Morgunblaðið - 29.01.1985, Blaðsíða 49

MORGUNBLAÐIÐ, ÞRIÐJUDAGUR 29. JANUAR 1985
49
andlegu frelsi í ríkjum Varsjár-
bandalagsins. Við getum ekki látið
traðka á trúbræðrum okkar í
austri ómótmælt.
Réttur herstöðva-
andstæðinga
Ekki má gleyma að minnast á
rétt herstöðvaandstæðinga. í lýð-
ræðisríki sem þessu hafa þeir full-
an rétt til þess að hafa sína skoð-
un. Þeirra skoðun er önnur en
okkar vegna þess að þeir virðast
draga allt aðrar niðurstöður af
öllum þeim sögulegu staðreynd-
um, sem til eru um þessi málefni,
heldur en við meirihlutinn sem
styðjum aðild að Atlantshafs-
bandalaginu.
Ef við einföldum nú málið og segj-
um að meirihlutinn hafi rétt fyrir
sér, þá hafa herstöðvaandstæð-
ingar, minnihlutinn, rangt fyrir
sér. En, herstöðvaandstæðingar í
lýðræðisríki hafa fullan rétt til þess
að hafa rangt fyrir sér. Tjáningar-
frelsið sér til þess. í hvert sinn
sem ég heyri frá herstöðvaand-
stæðingum læt ég það minna mig
á, að þar talar rödd einstaklings-
ins i lýðræðisríki með tjáningar-
frelsi. Hér er ekki um óvináttu að
ræða. Þetta er málefnalegur
ágreiningur um þetta tiltekna
málefni, sem er pólitískt.
Hins vegar gera herstöðvaand-
stæðingar of mikið af því að troða
skoðunum sínum upp á fólk. Rétt-
ur minnihlutahóps til þess að
troða skoðunum aftur og aftur
upp á fólk er vafasamur. Eiginlega
er það að vera í landhelgi hjá
náunganum.
Við eigum öll að vera stolt af
lýðræðinu og tjáningarfrelsinu en
spurning mín til herstöðvaand-
stæðinga er þessi: Hvað eigum við
að gera til þess að „herstöðvaand-
stæðingar" í ríkjum Varsjár-
bandalagsins fái tjáningarfrelsi?
Um William Arkin
Bandarískur „sérfræðingur um
vígbúnaðarmál", William nokkur
Arkin, drap hér niður fæti
skömmu fyrir jólin og flutti tíð-
indi. Vart hafði maðurinn náð
fótfestu á fósturjörðinni er hann
var mættur á skjáinn og Ögmund-
ur Jónasson spurði manninn. í
formála kvað Ögmundur manninn
fræðimann og vitnaðist síðar að
gæði „fræða“ mannsins voru ís-
lendingum kunn frá 1980.
Fræðimaðurinn var hinn kok-
hraustasti og kvaðst hafa undir
höndum heilt ljósrit, að vísu kom-
ið til ára sinna, en ljósritið stað-
festi það, kvað fræðimaðurinn, að
heimild væri til frá forseta Banda-
ríkjanna til varnarmálaráðuneyt-
isins í Washington, — að geyma
mætti kjarnorkuvopna-
djúpsprengjur á íslandi á stríðs-
tímum.
Varð nú uppi fótur og fit og rík-
isfjölmiðlar hrópuðu „úlfur“, „úlf-
ur“, kjarnorkusprengjur, kjarn-
orkusprengjur. Á háttvirtu Al-
þingi kom fram fyrirspurn og
Þjóðviljinn gerðist feitletraður,
eins og venja er þegar tækifæri
gefst til þess að grafa undan vest-
rænu varnarsamstarfi. Eftir veru-
legt fjaðrafok og fréttahasar,
komu fram upplýsingar frá utan-
ríkisráðherra um að engin heimild
væri til um að geyma hér kjarn-
orkuvopn, hvorki á stríðstímum,
eða öðrum tímum, nema með sam-
þykki íslenskra stjórnvalda.
