Morgunblaðið - 01.08.1995, Blaðsíða 12

12 C ÞRIÐJUDAGUR 1. ÁGÚST 1995
MORGUNBLAÐIÐ
ÞEGAR gengið er niður Skógarstíginn frá Breiðhöfða opnast heimur gróðurs og vatns.
Fornilundur
Lystigarður í hjarta
iðnaðarsvæðisins

• > -

‘
KÁRI Lúthersson stendur hér fyrir framan
vegghleðslu úr fornhleðslusteini.
LYSTIGARÐAR eru fá-
gætir hér á landi. Mitt á
iðnaðarsvæðinu í Höfða-
hverfinu í Reykjavík má
samt sjá lystigarðinn Fornalund,
sem vafalaust á sér fáa sína líka
hér á landi. Þetta er 2.500 ferm.
garður, sem B. M. Vallá hefur
komið upp við aðalstöðvar sínar
að Bíldshöfða 7. Þar eru ekki að-
eins stór grenitré, birki og aðrar
algengar tijáplöntur hér á landi
heldur einnig fágætari tegundir
eins og þingvíðir og eplatré.
Garðinn prýða jafnframt hellu-
lagðir stígar og stéttir, rósabeð
og tjörn með gosbrunni. Fallegt
garðhús, bekkir, vegghleðslur og
ljósker gefa umhverfinu friðsælt
og rómantískt yfirbragð. Viðbrigð-
in eru því mikil, þegar gengið er
af götunni, úr skarkala bifreiða
og vinnuvéla, inn í Fornalund.
Þessi glæsilegi garður á sér
nokkum aðdraganda, en hann er
hannaður af Guðmundi R. Sig-
urðssyni landslagsarkitekt að evr-
ópskri fyrirmynd. Áður stóð á
þessum stað bærinn Hvammur og
lagði ábúandinn, Jón Dungal, þar
grunninn að fallegum trjálundi.
Hann ræktaði ýmsar sjaldgæfar
plöntur, stundaði rósarækt og
reyndi kynbætur á plöntum. Þessi
tijálundur varð svo uppistaðan að
fyrsta áfanga Fornalundar, en þar
var þess gætt að fella ekki eða
færa eitt einasta tré. Garðurinn
hefur síðan verið stækkaður í
áföngum og nú fyrir skömmu var
þriðji áfanginn tekinn í notkun.
Gróðurvin og
sýningarsvæði
Nú er garðurinn orðinn um
2.500 ferm. að flatarmáli. En
garðurinn er ekki bara gróðurvin.
Hann er jafnframt sýningarsvæði,
þar sem sjá má í réttu umhverfi
flest það, sem B. M. Vallá hefur
upp á að bjóða i steinum, hellum
og 'flísum fyrir garða og lóðir. Þar
er úr miklu að velja.
— Með því að ganga um garð-
inn, má fá margar skemmtilegar
hugmyndir til þess að prýða hjá
sér garðinn eða lóðina, segir Kári
Lúthersson, sölustjóri steinaverk-
smiðju B. M. Vallá. — Hér má sjá
Fyrir skömmu var tekinn í notkun nýr hluti
lystigarðsins Fomalundar, sem B. M. Vallá
hefur komið upp við höfuðstöðvar sínar að
Bíldshöfða 7. Hér flallar Magnús Sigurðs-
son um garðinn, sem er jafnframt sýningar-
svæði, í viðtali við Kára Lúthersson, sölu-
stjóra steinaverksmiðju B. M. Vallá.
Fornhleðslu-
steinninn hef-
ur endurvakið
steinhleðslur í
görðum.
Veggbrunnur
og óðalsteinn
skapa stemmn-
ingu liðinna
tíma.
Morgunblaðið/Árni Sæbcrg.
svo til allar steina- og hellutegund-
ir, sem í boði er hjá fyrirtækinu.
— Það er tilvalið fyrir fólk að
koma og skoða garðinn, enda þótt
það komi ekki gagngert til að
skoða hellur eða annað af því tagi,
heldur Kári áfram. — Þetta er
mjög gróðursæll og aðlaðandi
staður og það getur tekið 2-3
klukkutíma að ganga um hann til
þess að skoða hann rækilega.
Garðurinn er líka áhugaverður
fyrir marga, sem áhuga hafa á
garðyrkju, því að hér eru margar
tegundir af plöntum, sem sjaldséð-
ar eru hér á landi.
Margir telja sig hafa mikið gagn
af því að ganga um garðinn. Þá
