Morgunblaðið - 24.06.1992, Blaðsíða 3

MORGUNBLAÐIÐ MIÐVIKUDAGUR 24. JÚNÍ 1992
3
Nýr vettvangur:
Bókað um
ummæli
Markúsar
Á FUNDI borgarráðs í gær, lagði
Ólína Þorvarðardóttir borgarfull-
trúi Nýs vettvangs, fram bókun
vegna ummæla Markúsar Arnar
Antonssonar borgarstjóra í frétt-
um Ríkissjónvarpsins en þar hafi
hann látið niðrandi orð falla í
hennar garð. I svari borgarstjóra
kom fram að málflutningur borg-
arfulltrúans væri ekki sæmandi
og jafnframt að hann hiki ekki
við að láta það álit sitt í ljós opin-
berlega.
í bókun Ólínu er haft eftir borg-
arstjóra í fréttum að, „Ólína Þor-
varðardóttir er kunn að allskyns
slíkum fréttaskýringum hér á vett-
vangi borgarmálanna og ekkert
mark tekið á þeim, enda enginn
flugufótur fyrir slíku.“ Vegna þessa
lýsir Ólína undrun og áhyggjum
yfir að æðsti embættismaður borg-
arinnar skuli ekki sýna lágmarks-
kurteisi í garð borgarfulltrúa þegar
til hans er leitað af fjölmiðlum.
Niðrandi ummæli falli stundum í
hita leiksins inni á borgarstjórnar-
fundum en geti ekki talist viðeig-
andi þegar sjálfsögð skoðanaskipti
eiga sér stað í opinberum viðræðum,
jafnvel þótt pólitískir andstæðingar
eigi í hlut. „Kveður hér við nýjan
tón, sem vonandi má líta á sem
yfirsjón en ekki nýjan stíl.“
Í bókun borgarstjóra segir, að
hann standi við hvert orð sem sagt
var í viðtalinu pg lýsi enn andúð
sinni á dylgjum Ólínu í borgarstjóm
um fyrirtæki Heklu og forystu
Sjálfstæðisflokksins. „Þar komu
fram hjá Ólínu tilhæfulausar full-
yrðingar, sem sagðar voru hafðar
eftir „ónafngreindum aðilum úti í
bæ.“ Málflutningur af þessu tagi
er ekki sæmandi á vettvangi borg-
arstjórnar Reykjavíkur og hika ég
ekki við að láta það álit mitt koma
fram opinberlega."
-----»■ ♦ »-
Lægritónhæð
í kirkjum
HAUKUR Guðlaugsson söngmála-
stjóri þjóðkirkjunnar kynnti í gær
á prestastefnu útgáfu af Hátíðar-
söngvum séra Bjarna Þorsteins-
sonar í lækkaðri tónhæð.
Nýja útgáfan er í tvennu lagi og
er í öðrum hlutanum söngurinn lækk-
aður um hálftón en í hinum um heil-
tón.
Þess er vænst að útgáfan muni
auðvelda prestum og kirkjukórum
flutning þegar þeir geta tónað í lægri
tónhæð.
Morgunblaðið/Bjarni
.
r Ítríiíí; ir* / * »4 -. ^ r í I®
i " • jBon ^ ' s Æm
Framkvæmdum við nýtt dómshús að ljúka
Framkvæmdum við hús Héraðsdóms Reykjavíkur,
gamla Útvegsbankahúsið, er nú að ljúka. Héraðs-
dómurinn, sem taka mun til starfa 1. júlí næstkom-
andi samkvæmt nýjum lögum um aðskilnað dóms-
og umboðsvalds, flytur í húsið í lok þessarar viku
og byijun þeirrar næstu, að sögn Friðgeirs Björns-
sonar, yfirborgardómara. Eftir mánaðamót verða
núverandi borgardómarar héraðsdómarar og munu
kveða upp dóma sína í dómssal eins og þeim, sem
sést á myndinni. Á minni myndinni er verið að ganga
frá anddyri dómshússins.
Borgarráð:
93 milljóna
aukafjárveit-
ing vegna
sumarvinnu
BORGARRÁÐ hefur samþykkt
að heimila 93 milljón króna auka-
fjárveitingu vegna sumarvinnu
skólafólks og fjölga þannig sum-
arstörfum um 330. í yfirliti Ráðn-
ingarskrifstofu Reykjavíkur-
borgar kemur fram að í lok maí
voru 452 skólanemar skráðir at-
vinnulausir, þar af höfðu 159
verið á skrá í sex vikur og 202 í
fimm vikur.
