Morgunblaðið - 12.07.1981, Blaðsíða 23

MORGUNBLAÐIÐ, SUNNUDAGUR 12. JÚLÍ 1981
55
fclk í
fréttum
+ Bræðurnir Bjarni og ísólfur Pálmasynir við farkostina Chevrolet Impala og Buick (Ljósm. Mbi. Emíiia)
„Bandaríkjamennirnir auð-
veldastir í meðförum44
Raett við Bjarna og ísólf Pálmarssyni, sem bjóða fólki að ferðast um landið í „límósínum“
Hver var æstur?
+ Á dögunum voru haidnir
tónleikar i Laugardalshöll og
urðu þeir all viðburðaríkir.
enda kannski ekki við öðru að
búast, þegar 12 hljómsveitir
leika listir sinar fyrir nokkur
þúsund ungmenni.
Sú hljómsveit, sem hvað
mesta athygli vakti var þó sú,
sem aldrei fékk að spila, þar eð
hún var handtekin, svo að segja i
heilu lagi, ásamt fylgifiskum,
rétt áður en hún hugðist koma
fram. Fer tvennum sögum af
ástæðunni fyrir þeim aðgerðum
og sagði Guðni Rúnar Agnars-
son, forráðamaður tónleikanna,
hana hafa verið þá, að sér hefði
litist þannig á dagskrá hljóm-
sveitarinnar Brunans, að hún
myndi æsa fólkið í salnum til
óláta. Liðsmenn Brunans segja
þetta hins vegar mestu firru,
hins vegar hafi taugar forráða-
mannsins verið þandar til hins
ýtrasta á þessu stigi málsins,
sökum þess að tónleikarnir í
heild hafi verið að fara úr
böndunum og þeir hafi orðið
fyrir barðinu á því.
Meðfylgjandi mynd er tekin á
Hótel Borg fyrir nokkru og má á
henni sjá tvo þeirra Bruna-
manna, Ómar t.h. og Ámunda,
með einn úr hópi áhorfenda á
milli sín, ekki nema í meðallagi
æstan að því er best verður séð.
Lán í óláni
+ Nýlega kom út bæklingur þar
sem „The Palmarsson Brothers
Limousine Service“ býður
ferðamönnum að ferðast um
landið. i lengri eða skemmri
tíma. i góðum og gælsilegum
farkostum. bað eru bræðurnir
Bjarni og ísólfur Pálmarssynir
sem reka þessa þjónustu, en
þeir eru báðir bifreiðastjórar
hjá bílastöðinni BSR.
Aðspurðir sögðu þeir bræður
að þetta væri reyndar þjónusta,
sem lengi hefði staðið ferða-
mönnum til boða en þetta væri í
fyrsta skipti, sem sérstakur
kynningarbæklingur hefði verið
gefinn út um hana. „Auk okkar
eru fjórir aðrir í þessu og þar af
eru tveir þýskumælandi en allir
tölum við ensku og norðurlanda-
málin. En markmiðið er að hafa
í þessu menn, sem eru vel
mælandi á erlendar tungur og
geta gefið ferðamönnunum upp-
lýsingar um land og þjóð meðan
á ferðalaginu stendur. Ferðirn-
ar, sem boðið er upp á eru allt
frá tveggja tíma ferðum, upp í
átta daga hringferð um landið.
Bílarnir eru allir fyrsta flokks
bílar, m.a. Chevrolet og Buick og
við fáum mikið af fyrirspurn-
um,“ sögðu bræður.
Er þessi þjónusta ekki ein-
göngu sniðin fyrir ríka útlend-
inga? „Það er nú svo, að leigubíl-
ar eru einhver ódýrasta þjónusta
á íslandi í dag,“ sagði Bjarni.
„Og stundum getur komið jafn
vel út fyrir fámennan hóp að
taka leigubíl og rútu.“
Að lokum var Bjarni spurður
hvernig viðskiptavinirnir væru
og hvort einhver munur væri á
þeim eftir þjóðerni. „Þeir eru af
ýmsu þjóðerni" sagði hann. „Og
einnig Islendingar því við erum
með þessa þjónustu í gangi allan
ársins hring og ýmsir viðskipta-
menn notfæra sér hana fyrir
gesti sína. En af útlendingunum
eru Þjóðverjar og Bandaríkja-
menn hvað fjölmennastir. Ætli
Bandaríkjamennirnir séu ekki
auðveldastir í meðförum.
