Morgunblaðið - 11.04.1984, Blaðsíða 17

MORGUNBLAÐIÐ, MIÐVIKUÐÁGUR lft APRÍL 1084
17m
„Erum að mæta
samkeppni stór-
markaðannau
- segir Jóhannes Jónsson yfirverslunarstjóri SS,
um 18% lækkun álagningar á ýmsar vörutegundir
„ÉG HELD að viö höfum hrist upp í almennri samkeppni í Reykjavík meö
tilkomu Miklagarðs og um það snúist rnáliö," sagði Jón Sigurðsson, fram-
kvæmdastjóri Miklagarðs í samtali við blm. Mbl. í gær. „Ég held aö menn séu
bara að átta sig á því, að Mikligaröur er fyrirtæki, sem fær ýmsu áorkaö í
samkeppninni."
í forsíðufrétt í Þjóðviljanum í
gær var þeirri spurningu varpað
fram hvort verið væri að knésetja
Miklagarð. Fylgdi fréttin í kjölfar
þeirrar ákvörðunar Sláturfélags
Suðurlands að lækka álagningu á
nýlenduvörum í verslunum sínum
úr 38% í 20%. Sagðist blaðið hafa
heimildir fyrir því, að'kaupmenn
hefðu bundist samtökum og ætluðu
sér að koma Miklagarði á kné.
Jóhannes Jónsson, yfirverslunar-
stjóri hjá Sláturfélagi Suðurlands,
sagði við blm. Mbl. í gær, að lækkun
álagningar á ýmsum vörutegundum
niður í 20% væri til þess að mæta
samkeppni stórmarkaðanna. „Þetta
er sú álagning sem þeir eru með,“
sagði hann. „Það eru þau verðlags-
ákvæði, sem verið hafa í gildi, sem
Skjalatösku
með 30 þús.
stoliö úr bíl
UM 30 þúsund krónum og margvís-
legum skjölum í skjalatösku var
stolið úr bifreið í Álfheimum um
helgina. Brotist var inn í bifreiðina
aðfaranótt mánudagsins og taskan
tekin úr bifreiðinni.
Fleiri innbrot voru framin um
helgina. Átta hurðir voru brotnar
upp þegar myndbandstæki var
stolið úr Réttarholtsskóla. Brotist
var inn í Hólasport í Lóuhólum,
Laugardalsvöll, Björnsbakarí við
Vallarstræti, Söluturninn við
Sunnutorg og félagsmiðstöðina í
Garðabæ.
skapað hafa stórmarkaðina. Ef
álagning hefði verið í eðlilegum far-
vegi væru enn blómlegar matvöru-
búðir í flestum íbúðarhverfum.
Okkur hefur verið gert að selja
landbúnaðarafurðir á allt of lágu
verði og síðan sagt af lifa af öðrum
vörum, sem við seljum. Þegar mark-
aðirnir koma síðan með lægra verð
á þeim vörum er rekstrargrundvöll-
urinn brostinn."
Magnús E. Finnson, fram-
kvæmdastjóri Kaupmannasamtaka
tslands, sagðist í gær ekki hafa
heyrt um sameiginlegar aðgerðir
kaupmanna og taldi þær útilokaðar.
Torben Friðriksson, framkvæmda-
stjóri Félags íslenskra stórkaup-
manna, tók í sama streng og taldi
slíkt fjarri öllu lagi.
Jón Sigurðsson var þeim sam-
mála. „Ég held að það sé óhugsandi
að einhver samtök verslana séu að
sauma að okkur. Væri svo, bryti það
í bága um lög og reglur um frjálsa
verslun. Við eigum nokkur tromp
uppi í erminni komi til enn harðn-
andi samkeppni. Mikligarður virðist
hins vegar orðinn blóraböggull fyrir
allt það sem úrskeiðis fer í verslun í
Reykjavík."
MHHEEf S
*
Frá vinstri á myndinni eru Hulda Jensdóttur forstöðukona Fæðingarheimilis Revkjavíkur, Hrafnhildur Gunn-
arsdóttir og Eygló Einarsdóttir hjúkrunarkonur, Guðjón Guðnason yfirlæknir og Árni Ingólfsson skurðlæknir.
