Morgunblaðið - 22.07.1994, Qupperneq 40

Jlewu&t
-setur brag á sérhvern dag!
MORGUNBLAÐIÐ, KKINGLAN I 103 REYKIAVÍK
SÍMI 691100, SÍMBRÉF 691181, FÓSTHÓLF 3040 / AKUREYRl: HAFNARSTRÆTl 86
FÖSTUDAGUR 22. JÚLÍ 1994 VERÐ í LAUSASÖLU 125 KR. MEÐ VSK
Skoraði
5 mörk
TÍUNDA umferð á íslands-
mótinu í knattspyrnu sem
leikin var í gærkvöldi varð
söguleg því
af sautján
mörkum sem
skoruð voru
í umferðinni
skoraði
Sumarliði
Arnason
fimm mörk í
sigurleik IBV í Vestmanna-
eyjum gegn Þór á Akureyri.
Það hefur ekki gerst frá
árinu 1985 þegar Halldór
Askelsson, Þór, skoraði
fimm mörk í leik gegn FH.
ÍBV vann leikinn 6-1,
■ Íslandsmótið/Dl-D3
Magnús Kristinsson
um ljósleiðara
Strengrir-
inn verð-
ur færður
ÚTGERÐARMENN í Vestmanna-
eyjum funduðu í gærkvöldi með
fulltrúum Pósts og síma vegna
lagningar ljósleiðarastrengs á hefð-
bundinni togslóð við Vestmannaeyj-
ar. Að sögn Magnúsar Kristinsson-
ar, talsmanns útgerðarmanna, er
alveg ljóst að strengurinn verði
færður næsta sumar, enda sé ekki
hægt að tryggja rekstraröryggi
hans verði það ekki gert.
Magnús segir að á fundinum
hafí útvegsmenn gefið fulltrúum
Pósts og síma upplýsingar um botn-
lagið á veiðislóð og lagt fyrir þá
tillögur sínar um nýja staðsetningu
strengsins. Hann segir á næstu vik-
um muni Póst- og símamálastjóri
kynna sjómönnum nákvæma legu
strengsins.
■ Kostnaður ekki ljós/4
A
Davíð Oddsson forsætisráðherra um Island o g Evrópusambandið
Ekkert hefur gerst sem
réttlætir breytta stefnu
DAVÍÐ Oddsson forsætisráðherra
sagði á blaðamannafundi í gær, að
afloknum fundi með utanríkismála-
nefnd Alþingis, að ekkert hefði
gerst á undanförnum dögum eða
vikum sem réttlætti breytingu á
stefnu íslendinga gagnvart Evr-
ópusambandinu. Það lægi líka fyrir
af hálfu ESB að ný aðildarríki yrðu
ekki tekin inn í sambandið fyrr en
að aflokinni ríkjaráðstefnu, sem á
að hefjast 1996 en myndi hugsan-
lega ekki ljúka fyrr en 1998.
Fundir með ESB
í næstu viku fundar forsætisráð-
herra með forsvarsmönnum ESB í
Brussel og sagði hann að meginum-
ræðuefni þeirra funda yrðu tvö.
Annars vegar hvemig tryggja
mætti að íslendingar héldu tolla-
fríðindum sínum hjá þeim EFTA-
ríkjum sem líklega munu gerast
aðilar að ESB á næsta ári og hins
vegar breytingar á stofnanakerfi
EES þegar og ef EFTA-ríkjunum
í EES fækkar.
Forsætisráðherra sagðist hafa
viljað tryggja að sjónarmið hans
varðandi stefnuna gagnvart ESB
nytu stuðnings í utanríkismálanefnd
áður en hann héldi til Brussel.
Mikilvægt veganesti
til Brussel
„Ég vildi ekki fara til þessa fund-
ar í Brussel nema vita það að þau
sjónarmið sem ég hef uppi í þessu
máli hafi stuðning í utanríkismála-
nefnd, er allir flokkar eiga aðild
að. Það kom glöggt fram á þessum
'^■h'undi að utanríkismálanefndin sem
heild styður þessi sjónarmið mín
og það tel ég afskaplega mikilvægt
veganesti," sagði Davíð Oddsson.
Hann tók fram að með EES-
samningnum hefðu íslendingar náð
fram -öllum þeim efnahagslegu
Morgunblaðið/Golli
DAVÍÐ Oddsson og Jón Baldvin Hannibalsson með utanríkismálanefnd Alþingis í gær.
hagsmunaatriðum sem fengjust
með ESB-aðild án þess þó að þurfa
að afsala sér yfirráðum yfir helstu
auðlind sinni, fiskimiðunum.
