Morgunblaðið - 19.08.1994, Page 14

14 FÖSTUDAGUR 19. ÁGÚST 1994
MORGUNBLAÐIÐ
VIÐSKIPTI
- Forstjórar olíufélaganna vísa því á bug að samráð
hafi verið viðhaft við ákvörðun um hækkun bensínverðs
Olíufélagið átti frum-
kvæðið og hin fylgdu
OLÍUFÉLAGIÐ átti frumkvæði að því að tilkynna um verðhækkun á
bensíni á miðvikudag og fylgdu hin félögin strax í kjölfarið. Forstjórar
olíufélaganna vísa því algjörlega á bug að eitthvert samráð hafi átt sér
stað við ákvörðun um þessa verðhækkun. Hækkunarþörfin hafi verið fyr-
ir hendi um skeið hjá öllum félögunum og ekkert óeðlilegt sé við það að
eitt félagið hafi látið til skarar skríða og hin tvö fylgt á eftir. Samkeppnis-
ráð ræddi verðhækkunina á fundi sínum í gær og fól Samkeppnisstofnun
að kanna hvort ástæða væri til íhlutunar af hálfu samkeppnisyfirvalda.
Teiur ráðið ýmislegt benda til þess að olíufélögin hafi haft samráð sem
brjótí í bága við ákvæði samkeppnislaga um ólögleg samráð fyrirtækja
um verðlagningu.
„Það hefur í sjálfu sér verið mjög
lengi fyrir hendi hækkunarþörf,"
sagði Kristinn Björnsson, forstjóri
Skeljungs í samtali við Morgun-
biaðið. „Bensínverð hækkaði síðast
um mánaðamótin apríl/maí og frá
þeim tíma hefur verðið á hveiju
tonni á Rotterdammarkaði hækkað
um 30-35 dollara að meðaltali. Frá
áramótum hefur verð hækkað 60
dollara. Á móti kom að gengi doll-
ars hefur lækkað úr tæplega 71
kr. í um 68,50 kr. Hækkunarþörfin
hjá okkur er núna liðlega 3 krónur
en við tókum ákvörðun um að
hækka um 2 krónur.“
Aðspurður um hvers vegna olíu-
Ericsson eykur
hagnað um 78%
Stokkhólmi. Reuter.
HAGNAÐUR sænska fjarskiptafyr-
irtækisins Ericssons jókst um 78%
fyrir skatta fyrstu sex mánuði þessa
árs og spáð er verulega betri af-
komu allt árið 1994.
Nýjum pöntunum fjölgaði á öðr-
um fjórðungi ársins, 11 ársfjórð-
unginn í röð. Pöntununum fjölgaði
um 19% í 40.34 milljarða sænskra
króna fyrri hluta ársins. Hagnaður
fýrir skatta jókst í 2.29 milljarða
króna.
félögin þrjú hækkuðu öll verðið á
sama degi sagði Kristinn alveg ljóst
að ef hækkunarþörf væri fyrir
hendi hjá einu félaginu gilti það
einnig um hin félögin. „Þó svo fé-
lögin kaupi olíufarma til landsins
sitt í hveiju lagi þá koma þeir á
svipuðum tíma. Skeljungur og Olís
kaupa t.d. svipað magn í einu og
bensínið kemur með sama skipinu
til landsins. Ég geri ráð fyrir að
þegar félögin frétta af hækkunar-
hugleiðingum hinna þá sé látið til
skarar skríða á sama tíma. Félögin
eru með sameiginlegar stöðvar víða
eins og t.d. á Vesturlandi og Vest-
fjörðum. Þegar eitt þeirra ákveður
að hækka eða lækka þá vita hin
félögin af því fáum klukkutímum
seinna. Ég vísa því algjörlega á bug
að það sé eitthvað samráð á milli
félaganna um hækkanir.“
Aðspurður um hvort góð afkoma
Skeljungs gæfi ekki tilefni til minni
hækkunar en ella sagði Kristinn
að betri afkoma tengdist ekki
álagningu á bensíni. „Við höfum
verið að ná fram hagræðingu í
rekstrarkostnaði. Álagning á bens-
íni er mjög lág og hún hefur ekki
verið að skila okkur auknum hagn-
aði.“
Einar Benediktsson, forstjóri
Olís, benti einnig á að bensínverðið
hefði verið óbreytt frá því í maí
og það hefði farið hratt hækkandi
síðari hluta sumars. „Það var til-
efni til hækkunar fyrr ef ekki hefði
komið til lækkun á dollar. Að mínu
áliti er þessi hækkun í lágmarki
miðað við. markaðsástandið núna.“
„Samkeppni snýst um þjónustu
og rekstrarkostnað"
Einar vísaði því algjörlega á bug
að olíufélögin hefðu tekið sameigin-
lega ákvörðun um hækkun. „Félög-
in hafa margar bensínstöðvar í
samrekstri. Um leið og eitt félag
sendir út tilkynningu um hækkun
fréttist strax af því til hinna. Það
er þekkt út um allan heim að verð-
munur verður aldrei mikill á bens-
íni í þéttbýli. Bensín er samkynja
vara þannig að samkeppnin hlýtur
að snúast um þjónustu og rekstrar-
kostnað."
Geir Magnússon, forstjóri Olíu-
félagsins hf., sagði það liggja í hlut-
arins eðli að verðstefnan markaðist
af því félagi sem væri með lægsta
verðið. Hann staðfesti að félagið
hefði átt frumkvæði að verðhækk-
uninni og hin félögin hefðu fylgt á
eftir. „Hins vegar er mjög hörð
samkeppni milli félaganna og það
er barist grimmt um hvern dropa
af öllum tegundum eldsneytis."
