Morgunblaðið - 30.04.1982, Qupperneq 16

16
MORGUNBLAÐIÐ, FÖSTUDAGUR 30. APRÍL 1982
MORGUNBLAÐIÐ, FÖSTUDAGUR 30. APRÍL 1982
17

Otgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, sími 83033. Áskrift-
argjald 130 kr. á mánuöi innanlands. I lausasölu 7 kr. eintakið.
A flótta frá samsæri
Alþýðubandalagsins
Oftast er nauðsynlegt að grípa til róttækra ráðstafana til að
afhjúpa pólitísk launráð og samsæri. Það er svo sannarlega
djúpt í árinni tekið hjá Vinnuveitendasambandi íslands, þegar
samningaráð þess sendir sáttasemjara ríkisins bréf og mælist til
þess við hann, að kjaraviðræðunum, sem nú fara fram verði frestað
fram yfir kjördag, 22. maí næstkomandi, en samningstímabilið
rennur út hinn 15. maí. í ríkisfjölmiðlum er gefin röng mynd af
þessum tilmælum, þegar þess er látið ógetið í frásögn af þeim, af
hvaða tilefni vinnuveitendur grípa til þessa örþrifaráðs.
Tilefnið er skýrt og einfalt: ýmsir helstu forystumenn Alþýðu-
sambandsins komu að sögn Þjóðviljans saman til fundar í verka-
lýðsráði Alþýðubandalagsins síðasta sunnudag og ályktuðu, að úr-
slit í kjarabaráttunni réðust á kjördegi 22. maí og það væri of seint
að átta sig eftir lokun kjörstaða þann dag, hins vegar myndi
árangur í kosningabaráttunni ráða úrslitum í kjarabaráttunni.
Menn þurfa ekki einu sinni að lesa neitt á milli línanna í þessari
ályktun, hún er skýr og ótvíræð. Verkalýðsráð Alþýðubandalagsins
er þeirrar skoðunar, að niðurstaða í kjaramálum fáist ekki hjá
sáttasemjara heldur í sveitarstjórnakosningunum. Af þessum sök-
um telja vinnuveitendur „sáttaumleitanir við svo búið tilgangslaus-
ar“ fyrr en eftir kjördag 22. maí.
Að sögn Þjóðviljans er Ásmundur Stefánsson, forseti Alþýðu-
sambandsins, í stjórn verkalýðsráðs Alþýðubandalagsins. Eftir að
vinnuveitendur höfðu sent tilmæli sín til sáttasemjara vegna álykt-
unar verkalýðsráðsins, leituðu fjölmiðlar álits Ásmundar Stefáns-
sonar. I sjónvarpinu sagðist hann vera „dolfallinn" og í Morgun-
blaðinu „furðu lostinn". Hvað veldur þessari forundran forseta
ASÍ? Hann segir: „Það er ekkert nýtt að Alþýðubandalagið sendi
frá sér yfirlýsingu um það, sem gerist í kjaramálunum og VSÍ er
fullkunnugt um að ASÍ og Alþýðubandalagið eru sitt hvor aðilinn."
Ásmundur Stefánsson undrast það sem sé mest, að vinnuveitendur
skuli taka mark á Alþýðubandalaginu!
Síðustu daga hefur flest bent til þess, að Alþýðubandalagið ætl-
aði sér að snúa kosningabaráttunni upp í kjarabaráttu á fölskum
forsendum og slá einkaeign sinni á forystumenn ASÍ og alla samn-
inganefnd þess. Að frumkvæði Vinnuveitendasambandsins hefur
sjálfur alþýðubandalagsmaðurinn Ásmundur Stefánsson, forseti
ASI, skýrt frá því, að þessi slagorðaflaumur Alþýðubandalagsins sé
marklaus eins og allt annað sem kemur frá forystusveit þess og
málgagni. Hefur nú fokið í flest skjól hjá Svavari Gestssyni, sem
var sérstaklega hylltur á sunnudagsfundi verkalýðsráðsins, þegar
tíundaðir voru félagsmálapakkarnir — keyptir fyrir fé skattgreið-
enda. Menn eru lagðir á flótta frá þessu kosningasamsæri Alþýðu-
bandalagsins — hið eina sem eftir stendur af baráttumálum þess
fyrir kosningarnar er krafan um byggð á sprungusvæðinu í heiðun-
um fyrir norðan Rauðavatn.
