Morgunblaðið - 17.11.1982, Side 31

MORGUNBLAÐIÐ, MIÐVIKUDAGUR 17. NÓVEMBER 1982
31
Aðalfundur Hvatar:
Bessí Jóhannsdótt
ir einróma endur-
kjörin formaður
Grundvallarsjón-
armið Verzlunar
ráðs Islands í stjórn
arskrármálinu
AÐALFUNDUR Hvatar var haldinn
i Valhöll sl. fimmtudag. Formadur
félágsins lagði fram skýrslu stjórnar
fyrir sl. starfsár. Starf félagsins á
árinu tók einkum mið af:
1. Borgarstjórnarkosningunum í
maí 1982.
2. Útgáfu afmælisritsins Frjáls
hugsun — Frelsi þjóðar.
3. Hátíðarmóttöku 23. október
1982 þar sem lagt var fram af-
mælisrit félagsins og Auði Auð-
uns var veitt heiðursskjal í til-
efni af því að stjórn félagsins
kaus hana heiðursfélaga.
Framundan er mikið átak hjá
sjálfstæðismönnum í Reykjavík.
Bæta þarf stöðu flokksins í kom-
andi alþingiskosningum og má í
því sambandi nefna, að á þessum
aðalfundi var í fyrsta sinn í sögu
félagsins samþykkt sérstök
stjórnmálaályktun.
Stjórnarkosning fór fram með
hefðbundnum hætti, og var Bessí
Jóhannsdóttir einróma endurkjör-
inn formaður félagsins. Aðrar í
stjórn eru Ásdís J. Rafnar, Birna
Hrólfsdóttir, Brynhildur K. And-
ersen, Dögg Pálsdóttir, Elín
Pálmadóttir, Erna Hauksdóttir,
Sigríður Ragna Sigurðardóttir og
Unnur Jónasdóttir.
Stjórnmála-
ályktun Hvatar
Aðalfundur Hvatar, félags
sjálfstæðiskvenna í Reykjavík,
haldinn í Valhöll hinn 11. nóvem-
ber 1982, ályktar, eins og nú er
komið málum við stjórn landsins,
að þjóðarnauðsyn sé að stórauka
styrk Sjálfstæðisflokksins.
Sjálfstæðismenn, sem taka hönd-
um saman um að beita öllu afli
flokks síns að sameiginlegu þjóð-
málaverkefni, geta veitt þjóðinni
von um að losna við þá óstjórn, er
hún býr nú við. Þá fyrst skapast
skilyrði fyrir því að Sjálfstæðis-
flokkurinn geti með sameiginlegu
átaki snúið stjórnarháttum í landi
okkar til betri vegar, skref fyrir
skref.
Því miður hafa stefna og störf
ríkisstjórnarinnar leitt til meiri
skaða í íslenskum efnahagsmálum
en bætt verði úr með einföldum
hætti. Áhrif kommúnista í hinu
opinbera kerfi hafa farið sívax-
andi fyrir atbeina ríkisstjórnar-
innar; þeir hafa með neitunarvaldi
tafið flugstöðvarframkvæmdir,
sem í senn varða miklu öryggis-
mál landsins og tengsl Islands við
umheiminn. Stefna í orku- og iðn-
aðarmálum hefur einkennst af
miklu tali margra manna, vafa-
sömum ákvörðunum, hæpnum
fjárfestingum og röngum hug-
myndum um ráðstöfun skattpen-
inga almennings. Erlendar skuldir
fara sívaxandi og eru komnar
langt fram úr því sem eðlilegt get-
ur talist. Hagur einstaklinga
þrengist að sjálfsögðu við þessar
aðstæður og skattur hefur hlaðist
á skatt ofan.
íslendingum er það knýjandi
nauðsyn, að undið verði ofan af
þessari þróun. Eini flokkurinn,
sem hefur von um að valda því
verki, er Sjálfstæðisflokkurinn.
Það getur hann með sameiginlegu
átaki og auknum styrk, í anda at-
hafnafrelsis, einstaklingsfrelsis
og samstarfs allra stétta.
Hvöt, félag sjálfstæðiskvenna í
Reykjavík, leggur áherslu á hina
lýðræðislegu nauðsyn þess að
stórauka þátt kvenna í ákvörðun-
um hins opinbera á Alþingi, í
sveitarstjórnum og stjórnsýsl-
unni.
