Morgunblaðið - 01.02.1984, Síða 14
14
MORGUNBLAÐIÐ, MIÐVIKUDAGUR 1. FEBRÚAR 1984
Fannfergið feiknalegt
Víða hafa verið óvenjulega miklar hörkur það sýnir hvernig fór fyrir lestinni frá Glasgow til
sem af er yfirstandandi vetri, til dæmis í Fort William fyrir skömmu. Hún komst ekki
Skotlandi þar sem fannfergi og frost hefur lengra en að þeim feiknaskafli sem glögglega
stundum verið með ólíkindum. Þessi mynd sést á myndinni. Símamynd AP.
Hvatningarræða Gonzalez í Evrópuráðinu:
Samhentar aðgerðir
móti hryðjuverkum
SírMsborg, 31. janúar. AP.
FELIPE Gonzalez, forsætisráðherra
Spánar, flutti f dag ávarp á þingi
Evrópuráðsins og hvatti þar leiðtoga
ríkja í Vestur-Evrópu til „ákveðinna,
skipulagðra og samhentra aðgerða"
gegn hryðjuverkum.
Tveir dagar eru liðnir síðan
baskneskir hryðjuverkamenn myrtu
Quintana Lacac hershöfðingja á
götu úti í miðborg Madrid, og hefur
víg hans vakið óhug og reiði á Spáni.
Gonzalez gagnrýndi þá skamm-
sýni sem hann kvað einkenna við-
brögð ýmissa stjórna í Vestur-
Evrópu við hryðjuverkum, og lagði
áherslu á að sigur í baráttu gegn
skipulögðum ofbeldisverkum öfga-
hópa næðist ekki nema fyrir sameig-
inlegt átak æðstu valdamanna.
Rússar bjóða Rúm-
enum góð kjör
Kúkarext, 31. jan. AP.
ÁGREINING um alþjóðamál og stirð
samskipti landanna mun m.a. bera á
góma í fyrirhuguðum viðræðum
Gromykos, utanríkisráðherra Sovét-
ríkjanna, og Ceausescu, forseta
Rúmeníu, en Gromyko er staddur í
Rúmeníu í þriggja daga opinberri
heimsókn.
I ræðu sem Gromyko flutti í Búk-
arest í dag veittist hann harkalega
að Bandarikjastjórn og sakaði hana
um að bera alla ábyrgð á aukinni
spennu á alþjóðavettvangi. Rúmenar
hafa ekki tekið svo eindregna af-
stöðu, og telja að bæði stórveldi beri
sökina.
Sovétmenn hafa boðið Rúmenum
hagstæða viðskiptasamninga, og
telja sumir fréttaskýrendur að þeir
vilji í staðinn fá sér vilhallari stefnu
í alþjóðamálum.
eigendur
t
Hjá okkur fáið þið orginal
pústkerfi 1 allar gerðir MAZDA
bíla á mjög hagstæðu verði.
Dæmi um verd á komplett pústkerfum:
\
\
\
MAZDA 929 árg. '74- '78 kr. 3.338
MAZDA 929 árg. '79- '81 kr. 3.248
MAZDA 626 árg. '79- '81 kr. 3.123
MAZDA 323 árg. '77- '80 kr. 2.893
MAZDA 323 árg. '81- '84 kr. 4.351
MAZDA 818 allar árg. kr. 2.509
\
\
\
ísetnmgarþjónusta á staðnum.
Notið eingöngu EKTA MAZDA
VARAHLUTI eins og fram-
leiðandinn mælir fyrir um.
ÞAÐ MARGBORGAR SIG.
BÍLABORG HF.
Smiðshöfða 23
Símar: Verkstæði 81225 —Varahlutir 81265
Luke Kelly látinn
Dyflinai, 31. janúar. AP.
LUKE Kelly, rauðhærði banjó-
leikarinn í írska þjóðlaga-
flokknum The Dubliners, lést
á mánudagskvöld í sjúkrahúsi
í Dyflinni, 44 ára að aldri.
Hann hafði háð langa baráttu
við illkynja krabbameinsæxli.
Kelly hafði tvívegis á undan-
förnum fjórum árum hnigið
niður á hljómleikum, fyrst í
Cork í júlí 1980 og síðan í Dyfl-
inni í apríl 1981, en hann gafst
ekki upp og kom á ný fram opin-
berlega í fyrra.
Kelly, sem bæði var söngvari
og banjóleikari, var einn af
stofnendum The Dubliners fyrir
rúmum tveimur áratugum, árið
1962. Flokkurinn hefur notið
mikilla vinsælda á írlandi, en
einnig víða erlendis, s.s. í Bret-
landi, Bandaríkjunum. Ástralíu
og Nýja Sjálandi. Á íslandi
hafa The Dubliners einnig átt
marga aðdáendur, og hingað
kom flokkurinn á Listahátíð
1978. Húsfyllir var á hljómleik-
um hans í Laugardalshöll, og
einnig hafa hljómplötur The
Dubliners selst vel hér á landi.
Luke Kelly í Laugardalshöllinni í
júní 1978.
Þingmaður
seldi sig á
salerninu
Swansea, Wales, 31. janúar. AP.
EINN af þingmönnum breska
Verkamannaflokksins í Wales,
læknirinn Roger Thomas, var í
gær fundinn sekur um að hafa
boðið blíðu sína á almenningssal-
erni í velska bænum Llansamlet.
Var Thomas gert að greiða 75
punda sekt. Óvíst er hvort hann
segir af sér í kjölfar hneykslisins
og hvort til aukakosninga komi í
kjölfarið. Hins vegar er mál
manna, að málið hljóti að skaða
pólitískan feril hans alvarlega.
Thomas er 57 ára og giftur.
Hann á tvö uppkomin börn.
Hann lá undir grun og tveir
dulbúnir lögreglumenn eltu
hann inn f almenningssalernið,
sem ku vera „kunnur samkomu-
staður kynvillinga". Síðan 1967
er kynvilla lögleg í Bretlandi, en
bannað er þó að bjóða blíðu sína
með þeim hætti er Thomas gerð-
ist sekur um.
Hinn læknislærði Thomas
vann Carmarthen-kjördæmið í
síðustu kosningum með naumum
meirihluta. Ekki þykir víst að
flokkurinn héldi þingsætinu ef
til aukakosninga kæmi.
Fyrirliggjandi í birgðastöð
Stál 37.2 DIN 17100
Allar algengar stærðir
LhJu.N.P. Hh E B I
SINDRA
STALHF
I.P.E.
Borgartúni 31 sími 27222