Hræðsla framsóknarmanna
*
Iapríl 1977 samþykktu framsóknarmenn og kratar í borgarstjórn
Reykjavíkur þá tillögu sjálfstæðismanna um aðalskipulag, að
framtíðarbyggð höfuðborgarinnar skyldi rísa með ströndinni í átt
til Korpúlfsstaða og Úlfarsfells. Sumarið 1978 settust framsókn-
armenn og kratar í samstjórn með kommúnistum í borgarstjórn-
inni og til að afsanna glundroðakenninguna féllust þeir á þá kröfu
kommúnista, að horfið skyldi frá skipulagshugmyndunum frá því í
apríl 1977. Var framtíðarbyggð flutt í austur að Rauðavatni.
Nú er innan við mánuður til borgarstjórnarkosninga og hræðsla
framsóknarmanna við samflotið með kommúnistum í skipulags-
málum orðin meiri en hræðslan við glundroðakenninguna, enda
orðið of seint að afsanna hana eftir allt sem á undan er gengið. Á
forsíðu Tímans, málgagns Framsóknarflokksins, birtist þessi fyrir-
sögn í gær: „Hætt við að byggja á Rauðávatnssvæðinu? „Annað
kemur ekki til greina ef sýnt ér að ekki sé skynsamlegt að taka
svæðið til byggingar," segir Kristján Benediktsson." Og Kristján
mælir svo sannarlega af eigin reynslu, þegar hann bendir á það í
viðtali við málgagn sitt, að það þurfi ekki nema einfalda samþykkt
í borgarstjórn til að breyta ákvörðun um forgangsröð nýrra bygg-
ingarsvæða.
Framsóknarmenn eru greinilega hræddastir við álit kjósenda á
áformunum um að byggja á sprungusvæðinu við Rauðavatn. Sú
hræðsla stjórnar afstöðu Kristjáns Benediktssonar nú — það þarf
svo sannarlega meira til en venjulegan framsóknarleikaraskap, ef
Kristjáni Benediktssyni á að takast á þremur vikum að sannfæra
menn um það, að kommúnistar muni ekki ráða atkvæði hans að
kosningum loknum, haldi vinstri menn meirihluta sínum.
Laxness og Hamsun mestu
rithöfundará Norðurlöndum
— segir dr. Wilhelm Friese prófessor
við Tiibingen-háskóla í V-Þýskalandi
Doktorsritgerö hans fjallaði um norrænar nútímabókmenntir, með sérstöku
tilliti til islensku höfundanna Kambans, Laxness og Gunnars Gunnarssonar.
„Halldór Laxness og Knut Ham-
sun eru að mínum dómi mestu rit-
höfundar Norðurlanda, og ekki langt
frá þeim gæti ég sett Per Lager-
quist,“ sagði dr. Wilhelm Friese,
prófessor við Tiibingen-háskóla i
Vestur-Þýskalandi í samtali við
blaðamann Morgunblaðsins í vik-
unni, en dr. Friese er hér staddur í
tilefni þess að háskóli hans hefur
sæmt Laxness heiðursdoktors-
nafnbót i tilefni áttræðisafmælis
hans.
„Halldór Laxness er mesti
„prósahöfundur" Norðurlanda, og
tvímælalaust einn hinna „stóru" í
heiminum," sagði dr. Friese enn-
fremur. „En þó ég nefni þá Ham-
sun og Laxness í sömu andrá sem
mestu höfunda Norðurlanda, þá er
ekki þar með sagt að þeir séu svo
líkir eða verk þeirra, Hamsun er
meiri rómantíker en Laxness, sem
er raunsærri, og skrifar oft meira í
ætt við hina gömlu sagnahefð."