Þeir vilja oftast fara hratt yfir
og eru meira fyrir að flýta sér, á
meðan Þjóðverjarnir eru meira
gefnir fyrir að grandskoða um-
hverfið."
Ritstjóri Lögbirtingablaðsins og
Stjórnartiðinda lætur af störfum
+ Til eru þau ..stjórnarmál-
gögn“, þar sem ritstjórinn þarf
ekki að standa í pólitisku dæg-
urþrasi, eða hafa áhyggjur af
öðrum greinum en lagagrein-
um. og það eru Lögbirtinga-
hlaðið og Stjórnartiðindi.
Kristján Eliasson. fulltrúi i
dómsmálaráðuneytinu, lætur i
haust af störfum sem ritstjóri
þessara blaða.
Hann hóf störf sem gjaldkeri
Lögbirtingablaðsins og Stjórn-
artíðinda árið 1969. Þá var
Baldur Möller ritstjóri og tók
Kristján við af honum árið eftir.
Það er dómsmálaráðuneytið,
sem gefur út Lögbirtingablaðið
og Stjórnartíðindi, en þau síð-
asttöldu koma einungis út um
þingtímann og birta landslýð lög
og reglugerðir, sem þingheimur
hefur komið sér saman um.
Útgáfa lögbirtingablaðsins er
nokkuð óregluleg, að sögn
Kristjáns, en um þessar mundir
kemur það út tvisvar í viku.
Þessi „stjórnar-" eða réttara
sagt „ríkismálgögn" eru senni-
lega með ódýrasta lesmáli, sem
hægt er að gerast áskrifandi að
hér á landi. Áskriftargjald Lög-
birtingablaðsins er 48 krónur og
Stjórnartíðinda 20 krónur.
Að sögn Kristjáns Elíassonar
er nóg að gera við að hafa
umsjón með útgáfunni, en á
„ritstjórninni" vinna tveir
starfsmenn auk hans. Hefur
honum líkað starfið vel þessi ár,
sem hann hefur gegnt því, en
hann fer nú á eftirlaun.
+ Kristján Elíasson, fráfarandi ritstjóri Lögbirtingablaðsins og
Stjórnartiðinda, á skrifstofunni, Laugavegi 116, ásamt starfsstúlk-
um, þeim Sigurlaugu J. Frimann, t.v. og Hildi Thors.
(Ljósm. Mbl. Guöjón.)
+ „Enginn veit sína ævina fyrr
en öll er,“ segir á einum stað og
hann Björn Ingi Þorgeirsson á
Hvammstanga ætti að geta tekið
undir það spakmæli af heilum
hug þessa dagana. Björn Ingi
varð fyrir því óhappi í vor að bíll
hans eyðilagðist í slysi, er varð í
fjöru í Hvalfirði. Sem betur fer
sakaði þó engan og nú um
daginn vann Björn Ingi nýja
bifreið af gerðinni Dodge Aries í
happdrætti Krabbameinsfélags
Islands. Varð hann jafnframt sá
fyrsti úr árgangi þeirra, sem
fæddir eru árið 1958 til þess að
hljóta vinning hjá félaginu. En
þetta er í fyrsta skipti sem sá
árgangur fær senda miða í
happdrættinu. Á myndinni taka
þau hjón Björn Ingi Þorgeirsson
og Jóhanna K. Jósefsdóttir við
bíllyklunum úr hendi Þorvarðs
Örnólfssonar, framkvæmda-
stjóra Krabbameinsfélags ís-
lands.
Paradísar-
heimt
Guðmundar
+ Þýðingarsjoðurinn norræni
hefur veitt styrk til þýðinga á
nokkrum leikritum. Ætlunin
var að styrkt yrði þýðing á hinu
vinsæla íeikriti eftir Guðmund
Steinsson, „Stundarfriður“, á
Norðurlandamál. En nú hefur
Dramaten I Stokkhólmi ákveðið
að færa „Stundarfrið“ upp og
sér þá að sjálfsögðu um þýðing-
una. En Guðmundur á annað
leikrit í fórum sínum, sem
þyrfti að komast á önnur mál
og verður þýðingarstyrkurinn
því yfirfa'rður á það. Það heitir
Paradisarheimt og við höfum
ekki enn fengið að sjá það á
fjölunum. Það verður sýnt í
Þjóðleikhúsinu að vori.