Gert er ráð fyrir, að 28 millj.
fari til Skógræktarfélags Reykjavík-
ur og að þar fjölgi störfum um 100.
Meðal verkefna sem þar verða unn-
in er grófjöfnun lands milli Stekkjar-
bakka og Elliðaárhólma með jarðýtu
og gröfu en síðan taki unglingar
við og sjái um fínjöfnun með hrífu
og herfum, sá áburði og grasfræi.
Gróðursett verða stór grenitré og
aspir ásamt fleiri tegundum.
Til embættis gatnamálastjóra er
veitt rúmum 36,7 millj. vegna um-
ferðardeildar, rríalbikunarfram-
kvæmda og sorphirðu. Til embættis
garðyrkjustjóra er veitt rúmum 28,2
millj. til verkefna við borgargarða,
ræktunarstöð og í Grasagarð.
Forsíðufrétt Financial Times um raforkuútflutning frá íslandi:
Möguleikarnir gætu byggst á
sölu áfram til meginlands Evrópu
Orkuframleiðsla í Bretlandi meiri en þörfin innanlands
í forsíðufrétt í gær sagði breska dagblaðið Financial Times frá forat-
hugun sem Pirelli Cables, Inc. og Vattenfall Engineering AB eru að
vinna fyrir Landsvirkjun, varðandi lagningu sæstrengs til Bretlands
með raforkuútflutning í huga. Þar segir meðal annars að slíkur kapall
yrði tæplega fimm sinnum lengri en sá lengsti hingað til. Blaðið segir
að því sé spáð að um og upp úr aldamótum verði orkuframleiðsla í
Bretlandi meiri en þörf innanlands. Orkuflutningur frá íslandi til Bret-
lands muni því e.t.v byggjast á áframhaldandi sölu til meginlands
Evrópu. Slíkir möguleikar væru góðir vegna aukinnar vitneskju um
skaðsemi kola- og kjarnorkuframleiddrar orku, í sífellt „grænni“ Evr-
ópu.
Jóhann Már Maríusson, aðstoðar-
forstjóri Landsvirkjunar, sagði það
rétt að ítalski kapla- og dekkjafram-
leiðandinn Pirelli og sænska fyrir-
tækið Vattenfall Engineering væru
að gera forathuganir fyfir Lands-
virkjun á lagningu sæstrengs frá
Islandi með möguleika á orkusölu til
meginlandsins í huga.
Aðspurður kvað Jóhann stærð-
argráðu fjárfestingarinnar geta orðið
kringum 50 milljarða króna, og væri
þá miðað við tæplega 1.000 kíló-
metra langan kapal til Bretlands.
Flutningsgeta slíks kapals yrði um
500 MW, sem svaraði til afls rúm-
lega tveggja Búrfellsvirkjana.
„Virkjunarkostir um land allt eru
í athugun samhliða þessu máli,“
sagði Jóhann, og aðspurður kvað
hann stóru jökulámar á Austurlandi
vera inni í því dæmi. „Ég vil þó taka
það skýrt fram, að við erum ekki
komnir með kaupendur að rafork-
unni, markaðsdeildin er að líta á þá
hlið,“ sagði Jóhann. „Málið er á al-
geru undirbúningsstigi."
Jóhann sagði einnig, að í sínum
huga væri mun æskilegra að nýta
raforkuna til stóriðju innanlands en
að selja hana úr landi með fyrr-
greindum hætti. „Við erum þó ekki
að talk um annaðhvort eða,“ sagði
hann, og kvað þá lausn vera til at-
hugunar að virkja bæði fyrir stóriðju
og útflutning.
Aðspurður um hvort kapalverk-
smiðja yrði reist hér á landi ef til
lagningar sæstrengs kæmi kvaðst
hann ekki geta svarað því á þessu
stigi málsins, en það væri þó athygl-
isverður kostur. Hann sagði að í
fyrsta lagi væri mögulegt að hefjast
handa við framkvæmdir upp úr alda-
mótum, ef til þeirra kæmi, og því
allt of snemmt að spá nokkru frekar.
