Morgunblaðið - 30.12.1983, Síða 18

18
MORGUNBLAÐIÐ, FÖSTUDAGUR 30. DESEMBER 1983
Kjaradeilur til
sáttasemjara upp
úr áramótum?
KEIKNAÐ er með að kjaradeilur launþega og atvinnurekenda fari fljótlega
upp úr áramótum n«r allar til embættis ríkissáttasemjara. Aðilar vinnumark-
aðarins, sem blm. ræddi við í gær, voru sammála um að frekari samningavið-
ræður án atbeina ríkissáttasemjara væru ekki vænlegar til árangurs, svo
mikið bæri í milli aðila.
Guðlaugur Þorvaldsson, ríkis-
sáttasemjari, sagði í samtali við
Mbl., að enn sem komið væri hefði
aðeins verið vísað til sín þremur
deilum: BSRB og ríkisins, ríkis-
starfsmanna í BHM og ríkisins og
deilu Félags bókagerðarmanna og
Félags prentiðnaðarins. „Fundir
hafa ekki verið haldnir eða boðað-
ir enn, nema hvað búið er að halda
einn fund í deilu bókagerðar-
manna," sagði ríkissáttasemjari.
„Upp úr áramótum fer væntan-
lega að komast skriður á viðræð-
urnar."
Björn Þórhallsson, varaforseti
Alþýðusambands íslands, sagði
ekkert vera í gangi þessa dagana
og yrði varla fyrr en eftir áramót-
in. „Við viljum reyna að tala
eitthvað saman beint áður en deil-
unni verður vísað til sáttasemj-
ara,“ sagði Björn.
Frá jólaskemmtun ungmenna f Seljaskóla
Unglingar í Seljahverfí:
Barátta hafin fyrir bættri
aðstöðu til tómstundastarfa
NÚ f vetur hafa unglingar í Selja-
hverfi tekið höndum saman og hafið
baráttu fyrir bættri aðstöðu til
tómstunda- og félagsstarfa í Selja-
hverfi, segir í fréttatilkynningu frá
starfshópi unglinga í Seljahverfi. í
samvinnu við Útideild og Æskulýðs-
ráð gengust nemendur í Oldusels- og
Seljaskóla auk annarra unglinga í
hverfinu fyrir skemmtun í Iþrótta-
húsinu við Seljaskóla sem heppnað-
ist mjög vel.
í framhaldi af þessari skemmt-
un var stofnaður starfshópur til
að vinna að málefnum unglinga í
hverfinu. Hópurinn gekkst fyrir
undirskriftasöfnun meðal ungl-
inga í hverfinu til að leggja
áherslu á þörf fyrir félagsaðstöðu
og benda á algjört aðstöðuleysi
sitt. Á fjórða hundrað unglingar
skrifuðu sig á lista sem sendir
voru borgarstjóra en fyrir borg-
arráði liggja nú tillögur um starf-
semi Æskulýðsráðs og Félags-
málaráðs í Seljahverfi á næsta
ári.
Starfshópurinn er þessa dagana
að undirbúa heilmikla þrettánda-
gleði sem haldin verður í Tónabæ
föstudagskvöldið 6. janúar 1984.
Hjálparsveit skáta Njarðvíkum:
Alls 12 sinnum
kölluð út á árinu
Vojfum, V atnsky.su.strönd, 28. desember.
Iljálparsveit skáta í Njarðvík hef-
ur 12 sinnum verið kölluð út til
björgunar- og leitarstarfa á árinu.
Hafa félagar í hjálparsveitinni lagt
fram 1.300 klukkustundir í sjálf-
boðavinnu til aðstoðar oft við erfið-
ustu aðstæður, auk tíma sem fer í
æfingar og vinnu í bílum og hús-
næði, 3.000—3.200 klukkustundir.
Að sögn Árna Stefánssonar,
formanns HSSN, voru flest útköll
í apríl, eða 5, en 4 útköll í janúar.
Flest útköll voru vegna aðstoðar í
óveðrum þá aðallega vegna snjóa,
ennfremur vegna nauðlendingar
flugvélar á Keflavíkurflugvelli,
leitar að týndu fólki og týndri
flugvél. f sveitinni eru 15 menn
tilbúnir í útkall hvenær sem er,
jafnt á nóttu sem degi og hafa þeir
lagt fram 90 klukkustundir að
meðaltali á mann á árinu. I sveit-
inni eru 40 félagar á útkailslista.
