Morgunblaðið - 10.07.1984, Blaðsíða 44
OPIÐALLA DAGA FRÁ
KL. 11.45-23.30
OPIÐ ALLA DAGA — ÖLL KVÖLD
AUStURSTfíÆ-l 22
INNSTRÆTI. SlMI '1033
AUSTURSTRÆTl 22
INNSTRÆTI. SlMI 11340
ÞRIÐJUDAGUR 10. JÚLÍ 1984
VERÐ í LAUSASÖLU 25 KR.
Ungur drengur
drukknaði í
Elliðaánum
NÍU ÁRA gamall drengur drukknaði í gaer er hann féll í Skáfoss í Elliöaán-
um, skammt austan göngubrúarinnar fyrir ofan Rafveituhúsin. Drengurinn
var að leik ásamt nokkrum félögum sínum er slysið varð. Félagarnir létu
þegar vita um óhappið og bárust lögreglu boðin kl. 14.57.
Að sögn lögreglunnar var fjöl-
mennt lið strax sent á vettvang og
bætt við þann hóp skömmu síðar.
Gerðar voru ráðstafanir til þess
að loka tafarlaust fyrir vatnið f
ánni. Auk lögreglumanna kom
læknir og sjúkrabifreið strax á
vettvang svo og kafarar. Var leit
þegar hafin við og í ánni. Þyrlan
TF-GRO var einnig fengin til að-
stoðar. Þá dreif að fjölda borgara.
sem tóku þátt i leitinni.
Eftir ábendingu leikfélaganna
tveggja var leitin strax takmörkuð
við ákveðið svæði, um 100 metra
langt. Eftir að það hafði verið
fínkembt í um klukkustund fannst
drengurinn rétt fyrir neðan foss-
inn. Lífgunartilraunir báru ekki
árangur. Ekki er hægt að birta
nafn drengsins að svo stöddu.
Morgunblaöið/HBj.
Brakandi þurrkur í Borgarfirði
Mjög góður þurrkur hefur verið f Borgarfirði undanfarna daga, og hafa flestir bændur notað hann vel, náð
miklu heyi og góðu. Myndin var tekin í gær á Læk í Leirársveit en þar voru allir sem vettlingi gátu valdið í
heyskapnum. Sjá ramma á miðsíðu um heyskap fyrir norðan.
Alvaro Barreto:
Vona að viðræðurnar
eyði misskilningi
Frá leitinni við Elliðaárnar f gærdag.
Morgunblaðiö/Júllus.
ALVARO BARRETO, utanrfkis-
viðskipta- og ferðamálaráðherra
Portúgal, sagði í viðtali við blm.
Mbl. í gær að misskilnings hefði
gætt hvað varðaði 12%toll Portúgala
á saltriski, sem ráðherrann sagði, að
hefði tekið gildi frá og með 1. júlí.
Ráðherrann vildi ekki skilgreina,
hvaða misskilning hann ætti við, en
kvaðst vona, að hann yrði úr sögunni
eftir viðræður hans við íslenska ráð-
herra í dag. Ráðherrann sagði að sér
væri ekki kunnugt um orsakir þeirr-
ar tafar sem orðið hefur á afgreiðslu
saltfisks úr íslenska skipinu Kefla-
vík, sem beðið hefur í höfn f Aveiro
síðan 29. júní sl.
Barreto sagði, að 12% tollurinn
yrði aðeins eitt af umræðuefnun-
um í viðræðum hans við fslenska
ráðherra, þeir myndu einnig ræða
önnur viðskipti og samskipti
Portúgals og Islands og þá ekki
síst eftir að Portúgal gengur í
Evrópubandalagið (EBE) í janúar
1986.
Flutningaskipið Keflavfk hefur
nú beðið löndunar í Aveiro í
Portúgal síðan 29. júní síðastlið-
inn með um 1.500 lestir af saltfiski
innanborðs. Vesturland er vænt-
anlegt til Portúgal á miðvikudag
með svipað magn, og sama dag er
fyrirhugað að þriðja skipið, Eld-
vík, haldi héðan með um 1.300
lestir. Portúgölsku kaupendurnir
hafa enn ekki fengið innflutn-
ingsleyfi, sem nauðsynleg eru
fyrir hvern einstakan farm.
