Morgunblaðið - 11.11.1994, Side 12
12 FÖSTUDAGUR 11. NÓVEMBER 1994
MORGUNBLAÐIÐ
LAIMDIÐ
Morgunblaðið/Sigrún Sveinbjömsdóttir
Afmæli
Skjólgarðs
Höfn - HALDIÐ var upp á 20 ára afmæli Skjól-
garðs, elli- og hjúkrunarheimilis aldraðra á Horna-
firði 6. nóvember sl.
Nú er í sjónmáli mikil breyting á Skjólgarði eða
þegar ný langlegudeild og fæðingardeild, sem hefur
verið með aðsetur í Skjólgarðj, verður opnuð við
heilsugæslustöðina hér í bæ. A myndinni má sjá
Höllu Bjarnadóttur matráðskonu og Sigurlaugu
Guðmundsdóttur vistmann sem báðar hafa verið á
Skjólgarði í þessi 20 ár sem heimilið hefur verið
starfrækt og séð margar breytingar á heimilinu á
þeim tíma.
Veruleg fækkun sláturfjár í Búðardal
Saurbæingar slatruðu
á Hvammstanga
Búðardal - VIÐ haustslátrun hjá
afurðasölunni í Búðardal voru 80
stöðugildi og gekk mönnun hússins
vel. Meðalvigt dilka var nú 16,24
kg en 16,18 kg í fyrra.
Sláturfjöldi var liðlega 23.000
hausar ef með er talinn sá íjöldi
dilka sem slátrað var hjá Kaupfélagi
V-Húnvetninga, Hvammstanga,
vegna framleiðslu umfram greiðslu-
mark. Sláturfjöldi í fyrra var 35.081.
í fyrra var slátrað á vegum afurða-
stöðvarinnar í sláturhúsi Kaupfélags
Saurbæinga eða sem nam 8.500
dilkum. Ekkert var slátrað í slátur-
húsi í Saurbæ í haust og því er um
að ræða verulega fækkun á sláturfé
í gegnum afurðastöðina í Búðardal.
Fækkun sláturfjár hjá afurða-
stöðinni í Búðardal orsakaðist fyrst
og fremst af því að óuppgert var
að fullu við bændur fyrir sláturtíð
jafnframt því að samningar náðust
ekki milli afurðastöðvarinnar og
Saurbæjarhrepps um útfærslu
slátrunar fyrir meirihluta bænda í
Saurbæjarhreppi. Úr varð að
Saurbæingar lögðu inn hjá Ferskum
afurðum á Hvammstanga. Enn-
fremur beindu flestir bændur af
Snæfellsnesi og nokkrir í suðurdöl-
um Dalasýslu viðskiptum sínum
annað, aðallega til Sláturfélags
Suðurlands við Laxá í Leirársveit
og afurðasölunnar í Borgarnesi.
Þeir aðilar sem lögðu inn í af-
urðastöðina munu styrkja erfiða
lausafjárstöðu fyrirtækisins með
hlutafjárframlagi sem nemur 6%
af innleggi til afurðastöðvarinnar í
haust og 4% næsta haust. Dala-
byggð hefur einnig aukið hlutafé
sitt í félaginu þar sem félagið hefur
verið næst stærsti vinnuveitandinn
í héraðinu. Fleiri aðgerðir til að leið-
rétta erfiða lausfjárstöðu félagsins
eru fyrirhugaðar.
í júlí sl. urðu framkvæmdastjóra-
skipti hjá félaginu. ívar Ragnarsson
flutti sig yfir til afurðasölunpar í
Borgarnesi en við tók Gylfi Áma-
son, áður innheimtustjóri hjá Olíu-
verslun íslands hf. í Reykjavík.
Morgunblaðið/Albert Kemp
Bygging loðnuverks-
miðjunnar hafin
Fáskrúðsfirði - GÍSLI Jónatans-
son, framkvæmdastjóri Loðnu-
vinnslunar hf., tók á þriðjudag
fyrstu skóflustunguna að nýrri
loðnuverksmiðju á Fáskrúðsfirði.
