Morgunblaðið - 22.01.1984, Side 2

2
MORGUNBLAÐIÐ, SUNNUDAGUR 22. JANÚAR 1984

mL. h Wf Iflk J
Sendinefndin við komuna til Keflavíkur.
Einkum skoð-
aðar fjórar
þyrlugerðir
SENDINEFND Landhelgisgæslu og Alþingis kom heim frá Skotlandi i
fyrrinótt, eftir tveggja sólarhringa skoðunarferð í þyrluflughöfnina í
Aberdeen. Þar er stærsta þyrluflughöfn í heimi, gerðar út 80 þyrlur af
öllum stærðum og gerðum, allt upp
milljón farþega á ári.
250 þyrluflugtök eru á dag í
Aberdeen. Skoðunar- og kynnis-
ferðin var farin til þess að kanna
æskilega þyrlutegund fyrir
Landhelgisgæsluna, en nokkrar
vélar koma til greina. Stærstu
þyrluaðilarnir voru heimsóttir,
m.a. Bristow Helicopters, Brit-
ish Airways Helicopters og
North Scottice. Vélarnar sem
voru sérstaklega skoðaðar voru
frönsku vélarnar Super Puma og
Dolphin. Reynsluflogið var í
Delphin og Wertland 30, þyrlu
sem sérstaklega var flogið til
móts við skoðunarnefndina frá
Suður-Englandi.
Þá heimsóttu íslendingarnir
einnig stjórnstöð HM Coast-
í 44 farþega og flytja þær liðlega I
guard-stjórnstöð Landhelgis-
gæslu hennar hátignar. Þetta
var ströng skoðunardagskrá í
tvo daga, og skv. upplýsingum
Mbl., höfðu skoðunarmenn mikið
gagn af ferðinni og á næstunni
verður unnið áfram að því að
meta hvaða vélartegund þykir
henta best fyrir Landhelgisgæsl-
una og öryggisþjónustu á ís-
landi, en segja má að mest
áhersla hafi verið lögð á að
skoða Dolphin, Westland, Super
Puma og Sikorsky-þyrlur. Mikl-
ar nýjungar eru nú komnar fram
í þyrluútgerð m.a. varðandi flug
í slæmu skyggni, en þar eru
komin ratsjártæki sem byggjast
á infrarauðum geislum.
Frá þyrluskýli í Aberdeen. Fremst á myndinni er þyrla af Dolphin-gerð,
en hún er búin þeirri nýjung að aftari skrúfa vélarinnar, rótorinn, er
inni í stélinu og getur þyrlan látið og lent að stjórn þó sá hreyfill bili.
Lendir hún þá eins og flugvél. Fyrir aftan og til vinstri er þyrla af
gerðinni Super Puma.
Þátttaka borgarinnar í fyrirtækinu Isfilm:
„Borgin tryggi sér
aðstöðu til að fylgj-
ast með þróuninni“
— segir Davíð Oddsson borgarstjóri
„MÍN skoðun er sú að borgin eigi
ekki að hafa forystu í rekstri sem
þessum, en það komi fyllilega til
álita að borgin taki þátt í því um
hríð, eins og nú er gert að einum
sjötta hluta til,“ sagði Davíð
Oddsson borgarstjóri í samtali við
Mbl., er hann var spurður álits á
gagnrýni þeirri sem fram hefur kom-
ið á þátttöku Reykjavíkurborgar í
fyrirtækinu ísfilm.
„Þetta er svið sem mjög skammt
er komið á veg hér á landi, en ryð-
ur sér æ meira til rúms erlendis.
Það er ljóst að ný þróun í fjölmiðl-
un hlýtur að verða hér eins og
annars staðar og mér finnst eðli-
legt að borgin sem sveitarfélag
tryggi sér góða aðstöðu til þess að
fylgjast með þróun mála á þessum
sviðum og hafa jafnframt áhrif á
þróunina," sagði Davíð.
