Morgunblaðið - 09.10.1981, Blaðsíða 30

30
MORGUNBLAÐIÐ, FÖSTUDAGUR 9. OKTÓBER 1981
KR-sigur í
baráttuleik
KR-INGAR báru sigurorí) aí stúd-
entum i úrvalsdeildinni i korlu-
knattleik eftir mikinn baráttuleik.
Var stadan jöfn. 64—64, eftir að
venjuieKum leiktíma var iokið og
þurfti því að koma til framlenKÍnK-
KK-innar reyndust sterkari í fram-
lenKÍnKunni og tókst að sitjra með
sjö stivra mun, 76—69. Staðan i hálf-
leik var 31—25 ÍS i vil.
Framan af fyrri hálfleik voru það
stúdentar sem voru til muna spræk-
ari. Beittu þeir svæðisvörn og var
engu líkara en það kæmi KR-ingum í
opna skjöldu. Náðu þeir fljótlega
ágætu forskoti og var staðan t.d.
19—9 um miðjan hálfleikinn. KR-
ingar voru að sama skapi heillum
horfnir á þessum kafla, hittu afar
illa i sókninni og réðu lítið við stúd-
entana í sókninni. Þegar dró nær
lokum hálfleiksins, tókst KR-ingum
þó að saxa allnokkuð á forskotið, en
staðan í hálfleik var, eins og áður
segir, 31—25, stúdentum í hag.
Varla voru liðnar nema tvær mín-
útur af síðari hálfleik, þegar
KR-ingar höfðu jafnað metin og
uppfrá þessu skildu aldrei nema 4
stig liðin að. Stúdentar voru þó ekki
á þeim buxunum að gefa sig og það
var ekki fyrr en um miðjan síðari
hálfleik, sem KR náði yfirhöndinni í
fyrsta skiptið í leiknum. Undir lok
venjulegs leiktíma virtist þó allt
stefna í KR-sigur, en stúdentum
tókst þó að jafna áður en tíminn
rann út. í framlengingunni voru
KR-ingar sterkari, en miklu munaði
þó fyrir stúdenta að Gísli Gíslason,
einn helzti baráttujaxl þeirra, fór út
af með 5 villur í upphafi framleng-
ingarinnar.
Mikil barátta einkenndi leik lið-
anna frá upphafi til enda og á stund-
um keyrði harkan úr hófi. KR-ingar
léku þennan leik án Stew Johnson,
en hann er sem kunnugt er meiddur
og mun verða frá keppni næsta mán-
uðinn að minnsta kosti. Kristján
Rafnsson var einna bestur KR-inga
að þessu sinni. Jón Sigurðsson var
hins vegar langt frá sínu besta, skor-
aði t.d. ekki eina einustu körfu allan
fyrri hálfleikinn og var óvenju mis-
tækur í sendingum. Ágúst Líndal
skoraði mikilvægar körfur í síðari
hálfleik, en hitti illa í þeim fyrri.
Jafntefli í
Hafnarfirði
HAUKAR og Afturelding gerðu
jafntefli i 2. deild íslandsmótsins i
handknattleik i Hafnarfirði i
gærkvöldi, 23— 23. Afturelding
hafði lengst af frumkvæðið i leikn-
um. var yfir 14—11 i leikhléi, en
Haukum tókst að bjarga stigi i höfn
á siðustu mínútu ieiksins.
Þegar leiktími rann út hafði Aft-
urelding knöttinn en þrátt fyrir að
vera einum fleiri, tókst ekki að nýta
það. Þá fóru leikmenn Aftureldingar
illa með marktækifæri, 4 víti fóru í
súginn. Sigurgeir Marteinsson var
markhæstur leikmanna Hauka með
9 mörk en Lárus Halldórsson var at-
kvæðamestur hjá Aftureldingu með
5 mörk og Guðjón Magnússon, fyrr-
um leikmaður Víkings og Vals, skor-
aði 4 mörk.
