Morgunblaðið - 10.07.1984, Blaðsíða 16
-16
MORGUNBLAÐIÐ, ÞRIÐJUDAGUR 10. JÚLÍ 1984
SVIPMYNDIR ÚR BORGINNI/ÓLAFUR ORMSSON
Sumar-
leyfi
Hópur landsmanna er kominn
í sumarleyfi. ólíkt síðastliðnu
sumri er sumarið í ár hlýtt og
nokkuð sólríkt það sem af er.
Gróðurinn í borginni er myndar-
legur og þar sem hann er þétt-
astur er hann líkastur frum-
skógi. Hann hefur víða teygt úr
sér og er svo glæsilegur í húsa-
görðum að ekki þarf annað en að
opna stofuglugga þá er hægt að
handfjatla laufin á trjánum og
húsráðandi sem ekki vill láta
nafns síns getið bíður þess að
rifsberin á trjánum verði það
þroskuð að hann geti boðið gest-
unum að snæða úr stofuglugga.
Ólíklegustu atvik koma upp
þegar menn hefja sumarleyfi.
Kunnur borgari var t.d. rétt
nýbúinn að stimpla sig út af
vinnustað og hafði sofið í rúman
klukkutíma heima hjá sér þegar
hann var vakinn af símhring-
ingu. Maðurinn fór í símann,
geispaði og spurði:
— Hvað gengur eiginlega á?
Eru Rússarnir komnir? Eða
hvað? Maðurinn sem hringdi
stundi upp erindinu:
— Heyrðu góði, heyrðu vinur.
Er þetta ekki hjá Bónstöðinni?
Ég þarf endilega að koma bíln-
um að. Ég er að fara með fjöl-
skylduna f sumarfrí norður í
land og gerðu það fyrir mig að
taka bílinn inn á Bónstöðina.
Maðurinn, sem vakinn var af
værum svefni, rétt nýkominn í
sumarleyfi, brást hinn versti við
þessari óvæntu truflun, um leið
og hann lagði símtólið á, sagði
hann:
— Hér er engin bónstöð sem
betur fer og fáðu þér svo kleinu
með kaffinu og þegiðu.
Á stéttinni fyrir framan
Herrahúsið í Aðalstræti stóðu
fjórir félagar um daginn. Það
var í hádeginu, í miðri viku, þeir
voru í góðu skapi, það sást til
sólar af og til, en þeir horfðu
mest á bílaumferðina og dáðust
að bílaeign borgarbúa. Þeir
stóðu þarna í glæsilegum fötum
og utanyfirfrökkum, ljósum að
lit, og í hópnum sá ég góðan
kunningja á fertugsaldri sem nú
er að verða toppmaður hja Sam-
bandi íslenskra samvinnufélaga,
gætir peninga. Mig minnir að
hann hafi byrjað þar sem sendill
fyrir rúmum tuttugu árum, líkt
og Vilhjálmur Þór löngu fyrr á
öldinni norður á Akureyri hjá
KEA. Við hittumst þarna á
stéttinni fyrir framan Herra-
húsið og spjölluðum saman um
daginn og veginn eins og gengur
þegar fólk hittist á förnum vegi.
Mest töluðum við um bókmennt-
ir og erfiða stöðu bókarinnar á
tímum myndbandaæðisins og
annarrar ómenningar sem flæð-
ir yfir þetta góða land okkar. Við
ræddum einnig um ferðalög og
sumarleyfi. Sambandsmaðurinn
horfði fjarlægu augnaráði yfir í
Austurstræti. Hann brosti þegar
hann sagði frá fyrirhugaðri ferð
síðar í sumar á hestum um
óbyggðir landins og allt til Aust-
fjarða. Þeir ætla saman nokkrir
ungir frammámenn hjá Sam-
bandinu á hestum að skoða land-
ið, mannlífið. Fyrst og fremst er
þó tilgangurinn sá að treysta
tengslin við fólkið í landinu, al-
þýðuna, fátæka bændur og leigu-
liða sem mynda Samvinnuhreyf-
inguna eins og kunnugt er.
Og enn af sumarleyfum. Mað-
ur rúmlega þrítugur er ég veit
deili á var nýlega að undirbúa
sumarferðalag um hringveginn.
Hann er fjölskyldumaður með
konu og tvö börn, starfar á bif-
reiðaverkstæði í borginni og er
búinn að vinna þar alla virka
daga og helgidaga frá síðustu
áramótum. Hann hefur verið að
safna fyrir tjaldvagni og haft
það góðar tekjur að í upphafi
sumars keypti hann stóran og
glæsilegan tjaldvagn. Af ástæð-
um sem þykja næstum óskiljan-
legar þá fékk hann leyfi hjá eig-
anda verkstæðisins til að geyma
tjaldvagninn inná verkstæðinu I
sólarhring áður en hann fór í
þriggja vikna sumarleyfi með
fjölskylduna um ísland. Skýr-
ingin á því háttalagi kom síðar.
Maðurinn á svo sem ágætan
bílskúr við heimahús. Hann gat
sem sagt ekki hugsað sér að
geyma tjaldvagninn þar. Hann
vildi geyma hann á bílaverk-
stæðinu þar sem hann vinnur og
einn félaga hans á verkstæðinu
kom með skýringuna.
— Hann Palli verður að fá
verkstæðislyktina inní vagninn
svo hann verði ekki eins og álfur
út úr hól i sumarleyfinu um
landsbyggðina. Hann verður
helst að fara með smurnings-
drulluna með sér og koppafeit-
ina.
