Morgunblaðið - 11.11.1994, Qupperneq 17

MORGUNBLAÐIÐ
FÖSTUDAGUR 11. NÓVEMBER 1994 17
Aflinn fyrstu tvo mánuðina, sept. og okt.,
fiskvejðjárjn 1994/1995 og 1993/1994
Þorskur
Ýsa
Ufsi
Karfi
Steinbítur |j^a6
Grálúða
Skarkoli
Úthafskarfi IJf6
Annar botnfiskur
Botnfiskur
alls
—.-^Síld
■^pf^Loðna
Úthafsrækja ^
Innfjarðarækja '^9
Humar
J Hörpuskel
ígulker
1|
Jf
<n
20.000 40.000
Afli
samtals
60.000 80.000 100.000
tonn
/ sept.-okt. 1994
299.390
Heimild: Aflatölur Fiskistofu.
Fiskveiðar á haustmánuðum
Veiðar í SmugTinni
bæta upp skerðingu
þorskkvótans hér
ÞORSKAFLI okkar á íslandsmiðum
í októbermánuði varð aðeins um
9.000 tonn, sem er með allra
minnsta móti um langt árabil. Hins
vegar veiddu skip undir íslenzkum
fána um 7.000 tonn af þorski í
Barentshafi í mánuðinum og því er
þorskafli íslenzkra skipa alls um
16.000 í þessum mánuði. Þá er
ekki talinn afli skipa í eigu íslend-
inga, sem skráð eru annars taðar.
Þorskafli af Islandsmiðum í október
í fyrra varð alls 13.540 tonn sam-
kvæmt aflatölum Fiskistofu.
Sé hins vegar litið á afiann fyrstu
tvo mánuði fiskveiðiársins, septem-
ber og október, kemur í ljós að
heildarafli þetta tímabil, en þá er
afli í Barentshafi ekki meðtalinn,
hefur verið 155.583 tonn, sem er
mun minna en sama tímabil í fyrra.
Þá veiddust nærri 300.000 tonn og
muna mestu að nú veiddust aðeins
7.700 tonn af loðnu, en 154.306
tonn í fyrra.
Botnfiskafli dregst einnig saman,
fellur úr 82.588 tonnum í 59.409.
Langmestur samdrátturinn er í
þorskafla, en af íslandsmiðum nú
fengust aðeins 18.748 tonn á móti
33.206 í fyrra. Sé afli skipa undir
íslenzkum fána úr Barentshafi hins
vegar tekinn með í myndina, bæt-
ast 23.300 tonn við og er heildar-
þorskafli þetta tímabil nú því um
42.000 tonn. Þorskafli íslenzkra
skipa í Barentshafi í fyrra var ekki
svo mikill, en nú bæta veiðarnar
þar upp skerðinguna heima fyrir.
Mikið veitt af rækju
Síldveiði hefur gengið betur í
haust en í fyrra og munar þar rúm-
um 20.000 tonnu. Af úthafsrækju
hafa nú aflazt rúmlega 14.000 tonn,
um 5.500 tonnum meira en í fyrra.
Ýsan hefur einnig skilað sér betur,
en afla af ufsa, karfa og grálúðu
hefur dregizt saman.
Síldin ofmetin?
BÚIST er við, að kvóti í norsku
vorgotssíldinni, norsk-íslenska síld-
arstofninum, verði 513.000 tonn
1995 en á þessu ári hefur verið leyft
að veiða 485.000 tonn. Fiskifræð-
ingar segja nú, að hrygningarstofn-
inn hafi verið ofmetinn um eina
milljón tonna á síðasta ári en ACFM,
ráðgjafarnefnd Alþjóðahafrann-
sóknaráðsins, áætlar, að hann verði
3,8 milljónir tonna 1996.
Ráðgjafarnefndin telur, að
hrygningarstofn síldarinnar muni
fara niður fyrir 2,5 milljónir tonna
á næsta ári en fyrr á uppbyggingar-
ferlinum var litið á það sem lág-
mark. 1996 á hann hins vegar að
vaxa mikið vegna mjög stórs ár-
gangs frá 1992 og mun hann ráða
miklu um stærðina fram til 1999.
Árgangarnir frá 1993 og ’94 eru
hins vegar litlir.