Nú þegar þetta er skrifað hefur
Arkin þessi viðurkennt það opin-
berlega að samþykki íslenskra
stjórnvalda þurfi til og staðfesti
hann þar með upplýsingar utan-
ríkisráðherra.
Hvað hefur þá verið upplýst í
málinu?
Jú, varnarmálaráðuneytið í
USA og NATO búa við skipulags-
reglur! Er það þá öll „fréttin“.
Starfsmenn varnarmálaráðuneyt-
is USA hafa formfastar skipu-
lagsreglur, hvernig bregðast skuli
við hættuástandi! Hvort þeir megi
spyrja ríkisstjórnir ákveðinna
landa hvort geyma megi þar
kjarnorkuvopn á ófriðartímum!
Ég leyfi mér að spyrja: Hvað er
her án skipulags? Svar: Það er alls
ekki her. Það er óreiða.
Væri varnarmálaráðuneyti
USA allt óskipulagt og þar vissi
enginn neitt í sinn haus ef hættu-
ástand skapaðist, væri það frétt.
Og meira en frétt, það væri
stórhneyksli.
Radarstöðvarnar
Þá er komið að radarstöðvun-
um. Helstu rök herstöðvaandstæð-
inga gegn þessum stöðvum eru að:
þá séum við „skotmark". Ég spyr:
Hvaða hernaðarlega mikilvægur
blettur á jörðinni er ekki skot-
mark hjá herforingjunum í
Kreml? Þeirra eigin þegnar eru
líka skotmark. Það er fjarstæða að
halda því fram, að stöðvar þessar
auki hættuna fyrir ísland.
Umræddar stöðvar eru tækni-
legur upplýsingagjafi fyrir flug-
umferð kringum fsland. Ætla rad-
arstöðvaandstæðingar að ábyrgj-
ast persónulega að ekki komi til
árekstra á íslensku flugumsjón-
arsvæði, vegna þess að ósvífnir
herforingjar í Kreml eru að senda
orustuþotur inn á íslenskt flug-
umsjónarsvæði án þess að gefa
upp flugáætlun, eða láta vita um
sig á annan hátt? Á „friðarflug"
þessara orustuþotna að vera svo
heilagt að ekki megi horfa á þær i
radar?
Fyrir austan land er alþjóðleg
fluglína frá Mið-Evrópu yfir
Norðurpólinn, á íslensku flug-
umsjónarsvæði. Að radarstöð sé
öryggistæki vegna þessa alþjóða-
flugs verður vart dregið í efa sér-
staklega með tilliti til flugs or-
ustuþotna frá Rauða hernum án
þess að tilkynna nokkuð. Auðvitað
verðum við að fylgjast með hern-
aðarumsvifum Varsjárbandalags-
ins, bæði með radarstöðvum og
annarri nútímatækni. Við erum að
verja lýðræðið gegn útþenslu-
stefnu heimskommúnismans því
við ætlum ekki að verða honum að
bráð.
Ekki má gleyma séríslenskum
hagsmunum. Öryggi í innanlands-
flugi eykst verulega með tilkomu
þessara radarstöðva. Ekki bara að
fylgst verði með flugvélunum. Úr-
komuskil er hægt að greina í þess-
um radarstöðvum og þannig má
leiðbeina flugvélum framhjá
verstu úrkomu- og sviptivinda-
svæðum. f næsta nágrenni stöðv-
anna verður hægt að fylgjast með
flugvélum alveg að flugbraut.
Óryggiseftirlit með skipum og
bátum getur orðið mun markviss-
ara með því að samræma starf-
semi tilkynningaskyldunnar og
radarstöðva þessara. Það, að hægt
er að fylgjast með úrkomusvæðum
í radarstöðvunum býður upp á
mun nákvæmari upplýsingar um
veðurútlit en við höfum áður búið
við. Allt eru þetta séríslenskir
hagsmunir, sem skipta okkur
miklu máli.
