Morgunblaðið - 22.10.1985, Side 39

MORGUNBLAÐIÐ, ÞRIÐJUDAGUR 22. OKTÓBER1985
39
Aöalfundur Læknafélags íslands:
Samþykkti atkvæðagreidslu
um aðild LÍ að BHM
AÐALFUNDUR Læknafélags ís-
lands, sem haldinn var 23. og 24.
september, fól stjórn LI aö sjá um
samningamál lækna og samþykkti
jafnframt að fram færi atkvæða-
greiðsla meðal félagsmanna um úr-
sögn eða áframhaldandi aðild að
BHM.
Á þinginu var m.a. rætt um
læknisfræðilegar rannsóknir á
íslandi, nauðsyn þeirra og fjár-
mögnun. Skýrð var hlutdeild Vís-
indasjóðs til styrktar rannsóknum
hér á landi og kynntar aðrar til-
tækar fjármögnunarleiðir. Fjár-
magn til læknisfræðirannsókna er
mjög takmarkað hérlendis og hiut-
fallslega lægra en gerist á meðal
nágrannaþjóöa. Fullfrágengið
frumvarp um breytingar á lögum
um Vísindasjóð bíður þess í
menntamálaráðuneytinu að vera
lagt fyrir Alþingi, sem bætir stöðu
sjóðsins umtalsvert, ef samþykkt
verður.
Nýjung á sviði kynningar og
upplýsingamiðlunar fór fram á
læknaþinginu, fólgin í svokölluðu
spjaldaþingi. Á þar til gerðum
spjöldum settu 15 læknar fram
hnitmiðaðar upplýsingar um nið-
urstöður rannsókna eða árangur
meðferðar í töflum og myndum.
Á fundinum var m.a. samþykkt
framlag, 100.000 krónur, til upp-
byggingar Nesstofu, bústaðar
fyrsta landlæknis á íslandi. Gert
er ráð fyrir að þar verði á fót komið
læknisfræðilegu minjasafni. Enn-
fremur var samþykkt 100.000
króna framlag til undirbúnings
ritun sögu Læknafélags íslands,
sem stofnað var árið 1918.
Tii hlutaðeigandi yfirvalda var
beint áskorunum um að ekki verði
menntaðir fleiri læknanemar hér-
lendis en áætluð þörf gerir ráð
fyrir; að gripið verði til úrræða til
að bæta úr skorti á hjúkrunar-
fræðingum; að efla framhalds-
menntun lækna innanlands með
hliðsjón af tillögum nefndar, sem
skipuð var af heilbrigðismálaráð-
herra 1983; og að sérfræðiviður-
kenning i heimilislækningum verði
gerð að skilyrði fyrir skipun í stöðu
heimilislækna.
Þá var samþykkt ályktun um að
hefjast handa við viðbyggingu við
Domus Medica við Egilsgötu og að
útbúin verði forsögn að nýtingu
lóðarinnar á horni Egilsgötu og
Snorrabrautar.
Jafnframt þinginu voru haldin
tvö námskeið sem stóðu frá 23.-27.
september. Fyrra námskeiðið fjall-
aði um öldrunarlækningar. Alvar
Svanborg, yfirlæknir við Vasa-
sjúkrahúsið í Gautaborg, ræddi
þar um „eðlilega öldrun" frá sjón-
armiði læknisfræði og um öldr-
unarrannsóknir varðandi grein^-"*
ingu sjúkdóma, meðferð og for-
varnir. Auk hans fluttu níu Islend-
ingar erindi á námskeiðinu.
Síðara námskeiðið snérist um
barnalækningar og skiptist í tvö
málþing. Á því fyrra var fjallað
um vöxt og líkamsþroska barna.
Petter Karlberg, prófessor frá
Gautaborg, flutti erindi um hag-
nýtt gildi mælinga á vaxtarhraða
barna, en þrír íslenskir iæknar
skýrðu frá rannsóknum hér á landi
á vexti og þroska. Á siðara mál-
þinginu var rætt um þvagsýkinga^ ,
barna og fluttu fimm íslenskir
læknar þar erindi.
