Morgunblaðið - 28.12.1991, Blaðsíða 43

MORGUNBLAÐIÐ LAUGARDAGUR 28. DESEMBER 1991
43
Minning:
Jónatan G. Aðalsteins-
son, Vestmannaeyjum
Fæddur 19. júlí 1931
Dáinn 4. desember 1991
Ég vil .með nokkrum orðum kveðja
kæran vin og frænda Jónatan Gísla
Aðalsteinsson en hann lést á sjúkra-
húsinu í Vestmannaeyjum 4. des-
ember sl.
Jónatan var sonur hjónanna Sig-
ríðar Gísladóttur og Aðalsteins Jón-
atanssonar sem bæði eru látin, en
þau bjuggu í Siglufirði allan sinn
búskap.
Börn þeirra hjóna auk Jónatans
eru Hinrik, kennari, búsettur í
Siglufirði. Guðfinriur og Eysteinn
kaupmenn og fiskverkendur, einnig
búsettir í Siglufirði og Kristján lyíja-
tæknir búsett í Reykjavík.
Jónatah ólst upp í Siglufirði. Á
þeim árum þegar síldin veiddist fyr-
ir norðan og Sigluijörður var í hug-
um margra íslendinga bær tækifær-
anna og ævintýranna. Að vísu var
Jónatan barn og unglingur á þeim
árum en hann mundi þó vel þessa
tíma.
En síldin hætti að veiðast og þar
með misstu menn þann grunn sem
afkoma manna og fjölskyldna í
Siglufirði byggðist á.
Margir Siglfirðingar urðu því að
leita út á land eftir vinnu. Flestir
munu hafa farið á Suðvesturlandið
í atvinnuleit. Margir fóru til Suður-
nesja, aðrir til Vestmannaeyja. Þeg-
ar Jónatan fór í fyrsta sinn ungur
maður í atvinnuleit „suður“ lá leiðin
til Vestmannaeyja og það varð hans
gæfuspor, þar ílentist hann, þar
kynntist hann Önnu Sigurlásdóttur
sem síðar varð kona hans.
Anna og Jónatan eignuðust þijú
börn, þau eru Sigþóra, gift Gísla
Eiríkssyni vélfræðingi, búsett í Vest-
mannaeyjum. Aðalsteinn, býr með
Þóru Björgu Thoroddsen, búa í Kali-
forníu og Þór Vilhelm sem enn býr
í foreldrahúsum. Á sjöunda áratugn-
um byggði Jónatan stórt og myndar-
legt hús á Brimhólabraut 37 og þar
bjuggu þau alla tíð síðan að undan-
skildum þeim tíma sem fjölskyldan
bjó í Kópavogi eftir gosið. En þau
voru svo lánsöm að hús þeirra slapp
að mestu við skemmdir af völdum
gossins.
Sjómennska varð lífsstarf Jónat-
ans. Hann var mjög eftirsóttur
vegna dugnaðar og annarra mann-
kosta, enda hafði hann ekki oft vista-
skipti. Hann var nokkur ár starfs-
maður Sjóveitu Vestmannaeyja eða
þar til rekstri veitunnar var hætt.
1973-1974 eftir Vestmannaeyjagos-
ið starfaði hann hjá ísal og bjó þá
í Kópavogi, en síðustu árin hefur
hann verið starfsmaður Vestmanna-
eyjafeijunnar Heijólfs.
Jónatan vann mikið að félagsmál-
um sjómanna. Hann var formaður
sjómannafélagsins Jötuns í Vest-
mannaeyjum í mörg ár. Þann tíma
var hann einnig í stjórn Sjómanna-
sambands íslands og fulltrúi þess
og síns félags við kjarasamninga til
fjölda ára. I félagsmálum sem ann-
ars staðar var hann hinn hægláti
umgengnisgóði maður sem vildi öll-
um vel, lagði aldrei illt til nokkurs
manns. Hann vann öll störf sín af
ýtrustu trúmennsku. Hann var
drengskaparmaður í fylistu merk-
ingu þess orðs.
Jónatan var stór vexti og sam-
svaraði sér vel. Hann var rammur
að afli, en kunni vel með það að
fara. Þá var hann á yngri árum
mikill sundmaður svo sögur fóru af,
en þær verða ekki sagðar hér.
Jónatan heitinn átti við alvarleg
veikindi að stríða um tveggja eða
þriggja missera skeið, sem takmörk-
uðu mjög vinnugetu. Hann var þó
við vinnu daginn sem kallið kom,
en naut umönnunar á sjúkrahúsinu
í Vestmannaeyjum síðustu klukku-
stundirnar af héi-vistar dögum sín-
um.
Að lokum vil ég þakka Jónatan
heitnum samfylgdina. Hann var
mér, foreldrum mínum og systkinum
ákaflega kær frændi.
