Morgunblaðið - 19.08.1994, Side 45

MORGUNBLAÐIÐ
FÖSTUDAGUR 19. ÁGÚST 1994 45 .
ÍÞRÓTTIR
HANDKNATTLEIKUR
Geir leikur með Val
Barátta bæði innan
brautar sem utan
HUNDRAÐ metra hlaupið á al-
þjóðlegu stigamóti í frjálsum
íþróttum íZurich á miðviku-
dagskvöldið, var heldur betur
dramatískt, og ekki minnkaði
dramatíkin þegar af regnvotri
hlaupabrautinni var komið. Lin-
ford Christie sigraði nokkuð
óvænt, en eftir hlaupið lenti
tveimur af hlaupurunum saman
og urðu úr því blóðug slagsmál.
Allir fremstu spretthlauparar
heimsins í dag voru mættir til
leiks, og áttu flestir von á því að
keppnin um sigurinn yrði á milli
heimsmethafans Leroy Burrels og
landa hans Dennis Mitchell. Bretinn
Linford Christie, sem átt hefur í
meiðslum lengi vel í sumar, sigraði
hins vegar með það miklum mun að
undrun sætti, kom í mark á 10,05
sekúndum en Jon Drummond frá
Bandaríkjunum varð annar á 10,15
sekúndum. Christie var fagnað gríð-
arlega af áhorfendum á vellinum og
áhorfendur hrópuðu og sungu nafn
hans allt hvað af tók. Dennis Mitc-
hell varð fjórði, sekúndubroti á eftir
Nígeríumanninum Olapade Adeni-
ken, en þeir félagarnir áttu eftir að
mætast aftur síðar um nóttina.
Heimsmethafinn Leroy Burrell varð
í sjöunda sæti, og landi hans Carl
Lewis fékk í magann rétt fyrir
hlaupið og keppti því ekki.
Eins og áður sagði hélt dramatík-
in áfram eftir hlaupið. Dennis Mitc-
hell og Olapade Adeniken, sem urðu
í þriðja og fjórða sæti, hittust á
hótelinu þar sem íþróttamennirnir
dvöldust kl. tvö um nóttina, og eftir
stuttar samræður brutust út blóðug
slagsmál á milli þeirra. Þau enduðu
með því að öryggisvörður náði að
skilja þá að, en læknir fylgdi Adeni-
ken í hótelherbergi og saumaði hann
saman skurð sem myndast hafði
fyrir ofan augun.
Ástæðan fyrir slagsmálunum er
ekki ljós, en pressan á Dennis Mitc-
hell var mikil fyrir hlaupið. Mótið í
Ziirich var eitt af gullmótunum fjór-
um, en nái íþróttamaður að sigra í
sinni grein á þeim öllum, hlýtur hann
í verðlaun gullstöng sem vegur 21
kíló, en andvirði hennar er 17 millj-
ónir króna. Mitchell missti í gær af
þessum möguleika er hann varð í
fjórða sæti. Fjórir íþróttamenn eiga
möguleika á því að krækja í gull-
stöng, en tvö mót eru eftir, í Bruss-
el og Berlín.
Þorsteinn
hættir sem
formaður
ÞORSTEINN Ásgeirsson,
sem verið hefur formaður
Skotsambands íslands sl.
15 ár, sagði af sér for-
mennsku á síðasta
stjórnarfundi STÍ 9. ágúst.
Rafn Halldórsson, varafor-
maður, tekur við for-
mennskunni þar til stjórn
STÍ hefur ákveðið annað.
Þorsteinn sagðist ekki fara
frá í neinu fússi, en vonaði
að afsögn sín væri til góðs fyrir
skothreyfinguna, sem mundi þá
eflast og styrkjast. „Styrkur
íþróttarinnar á að Iiggja í sam-
heldni liðsmanna skothreyfing-
arinnar, skotfélaganna og Skot-
sambandsins. En þessu er ekki
fyrir að fara hjá skotmönnum.
Eins vantar vilja í hreyfinguna,"
sagði Þorsteinn.
Hann viðurkenndi að ágrein-
ingur milli hans og Skotfélags
Reykjavíkur um framkvæmd
skotkeppninnar á Smáþjóðaleik-
unum, sem verða á Íslandi árið
1997, hafi verið það sem hafi
fyllt mælinn. „Ég tel að undir-
búningur fyrir Smáþjóðaleik-
anna séu ekki í réttum farvegi.
Eins og málin standa í dag sé
ég ekki fram á það að skot-
keppni verði á Smáþjóðaleikun-
um hér á landi eftir þrú ár. Það
má þá mikið breytast," sagði
Þorsteinn.
íkvöld
Knattspyrna kl. 18.30
2. deild karla:
Selfossvöllur: Selfoss - Þróttur R.
Akureyrarvöllur: KA - Þróttur N.
Kópavogsvöllur: HK - Leiftur
ÍR-völlur: ÍR - Fylkir
4. deild:
Gróttuv.: Grótta - Ökkli
Leiknisvöllur: Leiknir - Smástund
Ámrannsv.: Ánnann - G. Grindav.
Njarðvíkurvöllur: Njarðvík - Léttir
Grenivik: Magni - HSÞ-b
Blönduós: Hvöt - SM
■Leikurinn hefst kl. 19.
Handknattleikur
Æfingamót HSÍ í Digranesi
FH-U-21................kl. 19.30
Stjarnan - Haukar......kl. 21.00
Frá Bob
Hennessy
í Englandi
■ TREVOR Francis fram-
kvæmdastjóri Sheffield Wed-
nesday hefur keypt varnarmanninn
Ian Nolan frá Tranmer Rovers,
fyrir 160 millljónir króna.