„Ég held að það sé misskilning-
ur að þetta fyrirtæki sé stofnað tii
höfuðs þeim fyrirtækjum sem
fyrir eru, þessu nýja fyrirtæki er
að ýmsu leyti ætluð önnur verk-
efni en nú er sinnt hér á iandi. Þá
á ég einkum við þróun fjölmiðlun-
ar,“ sagði Davíð Oddsson.
Greiðslukortaviðskipti/ Staðgreiðsla:
Hagsmunir allra að
koma á jafnstöðu
— segir Ásmundur Stefánsson, forseti ASI
„Við teljum að þeir aðilar sem greiða með peningum séu hlunnfarnir. Sá
aðili sem veitir greiðslukortaþjónustu tekur á sig 2—5% þjónustugjald sem
hann greiðir greiðslukortafyrirtækinu og auk þess tekur hann á sig vaxtakostn-
að, sem er trúlega 2—3% á mánuði. Kostnaður söluaðila er því almennt 5-8%,
auk þess umstangs sem greiðslukortunum fylgir hvað varðar bókhald og
annað,“ sagði Ásmundur Stefánsson, forseti ASÍ, en hann ásamt Snorra
Jónssyni, hefur flutt tillögu í Verðlagsráði þess efnis að þeim söluaðilum sem
veita greiðslukortaþjónustu sé gert skylt að veita viðskiptavinum, sem stað-
greiða, staðgreiðsluafslátt, sem sé hið lægsta sá sami og kostnaðurinn sem
hann ber vegna greiðslukortanna.
Spil brotnaði í
togaranum Viðey
VIÐEY, annar skuttogari Hraðfrysti-
stöðvarinnar í Reykjavík, varð fyrir
því óhappi að spil skipsins brotnaði
síðastliðinn föstudag er Viðeyin var
að veiðum. Skipið hélt þegar til hafnar
og verður spil úr Engey flutt yfír í
Viðey.
Viðeyin var að hefja sinn fyrsta
túr á þessu ári að undanskildum
jólatúrnum, sem lauk rétt eftir ára-
mótin. Ekki er talið að skipið verði
lengi frá veiðum, þar sem unnt er
að færa spilið úr Engey á milli, en
fyrirsjáanlegt er að Engey verður
frá veiðum í talsverðan tíma vegna
alvarlegrar vélarbilunar í síðustu
viku.
„Þarna er um mikla mismunun
að ræða og við teljum að það eigi að
koma þarna á jöfnuði, annað séu
ekki eðlilegir viðskiptahættir.
Þessum jöfnuði verður naumast
komið á öðru vísi en með því að
þeir sem staðgreiði fái afslátt, sem
jafngildi kostnaðinum vegna
greiðslukortanna. Hafi fyrirtækin
efni á að taka þennan kostnað á sig
vegna greiðslukortanna, hljóta þau
á nákvæmlega sama hátt að hafa
efni á að veita staðgreiðsluafslátt
til þeirra sem staðgreiða vöru og
þjónustu," sagði Ásmundur.
Er þörf á að lögbjóða þetta fyrir-
komulag, mun það ekki koma til af
sjálfu sér?
„Það er fullkomlega ljóst að
þetta þróast ekki í þessa átt af
sjálfu sér. Það kemur ekki síst til
vegna þess að í þeim stöðluðu
samningum sem greiðslukorta-
fyrirtækin Eurocard og Visa-
ísland gera við þá aðila sem veita
greiðslukortaþjónustu, er skýrt
kveðið á um að sá, sem tekur að sér
að selja gegn greiðslukortum, veiti
sömu viðskiptakjör, verð og þjón-
ustu og það veitir viðskiptamanni
sem greiðir í reiðufé svo vitnað sé
til samningsins. Þarna kemur
skýrt fram að það er ekki heimilt
fyrir fyrirtækin að veita stað-
greiðsluafslátt nema hann nái
jafnframt til þeirra sem greiða
með greiðslukorti. Það er því alveg
ljóst að þetta fer ekki í þennan far-
veg af sjálfu sér. Að auki hafa þessi
greiðslukortafyrirtæki bankavald-
ið á bak við sig, þannig að forsend-
ur fyrir samkeppni eru nokkuð
takmarkaðar.
