Morgunblaðið - 19.11.1983, Blaðsíða 45

Morgunblaðið - 19.11.1983, Blaðsíða 45
MORGUNBLADID, LAUGARDAGUR 19. NÓVEMBER 1983 45 VELVAKANOI SVARAR í SÍMA 10100 KL. 11—12 FRÁ MANUDEGI TIL FOSTUDAGS Þessir hringdu . Of langt gengið Stefanía Pálsdóttir hringdi og hafði eftirfarandi að segja: — Mér blöskraði alveg þegar ég var að lesa grein um Sædýrasafnið í Mbl. í dag (fimmtudag). Er það tilfellið, að ætlunin sé að sýna þar karlmenn og kvenfólk? Eða á greinarhöfundur við karlapa og kvenapa? Talað er um, að það sé „vonlaust að ætla tveimur körlum einn kvenmann". Er þetta ekki einum of langt gengið, að tala um dýrin eins og um fólk sé að ræða? Nema þeir ætli að hafa kvenfólk hjá karlöpunum. Fær venjulegt fólk inngöngu? Guðrún Kristjánsdóttir hringdi og hafði eftirfarandi að segja: — Ég er aðallega að hringja af því að ég er ekkert ánægð í dag. Eg er vond út í samtök sem kalla sig SÁÁ, fyrir að senda manni sníkjuhappdrættismiða á hverju ári. Mér þykir það einum of mik- ið. Mér finnst þetta óþarfi, þeir geta bara byggt þetta hús sitt í sjálfboðaliðsvinnu. Það var nú aðallega þetta sem ég er vond út í og ég veit ekki, hvort ég er góð út í nokkurn hlut í dag. Nema hvað ég kaupi alltaf miða hjá happdrætti Styrktarfélags van- gefinna, þegar ég fæ þá heim. Svo langar mig til þess að spyrja sjónvarpið að því, hvort ekki sé hægt að koma með eitthvað af þessum góðu myndum, sem mað- ur sá fyrir svona 30—40 árum. Þær eru miklu betri en þessar nýtískumyndir. Ég man ekki, hvort ég er ánægð með eitthvað. Það væri þá helst morgunút- varpið. Mér finnst þetta nýja fólk alveg ágætt. Annars sé ég nú svolítið eftir Gull í mund. En þetta er mjög svipað. Svo ég víki aftur að því sem ég talaði um fyrst, þá langar mig til að spyrja SÁÁ-menn, hvað það muni kosta að vera á þessu meðferðarheim- ili þeirra og hvort venjulegt fólk fái inngöngu þar. Eða á húsið að heita „Snobb-Hill"? Einir löggæslu- manna án ein- kennisbúninga Fyrrverandi sjómaður hjá Land- helgisgæslunni hringdi og hafði eftirfarandi að segja: — Það hafa sjálfsagt margir veitt því athygli, m.a. nú nýlega, að sumir skipverja um borð í íslensku varðskipunum, þ.e.a.s. undir- menn á dekki, klæðast vinnu- göllum sínum, jafnvel þótt til- efni virðist kalla á annað. Ég minnist þess að hafa sjálfur lent í þeirri aðstöðu, þegar heiðurs- gestir voru um borð hjá okkur, m.a. forseti íslands, að við dekk- mennirnir þurftum að vera ber- höfðaðir og í snjáðum og slett- óttum vinnugöHum innan um gestina og prúðbúna skipsfélaga okkar í svörtum einkennisklæðn- aði. Þess vegna leyfi ég mér að spyrja forstjóra Landhelgis- gæslunnar: Hvers vegna þurfa þessir varðskipsmenn, einir ís- lenskra löggæslumanna, að sæta því að hafa engan einkennis- klæðnað til afnota, ekki einu sinni við tækifæri, þegar slíkt virðist sjálfsagt? Ungur og efni- legur fræðimaður Jón Valur Jensson, ísafirði, skrifar: „Kæri Velvakandi. Við og við birtast í þáttum þín- um afar fróðlegar greinar eftir Skúla Magnússon í Keflavík. Hafa þær fjallað mest um byggðasógu, einkum Keflavíkur og Suðurnesja, Sögð vera Guðs orð Sóley Jónsdóttir, Akureyri, skrif- ar: „Velvakandi. Samþykktir presta eru ekki Guðs Orð. Það vitum við. í nýju kirkjuhandbókinni eru engu að síður orð, sem aðeins eru sam- þykktir presta, sögð vera Guðs Orð. Það eru eftirfarandi orð og er þau að finna í kaflanum um skírnina (barnaskírnina): „Hann tekur oss að sér í heilagri skírn, að vér verðum hans eign og börn vors himneska föður í eilífu ríki hans." Hefur umsjónarmaður kristn- innar á íslandi, herra Pétur Sigur- geirsson biskup, ekki í hyggju að gera viðeigandi ráðstafanir í þessu alvarlega máli? Með kærri kveðju." en einnig hefur hann skrifað um ýmsa merka menn seinni tíma sögu o.fl. efni og hefur þar varpað nýju ljósi á