Fæðingarheimili Reykjavíkur:
Skurðstofa í notkun
SKURÐSTOFA í Fæðingarheimil-
inu við Eiríksgötu var formlega af-
hent við athöfn í Fæðingarheimil-
inu í gær.
Hulda Jensdóttir þakkaði
þeim er hlut áttu að máli við
stofnsetningu nýju skurðstof-
unnar, Davíð Oddssyni borgar-
stjóra og Sjöfn Sigurbjörnsdótt-
ur.
Þessi aðstaða var fyrst notuð í
ágúst síðastliðnum og hafa síðan
verið gerðar 714 aðgerðir. Hulda
Jensdóttir, forstöðukona á fæð-
ingarheimilinu, var spurð að því
hvort þessi nýja aðstaða hefði
hefði í för með sér breytingar til
batnaðar. Hún kvað svo tví-
mælalaust vera, því nú myndi
nýtingin á Fæðingarheimilinu
batna til muna. Fæðingum hefur
fækkað mjög á undanförnum ár-
um og því hefur ekki tekist að
nýta sjúkrarúm sem skyldi áður
en nýja skurðstofan var tekin í
notkun.
Þessi nýja aðstaða nýtist aðal-
lega til kvensjúkdómalækninga.
Við opnun skurðstofunnar
þurfti að ráða starfsfólk til við-
bótar, og eru nú fjórir starfandi
við skurðstofuna.
Verkfallsboðun Skipstjorafélags íslands:
Formaðurinn er fullgildur
félagi Skipstjórafélagsins
Ferskfiskverð
fer hækkandi
í Þýskalandi
ARINBJÖRN RE seldi í gær 153,1
lest, mest karfa, í Bremerhaven.
Heildarverð var 4.168.900 krónur,
meðah erð 27.23.
Er þetta talsvert hærra meðal-
verð en fengizt hefur í Þýzkalandi
að undanförnu og helzta skýring
þess aukin eftirspurn vegna
nálægðar páskanna. Þá er fyrir-
hugað að tvö skip til viðbótar selji
afla sinn í Þýzkalandi í þessari
viku.
ALLAR fullyrðingar Vinnuveitenda-
sambandsins um að Skipstjórafélag
íslands hafi ekki farið að lögum eru
með öllu ósannar. Starfsmaður Land-
helgisgæslunnar er fullgildur félags-
maður í Skipstjórafélaginu en ekki
BSRB og hann er löglega kosinn for-
maður félagsins. Skipstjórafélagið
aflaði sér verkfallsheimildar á lög-
legan hátt og það er sú heimild, sem
stjórn og samninganefnd félagsins
hefur nú ákveðið að nota, segir m.a. í
yfirlýsingu, sem Mbl. hefur borist frá
Skipstjórafélagi íslands í framhaldi
af frétt blaðsins sl. laugardag.
Þar var m.a. haft eftir aðstoðar-
framkvæmdastjóra Vinnuveit-
endasambands Islands, að VSl
teldi það mjög sérkennilegt, að það
hefði verið starfsmaður Landhelg-
isgæslunnar sem boðaði verkfalls-
Tónleikar-
Tónlistar-
skólans
í KVÖLD kl. 19.00 leikur Bryndís
Halla Gylfadóttir á selló verk eftir
J.S. Bach, Beethoven, Hafliða Hall-
grímsson og Sjostakovitsj. Dagný
Björgvinsdóttir leikur með á píanó.
Tónleikar þessir fara fram í
Austurbæjarbíói og hefjast kl. 19
eins og að framan segir. Er þetta
fyrri hluti einleikaraprófs Bryn-
dísar Höllu frá Tónlistarskólanum
í Reykjavík. Aðgangur er ókeypis
og öllum heimill.
*
Mótmælum rangfærslum VSI, segir í
yfirlýsingu Skipstjórafélags íslands
aðgerðir félagsins, því samkvæmt
lögum um Landhelgisgæsluna væri
starfsmönnum hennar bannað að
taka þátt í verkfalli eða boðun
verkfallsaðgerða. Sagði aðstoðar-
framkvæmdastjórinn, Þórarinn V.
Þórarinsson, að VSÍ myndi gera
athugasemd vegna þessa við dóms-
málaráðuneytið. Formaður Skip-
stjórafélags íslands er Höskuldur
Skarphéðinsson, skipherra hjá
Landhelgisgæslunni.