Tvöfalt hjá
Víkingi
ÍSLANDSMÓTIÐ í handknattleik
kvenna hófst í gærkvöldi í Laug-
ardalshöll með leik Víkings og
Þróttar í 1. deild. Víkingur vann
yfirburðasigur, 27—14, og fylgdi
þar með eftir sigri karlaliðsins.
Nýliðar Þróttar höfðu lítið í hend-
urnar á ákveðnum Víkingsstúlk-
um að gera.
Birgir Mikaelsson átti góðan leik og
er þar á ferðinni mikið efni.
Bandaríkjamaðurinn í liði stúd-
enta, Dennis McGuire, stakk við fæti
allan leikinn og gat því ekki beitt sér
sem skyldi. Engu að síður sýndi
hann mikla seiglu og var stórhættu-
legur undir körfunni, en ætlaði sér
þó stundnm um of. Gísli Gíslason
barðist allan tímann af krafti,
kannski fullmiklum krafti á stund-
um. Árni Guðmundsson og Gunnar
Thors börðust vel í vörn, en hittu
báðir illa.
Leikinn dæmdu Val Brazy og Stef-
án Kristjánsson, en þeir hlupu í
skarðið fyrir rétta dómara leiksins,
sem tafðist af þeim sökum um hálf-
tíma. Leyfðu þeir félagar fullmikla
hörku.
STIGIN fyrir ÍS: McGuiro 31. Bjarni Gunnar
Svoinsson 15. Gunnar Thurs 10. Gisli Gisla-
sun 9. Arni Guömundsson i.
STIGIN fyrir KR: Kristján Rafnssun 21. Jon
SÍKurössun 10. Ájtúst Lindal H. Gardar Ji's
hannssun 11. Hiritir Mikaclssun 8. Páll Kul-
hcinsson 4, Bjarni Júhanncssun 2.
GI
Páll Björgvinsson, skoraði átta mörk gegn Þrótti og sýndi snilldarleik. Hér hefur hann snúið á vörn
Þróttar og skömmu síðar lá knötturinn í nctinu. Mynd Mbi. Kristján
Víkingur hafði betur í
stórleik meistaranna
VÍKINGUR og Þróttur mættust i sannkölluðum stórleik meistaraliða
i 1. deild íslandsmótsins i handknattleik i Laugardalshöll i gærkvöldi.
Eftir tvisýnan og harðan leik stóðu íslandsmeistarar Vikings uppi
sem sigurvegarar, 18—16. En meistarar Vikings þurftu að hafa
fyrir sigri sinum gegn bikarmeisturum Þróttar og það var ekki fyrr
en á lokaminútum ieiksins að Vikingar tryggðu sér sigur. Þegar
fjórar minútur voru til leiksloka fengu Þróttarar vitakast, sem Sig-
urður Sveinsson tók, en Kristján Sigmundsson varði meistaralega og
Guðmundur Guðmundsson innsiglaði sigur meistara Vikings með
góðu marki þegar 26 sekúndur voru tii leiksloka. Vikingar léku með
sorgarborða vegna fráfalls óla Björns Kærnested, sem um árabil lék
með Vikingi og starfaði innan félagsins.
„Þetta er góð byrjun en við
þurfum að bæta okkur mikið ef
okkur á að takast að verja ís-
landsmeistaratitilinn," sagði Páll
Björgvinsson, fyrirliði Víkings og
besti maður liðsins ásamt Krist-
jáni Sigmundssyni.
„Við fáum tvöfalt meiri mót-
stöðu í öllum okkar leikjum í vet-
ur. Allir vilja jú vinna Víking og
það verður erfitt að verja titilinn.
Ég á því von á jöfnu og tvísýnu
móti, eins og raunar þessi leikur í
kvöld undirstrikar. Félögin koma
flest mjög vel undir mótið búin,“
sagði Páll ennfremur.
Nú varst þú markhæstur Vík-
inga með 8 mörk. Ertu ánægður
með eigin frammistöðu? „Já, ef
góð frammistaða mín kemur lið-
inu til góða, þá er ég ánægður.