ýmislegt, sem mörgum var áður óljóst eða ókunnugt um. Nú síðast birtir hann í dálkum þínum ágrip af sögu byggðasafna í landinu, og er fengur að slíku yfir- liti, þótt stutt sé. Skúli er einn fróðasti maður um þessi efni, enda hefur hann um árabil unnið að sögu Keflavíkur og kynnt sér fjölda heimilda um almenna byggðasögu, eins og skrif hans bera vitni. Með fullri virðingu fyrir þáttum Velvakanda, sem orðið hafa efn- ismeiri og málefnalegri hin síð- ustu ár, þá vil ég hreyfa þeirri hugmynd við Morgunblaðið, að það birti söguþætti Skúla héðan í frá sem sjálfstæðar greinar, sem hann þiggi ritlaun fyrir, og að greinar hans verði að sjálfsögðu myndskreyttar, eftir því sem ástæða er til. Skúli er ungur og efnilegur fræðimaður, sem gerir meiri kröf- ur til sjálfs sín en annarra, og er okkur, sem þekkjum hann, kunn- Skúli Magnússon ugt um, að hann hefur litla umbun hlotið fyrir fræðistörf sín. Eru þau þó hans aðaliðja, eftir að veik- indi gerðu hann ófæran til að stunda erfiðisvinnu. Það væri fengur að því, ef Mbl. gæti rétt þessum manni örvandi hönd með því að bjóða honum að birta greinaflokk í blaðinu eða í Lesbókinni, og mættu, þess vegna, ýmsir þættir missa sig úr blaðinu í staðinn, svo sem hið endalausa svartagallsraus Jóns Þ. Árnason- ar. Virðingarfyllst." Kemur þetta ekkert illa við metnað fjölmiðlamanna? Útvarpshlustandi skrifar: „Kæri Velvakandi. Það hefur varla farið framhjá neinum sem hiustað hefur á sunnudagsþáttinn í útvarpinu, Vikan sem var, að hann var ná- kvæmlega sniðinn eftir föstum þætti sem Páll Heiðar Jónsson hafði á hendi í fyrra eða undan- farna vetur. Kaflaskiptingar, spurningar og niðurröðun þeirra eru eftir forskrift Páls, en hann þó hvergi nærri. Kemur þetta ekkert illa við metnað fjölmiðlamanna eða kunna þeir því ágætlega að ganga í fötum hverjir af öðrum?" Margt þarf að varast í haust og vetrarumferð. Ökumenn: Hafið ljósker bifreiðanna hrein og ljósin rétt stillt. Slæmt skyggni krefst aukinnar aðgæslu. Vegfarendur: Endurskinsmerki veita ykkur aukið öryggi í um- ferðinni. Sýnum öldruðu fólki, blindu og sjóndöpru tillitssemi í umferðinni og réttum því hjálparhönd. Nemendur: Munið endurskinsmerkin. GÆTUM TUNGUNNAR SKYRTUR MELKA TWIN er mest selda skyrtan í Svíþjóö. Fyrsta flokks efni og frágangur. Auöveld í þvotti, ekki aö strauja. Veröiö sérlega hagstætt. FÆST í ÖLLUM HELSTU HERRAFATAVERSLUNUMI LANDSINS. Viðskiptafræðingar — Hagfræðingar Aðalfundur Aöalfundur Félags viöskiptafræöinga og hagfræö- inga veröur haldinn aö Hótel Holti fimmtudaginn 24. nóvember kl. 16.00. Aö aöalfundarstörfum loknum mun Jónas Blöndal. hagfræöingur Fiskifélags íslands, flytja erindi sem hann nefnir: „Ný viðhorf í sjávarútvegsmálum" FÉLAG VIÐSKIPTAFRÆÐINGA OG HAGFRÆÐINGA. Sagt var: Um eitthvað slíkt samkomulag er að ræða. Rétt væri: Um eitthvert slíkt samkomulag er að ræða. Skák- skóll Fríðríks ólafssonar Vetrarnámskeið 1983 — Innritun hafin Að þessu sinni býöur skólinn upp á eftirtalin námskeið: I. Námskeið í skákbyrjunum Þar veröa byrjanirnar í komandi áskorendaeinvígjum Kasparovs og Korchnois, Riblis og Smyslovs, lagöar til grundvallar. Fræðileg umfjöllun um baráttuna í London. II. Endataflstækni Helstu reglur og undirstöðuatriöi sem allir ættu að geta hagnýtt sér. Peðsendatöfl, hróksendatöfl o.fl. III. Barna- og unglinganámskeiö Hin sívinsælu barna- og unglinganámskeið milli 17 og 19 á daginn halda áfram. Innritun Alla virka daga á venjulegum skrifstofutíma í síma 25550 eða á skrifstofunni, Laugavegi 51,3. hæð. Námskeiðsgjald Fullorðnir kr. 1300,- Börn, 14 ára og yngri, kr. 1000,- SkákskcHi Friðriks Ólafssonar Laugavegi 51 Síml: 25550. Friðrik Ólafsson, CuðmundurSigurjónsson, Helgi Ólafsson, Jón L. Árnason, Margeir Pétursson.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.