétt lýst og
því má bæta við að undir oft
hrjúfu yfirbragði leyndist blítt
hjarta. Hann var einstaklega
barngóður og nutu börnin okkar
þess í ríkum mæli.
Ekki var ævi Þórðar alltaf dans
á rósum. Sex af börnunum létust
með stuttu millibili, ýmist á ungl-
ingsaldri eða uppkomin og finnst
mér það næstum ofurmannlegt að
reyna slíkt mótlæti án þess að
brotna en þeim hjónum var gefinn
styrkur til þess að standast þessa
miklu raun án þess að bugast.
Á sinni löngu sjómannsævi
komst Þórður oft í hann krapp-
ann. Stundum var bilið mjótt á
milli lífs og dauða en alltaf kom
Þórður úr hverri svaðilför með
skip sitt heilt í höfn. Að lokum bið
ég tengdaföður mínum blessunar
guðs með þakklæti fyrir allt sem
hann gerði fyrir mig og mína
fjölskyldu. Án hans atbeina hefði
félaus námsmaður nýkominn úr
skóla ekki byggt yfir fjölskyldu
sína svo sem raun varð á.
Þórður hefur nú lagt frá landi í
sína hinstu för. Ekki þarf að kvíða
austanstórsjó eða útsynnings-
brimi eins og við Eyjar forðum því
að fyrir stafni er sléttur sjór og
landtakan örugg.
Við hjónin þökkum sérstaklega
Einari Val Bjarnasyni, yfirlækni
Sjúkrahúss Vestmannaeyja, öðru
starfsfólki sjúkrahússins svo og
starfsfólki Elliheimilisins Hraun-
búða, fyrir fádæma góða aðhlynn-
ingu.
Blessuð veri minning Þórðar
Stefánssonar.
Theódor S. Georgsson.
Guðríður Þórólfs-
dóttir - Minning
Fædd 20. septembcr 1891
Dáin 8. nóvember 1980
I dag, þriðjudaginn 18. nóvem-
ber, kveðjum við eina mestu
„hvunndagshetju“ vorra tíma.
Þessa hljóðlátu tegund sem er, ef
svo má að orði kveða, að verða
„útdauð", eins og Geirfuglinn.
Það vill oft verða hlutverk
aldraðra, sem há þessa glímu við
lífið, að það gleymist fljótt, en sú
minning, sem við eigum um Guð-
ríði frá þvi fyrsta til hins siðasta,
verður hennar nánustu ógleym-
anleg.
Oft er talað um kreppuárin,
bæði hér heima og erlendis. Það er
ekki óeðlilegt að minnast þeirra
ára fyrir þá, sem þau muna. Mér
er ofarlega í huga, og þá e.t.v. sem
skósmiðsdóttir, að minnast þess,
að Guðríður heitin gegndi því
hlutverki með miklum sóma, að
sóla skó fjölskyldu sinnar, ásamt
mörgum öðrum verkefnum, sem
talin voru karlmannsverkefni, en í
dag hofir þetta sem betur fer
breytst talsvert, þar sem ungar
konur eru þó orðnar Iiðtækari við
ýmis störf, sem áður fyrr töldust
eingöngu karlmannsstörf.
Brosinu hennar Guðríðar
gleymir enginn, hún gegndi sínu
ömmuhlutverki frábærlega vel.
Peysurnar, háleistarnir og vettl-
ingarnir komu í góðar þarfir
barnabarnanna, sem syrgja nú
ömmu sína, sem allt lék í höndun-
um á, og þau nutu góðs af, auk
þess var Guðríður góðum gáfum
gædd.
Guðríður hafði frábært skop-
skyn, og var ánægjulegt að deila
geði við hana, þar sem hennar
hnittnu svör komu okkur oft á
óvart, vegna þess að hún var
alvörumanneskja og ekki sérlega
mannblendin. Aftur á móti var
hún mikill vinur vina sinna og hélt
mjög gott heimili fyrir fjölskyldu
sina.
Sinni elli tók hún af miklu
þolgæði og ætlaðist aldrei til
þjónustu annarra, hvorki ættingja
né vandalausra, enda var Guðríð-
ur mikil trúkona. Hún hélt mikið
upp á Passíusálma Hallgríms Pét-
urssonar, það má með sanni segja,
að hennar lífsviðhorf hafi talsvert
mótast af innihaldi þeirra.
