Morgunblaðið - 19.08.1994, Blaðsíða 37

MORGUNBLAÐIÐ
FÖSTUDAGUR 19. ÁGÚST 1994 37
BRÉF TIL BLAÐSINS
„Góðu börnin“
gleymast alltof oft
Frá Sóleyju Guðmundsdóttur:
SUNNUDAGINN 7. ágúst síðast-
liðinn gerðist það er ég var að
fletta Morgunblaðinu að ég rak
augun í heldur óskemmtilegt bréf
sem hafði verið sent til blaðsins.
Fyrirsögnin „Útihátíðir, áfengi og
kynlíf unglinga“ vakti óumdeilan-
lega mikla forvitni hjá mér þar sem
ég er aðeins 19 ára og telst því
líklega vera hálfgerður unglingur
enn. Eftir því sem leið á bréfið fór
heldur að þykkna í mér og þóttu
mér nokkuð öfgakenndar flestar
þeirra fullyrðinga og alhæfinga
sem þar voru settar fram.
í bréfinu er því haldið fram að
. .. flestar útihátíðir þar sem
áfengi er haft um hönd séu einar
allsheijar kynlífs- og drykkjuhá-
tíðir... Lét bréfritari í það skína
að unglingar nú á dögum væru
haldnir brókarsótt sem best væri
haldið í skefjum með því að banna
þeim að fara á útihátíðir og aðrar
uppákomur þar sem hægt væri
að stunda svall án þess að foreldr-
ar eða aðrir forráðamenn gætu
haft bæði augu á unglingnum all-
ar stundir. Aftar í bréfinu er geng-
ið svo langt að fullyrða að Stíga-
mótakonur, samtök alnæmissmit-
aðra og Landlæknisembættjð
hvetji unglinga til þess að lifa
kynlífi með smokkagjöfum sínum.
Einnig segir að átakshópur á veg-
um Landslæknisembættisins
„réttlæti lauslæti unglinga“.
Hvaðan ert þú, maður minn?
Hvaðan fær bréfritari þessar al-
hæfingar? Ekki gat ég séð nokk-
urs staðar þau rök sem óneitan-
lega þurfa að fylgja þess konar
staðhæfingum sem settar eru fram
þarna. Hefur bréfritari í höndum
einhvers konar kannanir eða vís-
indalegar rannsóknir sem leiða
þetta í ljós? Ef svo er þá þarf
hann endilega að birta þær svo
að við sem lifum stóðlífi getum
fengið að sjá.
Ekki eru allir unglingar lauslát-
ir frekar en eldra fólk. Það ber
aðeins meira á þeim sem eru það.
Það drekka ekki allir unglingar
og ég þekki fáa sem reykja núorð-
ið. Hverslags aðferð er það til
þess að hafa stjórn á alnæmi að
lifa á myrköldum og útiloka
smokkinn? Bréfritari ætti að at-
huga það að ef unglingur ákveður
að lifa kynlífí þá gerir hann það
Gagnasafn
Morgimblaðsins
Allt efni sem birtist í Morgun-
blaðinu og Lesbók verður
framvegis varðveitt í upplýs-
ingasafni þess. Morgunblaðið
áskilur sér rétt til að ráðstafa
efninu þaðan, hvort sem er
með endurbirtingu eða á ann-
an hátt. Þeir sem afhenda
blaðinu efni til birtingar teljast
samþykkja þetta, ef ekki fylg-
ir fyrirvari hér að lútandi.
yfirleitt hvort sem honum er bann-
að það eða ekki. Er þá ekki betra
að hafa greiðan aðgang að vörnum
gegn kynsjúkdómum og koma í
veg fyrir ótímabærar þunganir
með því að gera smokkinn að-
gengilegri? Ég hef ekki hugmynd
um hversu gamall bréfritari er en
mér þykir líklegt í bréfinu að hann
sé orðinn nokkuð gamall. A.m.k.
lýsir bréfið eindæma þröngsýnum
og íhaldssömum hugsanagangi.
Ef eldra fólk er spurt að því
hvernig það var að útvega smokk-
inn hér fyrir ekki svo mörgum
árum, er svarið alltaf það sama.
