Morgunblaðið - 17.12.1991, Page 48

48
MORGUNBLAÐIÐ ÞRIÐJUDAGUR 17. DESEMBER 1991
Sameining Borgarspítala og Landakots:
Stofnkostnaður talínn
vera um milljarður kr.
Agreiningur um stjórn Sjúkrahúss Reykjavíkur
«*#>$>***c? t» ao kunna <sco A wticavwyxuw
NEFND, sem heilbrigðis- og tryggingaráðherra skipaði tii að kanna
möguleika á sparnaði og hagræðingu í rekstri Landakotsspítala og
Borgarspítala, telur líklegt að sameining spítalanna muni leiða til
sparnaðar í rekstri þegar til lengri tíma er litið eða allt að 310 milljón-
um á ári. Heildarkostnaður við stofnun Sjúkrahúss Reykjavíkur er
talinn vera um milljarður, þar af er reiknað með 700 milljónum til
lokaframkvæmda við Borgarspítala. Gert er ráð fyrir að formleg sam-
eining eigi sér stað fyrir áramótin en að sameiningin taki minnst
þrjú ár. Ekki hefur náðst samkomulag um yfirstjórn spítalans. Er það
skilyrt af hálfu Reykjavíkurborgar að fulltrúar hennar skipi meiri-
hluta í stjórn rekstrarfélags spítalans. Fulltrúar ráðuneytisins leggja
áherslu á að nýi spítalinn falli undir gildandi lög um heilbrigðisþjón-
ustu. Einn nefndarmanna, Rakel Valdimarsdóttir hjúkrunarforstjóri
Landakots, skilar séráliti, þar sem fram kemur að sameining spítal-
anna nái ekki þeim tilgangi sem að var stefnt.
Meirihluti nefndarinnar telur
mögulegt að sameina rekstur spítal-
anna tveggja í einn, Sjúkrahús
Reykjavíkur. Er gert ráð fyrir að
bráða- og aðgerðaþjónusta verði
flutt frá Landakotsspítala yfir á
Borgarspítala og að Landakot verði
nýtt sem hjúkrunarrými, til öldrun-
arlækninga og dagvist fyrir aldraða.
Ljóst er að stofnkostnaður vegna
sameiningarinnar er um milljarður,
þar af 700 milljónir vegna B-álmu
Borgarspítalans, endumýjun skurð-
stofa á Borgarspítala og endurnýjun
tækjabúnaðar á röntgendeild. Beinn
kostnaður vegna sameiningarinnar
er 300 milljónir. Þar af er kostnaður
vegna byggingar skrifstofu- og
göngudeildar í Fossvogi talinn vera
um 150 til 160 milljónir. Hugmynd-
in að slíkri byggingu er ekki ný en
er talin forsenda fyrir verkaskipt-
ingu sjúkrahúsanna eins og skipulag
nýja spítalans gerir ráð fyrir. Bent
er á þann möguleika að selja hús-
eignir Landakots við Öldugötu og
Marargötu.
Enginn sparnaður fyrstu árin
Gert er ráð fyrir að almennur
undirbúningur að sameiningunni og
framkvæmdir fari fram árið 1992
og því sé vart að vænta sparnaðar
í rekstri spítalanna það ár. Það verði
ekki fyrr en árið 1993 eða þegar
nauðsynlegum framkvæmdum er
lokið. Því má búast við að sameinað-
ur spítali þurfi álíka fjárframlög til
rekstraf næstu tvö árin og spítalarn-
Ir tveir hafa til samans á þessu ári
eða 3.760 milljónir miðað við verðlag
1. janúar 1992.
Talið er að með sameiningu megi
ná sparnaði með einföldun á vöktum
hjá sérfræðingum, aðstoðarlæknum,
röntgentæknum, meinatæknum,
starfsfólki á skurðstofu og hjá
tækni- og iðnaðarmönnum. Jafn-
framt megi nýta betur tæki og
mannafla á rannsóknarstofum,
saumastofum, dauðhreinsun, þvotta-
húsi, með sameiginlegu tölvukerfi
og sameiginlegu birgðahaldi. Þannig
megi gera ráð fyrir milli 290 til 310
milljóna króna sþarnaði í rekstri á
ári þegar stofnframkvæmdum og
tilfærslum á verkefnum er lokið.
Nefndin leggur til að Sjúkrahús
Reykjavíkur verði fyrst og fremst
öflugur almennur deildaskiptur spít-
ali með sérhæfingu í slysa- og bráð-
amóttöku. Veitt verði almenn
sjúkrahúss- og sérfræðiþjónusta í
lyflækningum, skurðlækningum og
geðlækningum, auk stoðdeilda. A
Borgarspítalanum eru 287 rúm en
gert er ráð fyrir að þar verði 355.
rúm. 123 nim á lyfjadeild, 146 rúm
á skurðdeild, 31 rúm á geðdeild, 24
rúm á bamadeild, 20 rúm á gjör-
gæslu og 12 rúm í móttöku.
