Morgunblaðið - 15.06.1984, Blaðsíða 27

63
MORGUNBLAÐIÐ, FÖSTUDAGUR 15. JÚNÍ 1984

Snúið ekki aftur til
„hins veika og fátæklegau
Yasniín B.N. Björnsdóttir skrifar:
Ágæti Velvakandi!
Ég vil þakka biskupi fslands fyrir
svar hans við bréfi mínu frá 24.5.’84
„Gefum gætum hver að öðrum".
Hann segir þar meðal annars, að
prestarnir séu meðal lægstlaunuðu
embættismanna ríkisins. Mikið
vorkenni ég þeim hvað þeir eiga
bágt. Það lítur út fyrir að hvorki
ríkið né Guð sé með þeim. Samt eru
flestir þeirra sem ég hef séð spik-
feitir, vel klæddir og aka um á flott-
um bílum. Og margir eiga annað-
hvort íbúð, hús eða búa í höll. Svona
sagði Jesús um þá: „Þeir binda
þungar byrðar og lítt bærar, og
leggja mönnum þær á herðar en
sjálfir vilja þeir ekki snerta þær
með fingri sínum," Mattheus 23,
1-7.
Eins og venjan er á íslandi borða
þeir svona fimm sinnum á dag, á
meðan fólk í öðrum löndum deyr í
milljónatali úr hungri! Svona segir
Esekíel um þessa hirða: „Vei hirð-
um, er héldu sjálfum sér til haga!
Eiga ekki hirðarnir að halda sauð-
unum til haga? Mjólkurinnar neytt-
uð þér, klædduð yður af ullinni,
slátruðuð alifénu, en sauöunum
hafið þér eigi haldið til haga. Þér
komuð ekki þrótti í veiku skepnurn-
ar og læknuðuð ekki hið sjúka,
bunduð ekki um hið limlesta, sóttuð
ekki það, er hrakist hafði, og leituð-
uð ekki hins týnda, heldur drottn-
uðuð þér yfir þeim með hörku og
grimmd," Esekíel 34, 3—7. Og hvað
segir Páll postuli um laun þess að
kenna Guðs orð? „Hver eru þá laun
mín? Að ég læt fagnaðarerindið
vera ókeypis, er ég boða það, svo ég
hagnýti mér ekki það, sem ég á rétt
á í fagnaðarerindinu. Þannig hefir
Drottinn einnig fyrirskipað, að þeir
sem prédika fagnaðarerindið, skuli
lifa af fagnaðarerindinu," 1. Kor-
intubréf 9, 18 og 17 og 14—15.
Já, af fagnaðarerindinu og ekki af
launum frá ríkinu, þí að Guð sjálfur
sér um alla þá, sem boða fagnaðar-
erindið. Eins og allir vita er Guð
almáttugur og getur því vel séð um
hirða sína sem halda sauðunum til
haga. En í staðinn eru þeir alltaf og
fyrst og fremst að hugsa um sína
eigin hagsmuni. Ef trú á Guð væri
fyrir hendi hjá þessum ríkisstarfs-
mönnum, þá væru þeir ekki alltaf
svona áhyggjufullir; Mattheus 6,
19—32 og 1. Kor. 10, 24. Þessir
klerkar álíta sig hirða, þegar þeir
eru í raun og veru ekkert annað en
ríkisstarfsmenn með laun sem slík-
ir, eins og biskup tslands staðfesti í
bréfi sínu. Og svo skíra og ferma og
gifta þeir allt þetta fólk sem hvorki
les Biblíuna né trúir á Guð og
spámenn hans. Hvers konar prestar
eru það eiginlega? „Vei yður, fræði-
menn og farísear, þér blindir leið-
togar! Þér hreinsið bikarinn og
diskinn aö utan, en að innan eru
þeir fullir ráns og óhófs. Þannig
sýnist þér og hið ytra réttlátir fyrir
mönnum, en hið innra eruð þér full-
ir af hræsni og lögmálsbrotum,"
Mattheus 23, 23—28. Hvað eiga
þessir svokölluðu prestar og ríkis-
starfsmenn sameiginlegt með hirð-
um Drottins, sem halda sauðunum
hans til haga, lækna hina sjúku,
leita hinna týndu, sækja það sem
hrakist hefur, koma þrótti í hina
veiku? Þeir sem vanhelga helgi-
dóminn með kaffisölu og spila-
kvöldum og málverkasýningum og
bingóum og alls konar andskotans
uppátækjum til að fylla tóma
kirkjubyggingu? „Prestar hennar
hafa brjálað lögmáli mínu og van-
helgað helgidóma mína; þeir hafa
engan mun gjört á því, sem heilagt
er og óheilagt, og eigi frætt menn
um muninn á óhreinu og hreinu! Og
þeir hafa lokað augum sínum fyrir
hvíldardögum mínum, svo að ég
vanhelgaðist meðal þeirra — segir
Drottinn," Esekíel 22, 26. Já, þeir
hafa gjört hús Drottins að sölubúð
eins og á Jesú tíma.
