Morgunblaðið - 11.11.1994, Page 4

4 FÖSTUDAGUR 11. NÓVEMBER 1994
MORGUNBLAÐIÐ
FRÉTTIR
Morgunblaðið/Sverrir
LANDHELGISGÆSLAN bauð Guðrúnu Páls-
dóttur, 85 ára gamalli verkakonu í þyrluflug í
gær í þakklætisskyni fyrir að hún gaf tvær millj-
ónir króna í þyrlusjóð. Guðrún sagðist hafa
mikla ánægju af ferðinni og haft gaman að sjá
úr lofti þær gönguleiðir sem hún sé vön að fara.
„ÉG HEF aldrei flogið í þyrlu
áður, en þetta var alveg ótrú-
legt og ákaflega skemmtilegt,"
sagði Guðrún Pálsdóttir, 85 ára
gömul verkakona, að lokinni
flugferð yfir Reykjavík í þyrlu
Landhelgisgæslunnar, TF-SIF,
siðdegis í gær undir flugstjórn
Páls Halldórssonar.
„Ég var ekkert hrædd, þetta
var líkt og maður sæti heima í
stofu og ruggaði sér í stólnum.
Ég fer örugglega aftur í þyrlu
ef tækifæri gefst. Mér þótti svo
gaman að sjá úr lofti leiðimar
sem ég hef gengið, bæði út á
Laugarnestanga, upp í Heið-
mörk og einu sinni stalst ég út
í Gróttu,“ sagði Guðrún og hló
að tilhugsuninni.
Með flugferðinni í gær vildi
Þakkað
með þyrlu-
flugi
Landhelgisgæslan tjá Guðrúnu
þakklæti sitt fyrir höfðinglega
gjöf, tvær milljónir króna, sem
hún afhenti nýlega í Þyrlusjóð.
Starfsmenn Landhelgisgæsl-
unnar buðu Guðrúnu í vöfflu-
kaffi áður en farið var í loftið
og sýndu henni líkan af nýju
þyrlunni, sem verður afhent
næsta vor.
En hvað kom til að hún gaf
þessa peninga til kaupa á nýju
björgunarþyrlunni? „Það komst
bara ekkert annað að hjá mér
en þyrlan,“ svaraði Guðrún. „Ég
er einstæð og fólkið mitt hefur
nóg fyrir sig. Ég þurfti ekki að
hlaupa undir bagga með nein-
um.“
Guðrún varð 85 ára 28. októ-
ber síðastliðinn og er góð til
heilsu. Hún er ættuð frá Höfða
á Sveit í Jökulfjörðum og bjó
þar til 36 ára aldurs. Guðrún
segist hafa kynnst þar íslensk-
um veðraham eins og hann ger-
ist verstur. Hún segist hafa
sloppið blessunarlega við að
missa ástvini sína í sjóslysum
en oft hafi legið nærri við
óhöppum.
>
Agúst Einarsson prófessor til liðs við
Jóhönnu Sigurðardóttur
Líklegt að boðið
verði fram í öll-
um kjördæmum
ÁGÚST Einarsson, prófessor í viðskiptafræði við Háskóla íslands, seg-
ir miklar líkur á því að Jóhanna Sigurðardóttir muni bjóða fram til
alþingiskosninga í öllum kjördæmum landsins. Morgunblaðið hefur
upplýsingar um að nánast sé frágengið að dr. Ágúst Einarsson muni
skipa fyrsta sæti framboðslista á vegum Jóhönnu í Reykjaneskjör-
dæmi. Hann vill ekki staðfesta að svo sé. Ágúst á sæti í stjórn Félags
fijálslyndra jafnaðarmanna, sem er eitt aðildarfélaga Alþýðuflokksins.
„Mér sýnist að allt stefni í það,
að þessi hreyfing sem þarna er að
myndast, verði þannig, að boðið
verði fram í öllum kjördæmum
landsins. Hvort úr því verður eða
ekki, ræðst líka af því hvenær kosn-
ingar verða. Mér finnst margt
benda til þess, að þessi hreyfing,
sem byggist á öðruvísi áherslum
en þessir hefðbundnu stjómmála-
flokkar, hafi náð þannig fótfestu
að líklegt sé að úr því verði fram-
boð á landsvísu,“ sagði Ágúst í
samtali við Morgunblaðið í gær.