Að sögn dr. Friese er Halldór
Laxness mjög vel þekktur í Þýska-
landi, þar sem hann er eini rithöf-
undur Norðurlanda, sem margar
bækur hafa verið gefnar út eftir.
Auk þess væri hann svo að sjálf-
sögðu mjög þekktur fyrir þau verk
sín er sjónvarpsmyndir hafa verið
gerðar eftir, Brekkukotsannál og
Paradísarheimt. „í báðum tilvik-
um var um að ræða mikinn „suc-
cess“ og þessar myndir hafa verið
endursýndar, svo sem Paradísar-
heimt nú í tilefni áttræðisafmælis-
ins. Þá hygg ég einnig að heiðurs-
doktorsnafnbótin nú muni gera
Laxness enn kunnari í Þýskalandi
en áður, enda hefur verið frá því
skýrt í öllum helstu blöðum
Vestur-Þýskalands," sagði dr. Fri-
ese.
Friese sagðist að sjálfsögðu ekki
vita hve mikið Laxness væri lesinn
í Þýskalandi, en það væri þó vafa-
lítið talsvert. Hitt kvaðst hann
aftur geta fullyrt, að hinar oft á
tíðum einkennilegu söguhetjur í
verkum hans, sem Islendingar
teldu ef til vill erfitt að koma yfir
á önnur tungumál, ættu ekki síður
erindi og hljómgrunn meðal
þýskra lesenda en íslenskra. Ekki
væri þó víst að Þjóðverjar legðu
sama mat á sögupersónurnar og
íslendingar. Þjóðverjar litu frem-
ur á þær sem hreinar skáldsagna-
persónur, á meðan íslendingar á
hinn bóginn teldu þær raunveru-
legri, svo sem hinn fræga mann
Jón Hreggviðsson. „Gerpla er í
mínum huga besta bók Laxness,"
sagði dr. Friese, er blaðamaður gat
ekki stillt sig um að spyrja hvort
hann ætti sér uppáhaldsbók eftir
Nóbelsskáldið. „Sjálfsagt eru mér
tiltölulega fáir sammála í þessu,"
hélt hann áfram, „ekki hvað síst í
Þýskalandi. En ástæða þess er í og
með sú að menn verða að þekkja til
fornsagnanna til að geta notið
hennar. Sá er ekki hefur lesið j
Fóstbræðrasögu eða Ólafs sögu
hélga og ýmsar fleiri, hann á erfitt
með að setja sig inn í þann heim er
Gerpla gerist í. En Gerpla samein-
ar kosti sagnanna fornu og nútíma
skáldsagna, í því liggur styrkur
hennar."
Prófessor Wilhelm Friese
kvaðst fyrst hafa hitt Laxness
fyrir um það bil þrjátíu árum, þá í j
Áustur-Berlín. Síðan hefðu þeir
haldið nokkru sambandi sín á
milli, og Laxness meðal annars
sent honum bækur sínar er Friese
bjó enn fyrir austan. „Þetta er
hins vegar í annað skipti sem ég
kem til íslands," sagði hann,
„fyrra skipti var árið 1974, þegar
hér var minnst 1100 ára afmælis
landnáms. Núna er tilgangur ferð-
arinnar fyrst og fremst að afhenda
skáldinu heiðursdoktorsskjalið, en
það var gert í sendiráði Vestur-
Þýskalands. Ég flutti þar stutta
ræðu þar sem ég fór orðum um
skáldið og verk hans, og Laxness
þakkaði svo fyrir, kvað sér heiður
og ánægju að þessari viðurkenn-
ingu, og lét í ljós von um að hann
gæti komið til Tubingen áður en
um of langt liði.