Ég vil biðja góðan Guð að milda
þann söknuð sem að eiginkonu,
börnum og barnabörnum er kveðinn
við fráfall þessa ljúfa manns. Guð
blessi minningu hans.
Jón Kr. Olsen
Þegar hringt var í mig, og mér
sagt að vinur minn Tani hefði látist
þá um daginn, var mér brugðið,
þótt mig hefði lengi grunað að sjúk-
dómur hans væri mun alvarlegri en
hann vildi vera láta, Tani var ekki
sú manngerð að vola eða kvarta þó
hlutirnir gengju ekki sem skyldi.
Nú finnst mér að ég megi ekki
láta hjá líða að minnast hans nokkr-
um orðum, þó fátækleg séu.
Fyrst kynntist ég Tana fyrir um
það bil 40 árum, þegar hann kom
til eyja frá Siglufirði, en þar var
hann fæddur og alinn upp. Tani kom
eins og aðrir ungir og hraustir menn
til að vinna á vertíð. Kynni okkar
urðu nánari þegar hann nokkrum
árum seinna réðst til starfa hjá föð-
ur mínum í Fiskimjölsverksmiðjunni
í Vestmannaeyjum hf., og eftir að
uridirritaður fluttist frá Eyjum héld-
um við alltaf góðu sambandi.
Eftir Vestmannaeyjagosið fluttist
Tani með fjölskylduna í Kópavoginri
og hóf störf hjá álverksmiðjunni, þar
sem leiðir okkar lágu aftur saman
um tíma, og eins og endranær kom
hann sér mjög vel sem starfsmaður
álverksmiðjunnar og var eftirsjá að
honum þaðan.
Svo fór að heimþráin tók völdin
og flutti fjölskyldan aftur til eyja.
Lengst af stundaði Tani sjóinn og
var árum saman með þeim þekkta
aflamanni Helga Bergsveinssyni og
síðar mörg ár á Hetjólfi, þar til að
hann þurfti að fara í land vegna
veikinda sinna fyrir u.þ.b. ári.
Ekki má gleyma því, að árum
saman var Tani einn aðalsamninga-
maður sjómanna i Eyjum, og hefi
ég það fyrir satt að þegar hann var
sestur við samningaborðið máttu
hinir fara að passa sig.
Tani var fluggáfaður og vel Ies-
inn. Hann þekkti skáldin okkar eins
og fingurna á sér, og einhvern veg-
inn fannst mér alltaf að hann hefði
átt að ganga menntaveginn, en
ástæður þess að svo varð ekki þekki
ég ekki, en eitt er víst að hann hefði
orðið góður fræðimaður. Tani átti
auðvelt að koma auga á spaugilegar
hliðar mála, og var einkar þægilegur
og skemmtilegur í góðra vina hópi.
Frá því Tani starfaði hjá föður
mínum í fiskimjölsverksmiðjunni í
gamla daga reyndist hann fjölskyldu
minni sannur vinur og málsvari, og
er mér minnisstætt hve föður mínum
þótti vænt um Tana og hafði mikið
álit á honum.
Tani hafði ekki verið lengi í Eyjum
þegar hann féll fyrir einni gullfal-
legri Eyjadömunni, Onnu Sigurlás-
dóttur, og þau komu sér upp mynd-
arlegu heimili og eignuðust 3 mann-
vænleg börn, og ekki hitti ég svo
Tana að hann minntist ekki á eitt-
hvert þeirra, og þá var það alltaf
eitthvað gott og jákvætt.
Anna mín, ég og fjölskylda mín
samhryggjast þér og börnum ykkar
innilega, einnig sendi ég öðrum ætt-
ingjum Tana samúðarkveðjur.
Fúddi
Kveðjuorð:
Bragi Húnfjörð,
Stykkishólmi
Fæddur 3. maí 1926
Dáinn 30. nóvember 1991
Andlát Braga bar fljótt að. Við
höfðum litlu áður verið saman í fagn-
aði eldri borgara hér í bæ, þar sem
formaður félagsins stýrði fagnaðin-
um og þá virtist allt leika í lyndi.
Það voru okkar seinustu samfundir
hér.
Ég kynntist Braga í æsku hans.
Hann var þá á Fellsströndinni og
framarlega í félagslífi og kom til að
leita atriða hjá mér sem hann gæti
haft í mannfagnaði þar. Urðum við
báðir ánægðir með þessa samfundi
og endurnýjuðum svo kynnin þegar
hann flutti til Stykkishólms. Bragi
var jafnan glaður í lund og eignað-
ist góða kunningja. Og þar sem hann
var í þjónustu kom hann sér vel.
Um menntun á unglingsárum var
ekki um margt að ræða og síst fyr-
ir þá sem lítil fjárráð höfðu og urðu
að vinna fyrir sínu viðurværi. Þetta
reyndi hann svo að bæta sér upp
með sjálfsnámi og námskeiðum sem
hann gat sótt og urðu þau lionum
notadi'júg. Hér í Hólminum stundaði
hann öll algeng störf og var hann
sjómaður og vélstjóri, um skeið á
bát. Einnig vann hann að skipasmíði
og síðar á hafnai'voginni. Hann hafði
góða rithönd sem hann æfði vel og
kom honum að góðu gagni.
