Morgunblaðið - 30.04.1982, Blaðsíða 14

14
MORGUNBLAÐIÐ, FÖSTUDAGUR 30. APRÍL 1982
Charliegate ógnar
stjórninni í Dublin
Dyflinni, 29. apríl. AF.
ÍRSKA þingið kemur væntanlega
saman til skyndifundar í kjölfar
fundar, sem leystist upp í gær-
kvöldi eftir að lögmaður Charles
Haughey forsætisráðherra var
sýknaður af ákærum um tilraun til
að kjósa tvisvar í þingkosningun-
um í febrúar.
Þingmenn Verkamanna-
flokksins og Fine Gael hrópuðu
„Watergate" og „Charlie-gate"
þegar John O’Connell þingforseti
neitaði að samþykkja að Haug-
hey svaraði fyrirspurnum um
sýknu lögmannsins, Pat O’Conn-
ors, sem var einnig kosninga-
stjóri hans.
Þingmenn stjórnarandstöð-
unnar mótmæltu úrskurði Donal
Kearneys, héraðsdómara í Dyfl-
inni, og Jim Mitchell, fyrrver-
andi dómsmálaráðherra, kallaði
hann „árás á lýðræði í landinu".
Þeir mótmæltu einnig úrskurði
þingforseta og leiðtogi Fine Gael,
Garret FitzGerald, kvaðst
mundu fara fram á að beitt yrði
afbrigðum við þingsköp svo að
umræður gætu farið fram um
málið á þingi.
Þar með gæti stjórn Haugheys
fallið í atkvæðagreiðslu um van-
traust, en hún nýtur stuðnings
óháða sósíalistans Tony Gregor-
ys og þriggja marxista.
Flokkur Haugheys, Fianna
Fail, hefur 81 þingsæti af 165 og
Fine Gael og Verkamannaflokk-
urinn 78, en eitt þingsæti hefur
verið óskipað síðan Richard
Burke úr Fine Gael var skipaður
fulltrúi íra í stjórnarnefnd EBE.
Gregory, marxistarnir þrír og
óháði sósíalistinn Jim Kemmy
eru í oddaaðstöðu.
Hitlers minnzt á
torgi í Moskvu?
Moskvu, 29. apríl. AR
MISHEPPNUÐ tilraun virðist hafa verið gerð á Pushkin-torgi í Moskvu til
að minnast afmælis Adolfs Hitlers 20. apríl að sögn sovézkra sjónarvotta.
Sjónarvottum ber ekki saman
um fjölda þátttakenda og tölur
þær sem eru nefndar eru á bilinu 5
til 50. Þeim ber heldur ekki saman
um hvort þessir meintu fasistar
hafi verið klæddir einkennis-
búningum eða borið einhver ein-
kennismerki.
Ekkert bendir til þess að þeir
hafi verið félagar í fjölmennari
samtökum, og hingað til hafa ekki
borizt fréttir um vel skipulagða
hópa fasista í Sovétríkjunum.
Sovézkur borgari, sem leið átti
fram hjá torginu 20. apríl um kl. 8
að kvöldi veitti óvenjumiklum
mannfjölda eftirtekt og spurði eitt
þeirra ungmenna, sem þar voru
saman komin, hvers vegna svona
margt fólk hefði safnazt saman.
„Af því Hitler á afmæli," svaraði
eitt ungmennanna.
Annar sjónarvottur sagði að
ekkert hefði orðið af fyrirhuguð-
um mótmælum á torginu því þar
hefðu verið samankomnir óvenju-
margir „harðjaxlar", sem voru
sagðir félagar í íþróttaklúbbi
hersins.
Samkvæmt sovézkri heimild
vissu „harðjaxlarnir" fyrir fram
um ráðgerðan fasistafund og söfn-
uðu liði til að lúskra á hópi
meintra Hitlerssinna.
Sjónarvottar sögðu að lögreglu-
lið hefði verið nærstatt, en lítið
gert til að leysa upp fundinn. Sagt
var að komið hefði til handalög-
mála. Eitt vitnið heyrði í flautum
lögreglunnar í miðri mannþröng-
inni og það gaf til kynna að höfuð-
paurarnir hefðu verið handsamað-
ir.
Vörður deyr
af skotsárum

Vatnssalerni
Kemisk vatnssalerni fyrir
sumarbústaöi, hjólhýsi
og báta.
Atlas hf
Ármúla 7. - Sími 26755.
Pósthólf 493 - Kevkjavík.
Vín, 26. apríl. AF.