Þá flutti ég einnig fyrirlestur
um Laxness og Hamsun í Árna-
stofnun, og hef heimsótt hann á
heimili þeirra hjóna. Mér verður
þessi fyrirlestur vafalaust lengi
minnisstæður, vegna þess að mér
til mikillar undrunar var Laxness
einn áheyrenda, sat á fremsta
bekk og hlýddi á. Ég minnist þess
ekki að hafa áður flutt fyrirlestur
um rithöfund og verk hans að hon-
um sjálfum áheyrandi, og mér
hafði verið sagt að hann myndi
ekki koma sjálfur. Ég varð því
mjög undrandi er hann birtist. En
hann tók öllu vel, er ég ræddi við
hann á eftir, og eins er ég heim-
sótti hann, líka því sem ég sagði
um sum æskuverk hans, sem ég fór
hörðum orðum um, sum hver.
Hann sagði sjálfur að sér þætti
athyglisvert að heyra hvað öðrum
fyndist um æskuverk sín, en að
þeim mætti ýmislegt finna! Nei, ég
breytti fyrirlestrinum ekkert þótt
Laxness væri meðal áheyrenda, en
ég skal þó viðurkenna að mér datt
það aðeins í hug, að breyta því, þar
sem ég var hvað gagnrýnastur! Ég
átti þó ekki auðvelt með það svona
fyrirvaralaust, svo ég lét allt
flakka! Og hann tók því öllu vel, ég
kunni vel að meta það. Daginn eft-
ir var ég svo boðinn til hans í mat,
og þar ræddum við lengi dags um
allt milli himins og jarðar, það var
ágætur dagur!"
Dr. Friese sagði að lokum, að
vaxandi áhugi væri fyrir norræn-
um bókmenntum við Tubingen-
háskóla. Þar væru nú 10 nemend-
ur, og færi heldur fjölgandi. Hóp-
urinn væri þó að vísu ekki stór
miðað við stúdentafjöldann í skól-
anum, sem væri um 5000. í Tvib-
ingen, sem er ekki mjög langt frá
Stuttgart, eru um 22000 stúdentar.
Innflutningsgjöld lækkuð
á bifreiðum og bifhjólum
Fjármálaráðuneytið hefur gefið út
reglugerð um sérstakt gjald af bif-
reiðum og bifhjólum sem leysir af
hólmi eldri reglur um innflutn-
ingsgjald. Breytingin felur í sér að
gjaldið fellur niður af litlum og
sparneytnum bifreiðum, en lækkar
af öðrum ökutækjum í 5—30%.
Breytingar þessar munu hafa í för
með sér um 6—14% verðlækkun á
bifreiðum og bifhjólum.
Á blaðamannafundi er fjármála-
ráðherra, Ragnar Arnalds, efndi til
kom fram að samkvæmt þeim regl-
um, sem gilt hafa til þessa, hefur
verið greitt 50% innflutningsgjald af
fólksbifreiðum er hafa 2200 rúm-
24 prósent vörugjald
fellt niöur á sjálfvirk-
um gagnavinnsluvél-
um til að bæta stöðu
samkeppnisiðnaðar
sentimetra sprengirými eða stærra,
en 35% gjald af öðrum fólksbifreið-
um. Gjald verður framvegis krafið í
samræmi við stærð sprengirýmis eða
eigin þyngd bifreiðar sem hér segir:
Sú flokkun sem innflytjanda er
hagstæðust ræður gjaldtökunni.
Þannig gæti bifreið orðið gjaldfrjáls
vegna þess hve létt hún væri þótt
stærð sprengirýmis gæfi annað til
kynna, og öfugt. Þá eru bifreiðir með
rafmagnsknúinni aflvél gjaldfrjáls-
«r.
Fjármálaráðherra sagði gjald-
lækkun þessa lið í aðgerðum ríkis-
stjórnarinnar til niðurfærslu verð-
lags. Hér væri um að ræða hluta af
víðtækri áætlun um lækkun inn-
flutningsgjalda en töluverðs ósam-
ræmis gætti í álagningu innflutn-
ingsgjalda á hina ýmsu vöruflokka.
