Morgunblaðið - 17.07.1986, Blaðsíða 47
MORGUNBLAÐIÐ, FIMMTUDAGUR 17. JÚLÍ 1986
47
• Keppinautarnir og fétagarnir Sigurður Einarsson og Einar Vilhjálmsson stilla spjótum sínum „réttu1
megin við áttatíu metra markið eftir keppnina í gœrkvöldi. Morgunbiaðið/Júiius
Pétur samdi
til tveggja
ára við Lakers
Körfuknattleiksmaðurinn Pét-
ur Guðmundsson skrifaði á
föstudaginn undir tveggja ára
samning við bandaríska körfu-
knattleiksliðið Los Angeles
Lakers en Pétur gekk til liðs við
félagið undir lok síðasta keppn-
istímabils og lék þá nokkra leiki
með þeim en nú hefur hann sem
sagt gert tveggja ára samning við
liðið og má því búast við því að
hann leiki meira með en hann
gerði í fyrra.
„Þetta lítur allt saman Ijómandi
vel út hjá mér um þessar mundir.
Ég er að pakka niður hér í Portland
og er á leiðinni til Los Angeles þar
sem ég er búinn að fá mér íbúð.
Þeir hjá Lakers eru búnir að vera
að leita sér að hávöxnum leik-
manni í allt sumar en þeim hefur
greinilega ekki tekist að fá neinn
sem þeir telja áberandi betri en
mig þannig að þeir buðu mér
tveggja ára samning og ég skrifaði
undir á föstudaginn," sagði Pétur
í samtali við Morgunblaðið í gaer-
kvöldi en þá var hann að Ijúka við
að pakka niður og var að leggja
af stað til Los Angeles.
„Ég mun hefja æfingar um leið
og ég kem til Los Angeles og síðan
hefst sumarmótið svonefnda hér
í byrjun ágúst en þar keppa flest
NBA-liðin. Þar gæti auðvitað ein-
hver hávaxinn leikmaður komið
verulega á óvart og slegið mig út
úr liðinu hjá Lakers en eins og
þettta lítur út núna er ég mjög
bjartsýnn á að fá að leika mun i
meira með liðinu en í fyrra. Æfing-
ar hefjast síðan á fullu í september
Ég er mjög ánægður með þennan
samning og að vera nú kominn til
Lakers og ég er staðráðinn í að
standa mig.“
— Hvernig samning gerðir þú?
„Þokkalegan."
— Hvað kallið þið þokkalegt í
Bandaríkjunum?
„Ég fæ greitt eins og nýliði fyrra
árið en hækka síðan nokkuð
seinna árið og því meira sem ég
stend mig betur. Annars get ég
sagt þér að í fyrra voru meðallaun-
in í NBA-deildinni um 300 þúsund
dollarar á ári þannig að menn geta
haft það ansi gott hér í körfunni'
ef menn eru góðir, en það tekur
tíma að ná svo langt," sagði Pétur
Guðmundsson í gærkvöldi.
Opna breska meistaramótið í golfi:
Keppnin hefst í dag
á einum erfiðasta ,
golfvelli heims
í DAG munu fremstu kylfingar
heimsins hefja keppni á opna
breska meistaramótinu i golfi,
hinu 115. í röðinni. Þeir Seve
Bailesteros og Greg Norman eru
taldir sigurstranglegastir en
„gömlu“ mennirnir gætu þó kom-
ið á óvart og eins og í öllum
öðrum íþróttum er enginn örugg-
ur sigurvegari fyrr en síðasti
maðurinn er kominn inn og búið
er að leggja skorið hjá öllum sam-
an.
Keppnin fer fram á Ailsa-golf-
vellinum í Skotlandi en þar léku
þeir Nicklaus og Watson frábær-
lega vel fyrir níu árum og þurfti
bráðabana til að ná fram úrslitum
og þá vann Watson. Völlurinn er
mjög þröngur og undantekningar-
lítið er talsverður vindur þar.
Þyrrknið er hátt og það er því viss-
ara fyrir kylfingana aö vanda högg
sín því ef eitthvað ber útaf þurfa
menn oft að taka víti.
Attatíu metrarnir
ennþá takmarkið
— Einar kastaði 79,02 metra í síðasta kasti sínu
SÍÐASTA kast Einars Vilhjálms-
sonar í spjótkastinu var hápunkt-
urinn á óvenjulega fjölsóttu
frjálsíþróttamóti FRÍ á Laugar-
dalsvellinum í gærkvöldi. Einvígi
hans og Sigurðar Einarssonar
varð hinsvegar ekki jafn
skemmtilegt og vonir stóðu til
því Sigurður náði sér ekki á strik
og gerði öll köst sín ógild nema
eitt.
