Morgunblaðið - 13.11.1988, Síða 28

28 C
MORGUNBLAÐIÐ, SUNNUDAGUR 13. NÓVEMBER 1988
T
cArur
eftir Elínu
Pálmadóttur
Að vera eða gera í pólitík
Sumir stjórnmálamenn vilja
vera, aðrir gera, er haft eftir
þeim margreynda stjórnmála-
manni, sem kallaður er faðir
Evrópu. Slíkt kemur kannski
best í ljós í pólitísku starfi —
þ.e. úr nálægð. í bláma fjarlægð-
arinnar eru þeir fyrrnefndu þó
engu ábúðarminni. Yfir þetta
eru til orð í erlendum málum,
„show-man-ship“ á ensku, að
^ kunna til sýniverka, og mörg orð
af þvi ieidd. Líklega stafar það
af því hve íslendingar kunnu
lengi lítt til verka í „sjóbisness“
að orðs er á íslensku vant. Til
að komast hjá löngum útskýr-
ingum í hvert sinn — sem
minnkað dálkarými Gáranna
leyfir illa — verður af illri nauð-
syn — og upp á æru og trú aldr-
ei aftur — notast við islenska
orðskrípið „sjófólk" um þess-
háttar þjálfað fagfólk.
Fyrir nokkrum árum kom til
þings Hjördís Hjörleifsdóttir af
fjörðum vestur. Hún steig i
pontu og lýsti furðu sinni á
vinnubrögðum á þessum nýja
vinnustað, sem kom henni fyrir
sjónir sem „leikhúsið við Aust-
urvöll“. Af einhverjum ástæðum
varð heitið fleygt. Vísast var
Hjördís ekki nægilega lengi á
þingi til að koma auga á þá þing-
menn sem gera mikið. Enda
varaþingmaður, og þeir sitja að-
eins í tvær vikur á þingfundum
fjóra daga í viku.
Á skyldleikatengsl leikhú-
sanna var aftur minnt við þing-
setningu á þessu hausti, þegar
aldursforseti þingsins las upp
bréf frá þingkonu um að hún
gæti ekki tekið sáeti á vinnustað
sínum, Alþingi, „sakir mikilla
anna“ við aðra leiksýningu, í
Þjóðleikhúsinu, eins og alþjóð
vissi af blaðafréttum. Kannski
ekkert nýtt að ráða sig til ann-
arrar vinnu yfir þingtímann,
þótt ekki hafi því verið sjón-
varpað svona framan í almenn-
ing í landinu. Að ráðnir þing-
menn telja sig ekki endilega eiga
að vera á þingstað yfir þing-
tímann kom raunar fram þegar
nýr þingforseti, Guðrún Helga-
dóttir, lét snarlega taka saman
skýrslu þar sem fram kemur að
þingmenn og varaþingmenn
hafa verið eins og jó-jó út og inn
af síðasta Alþingi. 56 sinnum
komu 42 varaþingmenn inn í
hálfan mánuð á 215 daga
þingtímabili. Allt upp í fjórðung-
ur þings í einu nýtt fólk og óvant
löggjafarstarfi. Hafa varla náð
að gera meira en flytja svokall-
aðar „jómfrúrræður", sem ekki
er svo hægt að fylgja eftir í
nefndum og atkvæðagreiðslum,
en ganga þó fyrir öðrum ræðum
um málefni í vinnslu!
Kannski 42 jómfrúrræður?
Og hún Guðrún ætlar ekki
að stjórna svona þingi í vet-
ur!
Það gleður kvenhjartað
að það skuli vera kona, sem
tekur svo rösklega á því að
halda skráðu heimilisfólki
á þingi að verki. Telur ekki
nægja að einhver sitji í
þingsætinu og standi í
pontu, að ræða eitthvað allt
annað en er á dagskrá.
