Morgunblaðið - 08.07.1981, Blaðsíða 1

32 SÍÐUR
149. tbl. 68. árg.
MIÐVIKUDAGUR 8. JÚLÍ1981
Prentsmiðja Morgunblaðsins.
Ný verkföll
boðuð í Póllandi
Ilafnarverkamenn í Pól-
landi og starfsmenn ríkis-
flugfélagsins LOT boðuðu ný
verkföll í dag. Hafnarverka-
menn hafa boðað kiukku-
stundarverkfail á morgun.
miðvikudag. en starfsmenn
fiugfélagsins boðuðu fjög-
urra tíma verkfall á fimmtu-
dag og ótimabundið verkfall
frá 24. júli náist ckki sam-
komulag við þá um nýjan
forstjóra félagsins.
Þá hafa námamenn í Slesíu
hótað að minnka framleiðslu sina
um helming verði framboð á
matvælum ekki aukið.
Þessar nýju hótanir verkalýðs-
félaga í Póllandi koma í kjölfar
heimsóknar Gromykos, utanrík-
isráðherra Sovétríkjanna, til
Varsjár um helgina, þar sem
pólskir ráðamenn reyndu eftir
megni að sannfæra hann um að
Pólverjar réðu sjálfir við vanda-
mál sín. Framundan er einnig
sérstakt þing pólska kommún-
istaflokksins, sem ráðgert er að
hefjist innan viku, og er talið að
aðgerðir verkalýðsfélaganna
muni setja flokkinn í enn meiri
vanda en ella.
Allt með kyrrum
kjörum í Liverpool
Liverpool. I-nndon. 7. júli. AP.
ALLT var með kyrrum kjörum
í Toxteth-hverfinu í Liverpool í
kvöld, en lögreglan i borginni
hafði þó uppi mikinn viðbúnað
til að koma i veg fyrir að
atburðir undanfarinna kvölda
Nýr kirkju-
leiðtogi í
Póllandi
Páíagarði. Varsjá. 7. júli. AP.
JÓHANNES Páll páfi 2. til-
nefndi i dag i embætti yfir-
manns kaþólsku kirkjunnar i
Póllandi i stað Stefans Wysz-
ynskis kardínála. sem er nýlát-
inn.
Fyrir valinu varð lítt þekktur
biskup frá Warmia að nafni
Jozef Glemp og verður hann
erkibiskup í Varsjá og þar með
yfirmaður kaþólsku kirkjunnar
í landinu.
Glemp er 52 ára að aldri og er
með yngstu mönnum, sem orðið
hafa erkibiskupar í Varsjá.
Hann var náinn samstarfsmað-
ur Wyszynskis kardínála og er
ekki búizt við að hann beiti sér
fyrir miklum breytingum á
samskiptum kirkjunnar og
ríkisvaldsins í Póllandi. Búizt er
við því, að Glemp verði gerður
að kardínála áður en langt um
líður.
Jozef Glemp, hinn nýi crkihisk-
up í Varsjá.
endurtaki sig. Talið er að
óeirðirnar i borginni á sunnu-
dagskvöld hafi verið hinar
mestu, sem orðið hafa i Bret-
landi.
William Whitelaw innanríkis-
ráðherra kynnti sér í dag ástandið
í Liverpool af eigin raun. Hann ók
um Toxteth-hverfið og virti fyrir
sér þá eyðileggingu sem orðið
hefur í hverfinu. Whitelaw sagðist
mjög hryggur yfir þessum atþurð-
um en gagnrýndi jafnframt
„óábyrga" foreldra fyrir að hafa
leyft börnum sínum að taka þátt í
óeirðunum. A.m.k. 260 lögreglu-
þjónar meiddust í átökum við
unglinga og tugir ungmenna slös-
uðust. 67 ungmenni voru handtek-
in fyrir þjófnað og árásir á
lögregluna.
Margaret Thatcher forsætisráð-
herra sagði í dag í neðri málstofu
brezka þingsins, að atvinnuleysið í
Liverpool væri vafalaust ein af
ástæðunum fyrir óeirðunum, en
alls ekki sú eina. Hún sagðist
mundu láta rannsaka nákvæmlega
hverjar ástæðurnar væru og fara
sjálf í heimsókn til borgarinnar
innan tíðar. Þingmenn Verka-
mannaflokksins sögðu í dag að
efnahagsstefna stjórnarinnar,
sem leitt hefði til svo mikils
atvinnuleysis í borginni, væri und-
irrót óeirðanna.
Módir Teresa fordæmir hungurverkföllin á N-írlandi
— Móðir Teresa, sem árið 1979 fékk friðarverðlaun Nóbels, er nú stödd á N-írlandi í boði þarlendra. í
ræðu sem hún flutti fyrr í vikunni fordæmdi hún hungurverkföll félaga í írska lýðveldishernum IRA, og
sagði að allar aðgerðir sem eyddu lífi væru rangar. Á myndinni sést móðir Teresa með nokkrum n-írskum
börnum. Langvarandi samningar til að binda enda á hungurverkföll félaga IRA virtust í gærkvöldi komnir á
lokastig, en brezka stjórnin og Sinn Fein, hinn pólitíski armur IRA, vörðust allra frétta um málið. Einn
fangi úr röðum IRA-manna er nú hætt kominn í Maze-fangelsinu, þar sem hann hefur ekki neytt matar
í 60 daga. (Símamynd AP.)
