Morgunblaðið - 08.03.1987, Blaðsíða 38

38
MORGUNBLAÐIÐ, SUNNUDAGUR 8. MARZ 1987
SOLIDEO GLORIA
Hljómplfttur
Egill Friðleifsson
Efnisskrá: íslensk kirkjutónlist.
Flyljendur: Dómkórinn í
Reykjavík. Elín Sigurvinsdóttir,
sópran. Sljórn og org-anisti: Mar-
teinn H. Friðriksson.
A liðnu hausti kom út hljómplata
er ber titilinn „Soli deo gloria" (Guði
einum dýrð). Þar syngur Dómkór-
inn í Reykjavík undir stjóm
Marteins H. Friðrikssonar, sem
einnig leikur á orgel, en einsöngv-
ari er Elín Sigurvinsdóttir. Af
einhverjum ástæðum var þessarar
plötu lítið getið þegar hún kom út
og er það rriiður, því þarna er að
fínna mörg nýleg og áhugaverð
verk, sem ástæða er til að vekja
athygli á.
A hveiju hausti hin síðari ár hef-
ur Dómkórinn og stjórnandi hans
efnt til hinna svokölluðu Tónlistar-
daga Dómkirkjunnar. Þar hefur
jafnan verið lögð áhersla á flutning
nýrra verka, og er þess skemmst
að minnast frá liðnu hausti, er kór-
inn frumflutti „Adoro te“ eftir þann
ágæta norska tónsmið Knut
Nystedt, sem sjálfur stjómaði upp-
færslunni. Þannig hefur Dómkórinn
og stjómandi hans stuðlað að
nýsmíðum kirkjutónverka, unnið í
nánu sambandi við tónskáldin, og
með því lagt sitt af mörkum til að
tengja kirkjuna samtímanum. Það
er því ekki rétt, sem stundum er
haldið fram að í kirkjunni heyrist
ekki annað en gamlir sálmar og
„niður aldanna", þó eldri tónlist sé
að sjálfsögðu í hávegum höfð nú
sem áður.
Á plötunni „Soli deo gloria" er
eingöngu íslensk kirkjutónlist. Þau
verk.'sem við sögu koma eru tvö
sálmalög í raddfærslu Jóns Þórar-
inssonar, Toccata fyrir oygel (1985)
samið í minningu Páls ísólfssonar,
Gloria (1982) eftir Hjálmar H.
Ragnarsson, Áminning eftir Þorkel
Sigurbjömsson, Faðir vor op. 12 B
eftir Jón Leifs, Vertu guð faðir,
faðir minn“ eftir Þórarin Guð-
mundsson, en síðasta verkið er
Chaconne fyrir orgel um stef úr
Þorlákstíðum eftir Pál ísólfsson og
var það einkar vel til fundið, því
Páll var dómorganisti og driffjöður
í íslensku tónlistarlífí um áratuga
skeið.
011 hafa þessi verk, sem hér hafa
verið talin upp, fengið umfjöllun í
blaðinu áður og verður ekki endur-
tekið nú. Sömuleiðis hefur sá, er
þessar línur ritar, fjallað um söng
Dómkórsins og staðfestir platan
fyrra álit. Söngurinn er blæfagur
fremur en átakamikill. Honum læt-
ur vel að syngja með andakt og
tilbeiðslu enda gefa verkin oft til-
efni til þess. Marteinn H. Friðriks-
son er laginn og smekkvís
stjómandi, auk þess sem hann leik-
ur mjög sannfærandi á hið nýja
glæsilega orgel kirkjunnar. Elín
Sigurvinsdóttir syngur „Faðir vor“
Jóns Leifs af innileik og hlýju.
„Soli deo gloria" er eiguleg
hljómplata og eykur veg þeirra er
að henni standa.
SÍB s
v'-.v, • .•
m " *-
'fjjggér' ‘—' "i í

'~4wh:- i
ÉlllflnÉiHií
ÞEGAR HUN MARGRET BORGARSDOTTIR LEITAÐI TIL
OKKAR FYRST, ÁRlÐ 1976, ÁTTI HÚN NÁKVÆMLEGA
26.090 KRÓNUR. í DAG HAFA KRÓNURNAR 96 FALDAST
Haraldur frændi hennar
sagðist vera viss um að
hún Margrét væri rugluð.
Sannleikurinn er hins vegar
sá að Margrét var óvenjulega
heilbrigð kona. Hún gerði sér
grein fyrir því að ráðgjafar
Fjárfestingarfélagsins voru
menn, sem hún gæti treyst.
Sjálf sagðist hún ekki vera
fjármálaspekingur.
Sérfræðingar Fjárfestingar-
félagsins ráðlögðu
Margréti ávallt að kaupa
verðbréf sem gáfu góðan
arð. Að sjálfsögðu ráðlögðu
þeir henni að kaupa KJARA-
BREFIN þegar þau voru gefin
út. Það væri lang einfaldast.