Erfitt. Það reyndi á fólk að fara
og kaupa smokkinn vegna þess
að svo mikil leynd hvíldi yfir kyn-
lífí að í flestum tilvikum var það
ekki nefnt í daglegu tali. í dag
er það ekkert tiltökumál að fara
í apótek og kaupa smokka. Feimn-
in er ekki nándar nærri eins mik-
il. Og hvers vegna skyldi það nú
vera? Jááá, datt mér ekki í hug.
Vegna opinna umræðna um kynlíf
og aðdáunarverðra framtaka hjá
samtökum eins og Stígamótum,
Landlæknisembættinu og Samtök-
um alnæmissmitaðra.
Með þessu er ég alls ekki að
réttlæta ferðir unglinga á útihátíð-
ir, um þær má lengi deila, en mér
hreinlega blöskraði er ég las það
sem sett var fram í þessu bréfi.
Við unglingar erum orðnir leiðir
á því að vera aðalumfjöllunarefnið
í fjölmiðlum án þess að fá nokkuð
til málanna að leggja. Og svona
svívirðingar eru síðasti dropinn.
Fræg eru miðbæjarmálin. Úngl-
ingar í daga fara niður í bæ,
drekka sig fulla, höggva mann og
annan og síðan er leið lögð í fanga-
geymslur þeirra virðulegu manna
í lögreglunni! Þetta er sú mynd
sem gefin er af unglingum í fjöl-
miðlum. Ekki myndi nokkur annar
þjóðfélagshópur sætta sig við slíka
meðferð.
Það vill oft gleymast að það er
aðeins lítið brot af unglingum sem
fer í miðbæ Reykjavíkur. Og að-
eins lítið brot af þeim unglingum
sem fara í miðbæinn lætur eins
og villimenn. Margir þeirra er í
miðbæinn koma snerta ekki einu
sinni áfengi. Ég bið aðeins um það
að þeim verði ekki gleymt sem
sýna það að unglingar geta verið
ábyrgðarfullir líka.
Við erum nú einu sinni að verða
fullorðið fólk. Því miður er það
ansi oft sem „góðu börnin“ gleym-
ast og vill það þá verða til þess
að við sjáum efni líkt og áðurnefnt
bréf á síðum blaðanna. En slíkt
er aðeins hægt að skrifa á reikn-
ing fávisku og vanþroska.
Því segi ég við bréfritara þann
sem um er rætt hér að íhuga nú
mál sitt betur næst áður en hann
setur fram svo leiðinlegar og mis-
vísandi staðhæfingar og vona ég
að ég hafi gefið honum, og öðrum,
eitthvað til að hugsa um.
SÓLEY GUÐMUNDSDÓTTIR,
Asparfelli 8,
Reykjavík.
Gömlu ob nýju dansarnir í kvöld frá kl. 22-3
Hljómsveitin Grái fiðringurinn leikur
ásamt harmóníkusnillingnum Reyni Jónassyni
Miðaverð kr. 800.
Miða- og borðapantanir
í símum 87509Ö og 670051.
BRÉFRITARI er orðinn leiður á þeirri neikvæðu umfjöllun sem unglingar fá í fjölmiðlum, og segir það
fráleitt að allir unglingar fári á útihátíðir eingöngu til að „sukka“ þar á ýmsan hátt.
Kraftaverk í Kaplakrika
Frá Hafiiða Kristinssyni:
FYRIR rúmum fimm árum vor-
um við hjónin á ferð um Orlando-
borg í Flórída. I starfí okkar á veg-
um Fíladelfíusafnaðarins höfum við
kynnst mörgum góðum söfnuðum
víðs vegar um heiminn. Þessa daga
okkar í Orlando bættist enn einn í
hópinn.
Við höfðum í nokkur ár heyrt
talað um ungan mann, sem starfaði
í svipuðum dúr og lækningaprédik-
arinn þekkti Kathryn Kuhlman, en
tvær bóka hennar voru gefnar út
hér á landi fyrr á árum. Þessi ungi
maður var nefndur Benny Hinn og
þótti starf hans afar merkilegt. Við
vissum að í Orlando hefí hann stofn-
að nýjan söfnuð og þangað streymdi
fólk víða að. Þar sem við vorum í
nágrenninu ákváðum við að fara á
eina samkomu.
