Morgunblaðið - 10.07.1984, Blaðsíða 22
22
MORGUNBLAÐIÐ, ÞRIÐJUDAGUR 10. JÚLÍ 1984
Útgefandi
Framkvæmdastjóri
Ritstjórar
Aðstoöarritstjóri
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guömundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baidvin Jónsson.
Ritstjórn og skrifstofur: Aöalstræti 6, sími 10100. Auglýsingar: Að-
alstræti 6, sími 22480. Afgreiösla: Skeifunni 19, sími 83033. Áskrift-
argjald 275 kr. á mánuöi innanlands. f lausasölu 25 kr. eintakið.
Ríkisstjórn
á tímamótum
Forustumenn ríkisstjórn-
arinnar hafa margsinnis 1
vor lýst því yfir að ríkis-
stjórnin standi á tímamótum.
Eftir eins árs setu hefur henni
tekist það sem fáir áttu von á,
verðbólgan er komin á viðráð-
anlegt stig, full atvinna er í
landinu og atvinnuvegirnir
standa styrkari fótum en ella.
Þessi árangur er ekki hvað
síst að þakka skilningi og
stuðningi almennings, sem
hefur verið tilbúinn að taka á
sig byrðar og færa fórnir til
að framtíðin verði tryggð og
lífskjör bætt. Það hlýtur því
að vera meginhlutverk ríkis-
stjórnarinnar að tryggja að
þær fórnir hafi ekki verið
færðar til einskis. Næstu vik-
ur og mánuðir skera úr um
hvort stjórninni tekst að rétta
hlut þeirra sem verst hafa
orðið úti í verðbólgustríði
undangenginna ára.
í árlegri sumarferð lands-
málafélagsins Varðar hélt
Þorsteinn Pálsson formaður
Sjálfstæðisflokksins ræðu þar
sem hann gerði að umtalsefni
nýja verkefnaskrá ríkisstjórn-
arinnar, en viðræður um hana
byrja í ágústmánuði. Nefndi
Þorsteinn Pálsson í þessu
sambandi fimm atriði sem
nauðsynlegt væri að ákvarð-
anir yrðu teknar um:
í fyrsta lagi að núverandi
gengisstefnu, sem verið hefur
undirstaða aðgerða ríkis-
stjórnarinnar í efnahagsmál-
um, verði framfylgt og geng-
inu haldið stöðugu. í annan
stað að bann við vísitöluteng-
ingu launa verði framlengt og
þannig komið í veg fyrir vél-
ræna og sjálfvirka verðþenslu.
Jafnframt að takmarka eða
banna vísitölubindingu á öðr-
um sviðum, til dæmis á lánum
sem ekki eru til lengri tíma. í
þriðja lagi að teknar verði
ákvarðanir, er leitt geti til
aukinnar framleiðni í land-
búnaði og sjávarútvegi. Verð-
myndunarkerfi landbúnaðar-
ins endurskoðað, með það í
huga að útflutningsbætur
verði óþarfar og sjávarútveg-
inum gert kleift að aðlagast
breyttum rekstrarskilyrðum.
í fjórða lagi sagði Þorsteinn
Pálsson það nauðsynlegt að
leggja grundvöll fyrir ný-
sköpun í atvinnulífi lands-
manna, með almennum að-
gerðum og kerfisbreytingum,
er beina fjármagni inn á nýj-
ar brautir í atvinnulífinu. Og í
fimmta og síðasta lagi verður
að gera áætlun um að halda
vexti ríkisútgjalda sem næst
núlli, og þannig skapa svig-
rúm fyrir grósku í atvinnulíf-
inu.
Að þessu loknu sagði for-
maður Sjálfstæðisflokksins:
„Ég hef hér dregið upp ein-
falda mynd af nokkrum mik-
ilvægum atriðum sem þýðingu
hafa þegar við vörðum veginn
fram á við. Ég hygg að margir
hafi efast um árangur í fyrra
þegar ríkisstjórnin tilkynnti
um aðgerðir sínar og það
skorti ekkert á hrakspárnar
og þeir voru ófáir sem gerðu
lítið úr þeim ákvörðunum sem
þá voru teknar. En á akri
reynslunnar höfum við upp-
skorið eins og til var sáð. Nú í
haust hefur fólkið í landinu
það í hendi sér hvort arfinn og
illgresið fær að skjóta þar rót-
um á nýjan leik og kæfa þann
ávöxt sem hann hefur borið.
Sem fyrr hvílir mikil ábyrgð á
forustumönnum hagsmuna-
samtaka á vinnumarkaðnum."
Það er rétt hjá Þorsteini
Pálssyni, að ábyrgðin liggur
ekki aðeins hjá ríkisstjórn-
inni, heldur einnig hjá þeim,
er veita samtökum launafólks
annars vegar og atvinnurek-
enda hins vegar, forustu. Með
samstilltu átaki þessara
þriggja aðila, með fulltingi al-
mennings, verður hægt að
vinna að því á næstu mánuð-
um og misserum að bæta lífs-
kjör í landinu. Síðustu kjara-
samningar hafa aukið vonir
manna að okkur auðnist að
starfa saman og leysa vanda-
málin, stétt með stétt.
