Morgunblaðið - 23.05.1993, Síða 18

18 B_____________________________MORGUNBLAÐIÐ SUNNUDAGUR 23. MAÍ 1993_________________
- AF SPJÖLDUM GLÆPASÖGUNNAR/4. apríl 1958 fannst Johnny Stompanato
myrtur í svefnherbergi ástkonu sinnar, Hollywood-stjörnunnar Lönu Turner. Sagt
er að 14 ára dóttir leikkonunnar hafi orðið honum að bana.
HARMLEIKUR

IHOLLYWOOD
CHERYL Crane er einkabarn Lönu Turner. Hún fæddist árið
1944, nokkrum mánuðum eftir að stuttu hjónabandi Lönu og
veitingamannsins Stephen Crane lauk með skilnaði. Stephen
Crane var annar í röðinni af þeim sjö mönnum sem leitt hafa
Lönu Turner upp að altarinu. Cheryl ólst upp hjá móður sinni
umkringd þjónum, íburði og frægu fólki. Þegar Cheryl var fjórt-
án ára skildi Lana við fjórða eiginmann sinn, Lex Barker, og
fljótlega tók hún upp samband við mann að nafni Johnny Stompan-
ato. Sá var vafasamur pappír með skrautlega fortíð; hávær, skap-
stór og ofsafenginn; herskólagengin stríðshetja sem sneri baki
við hermennsku til að ganga í þjónustu Micky Cohens, eins þekkt-
asta bófaforingja Los Angeles. Johnny var um skeið náinn aðstoð-
armaður Cohens, fyrst einkabílstjóri hans og lífvörður en síðar
tók hann að sér að rukka inn spilaskuldir og okurlán en þegar
leiðir hans og Lönu lágu saman hafði Johnny þó um skeið starfað
á eigin vegum og haslað sér völlí fagi þar sem hann virtist á
réttri hillu: fjárkúgun.
Johnny Stompanato þótti mynd-
ar'.egur maður og honum
hafði tekist að græða fé á
útliti sínu. Hann stundaði nætur-
klúbba borgarinnar og lagði þar
snörur sínar fyrir auðugar giftar
konur. Síðan lét hann taka myndir
af sér með þeim við vafasamar
aðstæður og hótaði að kynna eigin-
mönnum kvennanna fílmurnar
nema hann fengi greiddar vænar
•fúlgur. Þessi bissness gekk býsna
vel að talið er en Johnny taldi þó
að sín biðu stærri hlutir og hann
ætti vísan frama sem kvikmynda-
stjama.
Einhvem veginn Iágu leiðir hans
og Lönu Turner saman og hann
varð fljótt fastur fylgdarmaður
hennar. Svo virtist sem Cheryl
væri vel sátt við þennan nýjasta vin
mömmu sinnar. Johnny lét mikið
með hana en þáði um leið dýrar
gjafir frá mömmunni sem lét til
leiðast að lána Johnny 10 þúsund
dali, sem var stórfé á þeim tíma.
- Allt virtist í blóma í þessu sam-
bandi þegar Lana Tumer tók dóttur
sína með sér til Englands til að
vinna við tökur myndarinnar
Another Time, Another Place.
Jonny fylgdi í kjölfarið til Englands
og var aufúsugestur. Hann flutti
inn á þær mægður í hús sem Lana
fékk til ráðstöfunar. Nú fannst Jo-
hnny tími til kominn að láta rætast
drauminn um frægð og frama á
hvíta tjaldinu og í Englandi bað
hann Lönu að lána sér 50 þúsund
dali til að kaupa kvikmyndahandrit
sem hann hafði heyrt látið vel af.
Johnny ætlaði sjálfum aðalhlutverk-
ið í kvikmynd eftir handritinu. Lana
Tumer neitaði. Þá varð Johnny
æfur og skömmu síðar sýndi hann
hvern mann hann hafði að geyma
þegar hann mætti í myndverið þar
sem tökur stóðu yfir, veifaði um sig
byssu og hafði í hótunum um að
vinna Lönu mein. Það var mótleik-
ari Lönu, Sean Connery, sem þagg-
aði niður í pilti með því að slá hann
kaldan.
Eftir þetta ætlaði Lana að henda
Johnny á dyr en þá lagði hann á
hana hendur, tók hana hálstaki og
hótaði að „snyrta" á henni andlitið
með rakhníf. Cheryl varð vitni að
þessu og fékk það að sögn mikið á
hana. Leikstjóri myndarinnar gekk
nú í málið til að tryggja vinnufrið.
Hann leitaði aðstoðar yfirvalda.
Scotland Yard lét handtaka Stomp-
anato, koma honum um borð í flug-
vél og vestur um haf.
