Morgunblaðið - 18.12.1988, Blaðsíða 35

MORGUNBLAÐIÐ MINNINGAR SUNNUDAGUR 18. DESEMBER 1988
35

Guðmundur Lárus-
son — Minning
Minningargreinar þær
um Guðmund Lárusson
sem hér fara á eftir áttu
að birtast i blaðinu í gær.
Eru allir aðilar beðnir vel-'
virðingar á mistökunum.
Hinn 6. desember sl. lést á
sjúkrahúsi í Reykjavík Guðmundur
Lárusson, aðeins tæplega 24 ára
gamall. Þungbæru og miskunnar-
lausu stríði við ólæknandi sjúkdóm
er lokið.
Fyrir tæpum þremur árum
kenndi Guðmundur fyrst þessa
sjúkdóms, sem nú hefur haft yfir-
höndina. Hann háði mikla hetjubar-
áttu þessi ár. Með nýjum og nýjum
lækningaaðferðum kviknaði sífellt
vonarbjarmi, um að nú væri betri
tími framundan, og af þeim sökum
urðu vonbrigðin enn sárari og bitr-
ari þegar bakslögin komu aftur og
aftur. Fyrir ættingja og vini hefur
þessi tími verið mikil sveifla á milli
vonar og ótta. Mikið álag, sem erf-
itt er fyrir aðra að gera sér í hugar-
lund.
Guðmundur fæddist 20. desem-
ber 1964 og ólst upp hér í Hvera-
gerði. Glöð og áhyggjulaus liðu
æskuárin. Við fylgdumst með
myndarlegum, glöðum og sóma-
kærum unglingi, sem fékk gott
uppeldi og átti athvarf hjá ástríkum
og góðum foreldrum, en þau eru
hjónin Sonja Andrésdóttir og Lárus
Kristjánsson, sem lengst af hafa
búið í Dynskógum 2 hér í Hvera-
gerði.
Fimmtán ára gamall knúði
Gummi Lár, eins og við ávallt köll-
uðum hann, dyra hjá mér og falað-
ist eftir sumarvinnu. Það var aúð-
sótt mál, þar sem ég sá strax í
fari hans alla þá eiginleika, sem
góður starfsmaður þarf til að bera.
Þannig vann Gummi Lár hjá okkur
í ísgerðinni mörg sumur og þegar
hann að aflokinni sumarvinnu fal-
aðist eftir vinnu næsta sumar, var
það ávallt fastmælum bundið að
hann kæmi að afloknum skóla.
Hann var einhver sá albesti sum-
arvinnuunglingur sem við höfum
haft. Hann var óhemju duglegur til
allra verka, ávallt léttur og kátur.
Fljótur að tileinka sér mismunandi
störf og í allri umgengni hvers
manns hugljúfi. Gummi Lár var
þannig í öllum störfum og viðkynn-
ingu hinn besti fulltrúi æsku lands
okkar. Af þeim sökum er söknuður-
inn ennþá sárari, að hann skyldi
ekki eiga lengri lífdaga hér á með-
al okkar.
Gummi Lár lauk stúdentsprófi
með ágætum vitnisburði og að því
loknu leitaði hugur hans til lengra
náms og hann hóf nám í Háskóla
íslands. Um þetta leyti hafði hann
kynnst elskulegri stúlku frá Sel-
fossi, Dagnýju Sigurbjörgu Jóns-
dóttur. Þau leigðu snotra íbúð í
Reykjavík og hófu búskap þar.
En stuttu seinna dró ský fyrir
sólu hjá þessum hamingjusömu
ungmennum. Þegar lífið á að blasa
við og öll framtíðin mörkuð vonum.
Hinn banvæni sjúkdómur ágerðist
og tók sig upp aftur og aftur. Þau
gengu í hjónaband 2. apríl sl. og í
lífi þeirra beggja braust þó fram
sólargeisli síðustu mánuði, þegar
þeim fæddist dóttir. Hún var skírð
fyrir liðlega mánuði og hlaut nafnið
Hera. Gummi Lár fékk þarna á
síðustu mánuðum ævi sinnar sólar-
geisla, sem hefur án efa skinið
skært á erfíðum stundum.
Mikið hefur verið lagt á ungu
konuna og fátækleg huggunarorð
fá hér litlu áorkað.
Við sem kynntumst Gumma Lár,
geymum í huga okkar ljúfar minn-
ingar um glaðværan og elskulegan
dreng, sem sýndi óendanlegt þol-
gæði í baráttunni við ofureflið.
Við vottum litlu dóttur hans,
ungu konunni, sem stóð allan
tímann eins og klettur við hlið hans
seinustu árin, foreldrum hans og
öllum ættingjum dýpstu samúð okk-
ar. Við biðjum algóðan Guð að vaka
yfir og blessa minningu Guðmundar
Lárussonar.
Hafsteinn Kristinsson
í gær, laugardaginn 17. desem-
ber 1988, var jarðsunginn í Hvera-
gerðiskirkju góður vinur okkar Guð-
mundur Lárusson.
Foreldrar hans eru Lárus Krist-
jánsson og Sonja Andrésdóttir og
átti hann einn eldri bróður.
Við kynntumst Guðmundi vetur-
inn 1983, en þá var hann nýbyijað-
ur að vera með Dagnýju S. Jóns-