Aðalatriðið er að sigra."
Páll með fyrsta mark
íslandsmótsins
Páll Björgvinsson skoraði fyrsta
mark íslandsmótsins þegar tæpar
þrjár mínútur voru liðnar af við-
ureign Víkings og Þróttar; lúmskt
skot hans rataði rétta leið í gegn-
um varnarmúr Þróttar og yfir axl-
ir Sigurðar Ragnarssonar. Sigurð-
ur Sveinsson svaraði með hörku-
skoti og fyrstu 15 mínútur leiksins
voru einvígi þessara snjöllu leik-
manna; hvor á sína vísu. Páll skor-
aði fjögur fyrstu mörk Víkings.
Öll eins og honum einum er lagið,
en Sigurður svaraði með þremur
mörkum, þar af tveimur þrumu-
skotum en hið þriðja skoraði hann
úr vítakasti.
Þegar 20 mínútur voru liðnar af
leiknum var staðan 5—3 Víking í
vil, Steinar Birgisson skoraði en
skömmu síðar var Þorbergi Aðal-
steinssyni vísað af leikvelli. Gunn-
ar Gunnarsson, Víkingurinn í liði
Þróttar, minnkaði muninn í 5—4
úr vítakasti en Páll svaraði með
marki eftir gegnumbrot. Ólafur H.
Jónsson minnkaði muninn í 6—5
og Steinar skoraði sitt annað
mark, 7—5.
En í kjölfarið fylgdi besti leik-
kafli Þróttara. Þeir skoruðu þrjú
mörk i röð. Páll Ólafsson skoraði
með þrumuskoti, 7—6, Jón Viðar
Sigurðsson jafnaði, 7—7, og fjórar
mínútur til leikhlés. Skömmu síð-
ar var þeim Gunnari Gunnarssyni
og Ólafi Jónssyni vísað af leikvelli,
en síðasta orðið í fyrri hálfleik
átti Jens Jensson þegar hann
skoraði úr horninu. Á síðustu mín-
útu fyrri háifleiks átti Páll skot í
stöng úr vítakasti.
Þróttur náði tveggja
marka forustu
Víkingar skoruðu fyrsta mark
síðari hálfleiks, Árni Indriðason
skoraði úr hraðaupphlaupi en í
kjölfarið skoraði Þróttur tvö
mörk, fyrst Jens og síðan Jón Við-
ar, og Þróttur hafði náð tveggja
marka forustu. En Víkingar gáfu
ekki árar í bát og innan tveggja
mínútna höfðu þeir jafnað, Þor-
bergur Aðalsteinsson og Páll
Björgvinsson, 10—10, og 5 mínút-
ur liðnar af síðari hálfleik.
Páll ólafsson svaraði fyrir
Þrótt með góðu skoti en Ólafur
Jónsson jafnaði fyrir Víking með
marki úr horninu eftir leikfléttu.
Aftur náði Þróttur forustu, Gunn-
ar Gunnarsson úr víti en Þorberg-
ur jafnaði á nýjan leik. Skömmu
síðar var Guðmundi Guðmunds-
syni vísað af leikvelli og Sigurður
Sveinsson kom Þrótti yfir, 12—13.
En á næstu mínútum sigldu
Víkingar framúr Þrótti; náðu
þriggja marka forustu, skoruðu
fjögur mörk í röð og þessi kafli réð
úrslitum þegar upp var staðið.
Sigurður Gunnarsson skoraði 13.
mark Víkings með þrumuskoti,
Guðmundur Guðmundsson kom
Víkingi yfir þegar hann skoraði úr
hraðaupphlaupi á 16. mínútu.
Skömmu síðar var Páli Ólafssyni
vísað af leikvelli og Páll Björg-
vinsson nýtti það til hins ýtrasta.
Skoraði tvívegis með gegnumbrot-
um, staðan orðin 16—13 og 10
mínútur til leiksloka.