Athugasemd VSl hafði ekki bor-
ist dómsmálaráðuneytinu þegar
skrifstofutíma þar lauk í gær, að
því er Baldur Möller ráðuneytis-
stjóri sagði í samtali við blaða-
mann Mbl. Hann sagði að bæði
ráðuneytið og stjórn Landhelgis-
gæslunnar væru ákaflega ósátt við
að starfsmenn Gæslunnar tækju
þátt í kjaraaðgerðum af þessu tagi.
Hinsvegar lægi ekki fyrir afdrátt-
arlaus túlkun á því hvað það þýddi
að taka þátt í boðun verkfalls, það
væri hægara sagt eri gert að greina
hvað væri þátttaka í verkfallsað-
gerðum og hvað ekki. „En við erum
ekki sáttir við að svona nærri
þessu sé gengið," sagði Baldur.
I yfirlýsingunni frá skipstjórafé-
laginu segir ennfremur, að samn-
ingaviðræðurnar hefðu lítinn
árangur borið og því hafi stjórn og
samninganefnd SKFÍ ákveðið að
nota verkfallsheimild sína og boða
til vinnustöðvunar dagana 16., 17.,
og 18. apríl og aftur 24.-27. apríl.
„Verkfallsboðun þessi virðist hafa
farið mjög fyrir brjóst talsmanns
skipafélaganna, ef dæma má af
fréttum, og vill SKFÍ mótmæla
harðlega öllum þeim rangfærslum,
sem þar birtast. VSf heldur því
m.a. fram, að formaður félagsins
brjóti lög með þessari verkfalls-
boðun. Staðreyndir málsins eru
hinsvegar þær, að starfsmaður
Landhelgisgæslunnar er fullgildur
félagsmaður SKFÍ en ekki BSRB
og löglega kosinn formaður þess.
SKFÍ aflaði sér einnig verkfalls-
heimildar á löglegan hátt og það er
sú heimild, sem stjórn og samn-
inganefnd félagsins hefur nú
ákveðið að nota. Allar fullyrðingar
VSÍ um að SKFÍ hafi ekki farið að
lögum eru því með öllu ósannar,"
segir í yfirlýsingunni.
Síðan segir: „I Morgunblaðinu er
einnig haft eftir formælanda VSÍ
að undarlegt sé að SKFÍ eitt félaga
skuli hafna samningum á sama
grundvelli og annað launafólk í
landinu. Því er til að svara, sem
formælandi VSÍ hefur ekki viljað
láta koma fram, að grundvallar-
atriði deilunnar snýst um áralangt
samningsbrot skipafélaganna á
gerða samninga þessara aðila. Það
var aldrei ætlun SKFÍ að standa
að samningagerð við viðsemjendur
sína í gegnum fjölmiðla en ef það
er vilji þeirra, þá er SKFÍ tilbúið
hvar og hvenær sem er.“
Verkalýðsfélag Hrútfirðinga:
50 ára afmæl-
ishátíð í kvöld
SUd, 10. apríl.
Verkalýdsfélag Hrútfirðinga held-
ur upp á 50 ára afmæli sitt miðviku-
dagskvöldió 18. aprfl næstkomandi í
barnaskólanum á Borðeyri.
Húsið verður opnað klukkan
19.30 og þá verður opnuð sýning á
heimilisiðnaði frá íbúum í Hrúta-
firði og sömuleiðis verður lista-
verkasýning frá Listasafni alþýðu
opnuð. Klukkan 21.30 verður síðan
boðið upp á kaffiveitingar. Sýn-
ingarnar verða opnar fimmtudag-
inn 19. apríl klukkan 14 til 17 og
föstudaginn 20. apríl klukkan 14 til
17.
Verkalýðsfélag Hrútfirðinga var
stofnað 16. febrúar 1934. Stofnfé-
lagar voru 12, fyrsti formaður var
Björn Kristmundsson á Borðeyri.
Núverandi formaður er Böðvar
Þorvaldsson, Akurbrekku. I dag
eru 11 manns í félaginu. Stjórn og
afmælisnefnd verkalýðsfélagsins
býður alla núverandi og fyrrver-
andi félaga hjartanlega velkomna.
MG