AUSTURRÍSKUR öryggisvördur,
Peter Siegl, lézt í dag af skotsárum,
sem hann fékk í byggingu þar sem
skrifstofa frönsku verzlunarsendi-
nefndarinnar er til húsa við Reisn-
erstrasse í Vin í dag.
Vörðurinn fannst alvarlega særð-
ur í blóðpolli i lyftu i byggingunni.
Skothylki, sem fannst náíægt hon-
um, var úr skammbyssu, sem hann
ba,- ásamt riffli.
Hugsanlegt er að vörðurinn háfi
verið yfirbugaður, afvopnaður, og
honum síðan ýtt inn í lyftuna og
hann skotinn með eigin vopni.
Einnig er kannaður'sá möguleiki
að um slys eða sjálfsmorð hafi
verið að ræða.
Vopnaðir lögreglumenn leituðu í
nálægum byggingum, en fundu
engar vísbendingar. Umferð var
bönnuð á svæðinu umhverfis
bygginguna, mikil leit var gerð að
hugsanlegum tilræðismanni og
fólk krafið um persónuskilríki.
Þetta dularfulla mál fylgir í
kjölfar samræmdra sprengjuárása
í síðustu viku á franska sendiráðið
og skrifstofu flugfélags og ann-
arra árása á frönsk mannvirki í
Frakklandi og víðar. Árásirnar
eru taldar runnar undan rifjum
hryðjuverkamannsins Carlos, eða
Ilich Ramirez Sanches.
Jafnframt hringdi maður nokk-
ur í lögregluna og sagði að hann
hefði komið fyrir sprengju í
franska sendiráðinu, sem mundi
springa í loft upp kl. 18 að ísi.
tíma, en fresturinn rann út án
þess að nokkur sprengiug yrði.
Engin sprengja fannst 1 sendiráð-
inu.
Ekkert samkomulag
um fjárlög Reagans
Krá Önnu Bjarnadóttur, fréttaritara Mbl. í Washington, 29. apríl.
TII.RAUN Ronald Rcagans Bandaríkjaforseta til að ná samkomulagi við
þingmenn um fjárlög fyrir árið 1983 fór út um þúfur á miðvikudag. Hann fór
sjálfur á fund til O’Neills demókrata og forseta fulltrúadeildar þingsins og
leitaði lausnar á samningaviðræðum sem staðið hafa í margar vikur. Þeir
töluðust við í þrjár klukkustundir en komust ekki að samkomulagi. Fjárlaga-
nefndir beggja þingdeilda munu nú reyna að semja eigin fjárlög sem þingið
getur samþykkt. Kaupsýslumenn tóku fréttunum illa og óttast er að vextir
muni nú hækka enn og tefja fyrir uppsveiflu i hagkerfinu. Reagan mun
ávarpa þjóðina í sjónvarpi í kvöld og væntanlega gera henni grein fyrir
ástandinu og horfum í efnahagsmálum. Demókratar hafa farið fram á jafn-
langan tíma í sjónvarpi en þeir óttast að forsetinn muni kenna þeim um
ógnarástandið sem þegar ríkir í landinu.
Reagan lagði fjárlagafrumvarp
fyrir árið 1983 fyrir þingið í febrú-
ar. Hvorki demókratar né hans
eigin flokksmenn voru ánægðir
með frumvarpið þar sem fyrir-
sjáanlegur halli á fjárlögum 1983
og á næstu árum var gífurlegur.
Þegar var hafist handa við að
Veður
Akureyri -3 alskýjaó
Amsterdam 11 skýjaó
Aþena 15 rigning
Barcelona 17 heióskfrt
Bertin 12 skýjaó
BrUssel 10 rigning
Chicago 15 skýjaó
Dublin 10 skýjaó
Feneyjar 1« þokumóóa
Frankturt 14 skýjaó
Ftereyjar 3 sfcýjaó
Gent 17 heióskfrt
Helsinki 8 skýjaó
Hong Kong 22 skýjaó
Jerúsalem 26 skýjaó
Jóhannesarborg 20 skýjaó
K aupmannahðtn 12 rigning
Kairó 28 skýjaó
Laa Palmas 21 lóttskýjaó
Lissabon 23 heióskirt
London 14 skýjaó
Loe Angeles 22 skýjaó
Madrid 22 heióskfrt
Mallorca 27 léttskýjaó
Malaga 26 Mttskýjað
Mexicoborg 27 heióskirt
Miami 26 rigning
Moskva 12 heióskirt
NýjaDelhi 29 skýjaó
New York 13 heióskfrt
Osló 12 heióskirt
París 18 skýjaó
Perth 28 heióskirt
Reykjavík 1 slydda
Rió de Janeiró 25 rigning
Róm 18 heióskirt
San Francisco 17 heióekirt
Stokkhólmur 8 rigning
Sydney 20 skýjað
Tel Aviv 25 skýjaó
Vancouver 14 skúrir
Vinarborg 13 heióskfrt
endurbæta frumvarpið í þing-
nefndum en það leiddi ekki til
neins. Starfsmannastjóra Hvíta
hússins var falið að ræða við þing-
menn og reyna að ná samkomulagi
um frumvarp sem þingið gæti
samþykkt. Þessar viðræður stóðu
lengi og í millitíðinni sagði Reag-
an að hann væri reiðubúinn að líta
á hugmyndir þingmannanna, þó
sérstaklega demókrata í fulltrúa-
deildinni, en þar eru þeir í meiri-
hluta. Hann sagði þá geta breytt
frumvarpinu töluvert og hann
væri reiðubúinn „að ganga mílu til
viðbótar" til að mæta þeim á miðri
leið.