Þróttarar börðust af krafti,
Gunnar Gunnarsson minnkaði
muninn í 16—14, Sigurður Sveins-
son minnkaði muninn í 16—15
með marki úr vítakasti, en Sigurð-
ur Gunnarsson lyfti sér upp fyrir
framan vörn Þróttar og skoraði
með þrumuskoti, 17—15, og sex
mínútur til leiksloka. Páll Ölafs-
son minnkaði muninn í 17—16 á
25. mínútu og mínútu síðar fengu
Þróttarar vítakast.
Kristján varði
víti Sigurðar
Sigurður Sveinsson tók víta-
kastið en Kristján Sigmundsson,
markvörður Víkings, varði meist-
aralega og Víkingar fengu knött-
inn. Þegar hálf önnur mínúta var
til leiksloka misstu þeir knöttinn
og mínútu fyrir leikslok fór Jens
Jensson inn úr horninu en skaut í
hliðarnetið. Þegar svo 26 sekúndur
voru til leiksloka átti Sigurður
Gunnarsson snjalla sendingu á
Guðmund Guðmundsson sem kom
á ferð inn úr horninu og Guð-
mundur skoraði af öryggi, 18—16,
og sigur Víkings í höfn.
Islandsmeistarar Víkings hófu
því vörn titilsins með sigri. Þeir
hafa tvö síðustu árin unnið ís-
landsmótið með miklum yfirburð-
um; ekki tapað leik. Mikil breidd
er nú í liði Víkings, þar er valinn
maður í hverju rúmi. Þeir Páll
Björgvinsson og Kristján Sig-
mundsson voru bestu menn liðs-
ins. Hvor á sína vísu lögðu upp
sigur liðs síns, Kristján með
snjallri markvörzlu og Páll með
því að skora helming marka Vík-
ings, 8 talsins. Ólafur Jónsson,
Steinar Birgisson, Árni Indriða-
son og Guðmundur Guðmundsson
áttu allir traustan leik og Sigurð-
ur Gunnarsson kom sterkur út í
síðari hálfleik. Hins vegar voru
Þorbergi Aðalsteinssyni mislagð-
ar hendur og náði hann sér aldrei
á strik.
Besti maður Þróttar var án
nokkurs vafa Sigurður Ragnars-
son, markvörður. Hann varði
mark Þróttar af mikilli snilld.
Þeir Sigurður Sveinsson og Páll
Ólafsson náðu sér aldrei verulega
á strik gegn sterkri vörn Víkings,
þó þeir hafi skorað helming marka
Þróttar. Gunnar Gunnarsson,
Jens Jensson og Jón Viðar Sig-
urðsson voru og traustir og Ólafur
H. Jónsson batt vörnina vel sam-
an.
Dómarar voru Karl Jóhannsson
og Gunnlaugur Hjálmarsson.
Áhorfendur voru um 800.
Mörk Víkings skoruðu: Páll
Björgvinsson 8, Steinar Birgisson,
Þorbergur Aðalsteinsson, Sigurð-
ur Gunnarsson og Guðmundur
Guðmundsson 2 mörk hver, Árni
Indriðason og Ólafur Jónsson 1
mark hvor.
Mörk Þróttar skoruðu: Sigurður
Sveinsson 5, 2 víti, Gunnar Gunn-
arsson 3, 2 víti, Páll Ólafsson 3.
Jens Jensson og Jón Viðar Jónsson
skoruðu 2 mörk hvor og Ólafur H.
Jónsson 1 mark.
Il.IIalIs.
VÍKINGUR: Kristján Sigmundsson 9, Páll Björgvinsson 9,
Steinar Birgisson 7, Arni Indriðason 7, ólafur Jónsson 7, Þor-
bergur Aðalsteinsson 6, Sigurður Gunnarsson 7, Guðmundur
Guðmundsson 7.
ÞRÓTTUR: Sigurður Ragnarsson 9, Sigurður Sveinsson 7,
Gunnar Gunnarsson 6, ólafur H. Jónsson 7, Páll Ólafsson 7,
Jens Jensson 6, Jón Viðar Sigurðsson 7, Lárus Lárusson 6.