Morgunblaðið - 14.04.1993, Blaðsíða 33

MQRGU>ÍBLA£>IÐ MIÐVIKUDAQUR 14. APRIL 1993
33
Styrktarfélag vangefinna og For-
eldrafélag barna með sérþarfir
Starfsmaður ráðinn til að
aðstoða foreldra fatlaðra
SVANFRÍÐUR Larsen hefur verið ráðin starfsmaður Styrktarfélags
vangefinna á Norðurlandi og Foreldrafélags barna með sérþarfir á
Akureyri, en félögin njóta til þess styrks frá Akureyrarbæ.
Starfsmaður félaganna hefur það
hlutverk að aðstoða foreldra fatl-
aðra m.a. við að fá upplýsingar um
rétt sinn, að fá yfirsýn yfir ýmiss
konar aðstoð og þjónustu sem sam-
félagið veitir þeim og börnum þeirra
og að vinna með þeim að úrbótum
á því sviði.
Starfsmaðurinn stendur utan
þjónustkerfanna og vinnur sjálf-
stætt í samráði við félögin. Hann
kynnir foreldrum foreldrastarf og
hagsmunasamtök fatlaðra og skap-
ar tengsl við foreldra sem reynslu
hafa af umönnun fatlaðs barns og
eins getur hann útvegað margs
konar fræðsluefni ef óskað er.
Þessi þjónusta stendur öllum for-
eldrum fatlaðra til boða óháð því
hvort þeir eru félagar í ofangreind-
um samtökum.
Starfsmaðurinn hefur aðsetur í
húsnæði félaganna í Stórholti 1 og
tekur þar á móti foreldrum eða
heimsækir þá, allt eftir óskum
þeirra. Svanfríður er á skrifstofunni
í Stórholti 1 mánudaga til miðviku-
daga frá kl. 10 til 12.
Morgunblaðið/Rúnar Þór.
Svellalög
SVELL liggja viða yfir túnum við utanverðan Eyjafjörð og í Fnjóska-
dal og er veruleg hætta á kali í vor. Þessi mynd er tekin heim að
bæjunum Víðivöllum og Víðifelli í Fnjóskadal þar sem gífurleg
svellalög hafa verið í vetur.
Veruleg hætta á
kalskemmdum
Ytn-Tjörnum, Eyjafjarðarsveit.
EINSTÖK veðurblíða hefur verið hér undanfarnar vikur og eru tún
að byrja að taka lit. Farfuglar láta nú sjá sig hver af öðrum, svo
sem þrestir, grágæs og tjaldur og síðan en ekki síst er blessuð lóan
farin að kveða sitt undurfagra stef „dýrðin, dýrðin".
Jörð hefur verið lengi auð hér
um slóðir og engin hætta á kali hér
í Eyjafjarðarsveit, en öllu verra út-
lit er í útsveitum héraðsins og í
Fnjóskadal þar sem svell hafa legið
á túnum mjög lengi í vetur.
Áhyggjur af kali
Að sögn Ólafs G. Vagnssonar
ráðunautar hjá Búnaðarfélagi Eyja-
fjarðar hefur Bjarni Guðleifsson
kalsérfræðingur á Möðruvöllum
verið að taka torfusýni úr túnum
og sýr.du þær rannsóknir að allt
var í lagi fram til 10. mars, en þar
sem svell lágu á túnum fram yfir
síðustu mánaðamót, það er að segja
mars/apríl, hefur Bjarni verulegar
áhyggjur af kali.
Álfhildur Jónsdóttir á Víðifelli í
Fnjóskadal sagði að gífurleg svella-
lög hefðu verið á túnum í vetur,
en þau væru rétt að koma upp úr
þessa dagana. Erfitt væri að sjá
hvort mikið kal yrði í vor, en það
fer að töluverðu leyti eftir veðráttu
á næstunni, hvort mikil frost yrðu
um nætur eða tíð héldist mild
áfram.
Nú líður að því að kartöflubænd-
ur fari að setja útsæði í spírum og
má búast við snemma verði sett
niður í vor eftir útlitinu nú. Tölu-
verð eftirspurn er eftir góðu útsæði
og ætti því verðið að haldast vel
uppi. Benjamín
MYNDLISTASKÓLINN
Á AKUREYRI
Kaupvangsstræti 16
auglýsir inntöku nýrra nemenda ífornámsdeild, málun-
ardeild og grafíska hönnun veturinn 1993-1994.
Umsóknareyðublöð fást á skrifstofu skólans,
Kaupvangsstræti 16.
Allar nánari upplýsingar veitfar í síma 96-24958.
Umsóknarfrestur ertil 15. maí.
Skólastjóri.
Morgunblaðið/Rúnar Þór
Snædrottningar
VINKONURNAR íris Kara og Snædís hvíla lúin bein í Hlíðarfjalli, en þar var mikið fjölmenni alla
páskadagana.
Um tíu þúsund manns í
Hlíðarfjalli um páskana
TALIÐ er að um 10 þúsund manns hafi komið
í Hlíðarfjall um páskana, en að jafnaði voru frá
um 2.000 og upp í um 2.500 manns þar daglega.
Mikil veðurblíða var alla dagana, sólskin og logn.
Mikið var um aðkomufólk í Hlíðarfjalli og greini-
legt að margir lögðu land undir fót til að renna
sér þar í brekkunum.