Öldrunarlækningar
verði á Landakoti
Húsnæði Landakots verði að
stærstum hluta nýtt sem hjúkrunar-
rými og til öldrunarlækninga. Þar
em 174 rúm en verða samkvæmt
nýja skipulaginu 111 auk 24 til 34
, dagvistarrýma. Á hjúkrunardeildum
er gert ráð fyrir 71 rúmi, 40 rúmum
á öldrunardeildum og 24 til 34 dag-
vistunarrýmum fyrir aldraða. Lagt
er til að starfsemi geðdeildar í
Templarahöll verði flutt á Hvíta-
bandið og að geðdeild hafí allt það
hús til umráða fyrir dagvistar- og
göngudeildarþjónustu. Starfsemi
lyfjadeildar, sem nú er á Hvíta-
bandi, flyst á Landakot en starfsemi
Hafnarbúða og sjúkradeildar á
Heilsuverndarstöð og Arnarholti
verði óbreytt. Fram kemur að nú eru
137 rúm í notkun fyrir aldraða og
langlegusjúklinga á spítölunum
tveimur auk 14 dagvistarrýma.
Samkvæmt tillögum nefndarinnar
verða þau 171 auk 24 til 34 dagvist-
arrýma.
Ágreiningur um yfirstjórn
Rædd voru ýmis sameiningarform
sjúkrahúsanna og lágu tvær tillögur
fyrir þegar til endanlegrar ákvörðun-
ar kom. Fulltrúar heilbrigðis- og
tryggingamálaráðuneytis leggja til
að stofnað verði eitt félag um rekst-
ur spítalans og að stjórn sjúkrahúss-
ins verði skipuð samkvæmt núgild-
andi lögum um heilbrigðisþjónustu,
eða þrír fulltrúar eigenda, einn full-
trúi starfsmannaráðs og einn fulltrúi
heilbrigðisráðherra. Sameiginleg til-
laga fulltrúa spítalanna gerir ráð
fyrir að stofnuð verði tvö félög, ann-
ars vegar eignarhaldsfélag, þar sem
heilbrigðisráðherra, borgarstjórn og
sjálfseignarstofnun St. Jósefsspítala
geri með sér samning um að annast
eignir sjúkrahúsanna, og hins vegar
verði rekstrarsamningur milli
Reykjavíkurborgar og sjálfseignar-
stofnunar St. Jósefsspítala um rekst-
ur nýs spítala. Gert er ráð fyrir að
aðilar eigi jafn marga fulltrúa í
stjórn eignarhaldsfélagsins en að
Reykjavíkurborg skipi meirihluta í
stjórn rekstrarfélagsins með þijá
fulltrúa, sjálfseignarstofnun St. Jó-
sefsspítala einn fulltrúa og starfs-
menn einn fulltrúa. Er það skilyrði
frá hendi samningsaðila Reykjavík-
urborgar og fulltrúa Borgarspítala
að þetta fyrirkomulag nái fram að
ganga. Tillagan krefst breytinga á
lögum um heilbrigðisþjónustu.
Sérálit um sameiningu
Á lokafundi fagaðila um samein-
ingu spítalanna lagði Rakel Valdi-
marsdóttir, hjúkrunarforstjóri St.
Jósefsspítala, fram sérálit. Telur hún
að markmiði með sameiningu spítal-
anna verði ekki náð með áliti nefnd-
arinnar. Verulega skorti á nægilega
athugun á kostnað við flutninga,
breytingar á húsnæði spítalanna,
nýbyggingu, tækjavæðingu og
mannahald. Tölur sem nefndar eru
séu of lágar. Ekki sé hagkvæmt að
leggja niður skurðstofuaðstöðu á
Landakoti og byggja sams konar
aðstöðu í bráðabirgðaumhverfí á
Borgarspítalanum en byggja síðan
nýja þjónustuálmu eftir nokkur ár.
Þjónusta við sjúklinga utan Landa-
kotsspítala hefur verulega verið
bætt en þeirri þjónustu sé ekki gerð
skil í áliti nefndarinnar einkum hvað
varðar skurðaðgerðir.
Tilflutningur á þjónustu frá Land-
akoti til Borgarspítalans muni koma
niður á gæðum þjónustunnar um
mörg ókomin ár. Gert er ráð fyrir
111 öldrunarlækninga- og hjúkrun-
arsjúklingum á Landakotsspítala,
sem er um 9.000 fermetrar að stærð.
Komi því um 80 fermetrar í hlut
hvers sjúklings. Spítalinn yrði því
dýr öldrunarspítali.
