Morgunblaðið - 18.12.1988, Blaðsíða 14

14
MORGUNBLAÐIÐ SUNNUDAGUR 18. DESEMBER 1988
GUDM BERGSSO]\
K\4TTSPYR\IJH1ABUR
lirafliiiikill
og vel geliiin
rallari

FÆSTUM, SEM ÞEKKJA til knattspyrnumannsins Guðna Bergs-
sonar, kemur á óvart að honum skuli nú hafa verið boðinn at-
vinnumannasamningur hjá einu þekktasta knattspyrnuliði heims,
Tottenham Hotspur. „Hann hefur allt sem þarf í þetta og það
var bara tímaspursmál hvenær svona tilboð lægi á borðinu,"
sagði einn viðmælenda okkar sem gjörþekkir Guðna á knatt-
spymuvellinum. Og jafiivel þeir sem minna þekkja til knatt-
spymumannsins, en kannski meira til mannlegra eðlisþátta pilts-
ins, em heldur ekki hissa á nýfengnum frama hans. Nægir þar
að vitna í Hrefiiu Sigvaldadóttur, skólastjóra Breiðagerðisskóla,
sem kenndi Guðna á fyrstu ámm hans í bamaskóla. „Hann var
eftirminnilegur nemandi, greindur, íjörmikill og skemmtilegur.
Þetta kemur mér ekki á óvart því hann hefur kraftinn og skap-
ið, sem þarf í þetta,“ sagði Hrefiia. Af öðmm umsögnum um
Guðna má ráða að þar fari góður félagi með heilsteyptan per-
sónuleika, hress og spaugsamur náungi í daglegri umgengni,
mikill grallari og mátulega kæmlaus, en traustur þegar á reynir.
-Á
' 1
Teikning/Pétur Halldórsson
Sem krakki var Guðni
nokkuð fyrirferðarmikill á
heimili, um það geta for-
eldrar hans Hjördís Böðv-
arsdóttir og Bergur Guðnason lög-
maður vitnað. Hann er elstur í
hópi fjögurra systkina, fæddur 21.
júlí 1965. Hin eru Sigríður fædd
1966, Böðvar fæddur 1970 og
Bergur Þór fæddur 1977. Guðni á
hálfbróður, Þorstein Bergsson,
sem er ári eldri og stundar nám í
Búnaðarskólanum á Hvaneyri.
Heimilisvinir segja að þótt Guðni
hafi verið fyrirferðarmikill hafi
hann ávallt verið skemmtilegur
krakki og ekki til vandræða, ef
undan eru skildar ótímabærar
boltaæfingar
inni í stofu.
Flestir minnast
þess að óvenju
Færður upp um bekk
Allt frá upphafi gekk Guðna
mjög vel í skóla. í átta ára bekk
fór þó að bera á einhverri ókyrrð
í stráksa, sem menn töldu stafa
af því að hann hefði ekki nægilega
mikið að gera í skólanum. Þá var
gripið til þess ráðs að láta hann
hlaupa yfir niu ára bekk og uppfrá
því var Guðni einu ári yngri en
bekkjarfélagamir. Kennari hans í
bamaskólanum, frá því hann sett-
ist í tíu ára bekk, var Unnur Kol-
beinsdóttir og kvaðst hún muna
vel eftir honum frá þessum ámm.
„Þetta var bráðvel gefinn drengur
og kraftmikill," sagði Unnur.
„Hann var stundum svolítið ókyrr
og þurfti greini-
lega að fá útrás
MANNSMYND
snemma hafi
borið á skarp-
leika drengsins,
hann lærði myllu þriggja ára og
varð fljótt svo leikinn í þeirri hug-
aríþrótt að fullorðið fólk varð að
láta í minni pokann. Þá var honum
kennt að tefla og þar fór á sama
veg.
Fæddur í Val
Guðni fæddist inn í Val, en fað-
ir hans Bergur lék í meistaraflokki
Vals bæði í knattspymu og hand-
knattleik og var landsliðsmaður í
síðarnefndu íþróttinni. Frá tveggja
ára aldri fór Guðni nánast á hveija
æfingu með föður sínum og menn
höfðu á orði að ekki myndi það
koma á óvart þótt Bergur tæki
strákinn með í keppnisferðir til
útlanda. Kunnugir segja að þótt
Bergur hafí þannig haldið áhuga
drengsins vakandi fyrir íþróttum
hafi það' ekki síður verið móðir
hans, Hjördís, sem studdi hann og
hvatti eftir að Guðni fór sjálfur
að æfa. Þá kom aldrei annað félag
til greina en Valur, þótt Guðni
væri alinn upp í Víkingshverfinu
og flestir félagarnir í hverfinu
væm Víkingar. Einn kunningja
hans frá þessum ámm sagðist
lengi hafa átt bágt með að fyrir-
gefa honum þessi „svik“ við
Víking. En Guðna varð ekki hagg-
að og lagði frekar á sig að ganga
úr Langagerðinu vestur í Hlíða-
renda á æfíngar hjá Val.
eftir Svein Gudjónsson
komið fram hjá
honum í fótbolt-
anum. Hann
kom þama inn í duglegan bekk
og stóð sig alla tíð mjög vel þótt
hann væri einu ári yngri. Hann
var ijörmikill og skemmtilegur og
stundum svolítið uppátækjasamur.