Bani-Sadr talinn
vera í Kiírdislan
12 frambjóðendur í forsetakosningunum í íran
Teheran. Beirut, London. 7. júlft. AP.
ÚTVARPSSTÖÐ í Kúrdahéruðum írans greindi frá því
í dag, að Bani-Sadr fyrrum forseti landsins væri í felum
í héruðum Kúrda. Engin frekari staðfesting hefur
fengizt á þessum fregnum, en um nokkurt skeið hefur
orðrómur verið á kreiki um að Bani-Sadr hefðist við með
hópi Kúrda skammt frá tyrknesku landamærunum.
Nú er talið að 12 menn muni
bjóða sig fram í forsetakosning-
unum í Iran 24. júlí nk. Fullvíst
er talið að Rajai forsætisráð-
herra verði í framboði en að auki
er búizt við að nokkrir þingmenn
og dómarar bjóði sig fram. Þá er
talið líklegt að Mehdi Bazargan,
fyrrverandi forsætisráðherra,
verði í framboði og innanríkis-
ráðherrann í stjórn hans, Dari-
ush Forouhar. Einnig er talið að
Carrington lávarður:
Útilokar ekki viðræð-
ur um Af ganistan
1-ondon. Washington. 7. júlft. AP.
CARRINGTON lávarður,
utanríkisráðhcrra Breta,
gerði lávarðadeild brezka
þingsins í dag grein fyrir
viðræðum sínum við Grom-
yko, utanríkisráðherra Sov-
étríkjanna. um málefni Afg-
anistans og tillögur EB&
landanna 10 varðandi innrás
Sovétríkjanna í landið.
Carrington sagðist hafa gert
hinum sovézka starfsbróður sín-
um grein fyrir því að tillögur
EBE-landanna væru hvorki end-
anlegar né ófrávíkjanlegar og
möguleikar væru fyrir hendi að
breyta þeim til að koma til móts
við óskir Sovétmanna. Sagðist
hann vonast til að Sovétmenn
myndu nú skoða þessar tillögur
nánar og benti á að Gromyko
hefði hvorki hafnað þeim alfarið
né útilokað frekari viðræður.
Ríkisstjórn Reagans Banda-
ríkjaforseta skoraði í dag á Sov-
étstjórnina að endurskoða hina
upphaflega afstöðu sína til til-
lagna ríkjanna tíu í Efnahags-
bandalagi Evrópu. Af hálfu
bandaríska utanríkisráðuneytis-
ins var því jafnframt lýst yfir að
Bandaríkjastjórn mundi vinna að
því eftir mætti að fá Sovétmenn
til viðræðna um pólitíska lausn
Afganistanmálsins.
Carrington lávarður og Alex-
ander Haig, utanríkisráðherra
Bandaríkjanna, munu hittast í
Washington 17. júlí nk. og ræða
mál þetta nánar, og gert er ráð
fyrir að ráðherrarnir tveir muni
taka máiið upp að nýju við
Gromyko, þegar þeir hittast á
allsherjarþingi Sameinuðu þjóð-
anna í New York í september.
formaður kommúnistaflokksins
Tudeh, Noreddin Kianoori, muni
bjóða sig fram, en hann er mjög
hallur undir stjórnina í Moskvu.
Framboðsfrestur rennur út á
morgun.
Tíu andstæðingar Khomeinis
trúarleiðtoga voru teknir af lífi í
dögun í morgun fyrir að hafa
staðið að uppþotum til að mót-
mæla frávikningu Bani-Sadfs af
forsetastóli. Alls hafa nú um 140
menn verið líflátnir frá því
Bani-Sadr var vikið frá fyrir
örfáum vikum.
Islamska leynilögreglan í íran
telur sig nú hafa komist að því,
hver kom fyrir sprengjunum
tveim í höfuðstöðvum Islamska
byltingarflokksins í Teheran í
fyrri viku, þegar fjölmargir leið-
togar flokksins biðu bana. í
yfirlýsingu lögreglunnar segir að
22 ára gamall námsmaður, Mo-
hammad Reza Kolahi, beri
ábyrgð á verknaðinum, en Kolahi
er sagður félagi í leynisamtökum
islamskra marxista. Hans er nú
ákaft leitað alls staðar í íran.
Yfirvöld í íran lokuðu í dag
skrifstofu Reuters-fréttastofunn-
ar í Teheran og sökuðu starfs-
menn hennar um að hafa sent frá
sér litaðar og óáreiðanlegar frétt-
ir af atburðum í landinu.
Fréttamönnum Reuters, þrem-
ur talsins, var gert að hverfa úr
landi innan 48 klukkustunda.
Aðeins örfáar alþjóðlegar
fréttastofnanir eiga nú frétta-
menn í íran.