Við kynntum þessa tillögu á síð-
asta fundi Verðlagsráðs og það var
samkomulag um að umræðum
skyldi frestað til næsta fundar
ráðsins, þannig að viðbrögð við til-
lögunni liggja ekki fyrir ennþá. Ég
tel það mjög brýnt að þessi mis-
munun sé leiðrétt og þeir sem stað-
greiði njóti sömu kjara og þeir sem
fá greiðslufrest. Ef þessi staða
helst þá hlýtur þessum kostnaði
vegna greiðslukortanna að verða
velt yfir í verðlagið almennt og það
þar með að leiða til hækkaðs verð-
lags í þjóðféiaginu. Það hljóta því
að vera hagsmunir allra aðila að
koma þarna á jafnstöðu og það er í
rauninni ekkert annað en það sem
okkar tillaga gengur út á,“ sagði
Ásmundur Stefánsson að lokum.
Reglur um hundahald í undirbúningi hjá borgaryfirvöldum:
Hundahald leyft með
ströngum takmörkunum
NÚ ER unnið að tillögugerð á vegum
borgaryfírvalda um breytingar á
reglum um hundahald í borginni, en
nýlega skilaði starfshópur borgar-
fulltrúa frá sér greinargerð um þessi
mál. Líkur benda til að reglum um
hundahald verði breytt þannig að
það verði leyft með ströngum tak-
mörkunum, samkvæmt upplýsingum
sem Mbl. fékk hjá Davíð Oddssyni
borgarstjóra í gær.
„Við erum að vinna að því að
bræða með okkur tillögur og það
ætti ekki að vera mjög langt þang-
að til þær liggja fyrir,“ sagði Dav-
íð. „Það verður reynt að hafa regl-
urnar þannig að það gefist tæki-
færi til þess að halda þeim uppi,
en það hefur ekki tekist í sextiu
ár,“ sagði Davíð og bætti við að
reglurnar yrðu að líkindum ekki
samhljóða reglum um hundahald í
Garðabæ og á Seltjarnarnesi, en
yrðu þó þannig að fólki gæfist
kostur á að halda hund með mjög
ströngum takmörkunum."
Sjálfstæðisflokkurinn:
Þingmenn heimsækja
Akureyri í febrúar
„OKKUR þykir við hæfí að heim-
sækja höfuðstað Norðurlands og
halda þar þingflokksfund, heim-
sækja fyrirtæki og stofnanir og
kynna okkur atvinnu- og menning-
arlíf þar,“ sagði Ólafur G. Einars-
son, formaður þingflokks Sjálf-
stæðisflokksins, en þingflokkurinn
hefur ákveðið að fara til Akureyrar
helgina 10.—12. febrúar nk. Laug-
ardaginn 11. febrúar verður hald-
inn almennur fundur formanns og
varaformanns Sjálfstæðisflokksins
á Akureyri. Fundinn sitja einnig
þingmenn og munu ráðherrar
flokksins sitja fyrir svörum.
Ólafur var spurður hver
dagskrá heimsóknarinnar væri.
Hann sagði: „Við förum norður
föstudagsmorguninn 10. febrúar.
Þann dag heimsækjum við fyrir-
tæki og stofnanir en um kvöldið
Olafur G. Einarsson
formaður þingflokksins.
tökum við þátt í árshátíð sjálf-
stæðisfélaganna á Akureyri.
Laugardaginn 11. febrúar
höldum við þingflokksfund og
ræðum þar þau mál sem efst
verða á baugi. Þann dag verða
formaður flokksins, Þorsteinn
Pálsson, og varaformaður, Frið-
rik Sophusson, með opinn al-
mennan fund en þeir verða þá
með í gangi fundahöld, sem ná
til allra kjördæma landsins.
Þingmenn og ráðherrar flokks-
ins mæta einnig á fundinn og
munu ráðherrarnir sitja fyrir
svörum. Laugardagskvöldið för-
um við i leikhús þeirra Akureyr-
inga og sjáum hina merkilegu
sýningu þeirra á My Fair Lady.
Þar með lýkur hinni eiginlegu
heimsókn, en við höldum heim á
ný á sunnudag.”