Verksmiðjan, sem staðsett er
nokkuð utan við þorpið, kemur
til með að geta brætt um 1.000
lestir af loðnu á sólarhring og
gert er ráð fyrir því að hún taki
til starfahaustið 1995.
Vélarnar í verksmiðjunni, sem
keyptar voru notaðar frá Japan,
eru væntanlega nú á hausti kom-
anda. Útboð hefur farið fram á
jarðvinnu og er það fyrirtækið
Vökvavélar á Egilsstöðum sem
vinna fyrsta áfangann.
Landsbankaútibúið
á Akranesi 30 ára
Morgunblaðið/Jón Gunnlaugsson
ÞRIR starfsmenn Landsbankaútibúsins á Akranesi hafa starfað
þar frá stofnun þess 1964. Á myndinni eru þau ásamt umdæmisúti-
bússtjóra. F.v. Halldór Jóhannsson, Hrefna Sigurðardóttir, Ólafur
I. Jónsson og Guðmundur Vilhjálmsson, umdæmisútibússtjóri.
Ulpur og jakkar
Ný sending
Laugalæk, sími 33755
Akranesi - ÚTIBÚ Landsbanka
íslands á Akranesi er 30 ára um
þessar mundir og þessum merku
tímamótum var fangað í útibúinu
á sjálfum opnunardeginum 31.
október sl. I tilefni þessara tíma-
móta hélt bankaráð Landsbank-
ans bankaráðsfund á Akranesi
fyrir skömmu og bauð þá bæj-
arbúum til móttöku til að minnast
þessara tímamóta.
Óhætt er að segja að útibú
Landsbankans á Akranesi sé ungt,
sé tekið mið af elstu útibúum hans
á landsbyggðinni. Starfsemin
hófst með yfirtöku Sparisjóðs
Akraness hinn 31. október 1964.
Sparisjóðurinn var á sínum tíma
öflug lánastofnun með um 100
milljóna króna inmstæðu í spari-
og veltuinnlánum. í upphafi var
afgreiðsla bankans í húsakynnum
Sparisjóðsins eða allt til ársins
1973, en þá var tekin í notkun
glæsileg bygging sem stendur við
Akratorg í hjarta bæjarins. Góður
vöxtur hefur verið í starfsemi úti-
búsins og hlutdeild í viðskiptum á
viðskiptasvæði þess farið vaxandi.
Fyrsti útibússtjóri Landsbank-
ans á Akranesi var Sveinn Elías-
son og gegndi hann því starfi til
ársins 1977. Helgi Jónsson, núver-
andi útibússtjóri á Akureyri,
gegndi starfinu á árunum 1977-
1985. Guðmundur Vilhjálmsson
er núverandi umdæmisútibús-
stjóri bankans á Vesturlandi auk
útibússins á Akranesi, en ný
svæðaskipting útibúa tók gildi
1992. Undir Vesturlandsumdæmi
heyra útibúin á Hellissandi,
Grundarfirði, Ólafsvík og Króks-
fjarðarnesi.
28 stöðugildi er nú í útibúinu á
Akranesi og hafa þrír starfsmenn
unnið þar alla tíð frá stofnun þess.
Það eru þau Ólafur I. Jónsson,
skrifstofustjóri, Hrefna Sigurðar-
dóttir og Halldór Jóhannsson. Þau
Ólafur og Helga störfuðu áður
um skeið við Sparisjóð Akraness.
Laugardaginn 12. nóvember kynnum við
þér metsöluhugbúnaðinn AutoCAD
ásamt AutoScetch og AutoCAD LT.
Verið velkomin á einstaka laugardagskynningu. Opið frá kl. 10.00 til 14.00.
AutoCAD
er mest selda teikniforritið
í heiminum.
Tæknival
Skeifunní 17 - Sími (91) 681665 - Fax (91)680664