Morgunblaðið - 30.04.1991, Síða 27

MORGUNBLAÐIÐ ÞRIÐJUDAGUR 30. APRIL 1991
27
Reuter
Diego Maradona leiddur
milli lögreglustöðva í Buenos
Aires af óeinkennisklæddum
lögregluþjóni.
Maradona
viðurkenndi
fíkniefna
neyslu
Buenos Aires. Reuter.
ARGENTÍNSKI knattspyrnu-
maðurinn Diego Maradona
var látinn laus gegn trygg-
ingu á sunnudag eftir að hafa
viðurkennt fyrir dómara í
Buenos Aires að hann hefði
neytt fíkniefna og gefið öðr-
um.
Maradona var handtekinn á
föstudag ásamt tveimur vinum
sínum í íbúð í útborg Buenos
Aires. Að sögn lögreglu var hann
undir áhrifum kókaíns. Þegar
hann hafði viðurkennt brot sitt
var hann látinn laus gegn trygg-
ingu sem nam að jafnvirði 1,2
milljónir króna.
Egyptar gagnrýna aukna busetu gyðinga a hernumdu svæðunum:
Israelar sagðir tefla til-
lögum Bakers í tvísýnu
Deilur í ísraelsstjórn milli Shamirs og Levys
Kairó, Washington, Jerúsalem, París,
Damaskus. Reuter.
EGYPSKA utanríkisráðuneytið
sakaði í gær stjórnvöld í ísrael
um að stefna friðartilraunum í
Mið-Austurlöndum í voða með því
að leyfa æ fleiri gyðingum að
seljast að á hernumdu svæðunum
þar sem Palestínumenn búa. Ja-
mes Baker, utanríkisráðherra
Bandaríkjanna, tókst fyrir
skömmu að fá Egypta til að lýsa
stuðningi við svæðisbundna ráð-
stefnu deiluaðila þar sem reynt
yrði að bæta sambúð arabaþjóða
og Israela. Yitzhak Sliamir, for-
sætisráðherra Israels, hafnaði á
sunnudag samkomulagi utanríkis-
ráðherra síns, Davíðs Levys, og
Bakers um fastaráðstefnu og er
ljóst að ágreiningur er í stjórn-
inni um málið.
Arabaríki hafa ávallt krafist þess
að friðarráðstefna yrði alþjóðleg og
haldin á vegum Sameinuðu þjóðanna
en Egyptar og fleiri arabaþjóðir hafa
dregið nokkuð i land með þá kröfu.
Sýrlendingar hafa þó hvergi hvikað
þrátt fyrir langa fundi Bakers með
Hafez al-Assad Sýrlandsforseta að
undanfömu. Mestu skiptir að Sham-
ir, er veitir forystu samsteypustjórn
Likud-flokksins með fulltrúum nok-
kurra lítilla, óbilgjarnra hægri-
flokka, óttast klofning ef hann gangi
að tillögum Bakers.
Shamir bar því við á sunnudag
að með tillögum um viðvarandi ráð-
Davíð Levy
stefnu gæti farið svo að kröfum ísra-
ela um beinar viðræður þeirra við
nágrannaríkin; Egyptaland, Jórd-
aníu og Sýrland, yrði drepið á dreif.
Hann sagði arabaríki taka undir
hugmyndir Bakers í von um að geta
þannig komist hjá beinum viðræðum
við ísraela sem óttast að ráðstefnan
endi með því að stefna þeirra verði
fordæmd. Eftir að hafa rætt málin
við Shamir sagði Levy að hann hefði
allan tímann haft fullt samráð við
forsætisráðherrann og gaf í skyn
að Shamir hefði snúist hugur á síð-
ustu stundu. Levy sagðist myndu
halda' áfram á sömu braut og taldi
Israela hafa náð meiri árangri með
Yitzhak Shamir
friðartilraunum Bakers en nokkru
sinni fyrr.
Robert Dole, einn af áhrifamestu
öldungardeilarþingmönnum repú-
blikana í Bandaríkjunum, sagði á
sunnudag að færi svo að deiluaðilar
í Mið-Austurlöndum neituðu a<5 setj-
ast að samningaborði gætu Banda-
ríkin neyðst til að endurskoða aðstoð
sína við löndin. Er Baker yfirgaf
ísrael á föstudag gaf hann í skyn
að það væru einkum ísraelar sem
stæðu í vegi fyrir samkomulagi um
friðarráðstefnu. Fjárhagsaðstoð
Bandaríkjamanna við Israela nemur
um þrem milljörðum dollara
(180.000 milljónum ÍSK) á ári.