í þingliði sjálfstæðismanna í
Reykjavík er nú engin kona. Og í
öllum þingflokki sjálfstæðis-
manna, stærsta flokknum á Al-
þingi, er aðeins ein kona. Á Al-
þingi eru aðeins þrjár konur af
sextíu þingmönnum. Sjá allir, að
nú á dögum er þetta hlutfall frá-
leitt.
I kjördæmi okkar, Reykjavík,
fer fram prófkjör dagana 28. og
29. nóvember nk. vegna röðunar á
framboðslista Sjálfstæðisflokks-
ins við næstu Alþingiskosningar.
Félagið hvetur sjálfstæðismenn
til að nota þau tækifæri sem gef-
ast í prófkjörum til að rétta hlut
flokksins að þessu leyti svo um
munar.
I stjórnmálanefnd voru: Ragn-
hildur Helgadóttir formaður,
Auður Auðuns, Ólöf Benedikts-
dóttir og formaður Hvatar, Bessí
Jóhannsdóttir.
HÉR fer á eftir í heild greinargerd
Verzlunarráðs fslands, sem fylgdi
ályktun þess um stjórnarskrármál
og birtist i Mbl. fyrir nokkru:
Stjórnarskrá hvers lands er
hornsteinn stjórnskipunar þess.
Slíkir hornsteinar eiga að vera
traustir og standa lengi án þess að
taka tíðum breytingum. Heildar-
endurskoðun á stjórnarskránni
krefst því ítarlegrar umræðu og
kynningar og má alra sist vera
einkamál þingmanna.
Stjórnarskrár vestrænna þjóða
sækja uppruna sinn í það viðhorf,
að stjórnvöld fari með vald sitt í
umboði borgaranna og það sé því
þeirra, að veita stjórnvöldum slíkt
umboð með stjórnarskrá, sem til-
tekur stjórnskipan, embættis-
takmörk og almenn réttindi borg-
aranna, sem stjórnvöld geti ekki
skert. Eðlilegast er því, að þjóð-
fundur semji stjórnarskrá lands-
ins, sem síðan sé borin undir kjós-
endur í þjóðaratkvæðagreiðslu.
í upphafi áttu stjórnarskrár að
veita borgurunum vernd gegn yf-
irgangssömu konungsvaldi.
Reynslan hefur sýnt, að ríkisvaldi
borgaranna sjálfra þarf að setja
engu minni skorður. Þessi nauð-
syn á vernd er ótvírætt til staðar.
Fulla nauðsyn ber til að takmarka
ríkisvaldið, treysta sjálfstæði
dómstóla, tryggja lýðræði og veita
mannréttindum nauðsynlega
vernd. Aukið umfang ríkisins og
vaxandi afskipti þess á ýmsum
sviðum hefur berlega leitt í ljós
þessa nauðsyn.
Stjórnarskránni er ætlað að til-
taka þær skorður, sem Alþingi og
ríkisstjórn eru settar í störfum
sínum af hálfu borgaranna. Verzl-
unarráð íslands telur það því
ótvírætt, að þjóðfundur, sem
starfar fyrir opnum tjöldum, sé
rétti vettvangurinn til að semja
frumvarp að nýrri stjórnarskrá.
Alls ekki er verjandi að ráðast í
umfangsmiklar stjórnarskrár-
breytingar, hvorki nú né framveg-
is, án þess að um það sé sérstak-
lega kosið í þjóðaratkvæða-
greiðslu.
Til þjóðfundar ætti að stofna
með því, að Alþingi setji lög um
framkvæmd almennra kosninga
til þjóðfundar og starfshætti
hans. Þjóðfundurinn hefði það
hlutverk að semja frumvarp að
nýrri stjórnarskrá. Það frumvarp
á síðan að bera undir kjósendur í
þjóðaratkvæðagreiðslu, en frum-
varpið fengi síðan afgreiðslu Al-
þingis.
Hugmynd Verzlunarráðs ís-
lands er, að allir þeir, sem njóti
kosningaréttar og kjörgengis til
Alþingis, eigi að vera kjörgengir
til þjóðfundar. Til hans ætti að
velja fulltrúa, sem væru valdir
persónubundnu kjöri úr öllum
kjördæmum landsins. Fjöldi full-
trúa úr hverjum landshluta ætti
að ákvarðast af fjölda kjósenda í
landshlutanum, þannig að lands-
menn allir hafi jafnan og sama
rétt til áhrifa á gerð stjórnar-
skrárinnar.
