Morgunblaðið - 11.11.1994, Page 6
6 FÖSTUDAGUR 11. NÓVEMBER 1994
MORGUNBLAÐIÐ
FRETTIR
U
"'-V. , £ ' - ’
% ... -
Gull úr greipum Ægis
Morgunblaðið/Árni Sæberg
VIGRI RE landaði í Reykjavíkur-
höfn í gær um 470 tonnum af
heilfrystum úthafskarfa sem
svarar tæplega 900 tonnum af
fiski upp úr sjó. Aflaverðmæti er
talið um 100 milljónir króna og
mun þetta vera verðmætasti afli
sem íslenskt skip hefur landað
hér. Túrinn stóð í sex vikur og
fékkst karfinn mest úti af Víkur-
áli og Reykjaneshrygg.
Matthías Bjarnason í þingræðu
Hörð gagnrýni
á Landsbanka
MATTHÍAS Bjamason, þingmaður
Sjálfstæðisflokksins, gagnrýndi
stjórnendur Landsbankans harðlega
í þingræðu í gær og sagði kominn
tíma til fyrir stjórnvöld að moka út
úr þeim hýbýlum og hreinsa þar al-
mennilega til. Sverrir Hermannsson
bankastjóri sagði í gær að ummæli
Matthíasar einkenndust af ólund og
ellimæði.
Þessi ummæli féllu í umræðu um
ársskýrslu Byggðastofnunar en
Matthías er stjórnarformaður stofn-
unarinnar. Matthías ijallaði þar með-
al annars um lánastofnanir landsins,
og sagði að til hans kasta hefði kom-
ið má! tveggja fyrirtækja í eigu sama
fólks. Bankaeftirlit Seðlabankans
hefði varað litla lánastofnun við að
lána til fyrirtækjanna og sagðist
Matthías hafa snúið sér til viðskipta-
ráðherra og beðið um aðstoð hans
við að fá Landsbankann til að taka
fyrirtækin í viðskipti.
Andlát
INGYI
RAFN AL-
BERTSSON
INGVI Rafn Al-
bertsson, skipstjóri
á Eskifirði, lést á
sjúkrahúsi í
Reykjavík í gær 55
ára að aldri.
Ingvi Rafn fædd-
ist á Eskifirði- 13.
ágúst 1939, For-
eldrar hans voru Hrefna Björgvins-
dóttir og Albert Aalen, en hann ólst
upp hjá móðurforeldrum sínum
Björgvini Guðmundssyrii og Sigur-
veigu Kristjánsdóttur.
Ingvi Rafn fór ungur til sjós og
síðan lá leiðin í Stýrimannaskólann.
Hann var, fyrst stýrimaður, á Birki
og varð skipstjóri á Hóimanesinu 24
ára gamall. Hann var í mörg ár með
Seley, sem hann átti ásamt fleirum.
í sumar var hann um tíma með Þórs-
hamar GK, en síðustu árin starfaði
Ingvi sem veiðieftirlitsmaður og síld-
arskipstjóri á haustin.
Ingvi Rafn kvæntist árið 1960
Maríu Hjálmarsdóttur og áttu þau
fjögur börn.
Málverk Gunnlaugs Blöndal á uppboði í Svíþjóð
Selt á tæplega
milljón króna
MÁLVERK eftir Gunnlaug Blön-
dal, „Nakin kona“, sem metið var
á 50 til 60 þúsund sænskar krónur
var nýlega slegið á uppboði í
Stokkhólmi á 95 þúsund krónur
sem er jafngildi tæplega 900 þús-
und íslenzkra króna, auk 15%
uppboðsþóknunar, eða um 960
þúsund kr..
Einnig voru boðin upp málverk
eftir Kristínu Jónsdóttur, Jóhann-
es Sveinsson Kjarval og Höskuld
Björnsson. Mynd Kristínar var
metin á 10 til 12 þúsund sænskar
og var seld á 17.500 sænskar krón-
ur, verk Höskuldar var metið á
4-5 þúsund sænskar krónur og
seldist á 12 þúsund skr., en verk
Kjarvals á 15 til 18 þúsund krónur
og seldist á 33 þúsund skr.
Samkvæmt heimildum Morgun-
blaðsins mun Listasafn íslands
hafa reynt að kaupa mynd Gunn-
laugs, en safnið hafa hætt að bjóða
við 80 þúsund króna markið.
Morgunblaðinu er ekki ljóst,
hverjum myndirnar voru slegnar,
en hefur heimildir fyrir því að
verkin hafi komist í sænskar hend-
ur en kaupandinn sé íslenskur.
Uppboðið fór fram hjá Bnkowskis
í Stokkhólmi.