Ágúst sagði að tími til undirbún-
ings á framboði á landsvísu yrði
meiri ef kosið yrði í apríl, eins og
rætt hefði verið um. „Ef á hinn
bóginn það verða kosningar í jan-
úar, eins og nú hefur verið rætt
um, þá er ljóst að undirbúnings-
tíminn er dálítið knappur.
Hvort ég fer þama inn af fullum
krafti er ekki hægt að segja til um
á þessum tímapunkti. Það ræðst
af þeim málefnum og málefna-
grunni sem menn leggja upp með.
Hins vegar ræð ég engu um það
hvernig framboðsmálum verður
háttað hjá hreyfíngunni," sagði
Ágúst, aðspurður hvort ákveðið
hefði verið að hann skipaði 1. sæti
framboðslista hreyfingar Jóhönnu
Sigurðardóttur í Reykjaneskjör-
dæmi.
Ágúst Einarsson kvaðst ekki vita
hvenær formlegur stofnfundur
stjórnmálahreyfíngar Jóhönnu Sig-
urðardóttur yrði haldinn.
Forsætisráðherra um jöfnun atkvæðisréttar
Hlutfallið í versta
falli 1 á móti 2Vi
DAVÍÐ Oddsson forsætisráðherra
segir í viðtali við Flokksfréttir,
fréttabréf Sjálfstæðisflokksins, sem
kemur út í dag, að hann hafi góðar
vonir um að stjórnmálaflokkarnir
nái samkomulagi um að draga úr
misvægi atkvæða. En náist það ekki
fyrir áramót, klárist málið ekki.
Davíð segir í viðtalinu að í þessum
áfanga verði hægt að draga úr mis-
muninum, þótt niðurstaðan verði
kannski ekki full jöfnun atkvæðis-
réttar. „Samkvæmt þeim leiðum sem
menn hafa verið að fjalla um þá
yrði skiptingin í versta falli 1 á
móti 2'/2. Við verðum að líta á það
sem viðunandi niðurstöðu í þessu
skrefi," segir Davíð.
Hann segist telja að byggt verði
í megindráttum á núverandi kjör-
dæmaskipun og hefur ekki trú á að
samkomulag geti náðst um að land-
ið verði eitt kjördæmi. „Með því að
gera landið að einu kjördæmi myndi
vald færast frá kjördæmunum til
þéttbýlis, frá þéttbýli til flokkanna
og miðstjómarvald flokka yrði mjög
mikið. Þó að þjóðin sé fámenn þá
er landið stórt og atvinnuhættir
mismunandi eftir landshlutum og
ég held að það geti aldrei náðst
sátt um þessa leið.“
Hæstiréttur sýknar yfirlögregluþjón en sakfellir fv. sýslumann á Siglufirði
Refsing sýslu-
manns þyngd
Afskipti af kerruinnflutningi refsi-
verð misnotkun á aðstöðu
HÆSTIRÉTTUR staðfesti í gær
sýknudóm Héraðsdóms Norður-
lands vestra yfir fyrrum yfírlög-
regluþjóni á Siglufirði, Gunnar
Guðmundssyni, en jók við sakfell-
ingu og herti refsingu þá sem fyrr-
um sýslumanni í bænum, Erlingi
Óskarssyni, hafði verið ákveðin í
héraði vegna brota í starfí.
Hæstiréttur telur sannað að
maðurinn hafi brotið af sér í starfi
í nokkrum atriðum varðandi inn-
flutning hestakerra frá Þýskalandi
um Siglufjörð og dæmdi sýslu-
manninn fyrrverandi til þriggja
mánaða skilorðsbundins varðhalds
og til að greiða 600 þúsund króna
sekt til ríkissjóðs. I héraðsdómi
hafði maðurinn verið dæmdur til
að greiða 300 þúsund króna sekt
og sýknaður af nær öllum ávirð-
ingum í tengslum við fyrrgreindan
innflutning.