Hjálparsveitin á tvo bíla, Ford,
árgerð ’75 og Dodge, árgerð ’79.
Auk þess ýmsan búnað til björg-
unar- og hjálparstarfa. Þá hefur
sveitin danskan almannavarna-
búnað sem er búnaður til að
hjálpa fólki úr húsarústum og til
að veita fyrstu hjálp. Búnaðurinn
er fyrir 10 manns.
Á árinu hóf sveitin byggingu á
björgunarstöð sem er 318 fermetr-
ar að stærð, en í dag fer starfsem-
in fram í leiguhúsnæði. Árni Stef-
ánsson sagði starf hjálparsveita
ekki aðeins krefjast mikillar
vinnu af félögunum, hún væri
einnig fjárfrek og vildi hann
minna á að nú stendur yfir sala
flugelda sem er helsta fjáröflun-
arleið hjálparsveitarinnar. — E.G.
Tómas Kaaber, formaður Hjálparsveitar skáU f Garðabæ, til vinstri, og Páll Árnason, byggingarnefndarmaður,
fyrir framan hið nýja húsnæði sveitarinnar við Bæjarbraut. Morgunblaðið/RAX.
Garðabær:
Hjálparsveit skáta
flytur í nýtt húsnæði
HJÁLPARSVEIT skáU í Garðabæ
flutti í nýtt húsnæði fyrir jólin, en
þáð er við Bæjarbraut í Garðabæ.
Að sögn Tómasar Kaaber, for-
manns sveitarinnar, og Páls Árna-
sonar, í byggingarnefnd, er um að
ræða 170 fermetra stálgrindarhús,
sem félagar sveiUrinnar hafa reist
í sjálfboðavinnu á undanförnum
mánuðum, en fyrsU skóflustungan
var tekin sl. haust.
„Bæjaryfirvöld í Garðabæ
gáfu sveitinni lóð undir húsið, en
síðan var tekin ákvörðun um
kaup á stálgrindarhúsi frá
Garða-Héðni, sem félagarnir
hafa unnið við undanfarna mán-
uði. Húsið er nú tilbúið að utan,
en mestallur frágangur innan-
húss er eftir. Húsinu er skipt í
tvennt. Annars vegar er um að
ræða bíla- og vélageymslu og
hins vegar félagsaðstöðu og út-
búnaðargeymslu," sögðu þeir fé-
lagar.
„Öll okkar aðstaða var orðin
mjög bágborin, en húsnæði það
sem sveitin hefur verið í undan-
farin ár er orðið ónýtt og stóð
sveitinni í raun fyrir þrifum. Á
því liðlega eina ári, sem liðið er
frá því að hafizt var handa við
bygginguna sl. haust, hefur al-
mennt starf verið í lægð, þar
sem allir hafa lagt hönd á plóg-
inn við nýbygginguna, en nú
stefnum við að því að koma al-
mennu starfi í fullan gang að
nýiu,“ sögðu þeir Tómas og Páll.
I Hjálparsveit skáta í Garða-
bæ eru nú liðlega 30 félagar, þar
af eru 20 þeirra mikið starfandi.
Sveitin hefur starfað frá árinu
1969 og eflst jafnt og þétt. Sveit-
in var stofnfélagi að Landsam-
bandi hjálparsveita skáta, sem
komið var á laggirnar árið 1971.
Tómas og Páll sögðu, að al-
mennir félagsfundir væru haldn-
ir mánaðarlega, en auk þess
færu félagar sveitarinnar í sam-
eiginlegar æfingar um helgar,
væri ýmist um að ræða dags-
ferðir eða lengri. „Við þjálfum
mannskapinn í almennri ferða-
mennsku, fjallamennsku,
skyndihjálp, björgunartækni og
fleiri þáttum, sem koma að not-
um í starfinu, eða í útköllum,
sem eru fjölmörg á hverju ári.“
Það kom fram í samtalinu við
þá Tómas og Pál, að fjárhags-
vandræði hrjáðu starfsemi sveit-
arinnar eins og reyndar annarra
björgunarsveita. „Rekstur á
svona sveit er í raun ótrúlega
fjármagnsfrekur. Við höfum
fjármagnað þetta í gegnum tíð-
ina með flugeldasölu eins og aðr-
ar hjálparsveitir skáta og fer
hún jafnan fram fyrir hver ára-
mót, en flugeldasölu sveitarinn-
ar nú fyrir þessi áramót lýkur á
gamlársdag. Þá fórum við út í
jólatréssölu fyrir þessi áramót,
sem gekk þokkalega. Þessar
tvær fjáröflunarleiðir nægja þó
hvergi til að standa undir eðli-
legu starfi og endurnýjun
tækja".