Enginn útilokar aðild í
framtíðinni
Forsætisráðherra sagði mikil-
vægt að hvergi hefði komið fram
að skilmálum Rómarsáttmálans um
sameiginlega fískveiðistefnu hefði
verið breytt eða að til stæði að
breyta þeim. „Hitt er annað mál
að það hafa allir sagt, bæði ég og
aðrir, að það hefur enginn útilokað
það að aðild að ESB kæmi til í
einhverri framtíð. ESB breytist ár
frá ári og það er enginn sem útilok-
ar slíka aðild. Það er ekkert sem
kallar á það núna, í einhverju óða-
goti, að nú eigi menn að fara að
snúa við blaði.“
Ekkert liggur á
Ekkert lægi heldur á, sagði for-
sætisráðherra, þar sem ljóst væri
að ekki yrðu tekin inn ný ríki fyrir
ríkjaráðstefnu ESB, sem á að hefj-
ast 1996. „Það hefur ekkért gerst
á síðustu vikum eða dögum, sem
réttlætir neina breytingu á stefnu
íslands ... Það er engin sérstök
tímapressa uppi núna því að það
vita allir að það verða ekki tekin
inn ný ríki í ESB fyrr en eftir þá
ríkjaráðstefnu, sem haldin verður.“
Davíð sagði það ljóst, m.a. af
fundargerðum, að íslendingar ættu
ekkert opið tilboð um aðild. Það
væri misskilningur. „Það liggur því
ekkert á. Það hefur ekkert gerst.
Þetta upphlaup núna er óþarft. ís-
lendingar tapa engum rétti og ís-
lendingar eru ekki að einangrast.
Það er mjög mikilvægt að fólk fái
ekki þá tilfinningu."
■ Utanríkismálanefnd /4
Morgunblaðið/Sverrir
Fjölsóttir tónleikar á Ingólfstorgi
FJÖLSÓTTIR tónleikar voru
haldnir fyrir ungu kynslóðina í
gærkvöldi á Ingólfstorgi. Voru
þeir lialdnir undir nafninu Bíla-
rokk til þess að beina sjónum að
ungu fólki og umferðarmálum og
telur lögreglan að nær 5.000
unglingar hafi heimsótt torgið.
Lögreglan á miðbæjarstöðinni
segir að tónleikarnir hafi farið
vel fram og hafi lítil sem engin
ölvun verið á staðnum.
Kaupendur Verkamannabústaða í Reykjavík
Greiðslubyrði lána
er að sliga marga
ERFITT þjóðfélagsástand og aukin greiðslubyrði
hefur valdið því að kaupendur verkamannabústaða
í Reykjavík eiga margir hveijir sífellt erfiðara með
að standa í skilum að sögn Guðrúnar Kr. Óladóttur,
sem á sæti í húsnæðisnefnd Reykjavíkur. Með laga-
breytingu árið 1990 var fyrning á yngri íbúðum en
tuttugu ára hækkuð úr 1% í 1,5% á ári og úr 0,75%
í 1% á ári ef hún er eldri en það. Guðrún segir þetta
vera töluvert miklar fyrningar, sem komi niður á
kaupendum en hafi verið ein leið til að fjármagna
kerfið.
Greiðslubyrði jókst um 30%
í mars á síðasta ári
„Þeir sem eru í dýrari íbúðum núna með þessa
fyrningu, hækkaða vexti og lækkandi tekjur eru
margir hveijir komnir í mikil vandræði, vegna þess
að vextirnir hækkuðu úr 1% í 2,4% í mars 1993 en
það er hækkun á greiðslubyrði um 30%,“ segir Guð-
rún. Hún segir að önnur ákvörðun, sem tekin var í
fyrra, hafi einnig komið fólki illa. Ef fólk fari yfir
viðmiðunarmörk í tekjum hækki vextir í 4,9%. „Og
auðvitað gerist þetta á mjög slæmum tíma í þjóðfélag-
inu,“ segir Guðrún. Vextirnir eru af lánum fyrir 90%
af kaupverði íbúðanna, sem Húsnæðisstofnun veitir
til 42 ára.
Reynt að aðstoða fólk með
skammtímalausnum
Guðrún segir að reynt sé að hjálpa fólki, sem lend-
ir í vandræðum, bæði með því að bjóða upp á flutning
í ódýrari íbúðir og með því að fresta lánum, sem sé
þó aldrei annað en skammtímalausn. í félagslega
kerfinu í Reykjavík eru um þrjú þúsund íbúðir. Á
hveiju ári er úthlutað nýjum og endurseldum íbúðum
til á fimmta hundrað manns, þar af um 150 nýjum
íbúðum að sögn Guðrúnar og er eftirspurnin mun
meiri en framboð.