Sendiherra framkvæmdastjórnar EB á íslandi og Noregi um EES-viðræðurnar:
Síðustu kílómetrar maraþon-
hlaupsins ætíð hinir erfiðustu
ANEURIN Rhys Huglies, sendiherra framkvæmdastjórnar Evrópu-
bandalagsins (EB) á íslandi og í Noregi, sem aðsetur hefur í Osló,
segist vera sæmilega vongóður um að það takist að ljúka samninga-
viðræðunum um Evrópskt efnahagssvæði (EES) í sumar eins og
stefnt hefur verið að. „Síðustu kílómetrar maraþonhlaups eru hins
vegar alltaf erfiðastir og mörg flókin vandamál eru enn óleyst. Ég
er enn bjartsýnn en myndi þó ekki leggja fé undir,“ segir Aneurin
Hughes. Sendiráð framkvæmdastjórnarinnar í Osló tók til starfa
árið 1987 og hefur Hughes verið sendiherra frá upphafi.
Hughes sagði í samtali við Morg-
unblaðið að hann reyndi að koma
nokkrum sinnum á ári til íslands.
Hann hefði metið það sem svo að
það hefði lítið upp á sig að koma
hingað í miðri kosningabaráttu en
nú væri aftur á móti mjög hentug- -
ur tími. „Mér fannst viðeigandi að
kanna andrúmsloftið eftir kosning-
arnar og ræða við ráðamenn um
þau vandamál sem nú eru uppi í
EES-viðræðunum.“
Hann sagðist aðspurður ekki
meta það sem svo að kosningaúr-
slitin væru líkleg til að stuðla að
stefnubreytingu af hálfu íslendinga
gagnvart Evrópu en Evrópumálin
yrðu þó líklega mjög til umræðu
næstu misserin.
Um stöðuna í EES-viðræðunum
sagði hann að nú væri verið að
leita leiða til að höggva á hnútinn
í viðræðunum. Einnig væri fylgst
mjög náið með þeim væringum sem
ættu sér stað í Sviss og Finnlandi
þessa dagana. Svo gæti farið að
Svisslendingar sæktu um aðild og
umræðan um það atriði væri líkleg
til að færast mjög í aukana í Finn-
landi. Það myndi síðan þrýsta á
Norðmenn að hraða ákvarðanatöku
um málið.
Þegar Hughes var spurður hvaða
áhrif hann teldi það hafa á samn-
ingaviðræðurnar um Evrópskt
efnahagssvæði ef svo færi að flest
öll ríkin í Fríverslunarsamtökum
Evrópu (EFfA) myndu sækja um
eða væru í í þann mund að fara
að sækja um aðild að EB sagði
hann að gagnvart EB myndi það
litlu breyta. A margan hátt væri
verið að semja um sambærilega
hluti í EES-viðræðunum og samið
yrði um í aðildarviðræðum. Þá
væri líka ljóst að umfangsmikil
fjölgun aðildarríkja EB væri ekkert
sem myndi gerast á einni nóttu.
Það að EFTA-ríki sæktu um aðild
hefði líklega mun meiri áhrif innan
EFTA en EB þar sem það þrýsti
mjög á önnur ríki um að taka
ákvörðun.
Um þá hugsanlegu stöðu að ís-
land stæði í framtíðinni eitt núver-
andi aðildarríkja EFTA utan EB
sagði Hughes að ef EES-viðræð-
urnar færu farsællega myndi það
þýða að íslendingar væru með
samning sem fæli í sér frjálsan
aðgang að Evrópumarkaði með
afurðir sínar. íslendingar þyrftu
hins vegar síðan að meta málið út
frá öðru en þröngum viðskiptaleg-
um hagsmunum og spyija sig hvort
að þeir vildu standa fyrir utan þá
þróun í átt til sameiningar sem nú
ætti sér stað í Evrópu. „Þetta er
pólitísk spurning sem íslendingar
verða að gera upp við sig. Við erum
ekki trúboðar sem hvetjum þjóðir
til þess að koma til okkar. Það er
nóg af öðrum stórum vandamálum
sem við erum að fást við s.s. hvern-
ig eigi að bregðast við stöðunni í
Mið-Austurlöndum, hvernig eigi að
Morgunblaðið/Sverrir
Aneurin Rhys Hughes
tryggja lýðræðið í Austur-Evrópu
og hvemig eigi að leysa þær deilur
sem eru uppi innan GATT. Þetta
eru allt gífurlega flókin vandamál
og því ekki efst á dagskrá í Bruxel-
les að reyna að fá EFTA-ríkin til
að sækja um aðild,“ sagði sendiher-
rann.
Um sérkröfur Islendinga varð-
andi sjávarútveg sagði Hughes að
íslendingar hefðu gert mjög skil-
merkilega grein fyrir þeim. Öllum
væri ljós sérstaða íslands vegna
þess hversu háð landið væri sjávar-
útvegi. Hins vegar hefði ekki enn
tekist að sannfæra öll aðildarríki
EB um réttmæti J)ess að gengið
yrði að sérkröfum Islendinga. Væri
nú reynt að finna lausn á því vanda-
máli, til dæmis hvort að hægt yrði
að ná samkomulagi um að landbún-
aðarafurðir frá Miðjarðarhafslönd-
unum fengju fijálsari aðgang að
íslenska markaðinum eða skiptingu
sameiginlegra fiskistofna. „Eg
nefni þetta sem dæmi um það sem
verið er að stinga upp á til að fá
menn upp úr skotgröfunum. Ef
báðum aðilum er mikið í mun að
ná samkomulagi er nauðsynlegt að
menn noti ímyndunaraflið til að
leysa deilumál."