Til þessa hafa afskipanir á fs-
lenskum fiski fallið undir eldri
reglugerð um innflutning á salt-
fiski og þvf ekki komið upp nein
vandkvæði. Farmur Keflavíkur og
hinna skipanna fellur hins vegar
undir sölusamning frá því f vor,
sem felur í sér sölu 12.000 lesta af
saltfiski, þar af 8.000 til 11.000
lesta til afhendingar á þessu ári.
Útflytjendur munu binda vonir
við það, að nýja reglugerðin um
12% tollinn taki ekki gildi að svo
stöddu fyrst innflutningsleyfi
samkvæmt henni hafa enn ekki
verið gefin út.
Asmundur Stefánsson forseti ASI:
Mannréttindi að tryggja
kaupmátt með samningum
„MÉR FINNST þessi yfirlýsing furðuleg og ekki sæmandi formanni
stærsta stjórnmálaflokks landsins. Hún gefur nánast til kynna að hann
eigi erfitt með að stíga upp af stóli forstjóra Vinnuveitendasambandsins,
þó hann sé búinn að færa sig annað,“ sagði Ásmundur Stefánsson,
forseti ASÍ, í samtali við Morgunblaðið í tilefni af orðum Þorsteins
Pálssonar, formanns Sjálfstæðisflokksins, í Varðarferð, þar sem hann
segir að þörf sé á að framlengja banni við vísitölutengingu launa í haust
til að hindra vélræna og sjálfvirka verðþenslu.
„Það er augljóslega markmið
verkalýðssamtakanna að
tryggja kaupmátt þeirra launa
sem samið er um á hverjum
tíma. Það verður ekki gert nema
með einhverjum hætti sé tryggt
að kaup hækki til samræmis við
verðhækkanir. Reynslan sýnir
að á tímum þegar ekki er um
vísitölubindingu að ræða, verða
samningstímabil óhjákvæmi-
lega stutt eða samningar gerðir
þannig að þeir séu opnanlegir,
eins og til dæmis er nú. Við
stöndum frammi fyrir því að 1.
september þyrfti kaup að hækka
um 7% til að kaupmætti fjórða
ársfjórðungs síðastliðins árs
verði náð, en samningar gera
ráð fyrir 3% hækkun," sagði
Ásmundur.
„Ég tel það sjálfsögð mann-
réttindi að frjálst sé að semja
um með hvaða hætti kaupmátt-
ur sé tryggður og það hljóti að
eiga að vera verkefni samnings-
aðila að koma sér saman um
með hvaða hætti það sé gert.
Bann við vísitölubindingu í
hvaða formi sem er hlýtur að
leiða til mikillar óvissu á vinnu-
markaði og þar með í efnahags-
lífinu öllu. Hætt er við að þeir
hópar sem minnst mega sín
verði helst út undan á meðan
þeir sem sterkari stöðu hafa nái
til sín því sem þarf til að vega
upp á móti verðhækkununum,"
sagði Ásmundur Stefánsson.
Bjargaði
bróður
sínum frá
drukknun
ÁITA ÁRA gamall strákur bjarg-
aði bróöur sínum 5 ára gömlum
frá drukknun í höfninni á Seyð-
isfirði, eftir að sá yngri hafði
dottið í höfnina.
Aðdragnadi slyssins varð
með þeim hætti að bræðurnir,
sem eru frá Vestmannaeyjum,
en í heimsókn á Seyðisfirði,
voru að leik við höfnina. Sá
yngri var að stökkva út í bát
þegar slysið varð og stakk þá
bróðir hans sér á eftir honum,
synti til hans og dró hann að
landi, en ekkert eldri manna
var þarna viðstatt þegar slysið
varð og þegar menn komu að
hafði honum tekist að koma
bróður sínum í land.
Strákunum mun ekki hafa
orðið meint af volkinu.