Aukin markaðshlutdeild
innlendra iðnaðarvara
ÍSLENZKUR iðnaður hefur heldur
sótt í sig veðrið á þessu ári, ef marka
má markaðshlutdeildartölur fyrir
fyrstu tvo ársfjórðunga ársins, en
þær eru byggðar á könnun Félags
íslenzkra iðnrekenda.
í nýútkomnu hefti Hagtalna
iðnaðarins kemur fram, að mark-
aðshlutdeild innlendrar hreinlæt-
isvöruframleiðslu var á fyrstu
tvéimur ársfjórungum ársins
64,1%, en markaðshlutdeildin var
59,7% á síðasta ári. Markaðs-
hlutdeild innlendrar hreinlætis-
vöruframleiðslu hefur stöðugt
verið að minnka frá árinu 1978,
þegar hún var 72,2%. Á árinu 1979
var hún 70,5%, um 67,3% árið
1980, um 63,2% árið 1981 og síðan
59,7% á síðasta ári, eins og áður
sagði.
Ef litið er á innlenda kaffi-
brennslu kemur sama þróunin
fram. Árið 1978 var markaðs-
hlutdeildin 93,5%. Hún fer síðan
stöðugt minnkandi, var 92,2% árið
1979, 86,6% árið 1980, um 79,8%
árið 1981, um 78,7% árið 1982, en á
fyrstu tveimur ársfjórðungum
þessa árs var markaðshlutdeildin
heldur farin að færast upp á við og
var 80,3%.
Innlend málningavörufram-
leíðsla hefur hins vegar verið á
undanhaldi á liðnum árum og náði
lágmarki á fyrstu tveimur árs-
fjórðungum þessa árs. Markaðs-
hlutdeild innlendrar málninga-
vöruframleiðslu var 65,6% á árinu
1978, um 64,7% árið 1979, um
66,2% árið 1980, um 63,8% árið
1981, um 61,5% árið 1982 og á
fyrstu tveimur ársfjórðungum
þessa árs var markaðshlutdeildin
komin niður í 60,3%.
Ef litið er á innlenda sælgætis-
framleiðslu hefur hún verið nokk-
uð breytileg frá því að kannanir á
markaðshlutdeild hennar hófust
árið 1980. Árið 1980 var mark-
aðshlutdeildin 43,8%, árið 1981
var hún 49,3%, árið 1982 um
47,8% og á fyrstu tveimur árs-
fjórðungum þessa árs var mark-
aðshlutdeild innlendrar sælgætis-
framleiðslu komin í 54,5%.
Sjálfsagt aÖ takmarka
leigu erlendra fragtskipa
— segir Halldór Ásgrímsson
„MÉR FINNST sjilfsagt að reyna
að takmarka leigutöku erlendra
fragtskipa til siglinga hér eftir því
sem mögulegt er. Það er sannarlega
ekki gott, að okkar skip liggi aðgerð-
arlaus á sama tíma og hér eru leigu-
skip,“ sagði sjávarútvegsráðherra,
Halldór Ásgrímsson, á fundi í Sjó-
mannafélagi Reykjavíkur, er hann
var inntur eftir því, hvort ekki væri
rétt að takmarka leigu erlendra
fragtskipa hér.
„Þetta væri kannski ekkert ólíkt
því, að við værum hér með aðgerð-
arlaus fiskiskip og erlend skip á
veiðum í landhelginni og það er
þess vegna, sem við höfum ákveðið
að segja upp fiskveiðisamningum
við erlendar þjóðir. Ekki vegna
þess að við viljum ekki skilja sjón-
armið þeirra. Ég held að við ætt-
um erfitt með að sætta okkur við
það, að erlend skip væru hér að
veiðum á sama tíma og okkar
liggja atvinnulaus. Svipað er með
fragtskipin, þó það sé kannski
ekki alveg jafn viðkvæmt," sagði
Halldór Ásgrímsson.