Forstöðumenn ferðaskrifstofa
eru bjartsýnir og spá góðu sumri
og hausti. Þegar er uppselt í nær
allar ferðir á sólarstrendur
Spánar og Portúgals og ferða-
menn til landsins frá útlöndum
munu að líkindum veða fleiri en
undanfarin ár. Ég kom við á
ferðaskrifstofu í miðborg
Reykjavíkur skömmu fyrir þjóð-
hátíðardag 17. júní síðastliðin.
Þar sat við stórt eikarskrifborð
kunnur ferðaskrifstofufrömuður
og lögfræðingur sem þekkir
ferðabissnessinn af langri
reynslu. Hann var afar bjart-
sýnn á lífið og tilveruna og sagði
fátítt að þyrfti að skrifa uppá
víxla vegna sólarlandafeða. Inná
hans skrifstofu kæmi fólk sem
liði ekki neinn skort undir
traustri og styrkri alþýðustjórn,
eins og hann orðaði það. Ferða-
skrifstofufrömuðorinn keðju-
reykti sígarettur á meðan hann
greindi frá vaxandi viðskiptum
og fyrir ofan skrifborðið er stórt
plakat, með mynd af sólarupprás
á baðströnd úti í heimi, mynd
sem örugglega hefur góð áhrif á
viðskiptavini. Þá fer að langa f
sólina og vilja endilega komast
burt úr tíu til fimmtán stiga hita
og sól stöku sinnum, í tuttugu til
þrjátíu stiga hita og steikjandi
sólskin dag hvern ...
Einar Matthíasson
Doktor f
matvæla-
verkfræði
ÞANN 29. maí síðastliðinn varði
Einar Matthíasson doktorsritgerð í
matvælaverkfræði við háskólann í
Lundi, Svíþjéð. Ritgerðin ber heitið
„Macromolecular Absorbtion and
Fouling in Ultrafiltration and their
Relationships to Concentration Pol-
arization“.
Einar Matthíasson tók stúd-
entspróf frá Menntaskólanum við
Hamrahlíð 1970 og BS-próf í efna-
fræði við Háskóla íslands 1974.
hann lauk prófi í matvælaverk-
fræði frá Lundarháskóla 1976 og
hefur starfað við matvælatækni-
deild hans síðan 1977. Hann hefur
verið ráðinn til starfa sem sér-
fræðingur í matvælatækni við
Iðntæknistofnun íslands.
Einar hefur skrifað margar
greinar bæði í erlend vísindarit og
fræðibækur og liggur hluti þeirra
til grundvallar doktorsritgerðinni.
Hún fjallar um rannsóknir á
himnusíun, en það er tiltölulega
ný tækni, sem notuð er m.a. í mat-
væla-, efna- og lyfjaiðnaði, til að
aðskilja uppleyst efni í lausnum
eða til að auka þykkni þeirra.
Foreldrar Einars eru Gunnþór-
unn Einarsdóttir og Matthías
Guðmundsson fyrrv. póstmeistari
í Reykjavík. Eiginkona Einars er
Guðbjörg Guðbergsdóttir heilsu-
verndarhjúkrunarfræðingur og
eiga þau tvö börn.
S tarjsjólk
sœkramlumrinmr
Kjötkjar
vegur Ijúfnáö á Haslns liF
IshmSmwgm Bíldshöfða 10,
jrá Plastos hf. P.O. BOX 5127, SÍMI: 82655.
Smiðir eins og þeir gerast bestir
Hljóm-
plotur
Finnbogi Marinósson
The Smiths
The Smiths
Tónlistin hefur verið góð það
sem af er árinu. Þessu til stuðn-
ings má benda á að nýju nöfnin
hafa komið með góð lög og plöt-
ur sem lofa góðu. Eitt af þessum
nýju nöfnum er hljómsveitin
„The Smiths." Fjórir strákar
skipa þennan flokk. Til að byrja
með gáfu þeir út þrjár smáskíf-
ur. Allar gengu þær vel og var
beðið með eftirvæntingu eftir
fyrstu breiðskífu þeirra. Þegar
hún svo loksins kom voru von-
brigðin nokkur. Breskir gagn-
rýnendur héldu því fram að ef
sex lög hefðu verið á plötunni þá
hefði hún endað sem ein af bestu
plötum ársins.
Þessu er ég ekki alveg sam-
mála. Platan er frábær. Tónlist-
in létt popp sem stundum minnir
á monotorísku nýbylgjuna í
kringum 1980. Laglínur eru gríp-
andi og öll úrvinnsla mjög góð.
Það sem hinsvegar má deila um
er Morrissey söngvari flokksins.
Hann syngur frábærlega í flest-
um lögunum en svo er eins og
hann falli ekki að sumu sem
hljómsveitin er að reyna að gera.
Til dæmis er gólið í laginu „Mis-
erable lie“ hroðalega leiðinlegt
og hefði mátt sleppa því. Strax á
eftir því syngur hann frábærlega
í laginu „Pretty girls make gra-
ves“. Þar beitir hann röddinni á
svipaðan hátt og í laginu á und-
an nema nú er árangurinn mun
áheyrilegri. En þótt ég sé ekki
alveg sáttur við söng Morrissey
þá bætir hljóðfæraleikurinn allt
upp. Drengirnir spila eins og
englar og heildin hreint unaðs-
leg.
Það lag sem hvað þekktast er
orðið af plötunni er „What diff-
erence does it make?“ Þetta er
gott lag en ekki það besta. Lang-
besta lag plötunnar og eitt það
besta sem heyrst hefur á árinu
er „Reel around the fountain".
Þar sameinast allir hæfileikar
hljómsveitarinnar og jafn gull-
fallegt lag er erfitt að endur-
taka. í stuttu máli má síðan
segja: Fyrsta plata „The Smiths“
er góð og gefur fyrirheit um að
vænta megi mikils frá þessum
drengjum í framtíðinni.