Vildi ekki taka hann með sér
á Óskarinn
Þar með virtist sem farsællega
hefði tekist að losa Lönu Tumer
við þennan vandræðagemsa í eitt
skipti fyrir öll, kvikmyndatökur
héldu áfram og gerð myndarinnar
lauk án frekari tíðinda. En þegar
þær mæðgur sneru aftur heim til
Kaliforníu lét Lana Turner hins
vegar það verða sitt fyrsta verk að
hringja í Johnny Stompanato, sætt-
ast við hann og taka upp samband-
ið að nýju. Stampanato fluttist nú
inn á heimilið og fljótlega tók Lana
hann með sér í sjö vikna frí til
Acapulco. Þaðan komu þau heim
nokkrum vikum fyrir Óskarsverð-
launaathöfnina vorið 1958. Lana
hafði verið tilnefnd til verðlaunanna
fyrir Ieik sinn í kvikmyndinni Peyt-
on Place og ætlaði því að vera við-
stödd athöfnina. Hún taldi hins veg-
ar ekki heppilegt að taka Johnny
þangað með sér.
Johnny reiddist þessu en það sem
talið 'er hafa valdið því að upp úr
sauð og hann missti allt vald á sínu
mikla skapi var þó það að Lana
neitaði honum enn einu sinni um
peninga. Johnny hafði ekki brugðið
þeim vana sínum að spila fjárhættu-
spil og nú var svo komið að hann
skuldaði stórfé. Að kvöldi 4. apríl
1958 var Johnny farið að hitna í
hamsi og enn einu sinni heimtaði
hann peninga af Lönu en hún sat
fast við sinn keip.
Cheryl var heima og heyrði
Johnny Stompanato öskra á Lönu:
„Þú vinnur fyrir þér með andlitinu,
og ég skal skemma á þér andlitið.
Þú skalt sjá eftir þessu alla ævi,“
sagði hann. Lana hljóp út úr her-
berginu og í flasið á dóttir sinni,
sem hafði legið á hleri. Lana bað
Cheryl að fara og skipta sér ekki
af deilum þeirra og svo virðist sem
nærvera Cheryl hafi orðið til þess
að hún ákvað að snúa við, því hún
fór aftur inn í herbergið og lokaði
dyrunum. Hún á nú að hafa sagt
Johnny að hún vildi ekkert hafa
með hann að gera og hann skyldi
koma sér út í eitt skipti fyrir öll.
Johnny svaraði með því að gera
sig enn einu sinni líklegan til að
beita valdi og enn hljóp Lana fram
á gang undan ofbeldismanninum,
sem elti hana mundandi herðatré
ógnandi á lofti. En Johnny komst
ekki langt; í dyrum svenherbergis-
ins gekk hann í flasið á Cheryl sem
hafði sótt búrhníf í eldhúsið. Þegar
hún óttaðist að Johnny ætlaði enn
að leggja hendur á móður sína steig
hún fram og rak 25 sm langt hnífs-
blaðið á kaf í kvið Johnnys.
Hringdi i alla nema sjúkraliðið
„Þetta gerðist allt svo snöggt,"
sagði Lana Turner seinna í réttar-
salnum. „Ég sá aldrei hnífinn, ég
hélt fyrst að hún hefði slegið hann
í magann. En Cheryl hafði gripið
til róttækari ráða en svo og nú
greip Johnny Stompanato um kvið-
inn og hneig niður. Það hrygldi í
honum, hann reyndi að segja eitt-
hvað en kom ekkki upp orði. Lana
Turner náði í handklæði og hafði í
frammi einhveija tilburði til að
binda um sárin en allt var það til
einskis þvi á skammri stundu fjaraði
líf Johnnys Stompanatos út. Varla
verður sagt að Lana Tumer hafi
gert allt sem hægt var til að koma
þessum elskhuga sínum undir lækn-
ishendur. Fyrst af öllu hringdi hún
í móður sína og að því búnu í þekkt-.
an lögfræðing, Jerry Geisler, sem
hún bað koma heim ,til sín strax.
Að því búnu hringdi Cheryl Crane
hringdi í föður sinn og bað hann
um hjálp. Crane varð fyrstur á stað-
inn og sá hvers kyns var; Stompan-
ato lá lífvana á svefnherbergisgólf-
inu.
Crane sagði að Cheryl hefði sagt
við sig: „Ég drap hann pabbi, en
ég ætlaði ekki að gera það. Hann
var að meiða mömmu, ég ætlaði
ekki að gera þetta.“ Örskömmu síð-
ar kom Geisler á staðinn og hitti
hinn fræga skjólstæðing sinn í
fyrsta skipti.