Radarstöðvaandstæðingar voru
fyrirfram ákveðnir í að vera á
móti uppsetningu þessara stöðva.
Byrjaðir að álykta og álykta, án
þess að kynna sér málið.
Síðustu fregnir herma að gengið
sé hart fram í að safna undir-
skriftum til mótmæla í Þistilfirði.
Þeir sem ekki hafa áhuga á undir-
ritun eru spurðir þeirrar spurn-
inga heima í stofu hjá sér, hvort
þeir vilji heldur farast í kjarn-
orkusprengingu en komast á
rússneskt yfirráðasvæði!
Þvílík dæmalaus ósvífni: Að
bjóða fólki upp á tvo alverstu
kostina sem fyrirfinnast. Mann
skortir orð. Af hverju megum við
sem viljum besta kostinn, —
áframhaldandi vestrænt varnar-
samstarf, ekki vera í friði með
okkar skoðun? Hverskonar yfir-
gangur er þetta? „Friðarsinnar"
sem fara með þessum ófriðarhætti
að náunganum sýna fyrirlitningu
sína á því, að hver einstakur mað-
ur hafi rétt til þess að hafa
sjálfstæða skoðun. Værum við á
yífirráðasvæði Varsjárbanda-
lagsins yrðu talsmenn herstöðva-
andstæðinga settir beint í „lækn-
ingameðferð“ á heilsuhæii eins og
áður hefur verið lýst. Næðu þeir
ekki „bata“ þar biði Síbería þeirra
og þeir yrðu sekir fundnir „um að
gera uppreisn gegn stjórnvöldum“
eða eitthvað í þá áttina yrði text-
inn á fangafylgiskjali þeirra. Ef
menn geta hins vegar alls ekki un-
að sér hér í frelsinu þá bannar
þeim enginn að flytja austur í
sæluríkið.
Að lokum verð ég að láta þá ósk
í ljós að herstöðvaandstæðingar
láti nú svo lítið að hugsa málið
gaumgæfilega upp á nýtt, í víðara
samhengi, og að þeir og aðrir
landsmenn megi verða hamingju-
samir í þessu frjálsa landi. Vík-
ingarnir sigldu hingað forðum í
leit að frelsi.
Eftirfarandi tvö vers eftir
Steingrím Thorsteinsson, fyrr-
verandi rektor og skáld, íæt ég
verða lokaorð að sinni.
ó, herra, sem birtir þín himnesku spor
í heimsrás og lífinu þjóða,
það gef, að til hamingju verk snúist vor
og verði til sigurs því góða.
Og hrek þú jafnt myrkur sem falsljós oss frá,
svo förum af réttri leið eigi,
en sigurbjört lýsi þín sólin oss há
á sannleiks og réttlætis vegi.
Kristinn Pétursson er frnm-
kvæmdastjóri við fiskverkun á
Bakkafirði.
LANDSFRÆG
IHÖRKUTÓL
gröfurnar hafa fyrir löngu sannað tilverurétt sinn á
íslandi. Mikil útbreiðsla þeirra, styrkleiki og ending bera
því glöggt vitni.
En sérfræðingar JCB halda stöðugt áfram að þróa og
endurbæta vélarnar, eins og JCB Dx4 grafan sannar.
Hún er frábærlega vel hljóðeinangruð, með opnanlega
framskóflu, og hinni ómetanlegu skotbómu fylgja tvær
grafskóflur. Auk þess er hægt að fá við hana ótal
aukahluti, svo sem lyftaragaffla, kranakróka, götusópa,
snjóplóga o.fl. o.fl.
Og vegna hagstæðra samninga við JCB-verksmiðjurnar
getum við nú boðið JCB-gröfurnar á ótrúlega láguverði.
Hringið í síma 81555 eða lítið við og leitið nánari upplýsinga.
G/obus,
H
'F
Lágmúla 5 — Pósthólf 555 — 105 Reykjavík.