Pétur Þór Gunnarsson, eigandi
Gallerís Borg, segir að verk Blön-
dals, Kristínar og Kjarvals hafi
verið til sölu hjá galleríinu fyrir
um sex árum. Hann segir sæta
nokkurri furðu að þessar myndir
séu á uppboðum ytra, einkum þar
sem þær íslensku myndir sem
boðnar eru upp erlendis, aðallega
í Danmörku, hafi þá yfirleitt verið
erlendis langtímum saman. Ekki
sé heldur mjög skynsamlegt að
setja íslenskar myndir á erlend
uppboð vegna þekkingarleysis
kaupenda ytrá. Pétur Þór kveðst
telja að málverk Blöndals sé ein
albesta módelmynd sem listamað-
urinn málaði, meðal annars sé
mynd af málverkinu í Listasögu
Björns Th. Björnssonar sem geymi
eingöngu markverðar myndir að
jafnaði. Eflaust sé verkið meira
virði heldur en fékkst fyrir það í
Svíþjóð, en þó þurfi verðið ekki
að koma á óvart iniðað við núgild-
andi stöðu markaðarins. Verð á
myndum Kjarvals og Höskuldar
sé nærri lagi miðað við áætlað
söluverð hér, en að likindum feng-
ist meira fyrir verk Kristínar.
Atlanta birtir yfirlit yfir laun flugmanna og afrakstur íslendinga af starfseminni
FLUGFÉLAGIÐ Atlanta hf. birti í
gær kjarasamning þann, sem félag-
ið segist hafa boðið sem lokaúr-
lausn í kjaradeilunni við Félag ís-
lenskra atvinnuflugmanna en það
hafi hafnað. Hann sé samskonar
og gildandi samningur við Fijálsa
flugmannafélagið. Ástæðan fyrir
þessu er sögð sú að félagið vilji
skýra afstöðu sína fyrir almenningi
vegna deilunnar.
Birtir félagið launatöflu flug-
manna hjá félaginu og yfírlit yfír
hlut flugfélagsins til íslenska þjóð-
félagsins á seinasta ári en fram
kemur í fréttatilkynningu fram-
kvæmdastjóra félagsins að það
íhugi nú að flytja starfsemina úr
landi.
Laun flugmanna hjá Atlanta
skiptast í tvö þrep eftir _______
því hvort viðkomandi
hafa starfað lengur en
tvö ár samfellt hjá félag-
inu. Eru grunnlaun flug-
stjóra í hærra þrepi 270
þús. kr. á mánuði, skv. yfirlitinu,
en flugstjórar í lægra þrepi fá 230
þús. kr. Þessu til viðbótar fá flug-
stjórar svo dagpeninga sem nema
110 bandaríkjadölum á dag.
Hlutur þjóðar-
búsins 880 millj.
króna í fyrra
Starfsemi
jafnvei
úr landi
Grunnlaun flugmanna í efra
þrepi eru 170 þús. kr. á mánuði
en flugmanna í neðra þrepi 150
þús. Dagpeningar flugmanna hjá
Atlanta eru 100 bandaríkjadalir á
-------- dag.
Miðað er við 30 úti-
verudaga í einu og að
þeim loknum eiga flug-
menn rétt á 12 daga fríi
1 á grunnlaunum. Tekið er
fram að Atlanta greiði í öllum til-
fellum ferðir til og frá vinnu erlend-
is og allan gistikostnað.
Á yfirliti yfir launakostnað fé-
lagsins miðað við þann samning
sem félagið bauð FÍA eru sett fram
dæmi um laun starfsmanna. Þar
segir að heildarlaun flugstjóra í
hærra þrepi, sem fer erlendis í 30
daga, séu 494 þúsund kr. á mán-
uði, þar af nemi dagpen- _________
ingagreiðslur 224 þús.
Heildarlaun flugstjóra í
lægra þrepi séu 450 þús.
Laun og dagpeninga-
greiðslur flugmanna í ”““
hærra þrepi eru 374 þús. og flug-
manna í lægra þrepi 354 þús. kr.
á mánuði.
í fréttatilkynningunni er bent á
að Atlanta hefur starfað í yfir 20
Greiða mikið
til loftferða-
eftirlitsins
þjóðlöndum og útvegað allt að 200
Islendingum vinnu árstíðabundið.
Heildarhlutur flugfélagsins til ís-
lenska þjóðfélagsins á seinasta ári
er sagður hafa numið rúmlega 881
milljón kr. m.v. verðlag í október
sl. Þar af hafi greiðslur til íslend-
inga vegna starfa erlendis numið
tæplega 348 millj. kr.