Þá sagði ráðherra gjaldalækkun
þessa framhald þeirra aðgerða ríkis-
stjórnarinnar frá sl. sumri, að stuðla
að sparnaði í notkun erlendra
orkugjafa m.a. með auknum inn-
flutningi á sparneytnum bifreiðum
en þá var innflutningsgjald lækkað
úr 50% í 35%. „Rekstur bifreiða er
verulegur útgjaldaliður hjá flestum
fjölskyldum og bifreiðin löngu orðin
almenningseign", sagði ráðherra. „í
þessu sambandi má einnig minna á
að í ágúst og febrúar sl. voru gjöld á
ýmsum mikilvægum heimilistækjum
lækkuð verulega. Má þar nefna kæli-
skápa, þvottavélar, ryksugur og
hrærivélar, en 24% sérstakt vöru-
gjald hefur einnig verið fellt niður af
þeim öllum svo og varahlutum í þau.
Auk þess var sérstakt vörugjald fellt
niður í mars sl. af uppþvottavélum,
en áður hafði tollur á þeim verið
lækkaður verulega."
Fjármálaráðuneytið hefur nýlega
gefið út auglýsingu um breytingu á
auglýsingu nr. 8/1981 um niðurfell-
ingu og/eða endurgreiðslu aðflutn-
ingsgjalda af aðföngum til sam-
keppnisiðnaðar, sem gefin var út í
ársbyrjun 1981.
„Með breytingu á síðastnefndri
auglýsingu er enn eitt spor stigið í þá
átt að létta opinberum gjöldum af
aðföngum iðnaðarins til að komast
hjá uppsöfnun ýmissa gjalda sem
hafa neikvæð áhrif á samkeppnis-
stöðu hans, bæði að því er varðar
framleiðslu fyrir innlendan og er-
lendan markað", sagði Ragnar Arn-
alds. „Hér er m.a.’ um að ræða snún-
ings- og vökvadælur ýmiss konar,
tæki til alls konar mælinga, raf-
magns- og rafeindatæki til prófana,
skoðana, greininga og sjálfvirkra
stillinga svo og hluta til þessara
tækja. Breyting þessi er liður í heild-
arendurskoðun á auglýsingu nr.
8/1981 sem nú er unnið að í fjár-
málaráðuneytinu.
Ljóst er að eigi iðnaður svo og at-
vinnuvegirnir almennt að standa
samkeppnisaðilum sínum erlendis
jafnfætis að því er varðar hagnýt-
ingu sjálfvirkra gagnavinnsluvéla og
eininga þeim tilheyrandi við fram-
leiðslu og þjónustustörf, verður ekki
hjá því komist að létta gjaldtöku af
tækjum þessum. I þessu skyni hefur
verið ákveðið að fella niður 24% sér-
stakt vörugjald til þess að auðvelda
fyrirtækjum að taka slíkan búnað í
þjónustu sína.
Þótt ráðstafanir þær sem hér hafa
verið nefndar og aðrar sem á undan
hafa geiigið, feli í sér verulegar
gjaldalækkanir á mikilvægum
neysluvörum almennings og aðföng-
um atvinnuveganna, verður fyrst og
fremst að líta á þær sem lið í endur-
skoðun tekjuöflunarkerfis ríkisins,
einkum að því er aðflutnings- og
vörugjöld varðar. Nefnd er nú starf-
andi til þess að vinna að endurskoð-
un þessara mála og er þess vænst að
hún ljúki störfum í haust og skili þá
tillögum um breytta skipan þessara
mála.“
1 Kigin þyngd í kg. 0- 70« SprengirÝmi í cm'* 0-1000 Gjald í % 0
II 701- 800 1001-1300 5
III 801- 900 1301-1600 10
IV 901-1100 1601-2000 15
V 1101-1300 2001-2300 20
VI 1301-1500 2301-3000 25
VII 1500- 3001- 30
„Kristján viðurkennir
allt sem við höfum sagt
um Rauðavatnssvæðið“
segir Davíð Oddsson
„VITANLEGA erum við að
láta kanna Rauðavatnssvæð-
ið og gera þessar jarðfræði-
athuganir til þess að taka
mark á þeim niðurstöðum,
sem út úr þeim koma. Ef þær
leiða tii þess að ekki þyki
skynsamlegt að taka svæðið
til byggingar, þá munum við
framsóknarmenn ekki telja
neitt sjálfsagðara en að leita
annarra leiða með næsta
byggingarsvæði Reykjavík-
urborgar. Annað kemur ekki
til greina í okkar huga.“
Þetta eru ummæli Kristjáns
Benediktssonar, borgar-
fulltrúa framsóknarmanna
og eins og af oddvitum meiri-
hluta vinstrimanna í borgar-
stjórn Reykjavíkur. Birtust
þau á forsíðu Tímans í gær
undir fyrirsögninni: Hætt við
að byggja á Rauðavatnssvæð-
inu?