sjá þeir af eigin raun, hvernig
steinar, hellur, timbur og gróður
geta runnið saman í fallega og
heilsteypta mynd. Sumir finna þá
gjarnan það, sem hentar þeim.
Þeir sem ekki finna neitt við hæfi,
geta pantað tíma hjá landslags-
arkitekt okkar og fengið hjá hon-
um ókeypis ráðgjöf um, hvernig
best er að skipuleggja garðinn hjá
sér. Það gera þeir án skuldbinding-
ar, en oftast finna þeir, sem hing-
að koma, það sem þeim hentar.
Margs konar mynstur
Úrvalið er mjög mikið og í garð-
inum má sjá margs konar mynst-
ur, sem sjást óvíða annars staðar.
Áherzla er lögð á samræmi. Gróð-
ur, hellur, trébekkir og aukahlutir
eins og ljós falla mjög vel saman,
þannig að ósamræmi finnst hvergi.
Eftirsóttasti steinninn í garða
og innkeyrslur er að sögn Kára
svokallaður borgarsteinn. Grunn-
breidd hans er 16 cm en lengdirn-
ar eru 12, 16 og 24 cm. Steinninn
eru fluttur í þessum lengdum á
bretti til kaupandans, sem síðan
tekur steinana beint af brettinu
og leggur þá niður á fyrirhugaðan
stað.
— Þessi steinn hefur notið mik-
illa vinsælda bæði á meðal ein-
staklinga og fyrirtækja, segir
Kári. — Ástæðan er sennilega sú,
að steinninn er mjög auðveldur í
meðförum og flestir ef ekki allir
geta lagt hann sjálfiit
Borgarsteinninn er til í mildum
jarðbrúnum eða hnotubrúnum lit,
en þessir litir fara yfirleitt vel sam-
an við gróður, timbur og hús. Fer-
metraverð á þessum steini er nú
1.890 kr. — Miðað við hvað þessi
fjárfesting er til langs tíma, þá
er þetta ekki hátt verð, segir Kári.
— Ending steina og hellna er mjög
mikil samanborið við önnur efni
sem bjóðast.
B. M. Vallá hóf steinafram-
leiðsluna fyrir liðlega tíu árum. —
Þá var úrval af garðsteinum og
hellum mjög lítið hér á landi og
það ríkti nánast stöðnun á þessu
sviði, segir Kári. — Nú er öldin
önnur og úrvalið afar mikið. B.
M. Vallá hefur kynnt að minnsta
kosti einn nýjan stein á hveiju ári
undanfarin sex ár og árlega kom-
um við fram með fjölmargar nýj-
ungar á öðrum sviðum. Eftir því
sem úrvalið eykst og fólk sér fleiri
möguleika, eykst sköpunargleði
þess og þá fær hún virkilega að
njóta sín.
Nýjar tegundir kalla á
nýjar hugmyndir
— Nýjar steinategundir kalla
líka fram nýjar hugmyndir, sem
síðan gefa tilefni til þess að fram-
leiða enn nýjar gerðir, heldur Kári
áfram. — Úi-valið í hellum og stein-
flísum gefur steinaframleiðslunni
ekkert eftir. Steinflísarnar má
bæði nota innan dyra og utan. Það
má bera á þær og loka þeim, þann-
ig að auðvelt sé að þrífa þær inn-
andyra og úti á veröndinni má
hafa annan lit en inni. Margir
hafa notað náttúrstein með þess-
um hætti, en steinflísarnar frá
okkur hafa það fram yfir náttúru-
steininn, að þær eru ódýrari.
Að sögn Kára hefur umfang
steina og hellugerðarinnar verið
að aukast ár frá ári, en eftir sem
áður er sala á steinsteypu aðal
þátturinn í starfsemi fyrirtækisins.
— B.M. Vallá hefur framleitt
steypuna í stóran hluta þeirra
húsa, sem byggð hafa verið á höf-
uðborgarsvæðinu í um 40 ár, seg-
ir Kári. — En með steina- og hellu-
framleiðslunni höfum við einnig
hafið framleiðslu á steyptum hú-
seiningum, sem eiga vafalítið
mikla framtíð fyrir sér.
í Fomalundi er fallegt garðhús,