Þær minningar sem Guðríður
skilur eftir hjá dætrunum 3, þeim
Sólrúnu, Rósu og Ragnhildi Þor-
björnsdætrum, ásamt fjölskyldum
þeirra, munu ógleymanlegar, svo
og hjá öllum þeim er náin kynni
höfðu af henni.
Megi góður Guð fylgja þessari
frómu konu.
Börn, tengdabörn og barnabörn
þakka henni allt það góða sem hún
lét af sér leiða.
Þar sem góðir menn fara eru
Guðs vegir.
Vigdís Ferdinandsdóttir
Björg Ornólfsdótt-
ir - Minningarorð
Fædd 19. janúar 1928
Dáin 1. nóvember 1980
Mig langar til að minnast Stellu
eins og hún var alltaf kölluð með
nokkrum minningarorðum. Ég
kynntist Stellu fyrst á Húsmæðra-
skóla Árnýjar heitinnar Filipus-
dóttur í Hveragerði árið 1947 og
notið þessarar ánægjustundar
með mér og minni fjölskyldu. Vii
ég svo þakka Stellu fyrir allar þær
ánægjustundir sem hún veitti mér
og börnum mínum og þá sérstakl-
ega flyt ég Stellu þakkir fyrir
hönd dóttur minnar Ingunnar og
börnum hennar fyrir allt það
traust sem Stella veitti þeim, því
gott var að leita til Stellu ef
eitthvað bjátaði á því hún var
mjög trúuð kona.
Ég og fjölskylda mín munum
sakna Stellu og hennar hlýja brosi
á heimili okkar.
Svo biðjum við Guð að geyma og
varðveita Stellu og vottum við
aðstandendum hennar okkar
bestu samúðarkveðjur.
Sisí vinkona
og fjölskylda.
Breytt
símanúmer
á afgreiöslu
Morgunblaösins
83033
Ekta
Marmari er ekta náttúruefni meö frábæra endingar-
eiginleika og sérlega auövelt aö halda hreinu. Hin
mjúku og hlýju litbrigði marmarans gera hann að
tilvöldu byggingarefni, jafnt á heimilum sem opinber-
um byggingum. Byggingarefni fyrir hina vandlátu.
Vinsamlegast leitið upplýsinga.
# Nýborg
H
Armúla 23. — Sími 86755.
BR0WN járnsagir
• Höfum fyrirliggjandi Brown Profilesagir.
• Þrjár stærðir.
• Einfasa 220 v. • Allar sagir með kælingu.
• Þriggja fasa 380 v. • Sagarblöð í miklu úrvali.
Ármúla 22,
símar 34061
— 34066.
istækni hff.
upp frá því urðum við mjög nánar
vinkonur. Eftir að ég flutti til
Keflavíkur reyndi Stella að koma
eins oft og hún gat til mín og
fjölskyldu minnar og þá fylgdi
henni alltaf bros og hlýja. Og allir
hlökkuðu mikið til þegar Stella
var væntanleg og þá sérstaklega
krakkarnir mínir því Stella var
alltaf svo góð við alla. Gaman var
að gleðjast með Stellu innan allrar
fjölskyldunnar. Tek ég dæmi að í
maí síðastliðinn kom Stella til
mín í síðasta sinn á afmæli mínu
og var hún mikið glöð j)ó heilsu
hennar væri farið að hraka, og
minntist hún oft eftir það við mig
í síma hversu mjög hún hefði
Styrkið og fegrið líkamann
Dömur og herrar!
Ný 3ja vikna námskeid hefjast 24. nóv. Leikfimi fyrir
konur á öllum aldri.
Hinir vinsælu HERRATÍMAR í hádeginu.
Hressandi — mýkjandi — styrkjandi — ásamt megrandi
æfingum.
Sértímar fyrir konur sem vilja léttast um 15 kg eða meira.
Sértímar fyrir eldri dömur og þær sem eru slæmar í baki eða þjást af
vöövabólgum.
Vigtun — mæling — sturtur — Ijós — gufuböð — kaffi
, — nudd.
Júdódeild Ármanns
Ármúla 32.
Innritun og upplýsingar alla
virka daga frá kl. 13—22
í síma 83295.