Kristján Benediktsson er for-
maður framkvæmdaráðs Reykja-
oddvita Aiþýðubandalagsins, og
Davíðs Oddssonar, borgarstjóra-
efnis sjálfstæðismanna, og leitaði
álits þeirra á orðum Kristjáns og
stöðu málsins í framhaldi af þeim.
„Það er athyglisvert, að Krist-
ján Benediktsson, borgarfulltrúi
Framsóknarflokksins, skuli sjá sig
knúinn til þess nú, 23 dögum fyrir
kosningar, að viðurkenna loksins
að allt það sem við sjálfstæðis-
menn höfum sagt um Rauðavatns-
svæðið sé satt og rétt,“ sagði Dav-
íð Oddsson í upphafi.
Það hefur komið fram í fjölmiðl-
um í dag að Alþýðubandalagið
heldur fast við að fara þarna upp í
sprungusvæðin og ég er í engum
vafa um að Kristján Benediktsson
mun eftir kosningar eins og
hingað til fylgja því í því máli. Það
hefur sýnt sig alfarið að Alþýðu-
bandalagið ræður ferðinni gagn-
vart Framsóknarflokknum í
skipulagsmálum," sagði Davíð.
Það verður einnig að hafa í
huga, að Framsóknarflokkurinn,
Kristján Benediktsson, stóð að
strandskipulagi með okkur sjálf-
stæðismönnum. Hann lét knýja
sig upp í Rauðavatnsheiðarnar og
„Rauðavatnssvæð-
ið ekki óbyggilegta
— segir Sigurjón Pétursson
víkurborgar, en hinn 21. apríl sl.
var þar lögð fram greinargerð frá
Halldóri Torfasyni, jarðfræðingi.
Kemst hann þar að þeirri niður-
stöðu, að mikill fjöldi sprungna og
misgengja sé á Rauðavatnssvæð-
inu og afar mikilvægt sé að koma í
veg fyrir að byggingar lendi á
sprungum. Sigurður Harðarson,
formaður skipulagsnefndar
Reykjavíkur og fulltrúi Alþýðu-
bandalagsins þar, hefur sagt, að
það breyti engu um skipulagið þó
sprungum fækki eða fjölgi á
Rauðavatnssvæðinu.
I tilefni af ummælum Kristjáns
Benediktssonar um tvísýnar horf-
ur varðandi byggð á Rauða-
vatnssvæðinu sneri Morgunblaðið
sér til þeirra Sigurjóns Pétursson-
ar, forseta borgarstjórnar og
„Kristján hefur barist gegn öll-
um ofangreindum sjónarmiðum.