Hæstiréttur staðfestir þá niður-
stöðu Héraðsdóms að maðurinn
hafi gerst sekur um brot í opin-
beru starfi sínu með því að bóka
einhvern af starfsmönnum emb-
ættisins mættan fyrir hönd gerð-
arbeiðenda við nauðungaruppboð
en gæta sjálfur hagsmuna þeirra
og áskilja sér greiðslur. Þessi störf
fyrir uppboðsbeiðendur hafi farið
í bága við starfsskyldur sýslu-
manns, sem þegið hafi greiðslur
fyrir sem hann átti ekki tilkall til.
Rangfærsla skjala
Þá hafi hann með því að gjald-
færa þóknun sína á frumrit en
ekki afrit greiðslustimplaðra kvitt-
ana embættisins til uppboðsbeið-
enda rangfært opinber skjöl, á
hátt sem hafi verið til þess fallinn
að blekkja í lögskiptum. Af þeirri
ákæru hafði sýslumaður verið
sýknaður í héraði.
Hæstiréttur telur að sýslumaður
hafí verið vanhæfur til að hafa
afskipti af innflutningi og tollaf-
greiðslu hestakerra þeirra sem til-
greindar voru í ákæru, þar sem
hann hafí í annað skiptið í raun
verið innflytjandi og í hitt skiptið
hafi konan hans átt aðra kerruna.
> Honum hafi borið að víkja sæti
og tilraun hans að flytja kerrumar
úr vörslu farmflytjanda án heim-
ildar til geymslu annars staðar
hafi falið í sér refsiverða tilraun
til misnotkunar á aðstöðu sinni.
Hæstiréttur telur hins vegar
ekki sannað að sýslumanninum
hafi verið ljóst að í það skipti er
tollverðir stöðvuðu flutning kerr-
anna hafi önnUr þeirra verið full
af reiðtygjum og smyglvamingi
og því var hann sýknaður af ákæru
um að hafa ætlað að koma varn-
ingnum undan tollskoðun.
Röskun vegna embættismissis
Þá var sýslumaðurinn sýknaður
af ákærum um að hafa ekki stað-
ið að eyðingu áfengis og bjór sem
lögreglumenn við embætti hans
höfðu lagt hald á með lögmætum
hætti. Segir m.a. að af gögnum
málsins liggi ekkert fyrir um að
tollstjórar hafí nokkru sinni sent
ÁTVR ósöluhæft áfengi sem lagt
hafi verið hald á eins og lagabók-
stafur stendur til.
Um ákvörðun refsingar sýslu-
mannsins segir að líta verði til
þess að hann hafi gegnt trúnaðar-
störfum í þágu almennings og rík-
isvalds á þessum tíma og hafi far-
ið með opinbert vald sem lögreglu-
stjóri, tollstjóri og dómari til 11.
júlí 1992.
Hann hafí hins vegar látið af
embætti vegna málsins og hafí það
valdið umtalsverðri röskun á hög-
um hans. Auk varðhaldsdóms og
sektar var hann dæmdur til að
greiða 600 þúsund króna fésekt í
ríkissjóð, málsvamarlaun og sak-
arkostnað.
Hlutur
kvenna í
nefndum
eykst
HLUTUR kvenna í nefndum á'
vegum ráðuneytanna hefur auk-
ist talsvert frá því að síðast var
kannað 1991, Þá var heild-
arhlutur kvenna um 16%, en er
nú á bilinu 23-25%.
Jafnréttisráð fór fram á að
ráðuneytin tækju saman upplýs-
ingar um fjölda kvenna í nefnd-
um á þeirra vegum. Stefanía
Traustadóttir hjá Jafnréttisráði
sagði að endanlegar tölur lægju
ekki fyrir fyrr en í næstu viku,
en greinilega væri mjög misjafnt
eftir ráðuneytum hver hlutur
kvenna í nefndum væri, allt frá
6% upp í 40%.
Stefanía sagði að enn hefðu
ekki öll ráðuneyti svarað fyrir-
spum Jafnréttisráðs. „Okkur
finnst mjög ámælisvert hvað
ráðuneytin svara seint og illa.
Innan við helmingur þeirra svar-
aði á umbeðnum tíma og enn
eiga nokkur eftir að skila.“
)
)
}
)
I
)
)