dóttur, vinkonu okkar og skólasyst-
ur. Við tókum strax eftir því hversu
rólegur og yfirvegaður Guðmundur
var dags daglega, en þó var oft
stutt í glensið og ekki lá hann á
liði sínu ef einhver þarfnaðist hjálp-
ar.
Haustið 1984 hófu Dagný og
Guðmundur sambúð og um vorið
1985 lauk Guðmundur stúdents-
prófi frá Menntaskólanum við Sund.
Um haustið sama ár hóf hann síðan
nám við Háskóla Islands í félags-
fræði.
Framtíðin virtist blasa björt við
þessu unga fallega fólki, en margt
fer öðruvísi en ætlað er, því Guð-
mundur veiktist fljótlega af þeim
sjúkdómi sem nú hefur lagt hann
að velli.
2. apríl síðastliðinn gengu Guð-
mundur og Dagný í hjónaband og
29. ágúst fæddist þeim dóttirin
Hera.
Maður getur aldrei sett sig alveg
í spor þeirra sem þurfa að beijast
fyrir lífi sínu með vonina eina að
vopni. Við slíkar aðstæður reynir
mjög á þrek aðstandenda. Þessa
raun stóðst Dagný með góðum
stuðningi foreldra og tengdafor-
eldra.
Við kveðjum nú Guðrnund með
söknuði og trega og sendum þér,
elsku Dagný, og öðrum ástvinum
okkar innilegustu samúðarkveðjur.
Ólöf og Guðmundur
t
Þökkum auðsýnda samúð við fráfall og jarðarför bróður okkar,
HJALTA JÓNSSONAR
járnsmiðs,
Hátúni 10a.
Vilborg Hjaltested,
Þuríður Billich,
Ögmundur Jónsson,
GunnarJónsson.
Hvert örstutt spor var auðnuspor með þér
hvert andartak er tafðir þú hjá mér
var sólskinsstund og sæludraumur hár,
minn sáttmáli við Guð um þúsund ár.
(H. Laxness)
Nú er hann dáinn, elsku frændi
okkar, eftir erfitt stríð við vágest
þann er marga fellir.
Þó því hafi löngum verið haldið
fram að þeir deyi ungir sem guðim-
ir elska, þá er það óneitanlega sárt
að horfa á eftir svo ungum og
lífsglöðum manni sem Guðmundur
var. En við höfum þá trú að Guð
hafi ætlað honum annað hlutskipti,
og sú vissa styrkir okkur nú.
Guðmundur er yngri sonur hjón-
anna Sonju Andrésdóttur og Lárus-
ar J. Kristjánssonar. í apríl sl.
kvæntist hann Dagnýju S. Jóns-
dóttur og eiga þau eina dóttur,
Heru, sem nú er tæplega 4ra mán-
aða. Hera litla varð ekki nema að
litlu leyti aðnjótandi elsku föður
síns, en hún á góða að og megi
þeim veitast styrkur til að standa
með henni í framtíðinni.
Með þessum fáum orðum viljum
við sýna elskulega frænda okkar
þakklæti fyrir alla hans elsku og
hlýju í okkar garð.
Elsku Dagný, Hera, Sonja, Lárus
og Kristján, megi Guð styrkja ykk-
ur í þessum mikla missi og höfum
hugfast að minningin lifir um góðan
dreng.
Soffia og Svava
t
Þökkum auðsýnda samúð og hlýhug við andlát og útför móður
okkar, tengdamóður og ömmu,
INGIGERÐAR GUÐBJARGAR GUÐLAUGSDÓTTUR,
Heiðarvegi S,
Selfossi.
Sérstakar þakkirtil hjúkrunar- og starfsfólks Ljósheima, Selfossi.
Kristín Guðfinnsdóttir,
Árni Guðfinnsson,
Guðrún Guðfinnsdóttir,
tengdabörn og barnabörn.
t
Innilegar þakkir fyrir auðsýnda samúð og hlýhug viö andlát og
útför eiginkonu minnar, móður okkar, tengdamóður ömmu og
langömmu,
INGIBJARGAR ÁRNADÓTTUR,
Vogatungu 99,
Kópavogi.
Sérstakar þakkir til lækna og alls starfsfólks deilda A-4, A-5 og
E-6 á Borgarspítalanum.
Ólafur Jóhannessson,
Sigrún Ólafsdóttir,
Oddný Ólafsdóttir, Aðalgeir T. Stefánsson,
Frfða Ólafsdóttir, Gunnar R. Jónsson,
Jóhanna Ólafsdóttir, Leifur Ólafsson,
Anna Kristín Ólafsdóttir,
Hrafnhildur Ólafsdóttir,
barnabörn og barnabarnabarn.
Hió frábæra tungumálaspil, Polyglot, er nú loks komið til
íslands. POLYGLOT er andlega þroskandi og menntandi leikur
sem hefur verió hannaður fil þess að örva skilning og þekkingu á
erlendum tungumálum.
Hér er valið tækifæri til að efla tökin á ensku, frönsku, íslensku,
ítölsku, spænsku og þýsku.
Happaglot fylgir hverju spili. í vinninga eru: ferð fyrir tve til Florída med Flugleiöum og
Hexaglot - nýjasta tungumálatölva í heimi.
Verökr. 3.390.-
Fæst í ritfangaverslunum
um land allt. Póstkröfusími: 32750

mmm
■■■