Pyngjan þyngdist
ívar Sigmundsson, forstöðumaður í Hlíðarfjalli,
sagði að páskarnir nú hefði verið ákaflega góðir,
en sjaldgæft væri að einmuna veðurblíða héldist
svona marga daga íröð. í kjölfar þess að mikill fjöldi
fólks var á svæðinu páskadagana hefði pyngjan
þyngst verulega, en fram að páskum hefði skíðavert-
íðin ekki gengið sem best, m.a. vegna tíðarfars sem
var rysjótt frá áramótum. „Þessir dagar bjarga ekki
allri vertíðinni, en það hefði orðið gífurlegt áfall ef
þeir hefðu orðið ónýtir eins og í fyrra,“ sagði Ivar.
Gott skíðafæri
Ivar sagði sem dæmi um hversu vel gengið hefði,
þrátt fyrir mikinn mannfjölda, að aldrei hefði þurft
að kalla til sjúkrabíl, en slíkt væri ekki óeðlilegt þar
sem svo margt fólk er saman komið til skíðaiðkun-
ar. Þá hefði ekki orðið vart bilana í tækjum og allt
því gengið snurðulaust fyrir sig.
Skíðafæri er gott í Hlíðarfjalli og nægur snjór,
en um næstu helgi verður haldið þar alþjóðiegt skiða-
mót með um 70 þátttakendum og er um helmingur
þeirra frá útlöndum. í næstu viku verða Andrésar
andar-leikarnir haldnir með þátttöku um 800 barna
víðs vegar af landinu, en ívar sagðist hafa trú á því
að fljótlega eftir leikana myndi skíðavertíðinni ljúka.
Menningarhátíð í Eyj afj arðarsveit
Ljóðakvöld, hestaíþróttir
tónleikar og leiksýningar
MENNINGARHÁTÍÐ hefst í Eyjafjarðarsveit laugardaginn 17. apríl
næstkomandi og stendur hún til sunnudagsins 25. apríl. Þetta er £
fyrsta sinn sem efnt er til menningarhátíðar í Eyjafjarðarsveit og er
dagskráin fjölbreytt; tónlist, leiklist, myndlist og andans orð.
„Hugmyndin hefur verið að geij-
ast í nokkurn tíma, en það er ár frá
því ákveðið var að efna til þessarar
menningarhátíðar nú í vor. Heima-
fólk kemur mikið við sögu, við viss-
um af því að fólk stundar listalíf í
frístundum, málar eða yrkir eða eitt-
hvað þess háttar og menningarhátíð-
inni er ætlað að gefa fólki tækifæri
til að koma list sinni á framfæri og
við höfum hvatt menn til að draga
upp úr pokahorninu það sem það
hefur fram að færa. Síðan höfum
við fengið ýmsa utansveitar til að
krydda dagskrána, þannig að hér
verður á boðstólum fjölbreytt efni,“
Flugfélag Norðurlands
Gæsir skemmdu hreyfil
Metró-skrúfuþotunnar
VONAST er til að hægt verði að fljúga skrúfuþotu Flugfelags Norð-
urlands, Metro Fairchild, að nýju um næstu helgi, en nýr hreyfili í
vélina er á leið til landsins. Gæsir lentu í hreyfli vélarinnar síðastlið-
inn laugardag.
Flugvélin kom inn til iendingar
á Akureyrarflugvelli um kl. 18 á
laugardag þegar þtjár gæsir flugu
í veg fyrir hana og lentu á henni,
en talið er að ein þeirra hafi sogast
inn í hreyfilinn.
Sigurður Aðalsteinsson fram-
kvæmdastjóri Flugfélags Norður-
lands sagði að búið væri að taka
hreyfilinn af vélinni og yrði hann
sendur til viðgerðar til Bandaríkj-
anna í verksmiðjuna þar sein vélin
var smíðuð. Reiknaði hann með að
hreyfillinn sem félagið fær verði
kominn til landsins um næstu helgi.
Mikið tjón
Ekki er vitað hversu mikið tjón
hlaust af óhappinu, en nýr hreyfill
kostar um 20 milljónir króna. Sig-
urður sagði að aðrar vélar félagsins
hefðu verið notaðar á innanlands-
leiðum og útlit væri fyrir að féiagið
missti ekki af verkefnum erlendis
þrátt fyrir óhappið.
sagði Leifur Guðmundsson, formað-
ur menningarmálanefndar Eyja-
fjarðarsveitar.
Ljóðakvöld
Hátíðin verður sett næsta laugar-
dag í Vín, þann dag verða einnig
haldnir tónleikar og harmonikku-
dansleikur í Laugarborg. Dagur
barnanna verður haldinn í íþrótta-
húsinu á Hrafnagili á sunnudag og
þá verða blústónleikar í Vín. Ljóða-
kvöld verður haldið í Vín á mánu-
dagskvöldið 19. apríl og á þriðjudag
verður leik- og tónlistardagskrá í
Freyvangi þar sem unglingar, Félag
aldraðra og Freyvangsleikhúsið sjá
um dagskrá.
Hestaíþróttamót
Jasskvöld verður haldið í Vín á
miðvikudagskvöld og á fimmtudag,
sem er sumardgurinn fyrsti, verður
hestaíþróttamót Funa haldið á Mel-
gerðismelum, kaþóisk messa verður
á Munkaþverá og tónleikar Tónlist-
arskóla Eyjafjarðar í Sólgarði, en
Leikfélag Vopnafjarðar sýnir Músa-
gildruna í Laugarborg. Freyvangs-
leikhúsið sýnir Ljón í síðbuxum ,í
Freyvangi á föstudag og rokktón-
leikar verða fyrir yngra fólkið í
Laugarborg.
Laugardag 24. apríl verður söng-
dagskrá í Laugarborg og dansleikur
og á sunnudag verður helgistund í
Grundarkirkju þar sein Jón Þor-
steinsson og Gígja Kjartansdóttir
syngja.