Þegar við komum að kirkjunni,
rétt fyrir áætlaðan samkomutíma á
sunnudagskvöldi, voru öll 3.000
sætin þegar upptekin og allmargir
stóðu. Það varð því hlutskipti okkar
næstu þrjár klukkustundirnar að
standa og taka þátt í afar merki-
legri samkomu. Þarna ríkti mikil
gleði og eftirvænting og mikið var
sungið af bæði eldri sálmum og
yngri lofgjörðarkórum. Við tókum
þátt og fundum okkur vel heima í
þessum stóra hópi kristinna systk-
ina, sem öll komu saman til að gleðj-
ast í sameiginlegri trú og væntu
merkilegra hluta af hendi Drottins.
Eftir dijúgan samsöng og bænir
kom Benny Hinn upp á sviðið og
talaði Guðsorð til safnaðarins. Að
því loknu fór hann að biðja fyrir
sjúkum, beygðum og brotnum. Þeg-
ar við lesum Guðspjöllin og Postula-
söguna, þá taka frásagnir af krafta-
verkum hvers konar stóran hluta
af sögunni. Þannig var þessari sam-
komu háttað. Það var óumdeilt að
margir hlutu lækningu meina sinna,
hvort sem þau mein voru andleg,
sálarleg eða líkamleg. Um varan-
leika þessara lækninga bera vitni
fjölda vitnisburða þeirra sem látið
hafa rannsaka líðan sína eftir sam-
komur þessar og fengið staðfest-
ingu á kraftaverki Guðs.
Það er nokkuð áberandi á sam-
komum þessum að fólk fellur í gólf-
ið, að því er virðist fyrir krafti
Heilags Anda. Þannig varð þessi
samkoma okkur nokkuð framandi
á ýmsan hátt. En það kom ekki í
veg fyrir að við nytum alls þess
góða sem var að gerast. Einnig
tókum við eftir hversu lifandi og
frjáls prédikarinn var í allri sinni
framgöngu. Og þótt við eigum
ýnrsu að venjast úr starfi okkar
hvítasunnumanna þá var þessi ungi
maður með allra frjálsasta móti.
En það hindrar okkur ekki í því að
sjá undur og tákn eiga sér stað um
allan þennan stóra sal.
Við fórum af þessari samkomu
uppörfuð, fagnandi og óþreytt eftir
þriggja klukkustunda stöðu. Við
fórurn líka vitandi, að fyrir hvern
þann sem hlaut bót meina sinna,
fóru álíka margir, eða fleiri, sem
enn þurftu að bíða sinnar lækning-
ar. Hvenær hún kemur verður
stærsta ósvaraða spurningin frá
þessum merkilegu dögum okkar í
Orlando. En sú spurning sem Guð
svaraði okkur á þessari stundu var
um raunveruleika kraftaverkanna í
dag. Þetta eru ekki hlutir sem ein-
göngu voru ætlaðir frumsöfnuði
kristinna í árdaga, þetta er hluti
af von hins kristna manns í dag.
Guð hefur áhuga á allri veru manns-
ins, andlegri jafnt sem líkamlegri.
Sú von verður ekki frá okkur tekin.
Benny Hinn á ættir að rekja til
Israels, en þar átti hann heima lengi
framan af ævi sinni. Hann fluttist
til Kanada ungur maður og síðan
til Bandaríkjanna. Hann hefur verið
afar eftirsóttur prédikari um allan
heim og það var þvi mikið lán að
fá hann hingað í boði Omega þó
ekki væri nema þetta eina sunnu-
dagskvöld í ágústmánuði. Hann
mun tala á samkomu í íþróttahúsinu
í Kaplakrika sunnudaginn 21. ágúst
nk. kl. 20. Þar vona ég að margir
landa okkar fái mætt Guði sínum,
bæði til anda, sálar og líkama.
HAFLIÐI KRISTINSSON,
forstöðumaður
Fíladelfíusafnaðarins, Reykjavík.
oi öivaiisviiAaramir
föstudags- og laugardagskvöld
ásamt Ellen Kristjánsdóttur
(laugardagskvöld)
Husið verður opið frá kl. 19:00 - 03:00,
en eldhusið til kl. 23:00. Borðapantanir í síma 689686.