Guðni var líka þannig gerður að
hann var ekkert að draga sig í hlé
eða koma sér undan þannig að
honum hefur kannski stundum
verið kennt um eitthvað sem aðrir
áttu ekki síður sök á, eins og oft
vill verða með skarpa og harð-
skeytta stráka. Annars gekk þetta
mjög vel þau ár sem ég kenndi
honum og ég minnist ekki neinna
sérstakra hegðunarvandamála í
fari hans,“ sagði Unnur.
Að loknu fullnaðarprófi úr
bamaskólanum fór Guðni í Réttar-
holtsskóla og þar kynntist hann
Páli Ásgrímssyni sem síðan hefur
verið hans besti vinur og félagi.
Leið þeirra lá saman í Menntaskól-
ann við Sund, þar sem þeir luku
stúdentsprófi 1984, og síðan í
lagadeild Háskólans. A einu sviði
voru þeir þó ekki samstiga, en það
var á knattspymusviðinu. Páll var
í Víkingi, Guðni í Val. Páll hélt
með Tottenham Hotspur, Guðni
með Leeds United. „Ég er því af-
skaplega ánægður með að það
skuli einmitt hafa verið Tottenham
sem gerði samninginn við Guðna,
og fagna því að hann skuli nú loks
hafa tekið sönsum,“ sagði Páll.
Páll Ásgrímsson:
„Vinur vina sinna
og tekur lífið mátulega
alvarlega.“
Þorgrímur Þráinsson:
„Það var Ross að þakka að Guðni
sneri af braut kæruleysisins og fór
að taka fótboltann alvarlega.“
„Við höfum deilt talsvert um þessi
mál í gegnum árin og hann er að
fá þetta allt í bakið núna. Ég held
að honum sé nú orðið Ijóst að ég
hafði allan tímann rétt fyrir mér
og að þessi Leeds-aðdáun gat aldr-
ei gengið upp hjá honum.“
Kærulaus og spaugsamur
Páll sagði að Guðni hefði alla
tíð reynst traustur vinur og félagi.
„Hann er vinur vina sinna og tek-
ur lífíð mátulega alvarlega. Hann
getur verið svolítið værukær á
köflum, en þegar á reynir bregst
hann ekki þannig að kæraleysið
kemur honum ekki í koll.“ Páll
sagði ennfremur að þótt Guðni
gæti stundum virst ákveðinn og
harður inni á knattspyrnuvellinum
væri hann mikið ljúfmenni í allri
daglegri umgengni.
Þetta er mjög samhljóða þeim
lýsingum sem hafðar era eftir fé-
lögum Guðna úr Valsliðinu. Ein-
hver bætti því við að á tímabili
hefði orðið vart nokkurs ábyrgðar-
leysis hjá Guðna varðandi æfingar,
sem hefði meðal annars komið
fram í því að hann hefði ekki lagt
sig fram þegar aðrir gerðu það og
verið með spaugsyrði og sprell
þegar það átti ekki við. Það hefði
orðið til þess að Ian Ross, þáver-
andi þjálfari Valsliðsins, hefði tek-
ið Guðna svolítið fyrir. Hefði það
jafnvel gengið svo langt að Guðni
hefði á tímabili verið að hugsa um
að hætta. Ekki tókst að ná síma-
sambandi við Ross, sem nú er
staddur í Skotlandi, til að fá hans
hlið á þessu. Maður, nákunnugur
þjálfaranum, fullyrti hins vegar að
Ross hefði alla tíð haft mikla trú
á Guðna og hefði honum gengið
gott eitt til. Þorgrímur Þráinsson,
fyrirliði Vals, sagði aðspurður um
þetta atriði, að Guðni hefði lært
mikið af þessum aðferðum Ross
til að halda aga, sem ætti öragg-
lega eftir að koma honum til góða
i hinum harða heimi atvinnu-
mennskunnar. „Að mínum dómi
var það Ross að þakka, að Guðni
sneri af braut kæraleysisins og fór
að taka fótboltann alvarlega,"
sagði Þorgrímur.
Hörður Helgason núverandi
þjálfari Vals kvaðst ekkert hafa
nema gott um Guðna að segja.