Bragi var kvæntur Helgu Krist-
valdsdóttur og eignuðust þau 7 börn.
Var því fjölskylda Braga stór. Elsti
sonur þeirra hjóna, Tómas, heitinn
eftir fóstra Braga, Tómasi á Víghóls-
stöðum, var mikill heimilisvinur okk-
ar. Þeir tóku miklar tryggðir saman
Helgi og hann, sem varð báðum til
góðs og sú vinátta hefir haldist vel.
Væri of langt að fara lengra í það.
Ég vissi að seinustu árin var Bragi
ekki heill heilsu og varð að draga
sig í hlé frá erfiðum störfum. En
veikindi sín bar hann vel og til síð-
ustu stundar. Hann var seinasta ár
formaður félags aldraðra i Stykkis-
holmi, Aftanskini og gerði þeim
störfin góð skil, sýndi þar sem ann-
ars staðar góðan félagshug. Það
varð honum vissulega lífsfylling,
sem hann hafði ánægju af.
Ég vil með þessum fáu línum
flytja þessum góða dreng þakklæti
fyrir góð og einlæg samskipti. Það
var gott að ræða við Braga og hann
lagði af heilum hug jafnan gott til
málanna. Því mat ég hann mikils.
Um leið og ég flyt ástvinum hans
innilegar samúðarkveðjur og óska
þeim alls velfarnaðar kveð ég Braga.
Hans verður saknað úr vinahóp.
Útför Braga var gerð frá Stykkis-
hólmskirkju 7. desember sl. að við-
stöddu nriklu fjölmenni.
Blessuð sé nrinning hans.
Árni Helgason
t
SÍMON EGILL SIGMUNDSSON,
Vesturgötu 7,
Reykjavík,
lést á sjúkradeild Hrafnistu, Hafnarfirði, 26. desember.
Fyrir hönd systkina og systkinabarna,
Kristín Lúðvíksdóttir.
t
Mágkona mín og föðursystir,
JÓNA GUÐRÚN JÓNSDÓTTIR,
Skjóli við Kleppsveg,
lést að morgni 26. desember.
Áslaug Bachmann,
Guðrún Karlsdóttir
og frændsystkini.
t
Elskulegur eiginmaður minn,
SIGGEIR GUNNARSSON,
Hátúni 12,
lést þann 24. desember.
Helga Bergmann.
t
Bróðir minn,
NARFI B. HARALDSSON,
sem lést 18. desember, verður jarðsunginn frá Fossvogskapellu
mánudaginn 30. desember kl. 3 eftir hádegi.
Hörður Jafetsson.
t
Eiginmaður minn og faðir okkar,
BENJAMÍN MARKÚSSON
frá Ystu-Görðum,
Kolbeinsstaðahreppi,
verður jarðsunginn frá Kolbeinsstaðakirkju laugardaginn 28. des-
ember kl. 14.00. Bílferð frá BSÍ kl. 11.00.
Arndís Þorsteinsdóttir og börn.
t
ELLERT HANNESSON,
Grænukinn 12,
Hafnarfirði,
lést á heimili sínu að kvöldi 23. desember.
Útförin fer fram frá Fríkirkjunni í Hafnarfirði föstudaginn 3. janúar
kl. 13.30.
Anna Jóhannsdóttir,
Anna Margrét Ellertsdóttir, Auðunn Óskarsson,
Ægir Ellertsson, Gréta Pálsdóttir,
Svandís Ellertsdóttir Meade, Roger Meade,
Ellert Ellertsson, Helga Kristleifsdóttir,
barnabörn og barnabarnabörn.
t
Alúðarþakkir fyrir auðsýnda samúð og hlýhug við andlát og útför
dóttur minnar, eiginkonu og móður okkar,
GUÐRÚNAR MARGRÉTAR ÞORBERGSDÓTTUR,
Skipasundi 25,
Reykjavík.
Sérstakar þakkir til lækna og hjúkrunarfólks á deild 11E á Land-
spítalanum.
Kristín Ásmundsdóttir,
Páll Sigurðsson,
Sigurður Óskar Pálsson,
Ásta Kristin Pálsdóttir.
t
Þökkum auðsýnda samúð og vináttu við fráfall og útför
RUNÓLFS ÞORSTEINSSONAR
bónda,
Brekku, Þykkvabæ.
Guð gefi ykkur gleðilegt ár.
Sverrir Runólfsson, Björg Sveinsdóttir,
Þóra Runólfsdóttir, Ágúst Helgason,
Fjóla Runólfsdóttir, Kristinn Guðnason
og barnabörn.