Hann sagðist telja að fremur
ætti að beina athyglinni að því
hvers vegna tekist hefði að halda
bensínverðinu óbreyttu allt frá því
í vor. „Verðið frá því 1. maí hefur
haldist óbreytt allt þar til nú m.a.
vegna þess að við erum með 2-3
mánaða birgðir. Lækkandi gengi
dollars hefur vegið upp verðhækk-
un á nýjum förmum hingað til en
núna varð eitthvað undan að láta.
Ég mótmæli því mjög ákveðið að
um samráð sé að ræða.“
þeírra sem
safna Hutschenreuther
postulíni:
30-50%
staðgreiðsluafsláttur
af nokkrum matar- og kaffistellum
sem verða tekin úr framleíðslu
á næsta árí.
SILFURBUÐIN
Kringlunni 8 —12 - Sími 689066
Niðurstöður úr samstæðu-
reikningi Eimskips janúar-júní 1994
Upphæðir í milljónum kr.

Rekstur Allt árið 1993 Jan.-júní 1993 Jan.-júní 1994 4.735
Rekstrartekjur 8.601 3.925
Rekstrargjöld 7.941 3.743 4.328
Fjármunatekjur og (fjárm.gjöld) (14) (4) (11)
Hagnaður af regiulegri starfsemi 646 178 396
Aðrar tekjur og (gjöld) (119) (183) (54)
Tekju- og eignarskattur (159) (7) (136)
Hagnaður/(tap) 368 (12) 206
Veltufé frá rekstri 1.461 545 804
Efnahagur 31.12/93 30.06/93 30.06/94
Eignir 9.802 9.746 10.132
Skuldir 5.157 5.608 5.362
Eigið fé 4.645 4.138 4.770
Eiginfjárklutfall 47% 42% 47%
Veltufjárhlutfall 1,30 1,12 1,26
Velta Eimskips jókst um 22%
fyrstu sex mánuði ársins
Hagnaður varð um
206 milljónir
HAGNAÐUR Eimskips varð alls um
206 milljónir króna fyrstu sex mán-
uði ársins. Þetta er um 4% af rekstr-
artekjum sem námu 4.735 milljónum.
Á sama tíma í fyrra nam tap félags-
ins 12 milljónum en á því tímabili
varð það fyrir 204 milljóna króna
gengistapi vegna gengisfellingar
krónunnar, sem að fullu var fært til
gjalda. Rekstrartekjur Eimskips juk-
ust fyrstu sex mánuði ársins um 22%
meðan rekstrargjöld jukust um 16%.
Þennan árangur segir félagið skýrast
af góðri nýtingu skipa í áætlana-
flutningum til og frá íslandi, aukn-
ingu tekna af starfsemi Eimskips
erlendis, en þær jukust um 24% og
lækkun rekstrarkostnaðar félagsins.
Hagnaður af reglulegri starfsemi
Eimskips varð alls 396 milljónir
fyrstu sex mánuði ársins samanborið
við 178 milljónir árið 1993. Þá jókst
veltufé frá rekstri úr 545 milljónum
í 804 milljónir milli ára.
Hörður Sigurgestsson, forstjóri
Eimskips, sagði í samtali við Morg-
unblaðið að rekstraráætlun gerði ráð
fyrir hagnaði síðari hluta ársins.
Vonast væri til að þróunin yrði sam-
bærileg við það sem hefði verið á
fyrri hluta ársins. Markmiðum um
arðsemi hefur hins vegar ekki verið
fyllilega náð hjá Eimskip. „Enn sem
komið er okkar markmið að 10%
arður sé af eigin fé eftir skatta. Á
fyrstu sex mánuðunum náðum við
9% arði,“ sagði Hörður. Hann sagð-
ist telja að þessi arðsemi væri ekki
viðunandi. Kominn væri tími til að
endurmeta arðsemisviðmiðunina og
ekki óeðlilegt að gera það núna þar
sem samdráttarskeiðinu væri að
ljúka og nýtt þróunarskeið vonandi
framundan. „Ég tel að það sé eðli-
legt að gera meiri arðsemiskröfur
og að þær séu í samræmi við það
sem tíðkast erlendis. Þar er algengt
að krafa um arðsemi í fyrirtækjum
sé a.m.k. á bilinu 12-15%.“
Fram kemur í frétt frá Eimskip
að heildarflutningar með skipum fé-
lagsins fyrstu sex mánuði ársins voru
alls um 539 þúsund tonn, en voru
506 þúsund tonn á sama tímabili í
fyrra og hafa því aukist um 6,5%.
Utflutningur með áætlanaskipum
jókst verulega eða um 23% og er þar
einkum um að ræða flutning á fryst-
um fiski.
Innflutningur með áætlanasigling-
um hefur einnig aukist nokkuð m.a.
vegna flutninga fyrir vamarliðið, en
þá flutninga annaðist Eimskip ekki
á fyrri hluta ársins 1993. Inn- og
útfiutningur með stórflutningaskip-
um hefur hins vegar dregist nokkuð
saman. Þá hefur flutningur milii er-
lendra hafna aukist um 20% frá sama
tímabili í fyrra.
Eimskip rekur nú 10 skip en þar
af eru 7 skip í eigu félagsins og
dótturfyrirtækja, tvö skip eru á tíma-
leigu og eitt á þurrleigu.
I
i
I
I
)
i
í
i
I
b
>
i
i
i
i
i
i
i
i