„Þá þarft þú engar áhyggjur
að hafa af peningunum þín-
um, Margrét mín. Kjarabréfin
eru örugg og við sjáum til
þess að alltaf standi á bak
við þau sérfræðilegt val á
traustum verðbréfum,“
sögðu þeir.
Eins og svo oft áður höfðu
sérfræðingar Fjárfesting-
arfélagsins rétt fyrir sér. Um
síðastliðin áramót átti
Margrét 65 ára afmæli. Þá
átti hún 2.500.000 krónur í
TEKJUBRÉFUM. Af þeim fær
hún ríkuleg mánaðarlaun
heimsend ársfjórðungslega.
Og hver skyldi hafa
ráðlagt henni Margréti
að skipta Kjarabréfunum
sínum yfir í Tekjubréf? Ekki
var það Haraldur frændi.
Ne-e-ei. Hann situr enn við
sinn keip. Auðvitað var það
sérfræðingur hennar hjá
Fjárfestingarfélaginu, nú sem
fyrr, sem ráðlagði henni það.
TIL UMHUGSUNAR'-
1. Af hverju sögðu sérfræð-
ingamir að Kjarabréfin
væru örugg?
2. Hvers vegna skipti
Margrét yfir í Tekjubréf,
þegar hún var komin á
eftirlaunaaldúr?
3. Hvemig getur venjulegt
fólk, sem ekki telur sig
vera fjármálaspékinga,
ávaxtað fé sitt í tryggum
verðbréfum?
Sendið rétt svör til
Fjárfestingarfélagsins,
Hafnarstræti 7, Reykjavík,
merkt Haraldur frændi.
Besta svarið í viku hverri,
allan þennan mánuð, fær
eintak af bókinni góðu,
FJÁRMÁLIN ÞÍN, íverðlaun.
FJARFESriNGARFELAGIÐ
Hafnarstræti 7-101 Rvík. S 28566.
Gunnar Óskarsson
einn af ráðgjöfum
Fjárfestingarfélagsins
Genf:
Hægt mið-
ar í friðar-
viðræðum
Pakistana
og Afgana
Genf, AP.
DIEGO Cordovez, milligöngu-
maður Sameinuðu þjóðanna í
óbeinum friðarviðræðum afg-
önsku og pakistönsku ríkisstjórn-
anna, er nú standa yfir í Genf,
sagði á föstudag að viðræðurnar
gengn hægt, en þeim væri ekki
. lokið og nýjar tillögur hefðu
komið fram á fimmtudag. .
Cordovez vildi ekki segja hvers
efnis tillögumar væru en sagðist
vilja fyrirbyggja þann misskilning
að illa gengi í viðræðunum, en vita-
skuld greindi aðila á um hlutina og
mikillar tortryggni gætti þeirra í
millum. Hann minntist ekki á loftár-
ásir er gerðar hafa verið undan-
farna daga á landamærasvæði í
Pakistan og fyrstu beinu árásir á
flóttamannabúðir þar sem afgan-
skir flóttamenn dvelja. Pakistanskir
ráðamenn saka afgönsku stjórnina
um að hafa fyrirskipað árásirnar,
en því er neitað í Kabúl.
Evrópubandalagslöndin:
Atvinnulaus-
um fjölgaði um
hálfa millj-
ón íjanúar
Atvinnuleysingj-
. ar eru nú rúm-
lega 17 milljónir
Luxembourg. Reuter.
ATVINNULEYSINGJUM í lönd-
um Evrópubandalagsins fjölgaði
um meira en hálfa milljón í jan-
úarmánuði. Þeir eru nú yfir 17
milljónir talsins og hafa aldrei
verið fleiri.
Að sögn Eurostat-hagstofnunar-
innar átti þessi fjölgun atvinnu-
lausra um 516.000 á milli
mánaðanna desember og janúar
aðallega rætur að rekja til árstíða-
bundinna orsaka, þar á meðal
mikils kulda í norðanverðri Evrópu.
Samt sem áður sögðu embættis-
menn EB í Brússel, að tölur þessar
gætu bent til þess, að vonir manna
um halda atvinnuleysinu á árinu
1987 í svipuðu horfi og 1986 rætt-
ust ekki.
I síðustu viku tilkynnti fram-
kvæmdanefnd EB, að spár banda-
lagsins um hagvöxt hefðu verið
endurskoðaðar í ljósi neikvæðrar
efnahagsþróunar í heiminum.
í nýju efnahagsspánni, sem kveð-
ur á um 2,3% vöxt heildarfram-
leiðslunnar, segir, að unnt eigi að
vera að haida atvinnuleysinu stöð-
ugu í kringum 12% á árinu 1987.