„Hann er mjög léttur og hress fé-
lagi og jákvæður í garð allra. Sem
íþróttamaður er hann náttúrabarn
að mínum dómi og hann á eflaust
eftir að ná miklu lengra en við
höfum enn séð til hans. Maður
hefur það á tilfinningunni að hann
hafi átt erfitt með að leggja sig
allan fram í fótboltanum hér
heima, en þegar hann er kominn
út í þennan harða heim á hann
áreiðanlega eftir að sýna betur
hvað í honum býr,“ sagði Hörður.
Erfiður andstæðingur en
skemmtilegur meðspilari
Andstæðingar Guðna á knatt-
spyrnuvellinum bera honum yfir-
leitt vel söguna. Pétri Ormslev úr
Fram, Ólafi Þórðarsyni ÍA og
Halldóri Áskelssyni í Þór frá Akur-
eyri, bar saman um að hann væri
erfiður andstæðingur og einn
sterkasti vamarmaður í íslenskri
knattspyrnu hin síðari ár, en jafn-
framt prúður á leikvelli og ætti
vart til raddaskap í leik. „Það
gæti þó breyst eftir að hann er
kominn í enska boltann, eins og
gerðist með Sigga Jóns,“ sagði
Olafur. Pétur Ormslev sagði að frá
sjónarhóli Frammara væri gott að
vera laus við Guðna úr Valsvörn-
inni og að sama skapi slæmt fyrir
Valsmenn að missa hann. „Styrk-
leiki Guðna sem knattspyrnu-
manns er fyrst og fremst hraðinn,
hann er svo fljótur upp á sinn hrað-
asta sprett, og nær sínum mesta
hraða á mun skemmri tíma en
flestir aðrir," sagði Pétur. Sem
meðspilari í landsliðinu sagði Pétur
að mjög gott væri að leika með
honum og þótt hann „tæki stund-
um sjensa þá sleppur hann oftast
með það vegna þess hve fljótur
hann er. Hann getur leyft sér að
taka meiri áhættu en aðrir,“ sagði
Pétur. Ólafur sagði að sem með-
spilari væri Guðni öruggur og gott
að vita af honum fyrir aftan sig.
„Ef ég ætti að lýsa því hvernig
það er að spila með honum þá er
það í sem stystu máli mjög gam-
Hrefna Sigvalda-
dóttir: „Eftirminnilegur
nemandi, greindur, fjör-
mikill o g skemmtilegur.“
an,“ sagði Ölafur. í sama streng
tók Halldór Áskelsson og kvaðst
hann myndu sakna Guðna úr Vals-
liðinu, en Halldór mun leika með
Val á næsta keppnistímabili.
Þeir Pétur, Ölafur og Halldór
vora allir sammála um að sem fé-
lagi væri Guðni allra manna hress-
astur og skemmtilegastur. Halldór
og Guðni hafa leikið samán í lands-
liðum íslands frá því þeir „fóra að
sparka af einhveiju viti,“ eins og
Halldór orðaði það og sagði hann
að þeir hefðu verið góðir vinir í
gegnum tíðina. í seinni tið hafa
þeir Ólafur og Guðni verið herberg-
isfélagar í landsliðsferðum og einn
viðmælenda okkar, sem vel þekkir
til landsliðsins, sagði að það hefði
þótt vel við hæfi að hafa þá sam-
-an,„grallarana“. Aðrir, sem við
ræddum við og kynnst hafa Guðna
nú á seinni áram, bera honum yfir-
leitt þá söguna að þar fari
skemmtilegur og hress náungi.
„Hann er yfirleitt hrókur alls fagn-
aðar, létt geggjaður og stundum
svolítið kæralaus, en hann bætir
það upp með öðra,“ eins og ein-
hver orðaði það.
Sambýliskona Guðna er Elín
Konráðsdóttir og byijuðu þau að
vera saman um svipað leyti og
Guðni hóf nám í lögfræðinni. Sam-
eiginlegur kunningi þeirra segir
þau eiga mjög vel saman. „Þau
hafa bæði talsverðan metnað, en
fara varlega og flana ekki að
neinu.“
Lokaorðin í þessari umsögn um
Guðna Bergsson á þjálfari íslenska
knattspymulandsliðsins, Sigfried
Held: „Guðni er leikmaður sem
hægt er að treysta og hefur á
skömmum tíma náð því að verða
fastamaður í landsliðinu. Hann
kom inér skemmtilega á óvart
strax í upphafi og ég hef trú á að
hann geti náð langt ef honum verð-
ur gefinn tími og tækifæri. Til að
byija með gæti baráttan hjá Tott-
enham orðið honum erfið því enn
skortir hann reynslu. Hann verður
því að fá tíma til að aðlaga sig og
sjálfur verður hann að sýna þolin-
mæði. Ef það tekst hef ég trú á
að hann eigi eftir að spjara sig.“