Það var fyrst á þessu stigi, eftir
að lögfræðingurinn var mættur á
staðinn að einhver gaf sér tíma til
að hringja í yfirvöld og tilkynna um
hina voveiflegu atburði. Lögreglu-
stjóri Beverly Hills kom sjálfur á
staðinn með mikið lið manna. Fljót-
lega streymdu blaðamenn að og sá
fyrsti þeirra heyrði Lönu Turner
grátbæna lögreglustjórann að
handtaka sig og blanda ekki bless-
uðu barninu frekar í þessar hörm-
ungar. „Hún var bara að veija mig,
elskan litla. Gerðu það, segðu að
ég hafi gert þetta,“ sagði Lana við
lögreglustjórann þegar réttarlækn-
irinn tilkynnti lögreglustjóranum
opinberlega að Stompanato væri
dauður.
Lögreglustjórinn lét ekki segjast
þótt Lana Tumer segði honum tár-
vot í áheym viðstaddra alla söguna
um samband sitt við Johnny Stomp-
anato. Að sögunni lokinni sagði lýsti
lögreglustjórinn því yfir að honum
væri nauðugur einn kostur að hand-
taka Cheryl og grátbænir Lönu um
að fá að sitja inni í stað dóttur sinn-
ar komu ekki öðrum að haldi en
fyrirsagnasmiðum dagblaðanna.
Fjölmiðlar um Bandaríkin þver og
endilöng og allan hinn vestræna
heim gerðu máli þessu hin ítrustu
skil í máli og myndum næstu daga
og vikur.
Meðan Cheryl Crane sat í ungl-
ingafangelsi og beið réttarhalda
vegna morðákæru rifjuðu síðdegis-
blöðin upp lauslætislíf Lönu Turner
og hugsanleg skaðleg áhrif fjöl-
margra og stormasamra sambanda
hennar á sálarlíf Cheryl. Jafnvel
mátti sjá á prenti alls konar kenn-
ingar um að í raun og veru hefði
eittthvað allt annað og miklu sóða-
legra átt sér stað á heimilinu en
Lana Turner vildi halda fram en
allt voru það óábyrgar spekúlasjón-
ir.
Stærsta stundin á ferlinum
Fljótlega kom að því að réttað
var í máli Cheryl Crane. Hún var
ákærð fyrir manndráp. Lögfræð-
ingurinn Geisler kallaði móður
Lana Turner felldi mörg tár við
réttarhöldin yfir dótturinni,
Cheryl Crane.
Johnny Stompanato var vafa-
samur pappír með skrautlega
fortíð; hávær, skapstór og ofsa-
fenginn fjárkúgari.
hennar fyrir réttinn að bera vitni
og er það hald margra að stærsta
stundin á leikferli Lönu Turner hafi
verið daginn þann í réttarsalnum
þegar hún rakti hvað gerst hefði
hinn örlagaríka dag og sýndi ör-
væntingu sína yfir því hvaða örlög
biðu dóttur hennar. Lana Turner
var óspör á tárin og móðurástina
þennan dag í vitnastúkunni og er
fullyrt að á meðan hún svaraði
spurningum lögfræðings síns hafi
hún látið í ljós dýpri umhyggju fyr-
ir dóttur sinni og meiri áhyggjur
af velferð hennar en hún hafði sýnt
í verki samanlögð æviár barnsins
fram að því.
A eftir Lönu steig Cheryl í vitna-
stúku og endurtók nánast orð fyrir
orð söguna eins og móðir hennar
hafði sagt hana. Niðurstaða réttar-
ins kom svo ekki á óvart. Hún var
sú að Cheryl Crane hefði framið
manndráp í nauðvörn og því væri
verkið refsilaust. Móður Lönu var
falin forsjá barnsins en undir eftir-
liti yfirvalda. Lana Turner og
Cheryl áttu alla samúð almennings
meðan á þessum hremmingum stóð
og leikferill Lönu leið ekki fyrir
þetta. Þvert á móti. Þegar næstu
myndir hennar voru teknar til sýn-
inga streymdu áhorfendur að sem
aldrei fyrr.
Af Cheryl er það að segja að
ömmu hennar fólst forsjárstarfið
ekki of vel úr hendi. Telpunni gekk
erfiðlega að ná fótfestu í lífinu eft-
ir hremmingar þessar og þar kom
að dómstóll dæmdi hana til vistar
í betrunarskóla. Mótþróaskeiðinu
lauk hins vegar með unglingsárun-
um og Cheryl Crane náði áttum.
Síðast þegar af henni fréttist bjó
hún í San Francisco þar sem hún
naut velgengni sem fasteignasali.
Cheryl hefur skrifað bók um líf sitt
en þar kemur m.a. frá því að hún
sé lesbía. Hvað varðar dauðdaga
Johnnys Stompanatos víkur hún
ekki frá hifini áður útgefnu sögu
og bók hennar varð ekki til að
kæfa þær raddir sem fyrr og síðar
hefur mátt heyra halda því fram
að enn hafi ekki verið sagður sann-
leikurinn um það hvað gerðist í
raun og veru á heimili Lönu Turner
4. apríl 1958.
Ekki verður betur séð en vel fari á með elskhuganum og dótturinni á meðan tekið er viðtal við leikkon-
una Lönu Turner.