Heildarsala svokallaðs íslands-
verkefnis, þ.e. flug með ferðamenn
til og frá Islandi, hafi numið 354
millj., skrifstofu- og stjórnunar-
kostnaður á Islandi er sagður rúm-
ar 120 millj. kr., flugvallarskattar
og innritunargjöld á seinasta ári
rúmar 26 millj. og reikningar Flug-
málastjórnar vegna skoðunar flug-
véla á því ári 17 millj. kr. „Fljótt
á litið þá virðist sem að Flugfélag-
_________ ið Atlanta greiði ríflega
80% af öllum tekjum loft-
ferðaeftirlitsins af at-
vinnuflugi á íslandi. Öll
önnur flugfélög til sam-
ans virðast greiða 20%,“
segir í samantektinni. Loks segir
að vaxta- og bankakostnaður hafí
numið tæpum 9 millj. og fjárfesting
á Islandi hafi verið um 6 millj. kr.
„Svo er ekki“
Matthías sagði að viðskiptaráð-
herra hefði brugðist við hart og skrif-
að Landsbankastjórn bréf þar sem
þessa var farið á leit. „Og svo kom
svar bankans daginn eftir. Það var
afskaplega stutt og er svona þegar
búið er að vísa til bréfsins: „Svo er
ekki.“ Síðan koma undirskriftir
tveggja stórmenna í stofnuninni,"
sagði Matthías.
Hann sagði að þessi stærsta lána-
stofnun landsins hefði ekki þurft
lengri tíma eða dómsforsendur til að
skrifa þessi dómsorð.
„Svo rífumst við hér á Alþingi um
lítilfjörleg mál sem flestir nenna ekki
að tala um en er alveg sérstakur
dugnaður í mörgum þingmönnum að
taka fyrir. Ráðherrar, þingmenn og
nefndir Alþingis ei-u undir sterkum
áhrifum almennings og fjölmiðla. En
menn sem búnir eru að hreiðra um
sig í þessum embættum, þeir geta
leyft sér að afgreiða hluti með þess-
um hætti og þurfa ekki að rökstyðja
neitt. Er nú ekki kominn tími til að
taka til í þessu húsi sem íslenska
ríkið ræður yfir og gera það ekki
af neinu handahófí? Það dugar ekki
að setja ryksuguna í gang í kortér;
það þarf að moka út úr þessum hý-
býlum og hreinsa almennilega til.
Þar er verk að vinna fyrir ríkisstjórn
og komandi Alþingi," sagði Matthías.
Upplýsi um hvaða
fyrirtæki er að ræða
Sverrir Hermannsson, bankastjóri
Landsbankans, sagði aðspurður um
afgreiðslu bankans á lánsumsókn
fyrirtækjanna, að harin> skoraðiá
Matthías að upplýsa unl hvaða fyrír-
tæki hafi verið að ræða „skílyrðis-
laust“.
„Það er á hann skorað að gera
það úti í þingi þar sem hann nýtur
þinghelgi. Að öðru leyti er útilokað
að standa í því að munnhöggvast við
hann Matthías Bjarnason eins og
hann er orðinn. Allt hani æði ein-
kennist af ólund og ellimæði," sagði
Sverrir Hermannsson.
Tillögur um
lengra fæð-
ingarorlof
TVÖ þingmál hafa verið lögð fram
á Alþingi, sem miðast að því að lengja
fæðingarorlof. Jóhanna Sigurðar-
dóttir, sem situr á Alþingi utan
flokka, hefur lagt fram þingsálykt-
unartillögu um að nefnd endurskoði
lög um fæðingarorlof og undirbúi
nýja löggjöf sem tryggi að foreldrar,
hvar sem þeir eru í starfi, njóti jafn-
réttis hvað varðar lengd fæðingaror-
lofs, greiðslur í fæðingarorlofí og
rétt til að taka slíkt orlof. Sérstak-
lega skuli hugað að rétti feðra.
Nefndin leggi jafnframt fram tillögur
um að lengja fæðingarorlof í áföng-
um og meti leiðir til fjármögnunar.
Orlof í 9 mánuði
Þá hefur Kristín Einarsdóttir
ásamt öðrum þingmönnum Kvenna-
lista lagt fram frumvarp um að
lengja fæðingarorlof í níu mánuði
og að hægt verði að taka fæðingar-
orlof í mánuð fyrir áætlaðan fæðing-
ardag bams. Samkvæmt frumvarp-
inu er gert ráð fyrir að fæðingaror-
lof lengist úr sex mánuðum í sjö við
gildistöku frumvarpsins og Iengist í
átta mánuði um næstu áramót en
verði níu mánuðir um áramótin
1995/96. Jafnframt leggja þingmenn
Kvennalistans fram frumvarp um að
samræma fæðingarstyrk og dagpen-
inga lengra fæðingarorlofi. Þetta er
í þriðja skipti sem þingmenn Kvenna-
listans leggja fram frumvörp þessa
efnis á Alþingi.