Hann fór þessa mílu á miðviku-
dag en það reyndist til einskis.
O’Neill sagði að viðræðurnar
hefðu mistekist vegna „grundvall-
ar- og hugsjónaágreinings" demó-
krata og forsetans.
Viðræðurnar hafa fyrst og
fremst snúist um skatta- og vísi-
töluhækkun ellilífeyris. Sam-
kvæmt framboðshliðarefna-
hagsstefnu Reagans má ekki beita
skattahækkunum til að afla ríkinu
fjár og demókratar vilja ekki
lækka lífeyrinn en hann er veiga-
mikill hluti af fjárlögum.
Baker kenndi demókrötum um
að samkomulag náðist ekki. Þeir
hafa lagt til mun minni niður-
skurð á fjárlögum en repúblikar
og vilja hærri skattahækkanir.
Baker sagði að sáttatilraunir
hefðu farið út um þúfur þegar þeir
höfnuðu tilboði Reagans um að
draga þriðju tekjuskattslækkun
hans, sem stendur til að komi til
framkvæmda í júlí 1983, um 90
daga gegn því að þeir kæmu til
móts við tölur repúblikana varð-
andi niðurskurð og skattahækkan-
ir á miðri leið. Richard Bollings,
frjálslyndur fulitrúadeildarþing-
maður demókrata frá Missouri og
fulltrúi O’Neills í viðræðunum
sagði hins vegar að í tilboði Reag-
ans hefði einnig falist að draga
vísitöluhækkun á ellilífeyri, sem á
að koma til í júlí, í þrjá mánuði.
Ef hallinn á fjárlögum verður
ekki leiðréttur mun ríkið keppa
við einkageirann um lán og halda
vöxtum himinháum. Þeir hafa
lækkað nokkuð að undanförnu og
eru nú 16,5%, en talið er að þeir
geti rokið upp í 22% ef ekki rofar
til með fjárlögin. Seðlabankinn
hefur fylgt mjög strangri pen-
ingastefnu undanfarið og verð-
bólga hefur lækkað, en ef ástandið
heldur svona áfram verða veru-
legir erfiðleikar í bíla- og bygg-
ingariðnaði og mikið atvinnuleysi.
Mun þrýstingur á bankann um að
hliðra til aukast og hætta verður á
að verðbólgan rjúki aftur upp úr
öllu valdi.
Verður hægt að koma í
veg fyrir lungnabólgu
og hliðstæða kvilla?
Kak'igh, NorAur Karólínu, 29. apríl. AF.
TEKIST hefur að einangra efni, sem
gæti ieitt til þess að bólusetja mætti
fólk gegn ákveðinni tegund af
lungnabólgu og öðrum hliðstæðum
kvillum, að því er vísindamenn telja.
Vísindamennirnir segja að þeir
hafi fundið prótín, sem er bakter-
íum nauðsynlegt við fjölgun. Geti
þeir komið í veg fyrir áhrif þessa
prótíns á bakteríurnar geti þær
ekki dafnað og valdið skaða í
mannslíkamanum.
Segja þeir ennfremur að sá
möguleiki sé fyrir hendi að bólu-
setja fólk gegn áhrifum þessa
prótíns, og gera það þar með
óvirkt. Þannig yrði komið í veg
fyrir sjúkdóma sem spretta upp af
tengslum við þessa ákveðnu teg-
und prótíns.
Rannsóknir þessar hafa staðið
yfir í meira en 20 ár við háskólann
í Norður-Karólínufylki. Var
niðurstaða vísindamannanna
þriggja, Ping-Chuan Hus, Wallace
Clydes og Allen Colliers, birt í ný-
legu vísindatímariti.