Hannes Hlífar næsti stórmeistari:
Náði 3. áfanganum
en vantar ELO-stíg
Kaldri norðanátt spáð út vikuna:
Kaldasti loftmassi á
norðurhveli jarðar
Alhvít jörð á Siglufirði
KALDASTI loftmassinn á öllu norðurhveli jarðar er nú yfir land-
inu og spáir Veðurstofa íslands köldum norðanstrekkingi á land-
inu vestan- og norðanverðu en hægari vindi á Suðaustur- og
Austurlandi. Gert er ráð fyrir að þetta veður haldist a.m.k. fram
á föstudag.
Einar Sveinbjörnsson veður-
fræðingur sagði að norðanáttin
nú væri með allra kaldasta móti
miðað við árstíma. í gær snjóaði
á heiðum Norðanlands og þess var
vænst að hitastig félli niður að
frostmarki aðfaranótt miðviku-
dags. Hiti í Grímsey á hádegi í
gær var aðeins ein gráða og heið-
ar á Vestfjörðum voru orðnar ill-
færar. Jörð var alhvít á Siglufirði
í gærmorgun og síðdegis var þar
éljagangur. Á Mývatni og víðar á
Norðurlandi fækkaði mjög á tjald-
stæðum er leið á daginn og víða
varð grátt niður í byggð.
Illskásta veðrið verður suðaust-
anlands, þar er gert ráð fyrir að
lengst af verði úrkomulítið og
6-10 gráðu hiti. Hiti norðanlands
verður 2-5 gráður og 4-7 gráður
og skúraleiðingar suðvestanlands.
Einar sagði að samspil Græn-
landshæðar og lægðar yfir aust-
anverðu landinu ylli því að mjög
kalt loft ætt|að norðan af Baffins-
landi bærist til landsins. Hann
sagði að þetta væri kaldasti loft-
massinn á öllu norðurhveli jarðar,
sem nú væri yfir landinu, en hlý-
indi í sjónum drægju þó verulega
úr loftkuldanum,
Einar sagði að nokkur dæmi
væru til um slík kuldaköst í seinni
hluta júnímánaðar. Fyrir ná-
kvæmlega tveimur árum, 23. júní
1990, var hiti 4-5 stig við norður-
ströndina en ekki jafnhvasst. í
júnímánuði 1959 snjóaði á Akur-
eyri. „Það er alls ekki hægt að
afskrifa sumarið. Ef kuldapollur-
inn yfir landinu kemur sér í burtu
breytist veðrið,“ sagði Einar.
HANNES Hlifar Stefánsson
skákmaður, sem náði 3. og síð-
asta áfanga að titli stórmeistara
með sigri á Rúmenanum Istrat-
escu í næstsíðustu umferð
Ólympíumótsins á Manila, verður
tekinn í raðir stórmeistara jafn-
skjótt og hann nær 2.500 ELO-
skákstigum en hann hefur nú
2.445 stig. „Það er ekki hægt að
segja að ég hafi náð titlinum
strax en um leið og ég næ 2.500
stigum þá telst ég til stórmeist-
ara,“ sagði Hannes í samtali við
Morgunblaðið, frá Filipseyjum, í
gær. Stig skákmanna eru reikn-
uð út tvisvar á ári og fer næsti
útreikningur fram um áramót.
Að öðru leyti vildi Hannes sem
minnst um málið ræða fyrr en hann
kæmi heim að loknu Ólympíumót-
inu. Þegar Morgunblaðið náði síma-
sambandi við Hannes var klukkan
að verða 23 að staðartíma og ís-
lenska skáksveitin var að ganga til
náða og undirbúa slaginn í 14. og
síðustu umferðinni, sem tefld verð-
ur í dag, en Hannes Hlífar kvaðst
samt ekki vita hver andstæðingur
hans yrði í síðustu umferðinni.
I lokaumferðinni í dag ræðst
Hannes Hlífar Stefánsson
hvort íslenska skáksveitin, sem nú
er í 7. -10. sæti, kemst í verðlauna-
sæti á mótinu en úrslit í skák Hann-
esar, sem verður sú níunda sem
hann teflir á mótinu, hafa ekki
áhrif á það að hann hefur þegar
náð tilskildum 6 Vi vinningi úr 9
skákum. Það er sá árangur sem
krafist er til að áfangi að stórmeist-
aratitli teljist viðurkenndur.