En þó að hann viðurkenni þetta
nú, þá er það ennþá athyglisverð-
ara að hann slær úr og í. Talar um
að kannski verði hætt við svæðið,
að hans mati o.s.frv. Ég er ekki í
neinum vafa um að það vakir ekki
annað fyrir Kristjáni Benedikts-
syni en það, að slá ryki í augu
kjósenda í þessu máli fram yfir
kosningar. Hann hefur rölt fylg-
ispakur á eftir Alþýðubandalag-
inu í þessum efnum sem öllum
öðrum og þessvegna er málflutn-
ingur hans langt frá því að vera
trúverðugur. Við verðum að at-
huga að það er búið að eyða millj-
örðum gamalla króna, tugum
milljóna nýkróna, í að skipuleggja
á þessu óbyggingarhæfa svæði.
hefur barist gegn öllum sjónar-
miðum, sem við höfum komið
fram með og þessi málflutningur
hans er svo sannarlega ekki trú-
verðugur og reyndar allt að því
ósvífinn í garð reykvískra borg-
ara. Ég er ennþá jafnsannfærður
og áður um að síðasta tækifæri,
sem borgarbúum gefst til að koma
í veg fyrir að byggðin verði færð
upp á Rauðavatnsheiðar, er hinn
22. maí næstkomandi ög ekki eftir
það. Þetta hjal Kristjáns Bene-
diktssonar breytir engu um það,“
sagði Davíð Oddsson að lokum.
„Eg vil fyrst segja, að fyrirsögn-
in í Tímanum er ekki alveg í sam-
ræmi við það sem Kristján segir,"
sagði Sigurjón Pétursson, forseti
borgarstjórnar og oddviti Alþýðu-
bandalagsins. „Rannsóknir hafa
ekki leitt neitt í ljós um að Rauða-
vatnssvæðið sé óbyggilegt. Það
hefur aðeins verið gerð athugun á
legu sprungnanna. Önnur svæði,
sem byggt hefur verið á í Reykja-
vík, eru öll sprungin, en þetta er í
fyrsta sinn, sem byggingarsvæði á
höfuðborgarsvæðinu er kannað á
þennan hátt og fólk á ekki að láta
þessa könnun hræða sig. Með
þessari athugun á legu sprungn-
anna verður hægt að staðsetja
mannvirkin eftir því hvernig þær
liggja," sagði Sigurjón Pétursson.
Miðstjórn ASÍ:
jT
VSI gengur þvert á ákvæði
bráðabirgðasamkomulagsins
EFTIRFARANDI ályktun var sam-
þykkt samhljóöa á fundi miðstjórnar
ASÍ í dag, 29. apríl:
Miðstjórn Alþýðusambands ís-
lands lýsir furðu sinni á og mót-
mælir harðlega þeirri fáheyrðu
ósvífni, sem fram kemur í kröfu
Vinnuveitendasambands íslands
um frestum samningaviðræðna
fram yfir sveitarstjórnarkosn-
ingar.
Með þessari samþykkt gengur
Vinnuveitendasambandið þvert á
ákvæði bráðabirgðasamkomulags-
ins frá nóvember sl., sem kveður á
um að viðræðum skuli fram haldið
eigi síðar en 15. mars, með það
fyrir augum að samningar náist
fyrir 15. maí. Áður hefur Vinnu-
veitendasambandið þrásinnis
aftrað eiginlegum viðræðum og
tekið sér frest á fresti ofan. Mið-
stjórn Alþýðusambandsins krefst
þess að Vinnuveitendasambandið
haldi deilumálum sínum við ein-
staka stjórnmálaflokka á öðrum
vettvangi, þannig að ekki trufli
gang samningaviðræðna.
Eftir þennan síðasta tafaleik
Vinnuveitendasambandsins er það
enn brýnna en áður, að félögin
svari kalli 72ja manna samninga-
nefndar og afli sér nú þegar verk-
fallsheimilda. Það virðist vilji
Vinnuveitendasambandsins að
gefa í engu eftir, nema verkafólk
sýni að það sé reiðubúið til þess að
fylgja eftir kröfum sínum af full-
um þunga. Miðstjórn Alþýðu-
sambands íslands öeinir því til
verkafólks um land allt, að það
skipi sér í órofa fylkingu gegn
kjaraskerðingarkröfum Vinnu-
veitendasambandsins.