Morgunblaðið - 17.12.1991, Page 35

MORGUNBLAÐIÐ ÞRIÐJUDAGUR 17. DESEMBER 1991
35
Landsvirkjun:
Tillag’a um lækkun refsi-
gjalds úr 87 kr. í 8 krónur
Keyrsla dísilrafstöðva hjá almenningsrafveitum þá úr sögunni
FORSTJÓRI Landsvirkjunar leggur til á næsta stjórnarfundi Lands-
virkjunar að refsigjaldið í gjaldskrá fyrirtækisins, sem greitt er
þegar notkun rafveitu fer yfir umsamin mörk, verði lækkað í jan-
úar og febrúar úr tæpum 87 krónum kílówattstundin í 8 krónur.
Verður refsigjaldið þá lægra en kostnaður við raforkuframleiðslu
með dísilvélum og er þá búist við að dísilvélakeyrsla almenningsraf-
veitna vegna afltoppa verði alveg úr sögunni. Tíminn verður notað-
ur til að endurskoða gjaldskrá Landsvirkjunar með hliðsjón af
reynslunni af þeim breytingum sem gerðar voru í upphafi ársins.
Halldór Jónatansson, forstjóri
Landsvirkjunar, sagði í gær að ný
gjaldskrá Landsvirkjunar hefði tek-
ið gildi í upphafi ársins. Hún hefði
verið undirbúin í samráði við al-
menningsrafveitur í tvö ár og
ákveðið að nýta fyrsta árið til
reynslu og taka hana síðan til end-
urskoðunar. Markmiðið með gjald-
skrárbreytingunum var meðal ann-
ars að gera gjaldskrána kostnaðar-
réttari, það er að afl og orka verði
selt sem næst kostnaðarverði. Til
þess þurfti vægi orkugjaldsins að
aukast. Það átti að eyða þeim hvata
sem var í eldri gjaldskrá fyrir al-
menningsrafveitur að keyra dísil-
vélar á afltoppum. Sagði Halldór
að við þessar breytingar hefði dreg-
ið mjög úr slíkri rafmagnsfram-
leiðslu með dísilvélum en hún væri
þó ekki úr sögunni eins og fram
hefði komið í umræðunni að und-
anförnu. Taldi Halldór að hálfri
annarri milljón króna hefði verið
eytt í olíu til raforkuframleiðslu
vegna afltoppa á árinu og þó það
væri mun minna en orðið hefði með
óbreyttri gjaldskrá stingi það í
augu á meðan nægt vatnsafl væri
í landinu. Því hefði hann ákveðið
að leggja fram tillögu á stjórnar-
fundi Landsvirkjunar næstkomandi
fimmtudag um lækkun refsigjalds-
ins úr 86,82 kr. á kílówattstund í
8 krónur í janúar og febrúar á
meðan heildarendurskoðun gjald-
skrárinnar færi fram. Talið er að
það kosti 9-10 krónur að framleiða
kílówattstundina með olíu og væri
þar með búið að eyða öllum hvata
almenningsveitna til keyrslu dísil-
véla vegna afltoppa.
Með nýju gjaldskránni var
ábyrgð á áætlun raforkuþarfar
færð til almenningsrafveitnanna.
Veiturnar skrifa sig fyrir því afli
sem þær telja sig þurfa, til eins árs
í upphafi en síðan var ætlunin að
þær skrifuðu sig fyrir afli næstú
fimm ái-in. Halldór sagði að talið
hefði verið að almenningsveitumar
væru betur í stakk búnar til að
áætla aflþörfina en Landsvirkjun
þar sem þær stæðu nær notendun-
um og ættu því að geta gert raun-
hæfari áætlanir. Ef notkun veitu
fer einhvem tímann fram yfir afl-
áskrift að viðbættu ókeypis yfirafli
sem Landsvirkjun úthlutar leggst
refsigjald á umframnotkunina. Var
gjaldið sett á til að veita almenn-
ingsveitunum aðhald til að gera
sem raunhæfastar áæ'tlanir. Hall-
dór Jónatansson sagði að þetta
fyrirkomulag hvetti veiturnar til
að nýta vel það afl sem þær hefðu
skrifað sig fyrir. En þær hefðu
einnig vissa möguleika til að spila
á gjaldskrána, til dæmis með því
að skrifa sig fyrir of litlu afli og
keyra dísilvélar á álagstoppum. Það
væri þó vandmeðfarið hjá þeim og
alls óvíst að áætlaður sparnaður
skilaði sér að fullu.
Halldór sagði að nú væri komið
hik á rafveiturnar við að áætla
aflið langt fram í tímann vegna
ýmissa óvissuþátta, til dæmis í
byggðamálum og efnahagsmálum,
og settar hefðu verið fram hug-
myndir um að frekar ætti að miða
við spár orkuspárnefndar um raf-
orkunotkun.
Skynsamlegt að leggja til
lækkun refsigjalds
Aðalsteinn Guðjohnsen, raf-
magnssljóri í Reykjavík og for-
maður Sambands íslenskra raf-
veitna, sagði að það væri skynsam-
legt hjá forstjóra Landsvirkjunar
að leggja til lækkun refsigjaldsins.
Hann sagði misjafnt hvernig lækk-
un þess kæmi við rafmagnsveiturn-
ar. Það færi eftir því hvernig þær
hefðu gengið frá aflspám sínum.
Lækkun gjaidsins kæmi sér vel
fyrir þær veitur sem áætlað hefðu
of lágt afl en fyrir aðra, t.d. Raf-
magnsveitu Reykjavíkur sem ekki
gerði ráð fyrir að lenda í refsi-
gjaldi, skipti þetta engu máli.
Haft var eftir Aðalsteini í Morg-
unblaðinu síðastliðinn laugardag
að mikið hagræði væri fólgið í notk-
un raforku frá dísilstöðvun. Aðal-
steinn sagði að þetta væri ekki
rétt eftir haft. Það væri einungis
hagkvæmt í algjörum undantekn-
ingatilvikum.
Aðalsteinn vildi vekja athygli
notenda sem væru að velta þessum
hlutum fyrir sér að hafa samband
við rafveitu sína og leita upplýsinga
um það hvað best væri að gera.
Hjá Rafmagnsveitu Reykjavíkur
væri starfandi ráðgjafi sem hægt
væri að leita til.
Almenn umræða um
hagkvæmni í raforkunotkun
og vinnslu hefur aukist
í fréttatilkynningu sem Lands-
virkjun hefur sent frá sér kemur
fram að rafveitumenn telja að
breytingar á gjaldskrá Landsvirkj-
unar hafi borið árangur á fleiri
sviðum en að minnka rafmagns-
framleiðslu með dísilvélum: „Fyrir-
tæki reyna í ríkari mæli en áður
að nýta ódýra sumarorku þar sem
hún er fyrir hendi. Eftirspurn eftir
afgangsorku hefur aukist og fyrir-
tæki sjá tækifæri til nýrra nota á
raforku og til að nota hana í vax-
andi mæli í stað olíu. Almenn um-
ræða um hagkvæmni í raforku-
notkun og vinnslu hefur aukist og
stjórnendur fyrirtækja eru nú betur
vakandi fyrir þeim tækifærum til
sparnaðar sem fólgin eru í gjald-
skrám rafveitna."