„Þetta gekk ágætlega hjá mér,"
sagði Einar eftir keppnina. „Ég hef
ekki æft lengi með þessu spjóti
og er enn að gera tilraunir með
tæknina hjá mér, svo það var ef
til vill ekki hægt að reikna með
betri árangri en þetta. Hinu leyni
ég ekki að mér finnst ómögulegt
annað en að fara yfir áttatíu metr-
ana í sumar," sagði hann. Árangur-
inn í gærkvöldi er sá næstbesti
hjá Einari, hann hefur kastað
lengst 79,20 metra í ár.
Einar átti eitt kast rétt undir 78
metrunum og önnur köst hans
voru um 75 metra löng. Sigurður
átti hinsvegar aöeins eitt gilt kast,
73,26 metra langt. Hin köstin óg-
ilti hann með því að tylla tánni yfir
línuna eftir að spjótið var lent,
greinilega óánægður með lengd
þeirra. „Ég er í allnokkru æfinga-
álagi núna, nýstiginn upp úr
meiðslum, og þegar þannig stend-
ur á hjá mér stend ég alveg á gati
tæknilega séö. Þetta gekk alls ekki
nógu vel hjá mér í kvöld," sagði
Sigurður. Hann á best 79,74 metra
með spjótinu nýja.
Sá árangur Sigurðar er að sjálf-
sögðu besti árangur Islendings í
greininni með hinu margumrædda
nýja spjóti, sem er öðruvísi hannað
en gamla spjótið; með það fyrir
augum að stytta köst spjótkasta-
ranna. En engin spjótkastmet eru
skráð í heiminum á þessu ári,
hvorki héraðs- lands- né heims-
met. Þetta er tilraunaár og það
veröur ekki fyrr en 1. apríl á næsta
ári sem farið verður að skrá met
á ný í spjótkasti.
Keppni í öðrum greinum í gær-
kvöldi féll að sjálfsögðu í skuggann
af spjótkastinu, enda árangur þar
ekki á heimsmælikvarða. En
Oddný Árnadóttir náði þó mjög
góðum tíma í 400 metra hlaupi,
var aðeins 11 hundruðustu úr sek-
úndu frá nýsettu íslandsmeti sínu
og hljóp á 54.48 sekúndum.
„Gömlu" mennirnir sem hér er
vitnað til eru þeir Jack Nicklaus
og Lee Trevino 'en þeir eru báðir
46 ára og þegar þeir léku síðasta
æfingahringinn í gær léku þeir
saman ásamt þeim Tom Watson
og Deane Beman. Eftir að þeir
komu inn talaði Nicklaus um „þá
gömlu, þann unga og þann óþolin-
móða". Hann og Trevino eru þeir
gömlu, Watson sá ungi, en hann
er 36 ára, og Beman er sá óþolin-
móði því hann er nú að hefja
keppni aftur eftir 12 ár sem skipu-
leggjandi golfmóta í Bandaríkjun-
„Þetta er erfiðasti golfvöllur
sem ég hef séð,“ sagði Þjóðverjinn
Bemhard Langer og var allt annað
en hamingjusamur á svipinn. „Það
er gott að heyra einhvern segja
þetta því ég var farinn að halda
að ég væri sá eini sem væri
hræddur við þennan erfiða völl,"
sagði Beman en Nicklaus er fullur
bjartsýni enda ástæða til fyrir hann
eftir að hann vann bandaríska
meistaramótið fyrr í sumar. „Eftir
þann sigur fékk ég sjálfstraustið á
ný,“ sagði Nicklaus sem hefur
þrívegis unnið þetta mót og sjö
sinnum orðið í öðru sæti.
um.
Morgunblaðsliðið — 11. umferð
í MORGUNBLAÐSLIÐINU nú eru fimm leikmenn úr Val eftir stórsigurinn á Breiðabiiki. Tveir leik-
menn eru úr Fram og Víði, einn úr ÍA og ÍBK. 17 mörk voru skoruð í umferðinni. Framarar hafa
skorað flest mörk í deildinni til þessa, 25, og eru því efstir í keppninni um markabikar Morgun-
blaðsins, sem veittur er því liði sem skorar flest mörk í 1. deild. Við stillum upp leikaðferðinni 3-3-4.
Guðni Bergsson
Val (4)
Sigurjón Sveinsson
ÍBK (1)
Gísli Heiðarsson
Víði (1)
Ársæll Kristjánsson
Val (1)
Mark Duffield
Víði (2)
Heimir Guðmundsson
ÍA (4)
Valur Valsson
Val (5)
Guðmundur Steinsson
Fram (3)
Ámundi Sigmundsson
Val (1)
Gauti Laxdal
Fram (2)
Sigurjón Kristjánsson
Val (2)