Tvær Breiðafjarð-
arferjur hafa
verið boðnar út
Eins og kunnugt er af fréttum
voru tvær gerðir af ferjum boðnar
út, til að taka við hlutverki flóa-
bátsins Baldurs á Breiðafirði, en
nefnd sem skipuð var til að gera
tillögur um málið klofnaði í af-
stöðu sinni til þess hvor fcrjan
hentaði betur.
Muninum á hinum tveim til-
lögum uni ferjur, veldur einkum,
að því er virðist, mismunandi
áhersla á ólíka þætti samgöngu-
mála Breiðafjarðar. Tillaga I,
sem meirihluti nefndarinnar
stendur að, gerir ráð fyrir minni
ferju en tillaga II. Er í tillögu I
meira tillit tekið til ferðamanna-
flutninga og útsýnisferða um
eyjarnar, því hluti aðalþilfars
þeirrar ferju er lagður undir út-
sýnissal fyrir farþega, þar sem
aftur á móti á stærri ferjunni er
allt aðalþilfarið hugsað fyrir
bíla, enda virðist tillagan um
ferju II leggja meiri áherslu á
samgöngur við Vestfirði, milli
Stykkishólms og Brjánslækjar, í
líkingu við flutninga Herjólfs og
Akraborgar. Þar er hins vegar
gert ráð fyrir að allir farþegar
séu undir aðalþilfari.
Samanburður á ferjunum leið-
ir eftirfarandi í ljós:
Tillaga I Tillaga II
I>engd: 31,10 31,70
Breidd: 7,2 8,3
Dýpt: 3,4 4,0
Rúmlestir: 140 180
Farþegafjöldi: 60 132
Fj. fólksbíla: 10 15
Gert er ráð fyrir að báðar ferj-
urnar geti flutt einn stóran bíl.
Ferja samkvæmt tillögu I getur
tekið 60 farþega bíl, og 2 litla
bíla. Ferja samkvæmt tillögu II
getur tekið 40—45 farþega bíl, en
mun færri fólksbíla, eða 8.
Eftirfarandi tilboð bárust í
verkin, upphæðir í milljónum
króna: í tillögu I: Bátalón 26.750,
Stálvík 28.700, Stál 29.470,
Skipavík 29.750, Skipasmíðastöð
Marsellíusar Bernharðssonar
44.850.
I tillögu II: Skipasmíðastöð
Njarðvíkur og Stál 26.652, Stál-
vík 27.597.135, Bátalón
28.751.691, Skipavík (eftir véla-
gerðum), 34,550, 36.327, 37.620 og
skipasmíðastöð Marsellíusar
Bernharðssonar 39.342.500.
Það skal tekið fram að tilboðin
eru ekki alveg sambærileg, þar
sem þar er gert ráð fyrir mis-
munandi vélagerðum og hefur
Siglingamálastofnun verið falið
að kanna tilboðin með tilliti til
þess.
Athygli vekur að tilboðin eru
svipuð í báðar ferjurnar, þrátt
fyrir stærðarmunin á þeim, en
að sögn Hjálmars R. Bárðarson-
ar siglingamálastjóra, hefur
komið fram að um undirboð geti
verið að ræða í stærri ferjuna,
vegna verkefnaskorts skipa-
smíðastöðva hér á landi, enda
stærri ferjan boðin síðar út.
Að sögn siglingamálastjóra,
en Siglingamálastofnun hefur
haft ferjurnar og tilboðin í þær
til umsagnar, ríður á að hags-
munaaðilar við Breiðafjörð komi
sér saman um þær forsendur,
sem á að leggja til grundvallar
um gerð ferju á Breiðafirði. Á að
byKgja minni ferju, með áherslu
á farþegaflutninga og útsýnis-
Minni ferjan
ferðir um eyjarnar, sem þó geti
einnig flutt bíla milli Stykkis-
hólms og Brjánslækjar, eða
stærri ferju, þar sem samgöng-
urnar við Vestfirði eru megin-
atriðið. Þriðji möguleikinn er
svo sá, að hafa eina stóra ferju í
ferðum milli Stykkishólms og
Brjánslækjar og aðra litla til að
þjóna eyjunum og útsýnisferðum
um Breiðafjörð, en sá kostur
yrði eðlilega sá dýrasti.