Raunar líka að það skuli vera
eini kvenráðherrann í stjórn-
inni, Jóhanna Sigurðardóttir,
sem aldrei kallaði inn vara-
mann vegna fjarvista, þótt ráð-
herrar hafi manna mest löglegar
ástæður til fjarveru. Sá lúmski
grunur hafði um skeið ónáðað,
að konur væru, i ákafa sínum
að koma sér á framfæri, farnar
að leggja meira kapp á að vera
í sviðsljósinu en gera gagn.
Ýmis teikn á lofti. Illt í efni ef
hinar dýrmætu forsendur,
margnefndur „reynsluheimur
kvenna“, skyldi nú helst lýsa sér
í því sem kallað er „sjó“, sýni-
mennska. Að vísu hafa dans-
og sýningarstörf löngum verið
kvennastörf, en varla skilar sá
arfur sér svo sterkt í reynslu-
heiminum, eða hvað? Dálæti á
uppákomum og sjói allskonar
virtist þó óneitanlega orðið
nokkuð áberandi i pólitísku
starfi sérkvennahópa. Svo og
áherslan á orðstir sem sérfyrir-
brigði í útlöndum.
Kemur svo ekki í ljós að þessi
skrifari er ekki einn um svo
skammarlegan grun. í aðalræðu
á þingi Kvennalistans sl. helgi
segir Kristin Ástgeirsdóttir, að
vegna fjölda boðsferða til út-
landa, þátttöku í kvennaráð-
stefnunni í Osló og viðtala við
erlend blöð hafi kvennalista-
konur ekki haft tíma til að búa
sig undir fyrirsjáanlega stjórn-
arkreppu og stjórnarmyndun á
haustmánuðum. Og þingkonan
Kristín Halldórsdóttir telur það
sannferðuga mynd. Á þessum
fundi kemur svo fram sem
markvisst mótuð pólitísk stefna
að sem allra flestar konur kom-
ist inn á þing í hálfan mánuð
til að æfa sig. Forgangsverkefnið
að vera skammtímaþingmaður.
Skyldi ekki seta á þingflokks-
fundum í svo sem eins og eitt
kjörtímabil veita varaþingmaði
haldbetri innsýn i mál og vinnu-
brögð þingsins en ein tveggja
vikna viðdvöl í þingsölum? Þjálf-
un í fundarsköpum og ræðu-
mennsku má svo fá í náms-
flokkum, tómstundaskólum og í
félagsstarfi með tilheyrandi
áheyrendum.
Mætti kannski gera eins og
Sameinuðu þjóðirnar, sem láta
alla utanríkisráðherra aðildar-
landanna koma fyrst til alls-
herjarþingsins og halda í bunu
ræðurnar sinar fyrir tómum sal, -
enda vel flestar ætlaðar til
heimabrúks. Tekur fyrstu vik-
una af þinghaldinu. Að henni
lokinni koma svo sendinefnd-
irnar og taka til starfa við
heimsmálin. Kannski lausn að
taka fyrstu tíu dagana í október
undir æfinganámskeið fyrir
varaþingmenn í þinghúsinu!.
MYNDAMÓT HF
BIFREIÐAUTBOÐ
nk. þridjudag.
SALA VARNARLIÐSEIGNA.
BELDRAY
STRAUBQRÐIN ERU LÉTT OG
MEÐFÆRILEG
Qg stmdmt krðjw' um
góðu uðstúðu fyrir þig
@g stmujémið
Pmnig eiga
gáð stmuimrð uð wm
iC
Viterkurog
L/ hagkvæmur
auglýsingamióill!
Bangkok og Pattaya. Söguleg ferð
fyrir hagstætt verð. Hér kynnist þú
austrænni menningu og lífsstíl,
býrð á 1. flokks hótelum og nýtur
lífsins á sólarströnd Pattaya.
íslenskur fararstjóri.
Brottfarir: 17. nóvember, 20. janú-
ar, 16. febrúar, 16. febrúar og 24.
mars.
Hafðu samband strax í dag. Við
veitum góða þjónustu - alla leið.
FERÐASKRIFSTOFAN