ísland er velferðarríki og öll
getum við verið sammála að
hvergi sé betra að búa. Það er
hlutverk allra ríkisstjórna að
tryggja að svo verði áfram og
að allir fái notið öryggis og
velsældar. Þess vegna verða
forustumenn ríkisstjórnar-
innar að beita sér fyrir því að
kjör þeirra sem verst eru sett-
ir séu bætt og gæta þess að
gjá myndist ekki milli ein-
stakra hópa ílandinu. í 55 ár
hefur Sjálfstæðisflokkurinn
barist undir kjörorðinu: Stétt
með stétt. Og nú þegar hann
er í forustu á Alþingi hafa
sjálfstæðismenn tækifæri til
að tryggja enn betur að ís-
lenska þjóðin standi sameinuð
í þeim erfiðleikum sem við er
að glíma. Fámennri þjóð er
samstaða nauðsyn.
Árskógssandur:
Meira en hálfnaðir með
ann og allt vaðandi í hn
HREFNUVEIÐAR hófust fyrir u.þ.b.
sjö vikum og hafa þær gengið sæmi-
lega. Frá Árskógssandi hefur báturinn
Sólrún EA 151 verið gerður út á
hrefnuveiðar.
„Báturinn er þegar búinn að veiða
17 dýr og er það vel viðunandi
árangur og aðeins skárri en í fyrra.
Við hófum veiðarnar í byrjun júní
og reiknum með að ná fyllilega upp
í okkar kvóta,“ sagði Pétur Sigurðs-
son, verkstjóri og meðeigandi í út-
gerðar- og fiskverkunarfyrirtækinu
Sólrúnu hf. á Árskógssandi í sam-
tali við Morgunblaðið um Hrefnu-
veiðina.
„Við gerum út einn bát til veið-
anna og tökum við öllum hans afla
og einnig er bátur í viðskiptum við
okkur frá Þórshöfn. Hrefnuvinnslan
er ekki það mikil hjá okkur að við
getum annað meiri veiði en þessara
tveggja báta.
Eg hefi það hins vegar fyrir satt
að allt sé vaðandi í hrefnu og föð-
urbróðir minn, sem stundað hefur
hrefnuveiðar héðan undanfarin 15
ár, segist aldrei hafa séð jafn mikla
hrefnu síðan hann hóf að sækja
hana héðan. Það hefur reyndar ver-
ið vaninn að hægt hafi verið að rek-
ast nánast allsstaðar á hrefnuna og
svo er einnig nú, nema hvað það
virðist vera miklu meira af henni,"
sagði Pétur.
Pétur sagði að fram að þessu
hefði veðrið verið ákaflega hliðhollt,
veiðunum og einungis hefðu fimm
dagar farið til spillis vegna veðurs
og væri það óvenjulegt.
„Það er heimilt að veiða hrefnuna
til 15. ágúst og við erum rúmlega
hálfnaðir með okkar kvóta en það
eru 32 hrefnur sem við megum
veiða," sagði Pétur.
„Þessi mikli fjöldi hrefna sem nú
virðist vera í sjónum gerir það að
verkum að þeir sem stunda veiðarn-
ar geta gefið sér tóm til að leita
uppi stærstu dýrin og veiða þau, því
hrefnukvótinn snýst um fjölda dýra
en ekki um tonnafjölda. Vegna
þessa kvóta hefur því meðalþungi
þeirra dýra sem við veiðum farið
hækkandi.
Kvenþjóóin lætur ekki sitt eftir liggja við vinnslu hrefnunnar. Pétur Sigurðsson
Frá síðasta hlaupi úr Hnútulóni 28. ágúst 1982. Myndin var tekin við Kreppubrú.
Jökulhlaup úr Hnútulóni:
Tók með sér fyllingu
við brúna á Kreppu
I inútulón eftir hlaupið.
Á SUNNUDAG kom jökulhlaup úr
lóni í Kverkárnesi við Brúarjökul f
Vatnajökli sem kallað hefur verið
Hnútulón. Hlaupið féll um ána
Kverká og í Kreppu sem fellur í Jök-
ulsá á Fjöllum. Lokaðist vegurinn inn
í Krepputungur er vegfyllingu við
brúna á Kreppu tók í sundur en fólk
sem við það lokaðist inni komst til
baka í gær þegar sjatnað hafði í ánni.
Vatnsmagnið í Dettifossi tvöfaldaðist
þegar hlaupið kom í Jökulsá og hefur
þessi mikli foss verið í meira lagi tign-
arlegur á meðan á hlaupinu stóð.
Sigurjón Rist vatnamælingamað-
ur hjá Orkustofnun sagði í samtali
við Mbl. í gær aö hlaup sem þessi
hefðu komið annað hvert ár sfðan
1976. Áætlaði hann að þetta hlaup
hefðu verið 30 gigalitrar, hlaupin
hefði alltaf verið á bilinu 20 til 40
gígalítrar. Síðast hefði komið hlaup
þarna í lok ágúst 1982 og hefði þá
einnig tekið í sundur vegfyllingu við
brúna á Kreppu. Sagði Sigurjón að
áður hefði runnið úr þessu lóni
norður yfir fjöllin en eftir breyt-
ingar sem orðið hefðu á Brúarjökli
árið 1976 hefði lónið farið að renna
undir jökulinn og næði nú ekki nógu