Og að lokum ein spurning enn: Af
hverju lætur aðalhirðirinn kalla sig
„herra“? Ég þekki aðeins einn
herra, og það er Drottinn Guð. Jes-
ús sagði einmitt: „Þér skuluð eigi
kalla yður „herra", því að einn er
yðar herra, hann sem er á himnum;
en þér allir eruð bræður. Hver sá, er
upp hefur sjálfan sig, mun niður-
lægjast!
Þér eruð mennirnir, sem réttlæt-
ið sjálfa yður í augsýn manna; en
Guð þekkir hjörtu yðar. Því að það
sem er hátt meðal manna, er viður-
styggð í augsýn Guðs.“ Mattheus 23,
5—12 og Lúkas 16,15.
P.S.: Ætti ég nú að fara að
heimta peninga fyrir þetta bréf?
6.6.’84.
U ndirskrif tasöfn-
un Samhygðar
Jósef Smári Asmundsson, leiðbein-
andi í félagsmáladeild Samhygðar,
skrifar.
Kæri Velvakandi!
„Nokkrir ungir piltar" tjáðu sig
um undirskriftasöfnun Samhygðar
10. júní sl. Mig langar að gera
nokkrar athugasemdir við mál
þeirra.
1) Ég vil hugga þá með því að þeir
voru að skrifa með atvinnu og gegn
atvinnuleysi — engu öðru.
2) Á öllum undirskriftalistum var
yfirskrift: Herferð með atvinnu og
gegn atvinnuleysi, þannig að það
gat ekki farið framhjá neinum und-
ir hvað hann var að skrifa. Blöð
sem „ekkert var skrifað á“, voru alls
ekki notuð.
3) Allir sem skrifuðu undir fengu
miða með sama texta og var á plak-
atinu sem þeir sögðust hafa lesið. Á
miðanum voru upplýsingar um her-
ferðina og tillögur um hvernig hver
og einn gat tekið þátt í henni. Neðst
var heimilisfang og sími bar sem
hægt var að leita sér uppl. Á miðan-
um eða plakatinu er ekkert í þeim
dúr að það væru alþjóðaauðmenn
sem allt legðu undir sig og stórfyr-
irtæki einokuðu allt á markaðinum.
Hinsvegar er þar málsgrein sem
hljóðar svo orðrétt: „Hin dulbúna
heimsvaldastefna, græðgi hins al-
þjóðlega auðmagns, innreið fjöl-
þjóðafyrirtækja og hernaðarútgjöld
valda gjaldþroti fyrirtækja og at-
vinnuleysi."
4) Hin opinbera tala atvinnu-
lausra var 1800 þegar dreifimiðinn
var prentaður. Þessi opinbera tala
er ekki rétt þar sem meira en helm-
ingur skráir sig ekki. Talan 3000
var varlega áætluð þá og alls ekki
ólíklegt að hún sé í fullu gildi í dag
þó hin opinbera tala hafi lækkað í
1200.