Selfoss:
Kannaðir
möguleikar
á byggingu
íbúða fyrir
aldraða
Á SELFOSSI er hafin athugun á
því hve mikil þörf er fyrir íbúðir
fyrir aldraða og hvernig hag-
kvæmast sé að standa að byggingu
slíkra íbúða, ef í framkvæmdir
verður ráðist.
Á 8. þingi Alþýðusambands
Suðurlands, sem haldið var í
mars 1985 var samþykkt ályktun
um húsnæðismál aldraðra og
nauðsyn þess að aldraðir félags-
menn aðildarfélaga sambandsins
ættu kost á sérstökum íbúðum
með aðgangi að þjónustu og að
slík aðstaða væri sköpuð á sam-
bandssvæðinu.
Með hliðsjón af þessari álykt-
un samþykkti stjórn Alþýðusam-
bandsins á fundi sínum 5. sept.
sl. að beita sér fyrir könnun á
íbúðaþörf eldri félagsmanna
verkalýðsfélaga á Suðurlandi og
leita í því sambandi eftir samráði
og samvinnu við Samtök sveitar-
félaga á Suðurlandi og einstök
sveitarfélög.
Hinn 5. sept. var Samtökum'
sveitarfélaga á Suðurlandi ritað
bréf um þetta efni og tóku sam-
tökin þegar heilshugar undir
erindið og framsendu það ein-
stökum sveitastjórnum til af-
greiðslu.
Á fundi sínum 18. sept. sl. tók
Bæjarráð Selfosskaupstaðar já-
kvæða afstöðu til erindis Al-
þýðusambandsins og var fyrsti
sameiginlegi fundur þessara að-
ila haldinn í Tryggvaskála á
Selfossi 25. sept. sl. Á þessum
fundi var ákveðið að undirbúa
kynningu á þeim möguleikum
sem fyrir hendi eru til fram-
kvæmda á byggingum fyrir aldr-
aða og jafnframt að kanna þörf
eða áhuga eldra fólks á slíkum
íbúðum.
Teiknistofunni Hönn á Selfossi
var síðan falið að hanna frum-
drög að íbúðabyggingu með
sambyggðri þjónustu fyrir aldr-
aða og henni ætluð staðsetning
á Selfossi. Áformað er, þegar þau
drög liggja fyrir, að kynna fyrir-
liggjandi möguleika og fram-
kvæma könnun á áhuga eldra
fólks fyrir kaupum á slíkum
íbúðum. Ákvörðun um frekari
framkvæmdir mun síðar vænt-
anlega markast af undirtektum
og niðurstöðum þegar kynningu
og könnun er lokið.
Síðustu dagar hafa verið spennandi fyrir þá sem stefna að því
að kaupa nýjan Opel;
Fyrst tilkynntum við umtalsverða verðlækkun, sem ein og sér
gaf fullt tilefni til að skella sér í kaupin. Pá var tilkynnt
tollalækkun sem leiddi af sér enn frekari verðlækkun!
Þegar svo við bættust tilboð okkar um auðveldari leiðir en
áður til greiðslu á nýja bílnum, sáu menn í hendi sér að það
hefur aldrei verið meira vit í því að kaupa Opel en einmitt núna!
Gamli bíllinn tekinn upp í
Oft kemur mjög vel út að setja gamla bílinn upp í.
Þá erum við tilbúnir að hjálpa.
Dæmi;
Opel Corsa LS 3 dyra (eftir lækkun) kr. 349.600
Sá gamli kostar t.d. kr. 160.000
Þá er útborgun kr. 145.000
og afganginn greiðir þú með
jöfnum afborgunum á sex mánuðum kr. 44.600
Verðlækkunin er ótrúleg:
Þannig lækkar t.d. Opel Corsa LS
349.600*
3 dyra úr 379.600 í
‘Miðað við gengi 17/10 '85
kr. 349.600
60% lánað
Þú getur líka samið við okkur um lánafyrirgreiðslu.
Dæmi:
Nýr Opel Corsa LS 3 dyra kr. 349.600
Útborgun 40% kr. 139.800 1
Helming eftirstöðva lánum við
síðan í 3 mánuði kr. 104.900
og afganginn í 12 mánuði kr. 104.900
kr. 349.600
BÍLVANGUR St=
HÖFÐABAKKA 9 SÍMI 687300
* Gildir til 10. nóvember eða á meðan birgðir endast.
V.