Lokun hjúkrunardeildar í B-álmu
Borgarspítalans ber vitni um erfið-
leika við að manna jafnvel nýtísku,
sérhannaðar deildir og er því varað
við erfiðleikum við að manna öldr-
unarlækninga- og hjúkrunardeildir í
óhentugu húsnæði á Landakoti. Á
Hvítabandinu, Heilsuvemdarstöð-
inni, Hafnarbúðum og í B-álmu
Borgarspítala eru talin vera 137 rúm
fyrir öldrunar- og hjúkrunarsjúkl-
inga. Við sameiningu er gert ráð
fyrir 161 rúmi en heildaraukning
rúma er talin geta órðið 34 rúm, setn
hrekkur skammt til að leysa vanda
200 til 300 aldraðra sem bíða eftir
slíku rými.
: «rc» mvntv* m hOíkwuik: <>íkx* vi «»*•.< :
Opna úr bók Hauks Halldórssonar.
Bók um reiðmennsku
í máli og myndum
FORLAGIÐ liefur gefið út bók-
ina Reiðskólinn þinn, undirstöðu-
atriði reiðmennsku í máli og
myndum, eftir Hauk Halldórs-
son. I bókinni eru myndasögur
eða skýringamyndir, sem eru
bæði teiknaðar og skrifaðar af
höfundi sjálfum.
Haukur Halldórsson segir að
gerð bókarinnar hafi tekið um tvö
ár. „Fyrst skissaði ég þetta upp og
velti fyrir mér hvernig ég ætlaði
að nálgast þetta, gerði ótal tilraun-
ir með litunaraðferðirnar, það er
að segja hvemig ég ætlaði að láta
þetta líta út. Eg vildi ekki elta
venjulega teiknimyndasögu heldur
breyta aðeins út frá. Loks fann ég
þá aðferð, sem er í bókinni, en hana
nota ég mikið í minni myndlist,"
segir Haukur.
Hann segist hafa komist að því
að hann hafi haft mjög gaman að
því að búa sögurnar til. „Maður
lærir hvergi betur nema með því
að sjá myndir með texta. Sjálfur
þóttist ég vita ýmislegt um hesta,
en þegar ég var búinn að þessu sá
ég að ég vissi minna en ég hélt.
Það er nú það skemmtilega við það
að gera bókina. Enda segja hesta-
menn að þeir séu stöðugt að læra
Haukur Halldórsson.
eitthvað nýtt í umgengni við skepn-
una.“
Haukur segir að bókin sé bæði
fyrir fólk, sem vant sé hesta-
mennsku og þá, sem séu að bytja
að iðka þessa íþrótt.
Gæsluþyrlan nýkomin
í lag er útkall barst
VIÐGERÐ á þyrlu Landhelgis-
gæslunnar var nýlokið er hún var
kölluð út aðfararnótt laugardags
til að sækja slasaðan mann um
borð í togarann Sjóla Hf 1.
Samkvæmt upplýsingum Land-
helgisgæslunnar komst þyrlan í lag
laust eftir kl. 1 um nóttina og
hringdi skipstjóri Sjóla kl. 6.40 og
tilkynnti um slasaðan mann um
borð í skipinu. Sjóli var þá um 75
sjómílur suðvestur af Reykjanesi
og að höfðu samráði við lækni
Landhelgisgæslunnar var óskað
eftir aðstoð þyrlunnar. Maðurinn
komst um borð í þyrluna laust eftir
kl. 9 en þá hafði veður versnað
mikið. Maðurinn var fluttur á Borg-
arspítalann og lenti þyrlan þar um
kl. 10 á laugardagsmorgun.
• •••
#*•
• #
1 '' v, .
eru rtiest
hérlendis og hefur áralöng reynsla sannað
gæðiþeirra og endingu.
Margar gerðir eru fáanlegar, t.d. gerð 6860,
sem er 22 lítra meö tölvustýringu, 9 styrkstill-
ingum, 5 upphitunarkerfum, 3 föstum kerfum
og sjálfvirkum útreikningi á hitunartíma.
Verð aðeins kr. 28.450 stgr. Aðrar gerðir
kostafrákr. 19.900 stgr.
Athugið að öllum TOSHIBA örbylgjuofnum
fylgir frítt námskeið í notkun þeirra hjá Dröfn
Farestveit hússtjórnarkennara.
TOSHIBA
Einar Farestveit &Co.hf.
Borgartúni 28 S 622901 og 622900
Margrét Gísladóttir
Ný ljóðabók
komin út
ÚT er komin ljóðabókin í birt-
ingu, eftir Margréti Gísladóttur.
Þetta er fyrsta bók höfundar og
hofur að geyma 28 Ijóð.
Margrét er hjúkrunarfræðingur
og húsmóðir, búsett í Hveragerði.
Bókin er gefin út af höfundi og
prentuð í 100 eintökum. Hún er til
sölu í bókabúðum og hjá höfundi.