5) Við höfum safnað 40.000 undir-
skriftum, að eigin sögn, en undir-
skriftirnar eru yfirfarnar af hlut-
lausum aðila (borgardómaranum í
Rvík).
6) „Þeir rexa í öllum sem í fyrstu
vilja ekki skrifa undir þar til þeir
láta undan." Þetta er fullyrðing
sem enginn fótur er fyrir. Varla
dæma piltarnir út frá eigin reynslu
því ég get ekki lesið úr skrifum
þeirra að þeir hafi verið þvingaðir
til að skrifa enda væri það brot á
grundvallarreglu Samhygðar. Mig
langar að lokum að benda öllum
þeim, sem hafa eitthvað við þessa
undirskriftasöfnun að athuga, á að
við erum ávallt til viðtals á fund-
arstöðum Samhygðar. Einnig vil ég
hvetja alla til að nota tjáningar-
frelsi sitt og skrifa í blöðin. Auðvit-
að er skemmtilegra að menn hafi
kjark í sér til að skrifa fullt nafn
undir og bera þannig fulla ábyrgð á
skrifum sínum. Ef piltarnir hafa
áhuga býð ég þeim að koma niður á
Hverfisgötu 108 eitthvert kvöldið
og ræða málin.“
Sjónvarpið er leiðinlegt
Tvær frekar reiðar skrifa:
„Við erum búnar að fá nóg af
íslenska sjónvarpinu. Það er alveg
ferlega leiðinlegt. Sérstaklega
bíómyndirnar sem eru sýndar um
helgar.
Við erum einar af þessum
barnapíum og verðum oft fyrir
vonbrigðum um helgar þegar
bíómyndirnar eru leiðinlegar.
Okkur finnst að þeir sem ráða
þessu megi fara að sýna betri
myndir heldur en kínverskar,
sænskar og gamlar myndir. Hvar
fær sjónvarið þær eiginlega?
Það mætti gjarnan fara að sýna
myndir sem eru við allra hæfi og
einnig að fá betri framhaldsþætti.
Berlin Alexanderplatz er til dæm-
is alveg að gera út af við okkur og
mætti gjarnan sýna Dallas í stað
þess þáttar.
Þá mætti sýna betra og meira
barnaefni en nú er gert á sunnu-
dögum. Þá mætti einnig sýna
Skonrokk í hverri viku og hafa
hvern þátt lengri en verið hefur.
Heppnir eru þeir sem „videó“
hafa því það bjargar öllu hjá
þeim.“
Við eigum geysimikið úrvai af
rúmum og nú bjóðum við þér alveg
sérstök tilboðskjör.
Meðan birgðir endast
RÚM MEÐ DÝNU
Undir 10.000, 2.000 út gr. 1.000 á mán.
10.000—15.000, 3.000 út. gr. 1.500 á mán.
15.000—20.000, 4.000 út gr. 2.000 á mán.
Yfir 20.000, 5.000 út gr. 2.500 á mán.
Úrvaliö af fururúmum er geysilega gott. Á mynd- i
inni sérðu tegund Hilda.
Verö meö dýnum kr. 19.910.
Náttborö verö kr. 2.860.
Taktu eftir verðinu á þessu setti.
Allt settið kr. 14.780 m/dýnum.
0g fyrir börnin
bjóöum viö hinar vinsælu barnasamstaeöur i
Ijósu furulíki sem er allt í senn hirslur, klæða-
skápar og rúm. Öll samstæöan meö dínu og
þremur púöum á 14.960.-
Aöeins 2.500 út og 1.500 á mánuöi.
HÚS6A6NAHÖLLIN
BÍLDSHÓFÐA 20 -110 REYKJAVÍK « 91-81199 OQ 81410
..............-" v