Ein af ástæðunum fyrir því, að
ACFM vill fara varlega í sakirnar í
veiðinni er sveppasýking í síldinni.
Niðurstöður norskra fiskifræðinga
eru, að um 10% síldarinnar séu sjúk
en rússneskir fiskifræðingar segjast
hafa mælt torfur þar sem allur fisk-
urinn var sýktur. Norðrrienn hafa
þó nokkrar efasemdir um það.
Heildarveiði af Norðursjávarsíld
til neyslu er nú 440.000 tonn en
ACFM leggur til, að kvótinn verði
minni á næsta ári eða 276.000 tonn.
Þar að auki er gert ráð fyrir 127.000
tonnum í bræðslu og 100.000 tonn-
um í annarri veiði. Miðað við þetta
er talið, að hrygningarstofninn verði
1,1 milljón tonn á næsta ári.
ÚR VERIIMU
Aðgerðir vegna vanda smábátaútgerðar
Fiskveiðasjóður beð-
inn að rýmka lánsreglur
SJAVARUTVEGSRAÐUNEYTIÐ
hefur farið fram á það við Fisk-
veiðasjóð að komið verði sérstak-
lega til móts við útgerðir smærri
báta, þar á meðal smábáta á afla-
marki sem hafa ekki haft aðgang
að sjóðnum til þessa.
Þetta kom fram hjá Þorsteini
Pálssyni sjávarútvegsráðherra í
umræðu utan dagskrár á Alþingi
í gær um vanda smábáta á afla-
marki. Þorsteinn sagði gild rök
fyrir því að smábátaútgerð ætti
að sitja við sama borð og aðrir við
ráðstafanir af þessu tagi. Matthías
Bjamason þingmaður Sjálfstæðis-
flokks sagði það ranglátt hvernig
smábátum hefði verið haldið fyrir
utan Fiskveiðasjóð og tók Þor-
steinn Pálsson undir þessa skoðun
Matthíasar.
Gunnlaugur Stefánsson, sem
hóf umræðuna, sagðist óttast að
Vandi smábátanna
ræddur á Alþingi
•breyttar úthlutarreglur Fiskveiða-
sjóðs kæmu að litlum notum þar
sem eigehdur smábáta hefðu ekki
lengur veð til að standa undir lán-
um úr sjóðnum og þörf væri á
sértækum aðgerðum stjórnvalda
til að bjarga smábátaútgerð í land-
inu.
Gunnlaugur sagði að eigendur
þessara báta stríddu nú við mjög
erfiðar og alvarlegar aðstæður
vegna samdráttar I þorskaflaheim-
ildum. Og vegna þess að smábáta-
útgerðirnar hefðu ekki aðgang að
opinberum sjóðum en þyrfti þær
að eiga viðskipti við bankastofnan-
ir og kaupleigur með háum vöxtum
og stuttum lánstíma. Nú væru
bankarnir að herða innheimtuað-
gerðir og gengju hart að útgerðum
bátanna og eignum þeirra.
Kvótakerfið hefur brugðist
Gunnlaugur sagði að kvótakerf-
ið hefði brugðist í þessu máli sem
stjórnunartæki í fiskveiðum því
það hefði ekki skilað sér í auknum
fiskveiðiheimildum. Þorsteinn
Pálsson sagði það rétt að skertar
aflaheimildir hefðu valdið útgerð á
íslandi verulegum erfiðleikum.
Hins vegar væri kvótakerfið ekki
orsökin því að jafn illa væri komið
fyrir þorskstofninum og raun bæri
vitni, heldur hefði Islendingum
mistekist að framfylgja verndunar-
aðgerðum.
Eggert Haukdal þingmaður
Sjálfstæðisflokks sagði að núver-
andi fiskveiðistjórnun væri sprung-
in framan í feður sína og þjóðina
og hefði gersamlega brugðist við
verndun fiskistofnanna.
11. -19. nóvember
Jotun
málning
Jotun
lökk
Litgreiningartölvan
blandar draumalitinn
þinn, sama hver hann er.
Verðdæmi:
Jotaplast 03,10L 3.987 kr.
Jotaplast 07,10L 4.633 kr.

HÚSASMIÐJAN
Skútuvogi 16, Reykjavík
Helluhrauni 16, Hafnarfirði