Þegar hann var spurður hvort
kröfur Norðmanna um að einnig
verði tekið tillit til þeirra sérhags-
muna vegna sjávarútvegs torveld-
uðu íslendingum að ná fram sínum
kröfum sagðist hann ekki telja að
sú væri raunin þó að hann hefði
orðið var við að margir á Islandi
teldu svo vera. Sum svæði í norður-
hluta Noregs, sem Frans Andriess-
en, sem fer með utanríkismál innan
framkvæmdastjórnar EB, heim-
sótti fyrir skömmu, væru vissulega
álíka háð sjávarútvegi og ísland.
Ætti þetta sérstaklega við um
Finnmörk. Þegar á heildina væri
litið væri hlutfall sjávarútvegs af
þjóðarframleiðslu hins vegar ein-
ungis 6% í Noregi.
Eins og áður sagði er Hughes
sendiherra fyrir Noreg og ísland.
Hann segist meta stöðuna í Noregi
gagnvart EB þannig að ríkisstjóm-
in þar vildi komast hjá því að það
sama gerðist og við þjóðaratkvæða-
greiðsluna um EB-aðild árið 1972
en það hefur stundum verið sagt
að aldrei hafi Noregur verið nær
borgarastyijöld en þá. Gro-Harlem
Brundtland, forsætisráðherra, færi
varlega í málið og líklega yrði það
tekið fyrir á landsfundi Verka-
mannaflokksins á næsta ári. Gæti
svo farið að EB-aðild yrði kosn-
ingainál í þingkosningum 1992 og
að formjeg umsókn yrði lögð fram
1993. Hinn nýji formaður Hægri-
flokksins vildi hins vegar hraða
þessari þróun enn frekar og þrýst-
ingur vegna aðildarumsókna ann-
arra EFTA-ríkja gæti einnig leitt
til þess.
■ MIAMI - Geimferjan
Discovery stefnir út í geim frá
skotpalli í Kennedy-geimferða-
miðstöðinni í
Flórída á sunnu-
dag, í upphafi
40. ferðar
bandarískrar
geimfeiju. Bilun
kom í gær fram
í tveimur segul-
bandstækjum
sem ætlað er að geyma rann-
sóknargögn og kann það að
leiða til þess að geimfararnir
geti ekki sinnt öllum þeim rann-
sóknarverkefnum sem ætlunin
var að framkvæma. í ferðinni
er ætlunin að gera flóknari
rannsóknir en í nokkurri
hinna, aðallega tengdar svo-
nefndri geimvarnaáætlun.
■ LONDON - John Major
forsætisráðherra Bretlands
nýtur mikilla persónulegra vin-
sælda samkvæmt könnunum
sem birtust um helgina en það
nýtist flokki hans, íhalds-
flokknum, takmarkað því fylgi
hans er mjög svipað fylgi Verk-
amannaflokksins. Fjórir fjöl-
miðlar birtu sína skoðanakönn-
unina hver og samkvæmt þeim
er persónufylgi Majors
59-68%.
■ STOKKHÓLMI - Nýtt
lýðræði, nýr flokkur sem
stofnaður var fyrir hálfu ári í
Svíþjóð og hefur það að megin
markmiði að lækka skatta og
fækka stöðumælavörðum, kann
að hafa mikil áhrif á úrslit þing-
kosninga þar í landi í septemb-
er. Samkvæmt könnun sem
birtist um helgina er hann orð-
inn fjórði stærsti flokkur
landsins með 9,1% fylgi. Sam-
kvæmt könnuninni hrynur
fylgi af Jafnaðarmanna-
flokknum en það mælist 28,7%
Fylgi Hægriflokksins mældist
23,0% og Fijálslyndra 11,3%.
■ LONDON - Anna
Bretaprinsessa neitaði sér um
hádegisverð af tillitsemi við 27
milljónir sveltandi manna í Afr-
íkuríkjunum Súdan, Eþíópíu,
Líberíu, Sómalíu, Angólu,
Malawi og Mózambík. Hvatti
prinsessa landsmenn sína til
þess að gera hið sama og sagði
að þeir fjármunir sem hún hefði
sparað með því að sleppa há-
degismatnum nægðu til þess
að gefa 450 manns eina máltíð
í afrísku sveitaþorpi.
Honda 91
Civic
Sedan
16 ventla
Verð frá kr.1.050 þús.
GLi-special
GREIÐSLUSKILMÁLAR
FYRIR ALLA.
W HONDA
VATNAGÖRÐUM 24, RVÍK., SlMI 689900