H PAJJL Cook miðjumaður hjá
Wolverhamton hefur verið seldur
til Coventrj' fyrir 64 milljónir.
Mick Harford sóknarmaðurinn
gamalreyndi sem er
35 ára gamall, er
hins vegar farin frá
Coventry og kom-
inn í herbúðir
Wimbledon, fyrir 5,3 milljónir.
■ PHIL Neál framkvæmdastjóri
Coventry hefur náð í gamlan fé-
laga sinn frá Liverpool. Gary Gil-
lespie, sem lék með Live’rpool í
sjö ár, verður hjá Coventry í einn
mánuð til reynslu, en hann leikur
með Glasgow Celtic.
■ MANCHESTER City hefur
leigjt Alan Kernaghan til Bolton
í ár. Kernaghan, sem er 26 ára
gamall og var í írska landsliðshópnu
í HM, var keyptur frá Middlesbro-
ugh fyrir 10 mánuðum síðan fyrir
182 milljónir króna, en hefur alls
ekki staðið undir þeim væntingum
sem gerðar voru til hans.
M WEST Ham seldi í gær Joey
Beauchamp til Swindon fyrir 86
milljónir króna, en fékk í staðinn
Adrian Whitbread. Aðeins eru
tveir mánuðir síðan Beauchamp fór
frá Oxford til West Ham fyrir 107
milljónir króna, en hann lýsti því
yfir daginn eftir að hann gekk til
liðs við West Ham að hann væri
með heimþrá og vildi fara frá félag-
inu.
■ TYRKNESKA liðið Galatas-
aray hefur verið sett í eins leiks
bann á heimavelli í Evrópukeppn-
inni í knattspyrnu. Bannið helgast
af því að stuðningsmenn liðsins
hentu hlutum í báða línuverðina á
leik liðsins gegn Avenir Beggen
frá Lúxemborg í undankeppni Evr-
ópukeppni meistaraliða á dögunum.
■ GALATASARAY er nær ör-
uggt með að komast áfram en liðið
sigraði 5:1 í leiknum. Þó verður það
að leika heimaleikinn í minnst 300
km ljarlægð frá Istanbul.
■ CLAUDIO Caniggia, argent-
ínski landsliðsmaðurinn, hefur
gengið til liðs við portúgalska liðið
Benfica. Talið er að Benfica hafi
greitt á milli 260 til 300 milljónir
fyrir kappann, sem lék síðast með
ítalska liðinu AS Roma.
Sætti sig ekki við tilboð spænska liðsins Alzira og leikur því með sínum gömlu félögum á ný
GEIR Sveinsson landsliðsmað-
ur í handknattleik hefur ákveð-
ið að leika með íslands- og bik-
armeisturum Vals næsta vetur.
Geir, sem lék með spænska lið-
inu Alzira sl. vetur, kom heim
frá Spáni um síðustu helgi eftir
viðræður við félagið. „Eftir að
hafa skoðað málið rækilega var
Ijóst að dæmið gekk ekki upp,
hvorki hjá Alzira né gamla fé-
laginu mínu þarna úti. Þvf
ákvað ég að leika heima ívet-
ur, og því er ekki að neita að
landsliðið og heimsmeistara-
keppnin réðu þarna nokkru
um,“ sagði Geir í samtali við
Morgunblaðið í gær.
Aðspurður hvers vegna samn-
ingar hefðu ekki tekist milli
hans og forsvarsmanna Alzira sagði
Geir að í fyrsta lagi hefði liðið boð-
ið honum kauplækkun. „í öðru lagi
er mikill leikmannaflótti frá félag-
inu og í þriðja og síðasta lagi þá
gátu þeir ekki gefið nægilega góða
tryggingu fyrir því sem þó var í
boði,“ sagði Geir.
Geir sagði að Valsliðið væri
sterkt og baráttan um stöðu í liðinu
væri hörð. „Ætli það séu ekki fjór-
ir línumenn hjá félaginu nú þegar
og fjórir til fimm um nær allar stöð-
ur sem í boði eru. Barátta um stöð-
ur er af hinu góða og ég ætti að
vera í góðum málum þar.“ Aðspurð-
ur hvers vegna Valur hefði orðið
fyrir valinu sagði Geir að úr nógu
hefði verið að velja fyrir hann hér
heima og tilboðin mörg, „en heima
er best.“ Hann sagði að í dag væri
staðan hjá sér sú að ferill hans sem
atvinnumaður erlendis væri búinn,
en þó væri aldrei að vita hvað gerð-
ist, til að mynda eftir heimsmeist-
arakeppnina.
Valsmenn halda á sunnudaginn
til Bandaríkjanna þar sem þeir
munu leika fímm leiki gegn banda-
ríska landsliðinu.
FRJALSIÞROTTIR
Geir Sveinsson er kominn heim aftur í herbúðir Vals.

BYKO-MOTIÐ
Veröur haldiö á Kiðjabergsvelli,
Grímsnesi, sunudaginn 21. ágúst.
Vegleg verðlaun,- bæði með og án
forgjafar, auka annara verðlauna.
Skráning í síma 41000 og á mótsstað.
Komið og spilið á hinum nýja og
glæsilega Kiðjabergsvelli. Allir
kylfingar velkomnir
MEI£TARASAMBAND
HUSASMIÐA
BYKO
SKOTFIMI